fol. 120r 5 10 15 20 25 30 35 40 45 50 fol. 120v 55 60 65 70 75 80 85 90 95 100 105 fol. 121r 110 115 120 125 130 135 140 145 150 fol. 121v 155 160 165 170 175 180 185 190 195 200 fol. 122r 205 210 215 220 225 230 235 240 245 fol. 122v 250 255 260 265 270 275 280 285 290 295 fol. 123r 300 305 310 315 320 325 330 335 340 fol. 123v 345 350 355 360 365 370 375 380 385 390 fol. 124r 395 400 405 410 415 420 425 430 435 440 fol. 124v 445 450 455 460 465 470 475 480 485 490 fol. 125r 495 500 505 510 515 520 525 530 535 540 fol. 125v 546 550 555 560 565 570 575 580 585 590 fol. 126r 595 600 605 610 615 620 625 630 635 640 fol. 126v 646 650 655 660 665 670 675 680 685 690 695 fol. 127r 700 705 710 715 720 725 730 735 740 fol. 127v 745 750 755 760 765 770 775 780 fol. 128r

Allmyghty God in Trinité, Fader and Sone and Holy Goste, That is one God and persones thre, O stedfast God of myghtys moste, Gyff us grace folys to fle, And wele to lyve, and kepe us chaste So that oure saulys may redy be To God when we schall yeld the goste. He may be callyd wyse and wytty That can wele lyve in this exile. Who so wele lyves and ryghtwysly, He can well dyghe after Godys wyll. He that makys hym to God redy And lyvys welle can nought dyghe ille. Bot no man to dyghe can be herdy Bot he that lyves wele throughe skylle. All our lyve that we here lyve Is nought bot a ded lyvand. And deth is not els to drede Bot passing of this lyve feyland. Fro the begynnying of our chyldhed Ever we be deth dredand; Than is this lyve feyland at nede, For whyll we lyve we be dyghand. Many deyes that lyve cane nought, And many dyghes that dare not dyghe. Bot of deth hath he not dred in thought That can wele lyve and is redy. Thourght bodyly deth the gode are brought To joy, and the ivell grete peyn to dre After the werkys that thei have wrought — Thus seyt the boke that can not lyghe. Deth is of endles lyve begynning, And of dethly lyve the last endyng To them that be of gode lyving. When thei out of this werld schall wend, Than may deth be to them lykyng That in this werld makys God ther frend. Bot it is entré of ther lyving In hell to them that serve the fend. Wherfor, man, if thou wyll lere To lyve wele and ryghtfully, And of gode and evyll hafe knawynge clere, And luf and drede consayve therby, Weynd out every dey of thi lyve here Throught thought, and forgete thi bodye, And behold thre places sere In the other werld of dyverse partye. Ther schall thou se, yf thou loke evyn, Som in joy and som in peynes sted, And here and knaw by ther stevyn What lyve thei have in erth lede. Tho thre placys I wyll nevyn, As I have herd in bokys rede: One is helle, another is heven, And purgatory, that is the thyrd. Tho thre resatys, as we trow, In the other werld be full serteyn. Tyll one of thys thre wend schall thou When deth hath here thi body sleyn. When thou schall wend thou wote not how, And thou schall never come ageyn; Therfor, or thou wend ches thee now Whether thou wyll wend to joy or peyn. Fyrst at helle late thi thought be, To se how synne is vengyd there. In purgatory than may thou se How synne is clensyd with peynes sere. In heven thou schall se grete plentye Of blys that schall last ever more, For them that here throughe hert fre Fro gode werkys wold them not spare. Than after behold the werld law, How full it is of vanyté. And sethyn thi thought ageyn thou draw Unto thiselve and thiselve se, And what thou hast done and what thou aw, What God hath done and doth for thee. And so may thou gode and evyll knaw, And, if thou wyll, lyve ryghtfully. Fyrst, if thou wyll knaw to lyve ryght, Thou schall thi thought send unto helle Ons on the dey or of the nyght Whyll thou here lyves, the fendys to felle. Ther schall thou se thorow gostly syght More sorow and peyn than tong can telle, For synfull men ever redy dyght, That for ther synne ever more schall duelle. All that herte hatys and wold fle Thou schall se ther within helle gate, And of all that peyn is grete plenté, And that peyn schall never abate. Fyre that never quenchyd schall be Is ther with brymston brynning hote. If all the water in the see, If it throght ran, myght not it abate. For as fyre is hotter everywher Than is the fyre that is peyntyd on a wowe, Right so the fyre is hotter ther Than is the fyre that we here know. Yite is ther sych colde ever more, With stormys and wynd that ever schall blow, That if an hylle all brynand were It schuld all turne to ise and snow. Ther is ever smoke and stynke imonge And derknes more than ever was here. Ther is hungour, thyrst, and throng, And ugly fendys of grete powere. Ther is wepyng and dolefull song, Gnastyng of tethe and grysly chere, And other turmentys herd and strong — Mo than herte can think, ferre or nere. Ther is no hope of helpe ne rede To them that duellys in that peyn, Ne of no reles thorow gode dede, For it is endles deth sovereyn. Ther is deth withouten deth, And lyve withouten lyve, serteyn. They dyghe ever lyvand in that stede, And ever more dyghand lyve ageyn. Of all other peynes yit have thei, And grete sorow both dey and nyght: Of the syght of blys that lastys aye That other have in heven so bryght. Fro that syght thei are pute aweye, For that they lyved not here aryght. And that schall thei have to Domes Deye, Bot fro that dey thei schall want that syght. That syght of blysse them comforth nought, Bot echys ther sorow that they have tayne Throught envy that they have in thought; For thei have joy and thei have none. The lest peyn that to them is wrought In helle is more (that never schall wone) Than all the peyn in erth out sought, If thei were all togeder in one. Therfor, the lest peyn in helle, Clerkys seyn, a hundryght parte is more Then all the peynes scherpe and felle Of this werld that grevys sore. For all the peynes here were we duelle, If that they twyse so many were, Solas and joy men myght them telle To regard of the lest peyn ther. When thou hast sene that hydows place And the sorow that ther is withine, Than schall thou have dred, if thou have grace, To do here any dedly synne. For who so folowys the devellus trace And of his wykydnes wyll not blynne, Bot he amend whyll he have space, The pyne of helle he may hym wynne. De penis purgatorii Yit send thi thought ferthermore To purgatory, where thou may se Saules in fyre bryning all bare For synne unclensyd, and may not fle. In that fire thei schall duell there Tyll that they of synne clensyd be And made als clene as thei fyrst were When thei were baptyst and made fre. That peyn of fyre wher thei duelle Is so mekyll to clens synnes sere, That all the tourmentys scherpe and felle That all the martres sufferd here, And the peynes that women sufyr when thei yelle In chyldberyng when deth is nere, As to that peyne are nought to telle Bot as a bath of water clere. That fyre is hotter and more myghty Than the fyre is here and more brynand, As is here the fyre erthly Hotter than the son bryght schynand. In that fyre brynnes saules many, And schall ther be ever duelland To thei be fined clen therby Als is the gold in fyre meltand. Bot thei have ever gode hope in thought Oute of that peyn to wynne aweye, For thei wote wele that they are nought In helle wher peyn is lastyng aye. Bot som tyme thei have unsought So herd peyn both nyght and dey, That thei are oute of mynd brought And can not thinke were are they. Than have thei dowble peyn dyght: One is the felyng of ther peyn, Another is wantyng of that syght Of God that is all joy soverayn. That wante thei both dey and nyght, For that may thei not have serteyn Tyll thei be made both clere and bryght Of all that thei dyde here in veyne. Thus may thou ther, thorow gostly eye, So herd peynes se on dyvers maner That the lest peyn is more to dre Than the most peyn of this werld here. Therfor, clens thee here or thou dyghe Through penans of all thi synnes sere, And els thou schall — withoutyn lyghe — In purgatory them by full dere. De gaudiis celi Afterwerd thi thought up lede And thi herte holy unto heven. Ther schall thou se, if thou take hede, More joy than erthly man can neven. All the clerkys that bokys can rede, And maystyrs of all the scyens seven, Joy that ther is and the mede Couth not rekyn, ne schew by steven. Ther is ever grete fulnes of lyght, Largenes of rowme withouten prese, Myrth that passyth all manys myght, And perfyte lufe that never schall sesse. Ther is soveren sykernes dyght, And sykernes, pessabulnes, and pese, Pesabull joy with lykand syght, Joyfull sykernes with full grete ese. Ther is syker and endles beying And endles joy is in that place, Blessyd surans of lastand duellyng, And endles syght of Godys face. Ther is lovely chere and laughyng, Synging and lyking of diverse solas, And loutyng and endles lovyng, And thankyng of mersy and of grace. Ther is all maner of welthes endles, And of all delytes grete plenté. Ther is flowyng of more ryches Than ever myght eye in this werld se. Ther is all thing that gode is, And no maner thing that ivell may be. Ther is more worschype and heyghnes Than ever was here in any degré. Ther is medys of halowys sere, So mykell that non them mesore may, And so many that no man here Can them rekyn by nyght nor dey. They are so presyous and so dere, And of so mekyll nobeleye, And so plentyfull on diverse maner, That no man can them gesse ne seye. Withouten deth, ther is lyve dyght, And lyfe that ever is lastand. Ther is youth withouten elde ryght, And rest withouten suynke folowand. Ther is withouten derknes lyght, And joy withowten sorow duelland. Ther is ever dey and never nyght, And pes withouten stryffe holdand. Ther is lyght and bryghtnes more Than ever hade son when it bryght schon. Ther is grete myrthe as I seyd are, And melody that never schall wone. So mekyll joys are ther, The whych thei have that thedere is gone, That all the clerkys that be of lore Couth not telle a poynte of one. For all the melodys of manys stevyn And all delytes both ferre and nere Were nought bot sorow, to telle evyn, Unto the lest joy of heven clere. For the lest joy that is in hevyn, Of all the joys that ther are sere, Is a hundred fold more to nevyn Than all the joys of this werld here. Therfor, when thou hast heven sene Thorow syght of thi hert fre, At thi synne sore schuld thou tene, That pute thee fro that feyre cyté. For all if hell schuld never have ben, And synne schuld never avengyd be, Yit schuld thou desyre to kepe thee clene, That joy to have and God to se. What man schuld lese that joy and blys, (If he of hymselve wold rew) That God hath hyght to all hys That serve hym here with herte trew? For sykerly I dere sey this: And if a man that joy ryght knew, He hade lever, or he schuld it mysse, Every dey to be sleyn new. When thou thorow syght of thi herte fre Hast sene that joy, thou schall loke don And behold this werld and se That werldly men to serve are bowne, The whych is full of vanyté, Of wrechydnes and courrupcyon. Than schall it seme not els to thee Bot as a depe and derke dongeon. De miseria mundi For it schall seme unto thi syght Bot derke and lothe, and lytell and lawe, Unto the regard of heven so bryght That thou so merkyd and feyre sawe. It schall seme voyd of all gode ryght That mans herte myght to lykyng draw, To the rygard of the plenty dyght Of godys that are in heven to knaw. All werldly ryches both more and les Thow schall thinke fowle and muke stynkand, To the rygard of hevenly ryches That is so reyre and never feyland. And also the joy and the gladnes Of this werld sorow schall be semand, To regard of the joy that is In heven withouten ende lastand. Al the wytte of this werld to lere Thou schuld thinke than opyn foly, To regard of wysdom clere In heven ther God is almyghty. All delytes of this werld here Thou schall thynke wrechydnes therby, To regard of delices sere That are in heven with melody. All the worschyppe of this werld waste Scham and schenschipe schall seme to thee, To regard of the worshipe moste In heven that we so feyne wold se. All that the werld desyres in haste Thou schall thinke vayne and vanyté, To regard of thynge for to tayste That fallys to hevyn were we wold be. If thou wylle behold on this wyse, When thou thes joyes have fully sene, The werldys joys are bot fantyse, And ever desavable yit hath ben. That syght schall styre thee to dysplese And forsake the werld bedene, And to God entend and his servyse, And fro synne here to kepe thee clene. When thou hast sen thus heven and helle, And purgatory, and joy and peyne, And the febull werld were we duell, That som men loveth and serve in veyn, Behold thiselve than, flessche and felle, And this wrechyd werld unserteyne. When thou hast done as I thee telle, Thou turne unto thiselve ageyne. And bethynke thee than what arte thou, And fro when thou com in herte thou caste. And thinke also what arte thou now, And wher thou arte, with herte stedfast, What thou schall bethinke on and trow, And whyder thou schall wynd at the laste. For thi lyve here, I dare avow, It is bot as a wyndys blast. Quid fecisti Fyrst schall thou thinke and know in thought What thou was fyrst or thou come here. Some tyme was that thou were nought To fele ne se ferre ne nere. And sethyn were thou conseyved and wrought Of a porsyon of fowle matere, And within thi moder brought Ryght on a foule, lothsom maner. Unde venisti Whethyn thou com thinke also: Thow com fro thi moder wombe ryght, Out of a lothsom, stynking wro That derke was, withouten lyght. Than were thou weyke and myght not go, Naked and pore withouten myght, And brought nothing with thee therfro Bot a skyne all blody dyght. Quid es Thinke what thou arte now and se: Thou arte bot stynkand slyme withine, And a sake full of fylthe pryvye That over is coveryd with a skyne. Fowler fylth may here non be Than comes of thee, both thyke and thine. Ther comes non other fruyt of thee Bot only fylth, stynke, and synne. For if thou wyll se on every partye What comes fro thy mouth and nose, And fro other partys of thi body When thou lyst here thi body es, A fouler donge hyll of thi body Saw thou never in lond of pese Than thou arte here within namly; Therfor, begyne thi pride to sese. Ubi es Thinke wher thou arte and know in hast: Thou arte here in a exile sene — That is the werld that thou lovyst most, That fykyll is and ever hath bene. Thou arte in a dale of sorow to tayst, Full of travell, tarye, and tene. Thow arte in a wyldernes weyst, Full of lyons and lyberdys kene. Thou arte as in a forest duelland Full of robers and of theves. Thou arte as in a se flowand Full of wawys and stormys that grevys. Thou arte as in a ovyn brynand Full of fyre of synne that grevys. Thou arte as in a uncouth lond Full of angres and of myschevys. Thou arte as in a feld of batayle Were thou must with thi enmys fyght. Bot thes thre wylle thee most aseylle: Thy flessch, the fend, and the werld ryght. They wyll not lette for no traveyle To asayle thee both dey and nyght. And thou fyght fast thou schall not feyle To overcom them thorow Godys myght. Quid eris Thynke also what thou schall be When thou schall wend of this werld awey: Thou schall be wormys mete to se, And rotyn erth and stynkyng cley, And deth schall com to aseyle thee. Than schall thou be the Dethis pray, Yit schall thou have no sertenté Of his comyng be nyght ne dey. Quo ibis Wheder thou schall go, bethinke thee tyte, And for thi wending thou ordeyn. Out of this werld than thou schall flyte, And never more to com ageyn. Thy body schall be leyd in a pyte; Of thi saule thou arte nought serteyn. Whyder thou schall wend thou may not wyte, Whether thou schall to joy or peyn. Thus all thi lyfe and thi lyving Is full of synne and wrechydnes sere. How may thou laughe, danse, or synge In syche a lyve, or make gode chere? Me thinke thou aught to have no lyking, Ne make no joy whyle thou arte here, Bot lyve in drede and have desyring To endles blys that most is clere. After that, bethinke thee ryght What God hath done and do for thee, And what he doth for thee dey and nyght One diverse manerse as thou may se, And what he schall do to thee thorow his myght, And mercy ther thy hope schuld be. Than may thou knaw thorow thi insyght How myghty and how gode is he. Quid fecit tibi deus Thow schall thinke fyrst in thi thought What for thee that God hath done. Fyrst, heven and erth for thee he wrought; Water and eyre, and sone and mone, Bestys and treys that frute forth brought For thi prophyte he ordeynyd ryght. And thy selve he made of nought — Bot on thes werkys thinkys thou full lyght. Thinke how thou were dampnyd unto helle For synne, how he thee bought ageyn. For thee he com in erth to duelle Wher he sufferd passyon and peyne. For thee hade he sore wondys and felle, For thee his body was rente and fleyn. And if thou wyll his wondys telle, Here may thou knaw the nombyr serteyn: Fyve thousand, as I wene, And four hundreth and fully sexty, For thee he sufferd, and fyfften, In handys and fete, hede and body. Fro his crowne nought hole was sene To the sole of his fote, bot all blody, And dyghed at the last, els had thou bene Dampned to helle withoutyn mersy. Thinke what God doyt to thee aye, And for thee doyht on diverse maner: He savyth thee here both nyght and deye Fro all myschevys and perels sere. He sendys thee grace were-throught thou maye Do wele and susteyn thee here, And in all that thou schall do or sey He gyffes thee strenth and wyte clere. When thou schall anything begyne, Withouten God thou may not spede. Thou may nother go ne rynne, Bot he uphold thee and thee lede, Nor yit styre hond ne lyppe ne chynne, Ne lymbe withouten hym in nede. For what thou doyst withouten synne, Thou may call it only Godys dede. Every dey for thee and for thi mete He multyplies of his godnes Foules and fyssches small and grete, Both bestys, treys, frute and gresse. For thee he sendys both dryghe and wete, Some tyme more and some tyme lesse, Some tyme cold and som tyme hete That most to thee sesonabull es. Quid tibi faciet in fine Thinke what he schall at the last do to thee When thou arte went henne aweye. If thou love hym with thi herte fre And serve hym treuly to paye, He schall thee bryng to that contré Ther never is nyght bot ever is dey, Wher thou more joy and blysse schall se Than hert may thinke or tong can sey. That contré is his awne kyngdom, Wereof he schall thee his eygher make If thou the fend here overcom Thorow gode lyve, and synne forsake. Bot if thou to God be unbuxome, And wykyd use and synne to thee take, Thou schall wend, for that custome, To hell ther peyn schall never slake. Quid deo fecisti anime et proximo tuo1 Thinke than after and forgete nought What synne thou hast don and folye. Fyrst, what unkyndnes thou hast wrought And despyte to God allmyghtye, And what schendschipe thou hast sought To thyne awne soule and vylonye, What herme, what wrong, that thou hast wrought To thi neyghbour that duelyd thee bye. Thinke what unkyndnes, if thou may mene, Thou hast to God don and dyspyte. Fyrst, how unbuxom thou hast bene To hys byding, bethinke thee tyte. How thi love to hym is not sene, And hath not servyd hym with delyte, Bot grevyd hym with werkys unclen — Of that unkyndnes thou arte to wyte. Quid anime tue fecisti Also what schame and vylonye Thou doyst thi soull, bethinke thee swythe: How foule thou makyst it and uglye Thorow syn that thou doyst here oft sythe, How pore, how nakyd and how nedye Of all gode that schuld make it blythe, How thrall thou makys it to thi bodye, That to thi sawle schuld serve swythe. Quid proximo fecisti Thynke what wronge thou hast don and scathe To hym that is thi neyghbour kyde, In body or in catell bothe, In sclander of soule, if it betyde, Or in other wyse has made hym wrothe. Make amendys if thou thus dyde, Or els thi saule is in grete wathe; For nothing may fro God be hyde. Quid facit peccatum ante et post mortem Yit behoveth thee know and se, And have in mynd in every stede What synne befor doyt to thee Whyles thou lyvand on erthe may trede, And what herme synne may to thee be Sone folowyng after thy dethe. So schuld thou synne both hate and fle — Thys were to thee a syker rede. Fyrst, knaw and se what doyth synne Befor thi deth whyle thou here lyves. Synne wondys thi soule withoute and ine, And drawys it to peyn that grevys. Synne makys thi saule withine Blake as any pych that clevys. Synne makys God and thee to twyne, And putys thee to grete myschevys. Synne makys thee folow the fendys trace, And all thi gode werkys makys frutles. Synne drawys thee fro gostly solas And vertues that passyth all ryches. Synne wastys all godys of grace, And levys thee voyd of all godnes. Synne makys thee here helle to purches, To have at the last, were peyn ever es. Quid facit peccatum in morte Thinke also, and thou may lere, What synne do thee at the dethes stoure. Synne depriveth thee of this lyve here, Of all welth, myght and honour. For solas and joy in no maner Getys thou never after, ne favour, Bot endles peyn with sorowys sere, Bot thou amend thee of all errowre. Synne privys thi soule than allso Of thi body with mekyll care. Yif all thei efte togeder go, Thy body so feyre schall never be more, For at the metyng of them two, Thy soule schall se it so ugly fare, That syche a body as it went fro It wolde have that it roten were. Thynke also and understond ryght What synne schall do thee after dede. Synne schall draw thee fro that syght, Fro God and fro all hys Godhed. Synne schall reve thi soule hys myght, And make it weyke and hevy as lede. Synne schall pute thee fro rest and lyght, Fro mersy and helpe and rede. Synne schall thee to endles peyn lede In helle that hydous is and dyrke. Synne putte thee fro all mede And fro all the helpe of holy kyrke. Synne schall weyst all thi gode dede That thou ever wrought or ever wold wyrke. Synne thus schall do, bot if thou Gode drede And forsake synne and with it yrke. Quid gratia dei facit et vertus et bonum opus2 Afterwerd, thinke in thi thought What grace may do that schall not feyle, And vertues doth throw grace wroght, And what god werke may thee aveyle. When thou hast thus in thi mynd sought, With them thi saule thou schall vytayle. And of all the synnes that ever thou wrought, Make amendys be gode conseyle. Fyrst, thou schall thinke and understond, With stedfast thought and hert stabull, What grace may do thee here lyvand If thou to grace wyll make thee abull. Grace settys thee wele in god lastand And makys thee to God acceptabull. Grace may make thi herte holdand To that thing that is most prophetabull. Grace may make the bondys of synne to slake And fully lyght thi hert withine. Grace may make thee fore Godys sake To suffure angres, hys love to wyn. Grace may thi werkys medfull make And wynne agene that thou lost for synne. Grace may thee make the ryght wey take To hevyn ther blysse schall never blyn. Thinke also, when that thou may, What vertu doyt and what it spedys. Vertu puttys fonding awey And multyplys all gode dedys. Vertu makys thee nyght and dey To delyte in God that thy soule fedys. Vertu aventys God and thiselve aye, And to thi neyghbour that thi lyve ryght ledys. Vertu kepys thee fro foule bryning And fro the foull desyring of pride, And fro the water of lust and lyking, That thou not in them long abyde. Vertu thee kepys fro foule desyring And fro the cley of lechery for to se, And fro the thornes in diverse thingys Of covetys that they not ryve thee. Quid facit bonum opus Thinke also bothe dey and nyght What gode werke doyth were it is wrought. Gode werke stabullus vertue ryght, Encresys thi med and stablys thi thought. God werke putys oute thorow myght And fordoyt syn that thou arte in brought. God werke strenth thee to fyght With the fend, that he overcom thee nought. Gode werkys wrought in charyté Is hold medfull and serteyn, And that be thingys thre: One is the endles lyve sovereyn, Another the encresyng of grace so fre, The thyrd of forgyffnes of peyn. Thus may gode werkys aveyle thee If thou with charyté it ordeyn. Bot gode werkys, thou schall understond, Withouten charyté may nought aveyle As to the lyve that is ever lastand. Bot tylle one of thes foure it schall not feyle: Or it schall soner breke thi synne bonde, Other les the sorow that thee schuld ale, Other make thi welth here more flowand, Other more lete the fend thee to aseyle. Over that, thinke how mekyll it is, The godnes of Godys mersy And the reddoure of his ryghtfulnes, How mekyll it is on every party. So schuld that make thee to love the lesse, And werldly welth late passe lyghtly, And les to desyre honour and ryches, And more to love and dred God allmyghty. Quanta est opera misercordie dei Fyrst, thou schall thinke how mekyll is sene The godnes of Godys mercy fre. His mercy is mor than any can deme, And passyth all synne that ever may be; For if thy synne were more to mene Than ever was done in any contré, God wyll forgyff it all bedene Thorow mersy, if thou wyll repente thee. Mercy profers of hys offyce To gylty forgyvenys of synne sere. Mercy schewys dyverse benyfyce That man resavys of God here. Mersy here hetys hevynly delytes To all that to God are leffe and dere. Mercy delyvers men of vyces And savys them fro perels that be nere. Of mersy God us here abydys Soverandly when we do wronge. Of mersy vengeans fro us he hydys And gyffys us frely grace amonge. Of mersy he multyplyes on all sydys That he us gyves, wereso we gonge. Of mersy he kepys us, what so betydys That he hath multyplyd to last long. Of mersy God wyll ageyn calle Them that turnes fro hym with ylle. Of mercy God wyll reseyve them alle That turne ageyn unto hys wylle. Of mersy he makys oure hertys smalle And mekly penance to fullfylle. Of mersy this tyll hym schuld falle: To forgyve wreth, that we not spylle. Of mersy God sendys angers sere, For synne schuld be clensyd therby. Of mersy he gyfys welthys here To make us to love hym of curtasy. Of mersy he gyves us, withouten were, Sacramentys to make us worthy. Of mersy he wyll that we lere His comandmentys for mede gostly. Of mersy God them ledys ageyn That wrong goth by dey or nyght. Of his mersy that is serteyn He ledys them evyn that hath no lyght. Of mersy to helpe us uppe he is feyn When we are falne and wanten myght. Of mersy that wylle he nought leyn He them upholdys that stondys upryght. Also thinke with herte stedfast, When thou wote what Godys mersy es, How mekyll schall be, if thou can cast, The reddoure of his ryghtfulnes To them that schall be at the laste On Domys Dey dampned more and les, After the dredfull bemys blaste, As wytneses the gospell in the messe. Than schall God hys mersy hyde Fro synfull men that are gylty; His ryghtwysnes thei schall abyde And demyd be as thei are worthy. Than schall thei stond on his left syde Withouten hope of his mersy, And helle schall than opyn wyde And suelew that synfull compeny. For thei wold nought unto the pore That for myscheve nyghe gon spylle Nother to non other neyghbor Mersy do here with gode wylle, They schall be dampned thorow reddour Of ryghtwysnesse to fullfylle, And have endles peyn withouten mesure, Withoute mersy — and that is skylle. Ryghtwysnes with mersy is aye In all gode werkys, as schewys he. Bot some tyme the one is by some wey Opyn when the other is privey, And som tyme both se men may, And some nother may men se. Bot ryghtwysnes schall at the last dey Be scheweyd, and mersy schall hyde be. Item Thomas Alquinus dicit quod misericordia est aperta et justicia occulta in justificacione impii et justicia est aperta et misericordia occulta in dampnacione et punicione parvulorum sine baptismo decedencium.3 Mersy is schewyd ryght, as I wene, And ryghtwysnes is privy and stylle, When a wyked man of synne is clene And made ryghtwys thorow Godys wylle. Bot ryghtwysnes is opynly sene And mersy is hyde, for serteyn skylle, When childer uncrystend dampned bene To helle forever, that never dyde ylle. Utraque est occulta ut in tribulatione justorum et innocentium, sicut fuit in tribulacione Job et innocentium et in infirmitatibus parvulorum; utraque est aperta ut in remuneracionem justorum et in dampnacione impiorum. Nam Deus remunerat justos super meritum malos autem punit citra condignum quod est misericordie quod est in celo et in terra et in inferno et ubique et cetera.4 Ryghtwysnes and mersy tyte Are bothe hyde and holdyn doune When innocentes and men perfyte Sufer here persecusyoun. Bot both are schewyd in a plyght, Thofe thei have dyverse condecyon, When God to gode ther mede schall quite And to evyll peyn and dampnacyon. For God to gode grantys more mede In hevyn than thei servyd fully, And to evyll, for ther mysdede, Les peyn in helle than thei are worthy. Thys is grete godnes of God to rede That thus doth therof his mersy. Thus schall mersy, tho it here sprede, In heven and helle beth ay myghty. Si autem deus justis et malis probuit servis merita sua videlicet, bonis bona et malis mala, hoc esset justicie et non misercordie dei.5 Bot if God schall yeld every man After the werkys that he hath wrought, Gode for gode as he welle cane, And evylle for evylle fully sought, Fro that tyme that his lyve begane Of alkyns werke fully sought, The ryghtwysnes of God were thane Only schewyd, and mersy nought. Now have ye herd a gode lesson Of diverse maters that ye schuld lere; With gode wylle and devosyon Both dey and nyght, on this maner, Makyth it your medytacyon. Hold it in mynde whyll ye are here, And fle fro veyn ocupacyon; Than may ye make your lyvyng clere. Do now as ye have herd me seye, And for the love of our Lord Jhesu, For hym specyally that ye wyll praye, That this tretys in Inglyssche drew, That he hym yeld, that on Gode Frydey, The Jues nalyd on the rode and slew, And graunte hym lyve that lastys aye, In heven wher joy is ever more new. EXPLICIT STIMULUS CONCIENCIE MINOR. NUNC SERMONEM FECI DA MICHI QUOD MERUI.6

(see note) greatest might sins (follies) give up the ghost (die); (see note); (t-note) intelligent (see note) righteously confident Except; knowledge living death failing (feeble) life We are always dreading death failing in times of need dying die who know not how to live; (see note) (t-note) (see note) Through to suffer According to the deeds says the beginning of endless life (t-note) shall go pleasing to them Who entry fiend (devil) learn (see note) love; experience Depart [in your mind]; (see note) (t-note) distinct look steadily hear; voice name Those three places; trust To before you go choose avenged (repaid) diverse those who on earth with generosity, Did not spare themselves from low then ought Once a day or at night [in order to] overcome the fiends; (see note) forever readily condemned dwell [there] the heart hates hell’s gate burning hot quench it; (t-note) (see note) wall; (t-note) (t-note) (see note) were burning therein; (see note) (see note); (t-note) misery; (see note) (see note) Gnashing; grim countenance hard More counsel; (see note) release (see note) living; place dying Yet of all other pains [that] they have And [a] great sorrow forever; (see note) are cut off Because they lived Judgment Day shall lack increases; obtained they [in heaven] have joy least; (see note) wane (see note); (t-note) Learned men say is a hundred times greater sharp and fierce where; (t-note) Pleasure; consider In comparison to hideous path cease; (t-note) Unless; time Of the pains of purgatory; (t-note) (t-note) [who] may not cleanse (expiate) diverse sins (see note); (t-note) martyrs (t-note) (see note) (see note) sun brightly shining Until; refined (see note) to escape unexpected; (see note) (see note) prepared [for them] That [sight] (t-note) endure; (see note) individual (many) buy them dearly (pay dearly for them); Of the joys of heaven; (t-note) name; (see note) seven sciences reward explain by voice room; press (crowding) security pleasing (see note) assurance (certainty) rejoicing; enjoyments; (t-note) bowing (kneeling) [in reverence] (see note) honor many hallowed fields magnificence (splendor) secured labor following as I said before wane they who have gone there have who are learned a small part; (see note) man’s voice tell truly name be sorely angry lose pity promised (t-note) He would rather, lest he miss it are ready to serve That which (t-note) On the mercy of the world; (t-note) loathsome; low (wretched) In comparison to thus observed and clearly saw; (t-note) might attract man’s heart In comparison to the prepared bounty; (t-note) goods (t-note) stinking muck rare; failing shall seem sorrow (t-note) knowledge; to learn open folly many delights empty Shame and disgrace eagerly That belongs to; where we wish to be (see note) deceptive (unreliable) stir (cause) you to be displeased immediately incline (t-note) flesh and skin (i.e., the body) (t-note) consider trust where you shall go What were you made of; (t-note) before you; (t-note) (see note) [Able] to feel nor see (see note) portion of foul matter From whence you came From where; (t-note) cramped place weak (see note) skin made all bloody What you are; (t-note) (see note) sack; hidden filth; (see note) part (aspect) When you wish to ease your body here namely (truly) begin to limit your pride Where you are; (t-note) haste (readily) seen; (see note) experience labor, struggle, and anguish desolate; (see note) leopards (see note) surging sea; (see note) waves agonies and afflictions (see note) (see note) cease for any consideration But if you fight; (t-note) What you will be Death’s prey (see note) Where you are going; (t-note) immediately plan for your departure fly you may not know will [go] great wretchedness pleasure have desire does In diverse ways What God has done for you; (t-note) profit (use); (see note); (t-note) wounds sore and fierce torn and flayed; (t-note) wounds count I believe; (see note) nothing whole (without wound) or else (lest) does to you always misfortunes and perils diverse through which you may succeed neither; run stir (move) whatever you do; (see note) food (see note) trees; grass dry hot is What he will do to you in the end; (t-note) gone hence to repay him Where heir fiend disobedient; (see note); (t-note) wicked habits; (t-note) where; cease (t-note) disgrace remember (consider); (see note) disobedient immediately not seen (i.e., not made visible) consider What you have done to your soul; (t-note) quickly (readily) often times (t-note) readily; (see note) What you have done to your neighbor; (t-note) injury your known neighbor in property slander (t-note) danger What sin does before and after death; (t-note) [More] yet; (see note) circumstance (situation) does living; tread harm Soon reliable counsel; (t-note) wounds; inside and out clings part fiend’s path spiritual comfort goods (qualities) What sin does in death; (t-note) if you might learn throes of death (t-note) diverse (many) Unless deprives they again came together turn so ugly; (t-note) would have [preferred] (see note) rob; its counsel hideous and dark spiritual reward holy church destroy (squander) be disgusted with it (t-note) virtues do through grace performed good work may benefit you nourish here while you live worthy lasting good holding (following) (t-note) slacken troubles profitable end assists temptation nourishes praises; always; (see note) guides your life rightly burning (see note) spring (watering place); pleasure; (see note) (see note) greed; rob What good works do; (t-note) where it is performed; (t-note) steadies your reward overcomes strengthens counted worthy and secure by three things noble; (t-note) (t-note) perform In regard to the life (i.e., it will still perform one of these) Either; sin’s bond; (t-note) Or lessen; affliction flowing (multiplying) prevent the fiend rigor; righteousness in every degree (t-note) How great the work of God’s mercy is; (t-note) estimate consider completely provides by its authority diverse sins reveals diverse benefit receives promises loved and dear; (t-note) (t-note) endures Excellently (In noble fashion) [Because] of mercy he hides vengeance continually (everywhere) What he gives us, wherever we go whatever happens; (t-note) That he has extended to be long lasting (t-note) (i.e., humble) to him belongs wrath; perish great troubles So that sin without doubt learn spiritual reward go wrong even those who have no light (are blind) eager fallen; (t-note) lay aside you know ponder rigor; righteousness Judgment Day trumpet’s gospel testifies; (t-note) await judged as they deserve swallow Because; (see note) misfortune; nearly died (t-note) rigor To satisfy justice that is reasonable always Visible; hidden; (see note) men may see both sometimes neither (t-note) be hidden (see note) as I believe hidden and quiet for certain reason children unbaptized readily in agreement (indeed) Though to [the] good their reward shall pay deserved consider increases forever supreme; (see note) give (judge) According to the works he has done fully considered Of every kind of work; (see note) then (see note) (see note) pure (see note) [For he who] translated this treatise he requite him, [he] who nailed on the cross; (t-note) (see note); (t-note)