fol. 20r 5 10 15 20 25 30 35 40 45 fol. 20v 50 55 60 65 70 75 80 85 90 fol. 21r 95 100 105 110 115 120 125 130 135 fol. 21v      140 145 150

Whosoever wyll thryve or thé Muste vertus lerne and curtas be. For who in yowth no vertus usythe, In age all men hym refusythe. Clerkys that cane the scyens seven Seys that curtasy came fro heven When Gabryell Owre Lady grette And Elyzabeth with her mette. All vertus be closyd in curtasy, And all vyces in vilony. Aryse betyme oute of thi bedde, And blysse thi breste and thi forhede. Than wasche thi hondys and thi face, Keme thi hede and aske God grace Thee to helpe in all thi werkes; Thow schall spede better, whatso thou carpes. Than go to the chyrch and here a Messe: Ther aske mersy for thi trespasse. To whom thou metys come by the weye, Curtasly “gode morne” thou sey. When thou hast don, go breke thy faste With mete and drynke of god repaste. Blysse thi mouthe or thou it ete; The better schall be thi dyete. Befor thi mete sey thou thi grace — It ocupys bot lytell space. For oure mete and drynke and us, Thanke we owre Lord Jhesus. A Pater Noster and Ave Mary Sey for the saulys that in peyne ly. Than go labour as thou arte bownde, And be not idyll in no stounde. Holy scryptour thus it seyth To thee that arte of Cristen feyth: If thou labour, thou muste ete That with thi hondys thou doyst gete. A byrd hath wengys for to fle, So man hath armes laboryd to be. Luke thou be trew in word and dede: In all thi werkes than schall thou spede. Treuth doyt never his master schame; It kepys hym out of synne and blame. The weys to heven, thei ben this tweyn: Mercy and treuthe, as clerkys seyn. Whoso wyll come to the lyfe of blysse, To go these weys he may not mysse. Make no promys bot it be gode, And kepe thou it with myght and mode, For every promys, it is dette That with no falsed muste be lette. God and thi neybores lufe all wey; Welle is thee, than may thou sey, For so thou kepys all the lawe Withoute any fer, drede, or awe. Uncallyd go thou to no counsell; That longys to thee, with that thow melle. Scorne not the pore, ne hurte no man. Lerne of hym that thee tech cane. Be no gloser, nor no moker, Ne no servantys no wey loker. Be not prowd, bot meke and kynd, And with thi better go thou behynd. When thi better schewys his wylle, To he have seyd thou muste be stylle. When thou spekys to any man, Hand, fote, and fynger kepe thou styll than, And luke thou uppe into his face, And curtase be in every place. With thi fynger schew thou nothyng, Nor be not lefe to telle tydinge. If any man sey welle of thee Or of thi frendys, thankyd muste he be. Have few wordys and wysly sette, For so thou may thi worschyppe gete. Use no sueryng nother lyeng In thi sellyng and thi byeng, For and thou do, thou arte to blame, And at the last thou wyll have scham. Gete thi gowd with trewth and wynne, And kepe thee out of dette and synne. Be loth to greve and leffe to plese; Seke the pes and lyfe in es. Of whom thou spekys, where and when, Avyse thee welle, and to what men. When thou comys unto a dore, Sey “God be here” or thou go ferre. Whereever thou commys, speke honestly To syr or dame or ther meny. Stand and sytte not furst withall, Tyll he byde thee that rewlys the halle. Wher he bydis, ther must thou sytte, And for non other change ne flyte. Sytt upryght and honestly; Ete and drinke and be felewly. Parte with hem that sytes thee by; Thus teches thee Dame Curtasy. Take the salt with thi clen knyfe. Be cold of spech and make no stryfe; Bakbyte no man that is awey; Be glad of all men wele to sey. Here and se, and sey thou nought, Than schall thou not to profe be brought. With mete and drynke befor thee sette Hold thee plesyd and aske no bette. Wype thi mouthe when thou wyll drinke, Lest it foule thi copys brinke. Kepe clen thi fyngers, lypes, and chinne, For so thou may thi wyrschype wynne. In thi mouth when thi mete is, To drinke or speke or laugh, iwys, Dame Curtasy forbydys it thee. Bot prayse thi fare wheresoever thou be, For be it gode or be it badde, In gud worth it muste be had. When thou spytys, be welle were Wherso thou spytys nyghe or fer. Hold thi hand befor thi mouth When thou spytys, and hyde it couth. Kepe thi knyfe both clen and scherpe, And be not besy for to kerpe. Clens thi knyfe with som cutte bred, Not with thi cloth, as I thee rede; With any fylth to fowle the clothe, A curtase man he wylle be lothe. In thi dysch sett not thi spone, Nother on the brynk as unlernyd don. When thou sopys make no noyse With thi mouth as do boys. The mete that on thi trencher is, Putt it not into thi dysch; Gete thee sone a voyder, And sone avoyd thou thi trencher. When thi better take thee the coppe, Drinke thi selffe and sett it uppe; Take the coppe with thi hondys, Lest it fall ther as thou stondys. When thi better spekys to thee, Do of thi cape and bow thi kne. At thi tabull nother crache ne claw — Than men wyll sey thou arte a daw. Wype not thi nose, nor thi nos thirlys — Than men wyll sey thou come of cherlys. Make thou nother cate ne hond Thi felow at thi tabull round, Ne pley with spone, trencher, ne knyffe. In honesty and clenys lede thou thi lyffe. This boke is made for chylder yong At the scowle that byde not long; Sone it may be conyd and had, And make them gode if thei be bad. God gyff them grace vertuos to be, For than thei may both thryff and thé. AMEN QUOD RATE

thrive or prosper; (see note) courteous uses (practices) know the seven sciences greeted; (see note) encompassed in time (i.e., early) i.e., make the sign of the cross Comb fare better, whatever you ask for Mass sins meet coming by the way nourishment before takes only a little time Our Father; Hail Mary lie in purgatory as you must in no situation says (see note) what you earn with your hands fly Look prosper never does; (see note) they are these two say do without [these virtues]; (t-note) spirit [a] debt not be hindered by falsehood (see note) Do not offer counsel unasked Busy yourself with what pertains to you who can teach you flatterer; mocker watcher of servants; (see note) (t-note) Until he has spoken courteous (see note) eager to tell news (t-note) swearing nor lying if you do Earn your goods (living); honor loath to grieve; eager to please peace; ease forth; (see note) retinue (company) (t-note) he who rules the hall asks; (see note) bids argue with dignity (respectfully) friendly; (t-note) Share (see note) temperate of speech Slander; absent be put to trial better (see note) rim of your cup indeed your food In good worth (With respect) spit; aware; (see note) courteously (see note) chatter edge as the unlearned (boorish) do sup (eat); (t-note) unrefined fellows plate serving dish; (see note)       a dish for removing items from the table empty gives you the cup; (t-note) (see note) hat scratch jackdaw (fool) nostrils come from churls (are lowborn) cat or hound (t-note) cleanliness (propriety) (see note) Who do not stay long at school learned and known thrive and prosper (see note)