5 10 15 20 25 30 fol. 23r    35 40

Mary modour, wele thou be; Mary modour, thinke on me. Modour and mayd was never none In this werld bot thou alone. Mary modour, mayden clene, Scheld me this dey fro sorow and tene. Mary, out of synne helpe me And out of dette, for charyté. Mary, for thi joys fyve, Helpe me to lyve in clene lyve. For the terys thou letyst under the rode, Grante to me my lyfes fode Wherewith I may me cloth and fede And in treuth my lyff to lede. Helpe, Lady, and all myn, And kepe us ever fro hell pyne. Scheld me todey fro vylony And fro all wekyd company. Thou scheld me fro all werldys schame And from all other wyked fame. Suete Lady, mayden myld, Fro the fend thou me schyld, That the fend me note dere; Suete Lady, thou me were. Both by dey and eke by nyght, Helpe me, Lady, with all thi myght. They that be in dedly synne, Late them never dyghe therin. Pray to thi sone, hevyn kynge, That he send us all gode endyng, That we may thether wend Ther as joy is withouten end. Mary, also I tryst in thee That thes prayers thou wylle grante me; Every dey whyle I ame on lyve, I schall thee grete with Aves fyve, Therto a Pater Noster and a Crede, For to have heven to my mede. God it grante for his pyté, That I may fynd it so be. Amen, Amen, for charyté.

(see note); (t-note) (see note) pure harm five joys; (see note) cried beneath the cross sustenance           hell’s punishment; (see note) disgrace (misfortune) not tempt guard also (see note) a good death go there There where (see note) (see note) reward