5 10 15 20

36. Balade: «Par vo douceur, tresbelle et bonne nee» C’est a trestous que vous semblez si belle Qu’on ne pourroit vo pareille trouver. C’est a trestous que vous ressemblez celle Par qui amours se doivent gouverner. Pour ce chascun se vuelt a vous donner Et vous servir d’amoureuse pensee. Nul ne vous voit qui ne vous vueille amer Par vo douceur, tresbelle et bonne nee. Et quant vo face, clere et nouvelle, Vuelt de ses yeulx aucun pou regarder, Son doulz regart trespasse et estinceller Si que les cuers fait de chascun fermer. En vostre amour nul ne se puet garder. Et quant vous estes ainsy de tous amee, On vous doit bien servir et honnourer Par vo doulceur, tresbelle et bonne nee. Quant est de moy, je suiz cilz qui s’appelle Vostre du tout. Vous me povez mander, Non obstant que si grande querelle Ne deusse pas emprendre a demander, Car je ne suis digne de le penser, Se vostre grace ne m’en estoit donnee Et qu’il vous pleust mon fait recommander, Par vo doulceur, tresbelle et bonne nee.

36. Ballade: “Because of your gentleness, lady born fair and good” To everyone, you seem so beautiful That one could never find your equal. To everyone, you resemble her By whom all loves ought to be ruled. Thus everyone wants to give himself to you And to serve you with loving thought. No one sees you who doesn’t want to love you Because of your gentleness, lady born fair and good. And when your face, bright and fresh, Wishes to look around a bit with its eyes, Its sweet regard passes about and sparkles In such a way that it makes everyone’s heart resolved. No one can keep himself from loving you. And when you are thus beloved by everyone, One ought well to serve and honor you Because of your gentleness, lady born fair and good. As for me, I am the one who calls himself Yours completely. You can command me, Despite the fact that so great a matter I should not undertake to request, For I am not worthy to consider it If your grace were not given to me And that it pleased you to advance my cause Because of your gentleness, lady born fair and good.

(see note)