5 10 15 20 25 30 fol. 27r 35 40 45 50 55 60 65 70 75 fol. 27v      80 85 90 95 100 105 110 115

Bytwyx two knyghtys beyond the se Fell a gret conteke to be. Bytwyx them fell syche wreth and wo, That the one weyted the other to slo. This sleyne knyght hade a chyld, A doughty bachyler and wyld. This chyld toke hym to rede For to venge his fader dede. He gate hym grete power and myght To besege the other knyght. The other knyght perseyved hym wele, And droff hym to his best castelle. Than was he besegyd so streytly That he durste com out on no party Of al the twelve moneth, with no deseyte, So was he beseged streyte. Messe ne matyns he ne herd, Ne never to the chirch he ferd. And it was in the Lentyn tyde, When men schuld leve wreth and pride. Than fell it on the God Frydey, The knyght that in the castell ley Lukyd out and saw men go To the chyrche to and fro. Barefote to the chyrch thei yede To aske mersy for there mysdede. The knyght thought, “It is long gone That Messe at the chirch I herd none. Whatsoever God for me wyll wyrche, I wyll ryse and go to the chyrche.” He drew of his hose and schone, And dude the gatys be undone. Barefote he yede, as is the gyse, To chirch to here Godys servys. And as he the wey to the chirche name, His enmy sone agens hym came, And seyd, “Tratoure, now schall thou dyghe, And my faders deth full dere abyghe. No werldys gode thee schall save, Bot thou thi deth of me schall have.” The knyght saw non other bote, Bot fell on kneys before his fote, And seyd, “Of me thou have mersy, For hym that lyght in the virgyne Mary And soferyd deth on the rode tre This dey, to save both thee and me, And forgaffe hym that his blod spylte; Right so thou forgyff me that gylte. I ame as a prisonere in this place; I put me now all in thi grace, That Godys grace be on thee lente At the dey of jugemente.” This knyght that was his enmy Herd hym praye so reufolly, And seyd, “Seth thou haste me besought For Jhesu love that dere us bought, And for his moder love so dere, For them I grante thee my powere.” This iche chyld sone doune lyght, And in gode love kyssed the knyght. “We be now frendys that are were wrothe; Go we now to the chyrche bothe, In gowd love and perfyte charyté, For his sake that ordeynd thus to be.” The knyght was glad veraly, And so were all that compeny, That he foregyff them this mysdede, And to the chyrch than both thei yede. Befor the cros thei knelyd doune, In the worschyppe of Jhesus Passyon, For to kysse the crosse that dey, As custom is in Crysten ley. The elder knyght for honour Yede fyrst and kyst hys creatour. After than yede the chyld, That was become meke and myld, With the tokyn he gane hym blysse And knelyd downe the crosse to kys. The crusyfix that there was leyd His arme fro the crosse uppe brayd And clyped the chyld hym betwyx, And sethe he kyssed the crusyfix. All the perysch, bothe olde and yenge, Perseyved and saw that clyppenge And how the crucyfyx hym kyste. Thei saw it all and wele it wyste, And thei thankyd suete Jhesu Of that merakyll and that vertu. Of this chyld was grete selcouthe That the crucyfix kyste his mouthe; Nevertheles yit, iwys, In his herte was mych blys, And all the folke that saw that thing Made to God grete thankyng. Of thes two knyghtys how it betyde The merakyll sprong wele wyde, And every man therof gan tell. Prestys in prechingys therof can spell, So that every man in that contré Lyve well the more in charité, And all men the soner forgave Ther wreth that thei to other have. Sykyr thou be he was ryght wele That God for hym dude sych merakell. A sygne it was of grete love That God allmyghty of heven above Preferd hym to kys so lawly, For he mekyd his herte so hye. Now may ye se God loves them dere That forgyve ther wreth in this werld here; So schall his wreth on hym be sene That here wyll not forgyffe ther tene. Therfore prinsypally I hold it beste For to love pece and lyve in reste. And that it myght so be, Prey we all for charité. AMEN QUOD RATE

Between; (see note) Happened a great argument (feud) such wrath and suffering plotted (ambushed); slay; (see note) young knight; headstrong decided death acquired; (t-note) observed; (see note) withdrew himself in no way For twelve months; truly narrowly went time of Lent set aside Good went; (see note); (t-note) (t-note) Mass; heard any do took off; shoes; (t-note) commanded the gates fashion took pay for worldly good remedy was incarnated cross; (t-note) them who spilled his blood pitifully Since; beseeched i.e., power over you This same; down leapt [from his horse] formerly good (t-note) went religion sign of the cross rose up embraced; (see note) then parish embracing knew; (t-note) wonder Yet nevertheless, indeed became widely known; (see note) began to talk Priests in sermons; speak sooner Sure performed sign; (t-note) lowly (humbly) humbled; high (proud) the wrong done to them (see note) (see note)