5 10 15 20 25 30 35 40 fol. 151v    45 50 55 60 65 70 75 80 85 90 95 fol. 152r 100 105 110 115 120 125 130 135 140 145 150 fol. 152v 155 160 165 170 175 180 185 190 195 200 205 fol. 153r 210 215 220 225 230 235 240 245 250 255 260 fol. 153v 265 270 275 280 285 290 295 300 305 310 315 fol. 154r 320 325 330 335 340 345 350 355 360 365 370 fol. 154v 375 380 385 390 395 400 405 410 415 420 425 430 fol. 155r 435 440 445 450 455 460 465 470 475 480 485 fol. 155v 491 495 500 505 510 515 520 525 530 535 540 545 fol. 156r 550 555 560 565 570 575 580 585 590 595 600

Kyng Orfew Mery tyme is in Aperelle, That mekyll schewys of manys wylle. In feldys and medewys flowrys spryng; In grovys and wodys foules syng. Than wex yong men jolyffe, And than proudyth man and wyffe. The Brytans, as the boke seys, Of diverse thingys thei made ther leys: Som thei made of herpyngys, And som of other diverse thingys, Som of werre and som of wo, Som of myrthys and joy also, Som of trechery and som of gyle, Som of happys that felle som whyle, And som be of rybawdry, And many ther ben of fary. Of all the venturys men here or se, Most of luffe, for soth, thei be, That in the leys ben iwrought, Fyrst fond and forth brought. Of aventours that fell som deys, The Bretonys therof made ther leys Of kyngys that before us were. When thei myght any wondres here, They lete them wryte as it were do, And ther among is Syr Orfewo. He was, for soth, a nobull kyng That most luffyd gle and herpyng. Wele sekyr was every gode herper To have of mekyll honour. Hymselve he lernyd for to herpe And leyd theron hys wytte so scherpe. He lernyd so wele, withouten les, So gode herper never non was. In all this werld was no man bore That had Kyng Orfeo ben before, And he myght hys herpe here, Bot he wold wene that it were A blyssedfull note of paradys, Suche melody therin is. The kyng jorneyd in Tracyens, That is a cyté of grete defence, And with hym hys quen of price That was callyd Dame Meroudys. A feyrer lady than sche was one Was never made of flessch ne bone. Sche was full of lufe and godnes, Ne may no man telle hyr feyrnes. It befelle in the begynnyng of May, When foules syng on every sprey And blossomys spryng on every boughe — Overall wexyth mery inowhe — Than the quen Dame Meroudys Toke with hyr ladys of grete price And went in a underontyde To pley hyr in an horcherd syde. Than the ladys all thre Sett hem under an hympe tre. Sche leyd hyr doune, that comly quen, And fell on sclepe upon the gren. The ladys durste hyr nought wake, Bot lete hyr lyghe hyr rest to take. Sche slepe welle fer after the non, To the undryntyde were gon. And when that ladys gan hyr wake, Sche cryed and grete noys gan make, And wrong hyr hondys with drery mode And crachyd hyr vysage all on blode. Hyr ryche robys sche all to-rytte And was ravysed out of hyr wytte. The ladys that stod hyr besyde Fled and durste not long abyde, Bot went unto the palys agene And told both knyght and sueyn How that the quen awey wold, And bad them com hyr to behold. Sexty knyghtys and yit mo, And also fele ladys therto, Hastely to the quen thei com. And in ther armys thei hyr name, And brought hyr to bed in haste And kepyd hyr both feyr and faste. And ever sche began to cryghe As sche wold up and go hyr weye. The kyng com to the chamer to the quen, And before hym knyghtys tenne, And wepte and seyd with grete pyté, “My leffe wyff, what ayles thee? Thou that hast be so stylle, Why cryest thou wonder schylle? And ever thou aft be meke and myld, Thou arte becom wode and wyld. Thy flessch that was so whyte beforn With thi nayles thou hast torn. Thy lyppes that were so bryght rede Semys as wan as thou were dede. And thi fyngyrs long and smale, Thei be blody and all pale. And thi luffsom eyn two Loke on me as I were thi fo. God leman, I cry thee mersye! Thou late be all this reufull crye And telle me lady, for thi prow, What thing may thee helpe now?” Sche ley styll at the last, And began to sey full fast, And thus sche seyd the Kyng unto: “Alas, my lord, Syr Orfeo, Ever I have lovyd thee all my lyfe. Betwen us was never stryfe, Never seth we weddyd ware; Therfor I make full mekyll care. Bot now we must parte atwo; Do thou thi best, for I must go.” “Alas,” seyd the Kyng, “lost I ame! Whyder wyll thou go and to whom? Were thou arte I wold be with thee, And wher I ame thou schall be with me.” “Do wey,” seyd the Quene, “that schall not be, For I schall never thee more se. I wyll thee tell how it is, And, for soth, I wyll not mysse: As I went this undyrntyde To pley me be myn orcherd syde, I fell on slepe all bedene Under an ympe upon the gren. My meydens durst me not wake, Bot lete me lyghe and slepe take Tyll that the tyme over passyd so That the undryn was overgo. When I gan myselve awake Ruly chere I gan to make, For I saw a sembly syght. Towerd me com a gentyll knyght Wele y-armyd at all ryght, And bad I schuld upon hygheng Com speke with hys lord the kyng. I ansuerd hym with wordys bold: I seyd I durst not, ne not I wold. The knyght agen he rode full fast. Than com ther kyng at the last With an hundreth knyghtys also, And an hundreth ladys and mo. All thei ryden on whyte stedys; Of mylke whyte was all ther wedys. I saw never seth I was born So feyre creatours her beforn. The kyng had a croune on hys hede, It was no sylver, ne gold rede: It was all of presyous ston; Als bryght as any son it schon. Al so sone as he to me com, Whether I wold or not, up he me nam And made me with hym for to ryde Upon a stede by hys syde. He brought me to a feyre palas Wele tyred and rychly in all case. He schewyd me hys castellus and tourys, And hys hey haules and boures, Forestys, ryvers, frutys and floures, Hys grete stedys schewyd me ichon. And sethyn he made me agen to gon Into the sted wher he me fette; In that same sted ther he me sete, And seyd, ‘Madam, loke that thou be Tomorow here under this tre. And than schall thou with us go And lyve with us ever more so. If that thou make us any lete, Wherever thou be thou schall be fete And to-torn thy lymys all; Nothyng helpe thee ne schall. And thoff thou be all to-torn, Yit schall thou awey with us be born.’” When Kyng Orfeo herd this case, Than he seyd “Alas, alas!” He askyd rede of many a man, Bot no man helpe hym ne canne. “Alas,” seyd the Kyng, “that I ame wo! What may I best for my quen do?” On the morow when the ondryn cam, Kyng Orfeo hys armys nam. Ten hundreth knyghtys he with hym toke, Wele armyd talle men and stoute. With hys quen than went he To the orcherd, under the ympe tre, And seyd he wold ther abyde What aventour so betyde. Lyve and dyghe thei wold ichon, Or that the quen schuld fro them gon. Than thei gon batell to make, And sched blod for hys quenys sake. Bot among them all ryght, The quen was awey twyght And with the feyry awey inome; Thei ne wyst were sche was com. Ther was cry, wepyng, and wo. The kyng unto hys chamber yede tho, And oft he knelyd onne the ston And made grete sorow for sche was gon That ne hys lyve was ispent. Bot ther myght be non amendment. He sent after hys barons, Knyghtys, squyres of grete renownys. When thei all com were, He seyd, “Lordingys, befor you here I wold orden my hyghe stuerd To kepe my londys afterwerd; And in my sted be he schalle To kepe my landys over alle. When that ye se my lyffe is spent, Than make you a parlament; Chese you than a new kyng And do your best with all my thing. For now I have my quen lorne, The best woman that ever was born. To wyldernes I wyll gon — For I wyll never woman sene — And lyve ther in holtys hore With wyld bestys ever more.” Ther was wepyng in the halle And grete sorow among them alle; Ther was nother olde ne yong That myght speke a word with tong. They felle on kneys all in fere, Besought hym if hys wyll were That he schuld not fro them go. “Do wey,” he seyd, “it schall be so. All this kyngdom I forsake.” A staff to hym he gan take; He had nether gowne ne hode, Schert, ne non other gode, Bot an harpe he toke algate. Barefote he went furth at the gate. Ther was wepying and grete crye, Grete dole, for the maysterye, When the kyng, withouten croune, So porely went out of the toune. He went thorow wode and hethe And into wyldernes he gethe. So fer he went, I sey iwys, That he wyst not wher he was. He that sate in boure and halle And on hym were the purpull palle Now in herd heth he lyghet, With levys and gresse his body hydyth. He that had knyghtys of prise And before hym knelyd ladys, He sey not that hys herte lykyth Bot wyld bestys that by hym strykyth. Also he had castellus and tourys, Forestys, ryverse, frutys and flourys; Now, thoff it be store as frese, He may not make hys bed in es. The kyng that had grete plenté Of mete and drinke withouten le, Long he may dyge and wrote Or he have hys fyll of the rote. In somour he lyvys be the frute And berys that were full suete; In wynter may he nothing fynd Bot levys and grasse and of the rynd. Hys body is awey dwyned And for grete cold al to-schend. Hys berd was both blake and rowghe And to hys gyrdellsted it drewghe. He can telle of grete care That he suffyrd ten wynter and more; In a tre that was holow, Ther was hys haule, evyn and morow. When the wether was feyre and bryght, He toke hys herpe anon ryght. In mydys the wodde he sett hym doune And temperyd hys herpe with a mery soune, And harpyd after hys awne wylle; Over all aboute it was full schylle. The wyld bestys that ther were, They com aboute hys harpe to here. The bestys of that forest wyld Com aboute hym, meke and myld, To here hys harpyng so fyne — So mych melody was therine. When he hys harpyng stynt wylle, No lenger ther abyde thei wylle, And all the foulys that ther were, They com aboute hym by bussch and brere. Than myght he se hym besyde In an hote undryntyde The King of Fary and all hys route Com ryding hym all aboute With dyne, cry, and with blowyng, And with hundys berkyng, Bot no dere ne best thei nom. He wyst not were thei were becom. Other thingys he myght se: A grete hoste com hym bye, An hundreth knyghtys and mo yit Wele armyd at all ryght, With contynans stoute and fers And many spreding baners; Every man a draw suerd had in hond. Bot he wyst not whether thei wold wend. Also he myght se another thing: Knyghtys and ladys com daunsyng. Anon he lokyd hym besyde, And say syxty ladys on palferays ryde, Gentyll and gay as bryd on ryse, Not a man among them, iwyse. Bot every lady a faukon bere And ryden on huntyng be a ryver. Of game thei found well god haunte: Suannys, herons, and courmerante, And the faucons forth fleyng And the foulys fro the water rysing; Every faucon hys pray slowgh. Than sate the Kyng Orfeo and lewgh, And seyd, “This is gode gam! Thyder I wyll, be Godys name. Sych game I was wont for to se.” Up he rose and thether went he. To a ladé he com tho; He beheld hyr face and body also. Hym thought that it was in all wyse Hys awne quen Dame Meroudys. He beheld hyr and sche hym eke, And never a word to other thei speke. For the poverté that sche on hym se, That had ben so rych and hyghe, The terys ran doune be hyr eyghe. The ladys beheld and that they seyghe, And made hyr awey to ryde; No lenger myght sche ther abyde. “Alas,” seyd Orfeo, “that me is wo! Why wold not myn hert breke a-two? Now I may not speke with my wyffe — Al to long lastys my lyffe! Sche dare not a word with me speke — Alas, why wold not my herte breke?” “Alas,” seyd the kyng, “that I ne myght Dyghe after this same syght! Into what lond this lady ryde, Folow I wyll, what so betyde. That same wey wyll I streche; Of my lyve I do not reche.” He toke a staff as he spake, And threw an herpe at hys bake. He sparyd nother stoke ne ston; He had gode wyll for to gon. In a roche of stone the ladys ryde; Orpheo folowyd and not abyde. When he had therin go A myle or els two, He com into a feyre cuntrey Als bryght as son in somerys dey. Hyll ne dale was ther non sen; It was a welle feyre gren. Orfeo full wele it seye, A feyre castell, ryall and hyghe. He beheld the werke full wele: The overyst werke above the walle Gan schyne as doth the crystalle. A hundreth tyretys he saw full stout; So godly thei were bateyled aboute. The pylers that com oute of the dyche, All thei were of gold full ryche. The frontys, thei were amelyd all With all maner dyverse amell. Therin he saw wyde wonys, And all were full of presyos stonys. Kyng Orfeo knokyd at the gate; The porter was redy therate, Freyned what he wold do. He seyd, “I ame a mynstrell, lo, To glad thi lord with my gle, And it hys suete wyll be.” The porter undyd the gate anon And as a mynstrell lete hym gon. Than lokyd he aboute the walle, And saw it stond over alle With men that were thyder brought, And semyd dede and were nought. Som ther stod withoutyn hede, And some armys non hade, And som ther bodys had wounde And som onne hors ther armyd sette, And som were strangyld at ther mete And men that were nomen wyth them ete;1 So he saw them stonding ther. Than saw he men and women in fere As thei slepyd ther undryntyde; He them saw on every syde. Among them he saw hys wyve That he lovyd as hys lyve, That ley ther under that tre full trew; Be hyr clothys he hyr knew. In that castell he saw yit/nobr> A tabernakylle wele idyght, And a ryall kyng therin sette, And hys quen that was so swete. Ther crownys and clothys schyn so bryght That on them loke he ne myght. A hundryth knyghtys in present To do the kyngys commandment. When he had sen all this thing, On kneys he fell befor the kyng And seyd, “Lord, and thi wyll were, My mynstralsy thou woldyst here.” Than seyd the kyng, “What arte thou That hether arte icome now? I, nor non that is with me, Never yit sent after thee. Never seth that my reyn began Fond I never non so herdy man That hyder durst to us wend Bot if I wold after hym send.” “Syr,” he seyd, “I trow wele, I ame bot a pore mynstrelle, And yit it ys the maner of us For to seke to gret lordys hous. And thoff we not welcom be, Yit we behovyth to profer oure gle.” Befor the kyng he sette hym done, And toke hys herpe schyll of sown, And temperd yt as he wele can. A blyssedfull note he began. The kyng sate wele styll To here hys herpe with ryght god wyll. Wele hym lykyd to here hys gle; The ryche quen, so doyd sche. Men that in the castell were Com hys herpe for to here And felle doune to hys fete, They thought hys herpe was so suete. And when he stynt of hys herpyng, To hym than seyd the ryche kyng, “Mynstrell, me lykys wele thi gle, And what thou wyll aske of me, Largely I wyll thee pay. Speke now and thou may asey.” “Now, lord, I pray thee That thou wold giff to me The feyr lady bryght off ble That lyghet under this impe tre.” “Nay,” he seyd, “that thought I never! A foule coupull of you it wer, For thou arte rowghe and blake, And sche is withoutyn lake. A foule thing it were forthey To se hyr go in thi company.” “Lord,” he seyd, “thou ryche kyng, Yit it were a fouler thing To here a lesyng of thy mouthe: That thou me seyst nowghe That I schuld have what I wold. Bot nedys a kyngys word mot hold.” The ryche kyng spake wordys than, And seyd “Thou arte a trew man. Therfor, I grante that it be so; Thou take hyr be the hond and go. I wyll that thou be of hyr blyth.” He thankyd hym a hundreth sythe. He toke hyr by the hond anon, And fast went forth oute of that wone. Fast thei hyed out of that palas And went ther wey thourow Godys grace; To wyldernes both forth thei geth, And passyth over holtys and heth. So long he hys wey ther nom, To Trasyens thei were icom That some tyme was his awne cyté — Bot no man knew that it was he. With a pore man he reste that nyght. Ther he thought to byde a plyght, Unto hym and to hys wyffe As an herpere of pore lyffe, And askyd tydingys of that lond, Who that the kyngdom held in hond. In that same tym, that old man, He told hym all that he can, And how the quen was twyght awey Into the lond of fayrey, And how the kyng exiled yede, Bot no man wyst into what stede, And how the stewerd the kyngdom hold, And many other wonders hym told. Amorow agen the nontyde, He made hys quen therto abyde. For soth, he toke hys herpe anon, Into the syté he gan gon. And when he com into the syté, Many a man com hym to se. Men and wyves and maydines bold, Fast thei com hym to behold. Also, thei seyd everychon How the mosse grew hym upon: "Hys berd is grewyn to the kne! Hys body is clong as a tre!" As the kyng went in the strete, With hys stewerd he gan mete, And fell on kneys with grete pyté And seyd, “Lord, for charyté: I ame an herper of hethynes. Helpe me now, lord, yn this destres.” The stewerd seyd, “Cum with me hom. Of my gode thou schall have som; For my lordys love, Syr Orfeo, All herpers be welcum me to.” The stewerd and the lordys alle, Anon thei went into the halle. The stewerd wessch and went to mete, The lordys all began to sytte. Ther were herpers and trumpers, And mynstrellus of grete renounys; Ther was grete myrth in the halle. Kyng Orfew sate among them alle And lystynd to thei were styll, And toke hys herpe and temperde schyll. The meryest note he made ther That every man myght here with ere. All thi lyked wele hys gle; The rych stewerd, so dyd he. The stewerd the harpe knew full suyth, And seyd, “Mynstrell, so mote thou thryve, Wher hadys thou this herpe and how? Tell me now, for thi prow.” “A, lord, in a mournyngtyde, Thorow a wyld forest I yede. A man with lyons was drawyn smale; I fond hym lygheng in a dale. Etyn he was with tethe so scherpe; By hym I fond this ryall herpe, Nyghe ten wyntyr ago.” “Alas,” seyd the stewerd, “me is wo! That was my lord Syr Orfeo. Alas,” he seyd, “what schall I do? And for my lord that happyd so, Alas,” he seyd, “that me is wo! That so evyll deth was merkyd, And so herd grace hym behappyd.” On swon he fell in the halle. e lordys com befor hym alle And toke hym up sone anon, And comforth hym everychon, And told hym how this werld geth: Ther is no bote of manys deth. The kyng beheld the stewerd than, And seyd he was a trew man And lovyd hym as he aughte to do, And sterte up and seyd, “Lo, Syr stuerd, lystyns now this thing: Yiff I were Orfeo the kyng? Therfor, stewerd, lystyns to me: Now thou may the kynge her se. I have wounyd ten wynter and more In wyldernes with mekyll sore. And have wone my quen awey, Owte of the lond of fary, And have brought that lady hend Here unto the tounes ende, And oure in was ther inome. And myselve to the courte com, Thus in beger wede full styll, For to asey thi gode wyll. And for I found thee thus trewe, Therfor thou schall never it rewe. For be my lyve, for lufe or aye, Thou schall be kyng after my dey. And if thou had of my deth blyth, Thow schuld be hangyd al so swyth.” All the lordys that ther sette, That was ther kyng, thei underyete. And with that word the stewerd hym knew, And over the bord anon he threw And fell anon doune to hys fete. And so dyd all that ther sate, And all thei seyd with a cryeng, “Welcum, our Orfew the Kyng!” Of hys comyng thei were blyth, And brought hym to a chamber swyth, And bathyd hym and schove hys berd, And tyred hym as a kyng in wede. And sethin with gret processyon Thei brought the quen thorow the toune. Therfor was myrth and melody Of yche maner mynstralsy. Ther he was crouned new, iwys, So was the quen, Dame Meroudys, And levyd long afterwerd, And seth was kyng the trew stewerd. Herpers of Bretayn herd anon How this aventour was begon, And made a ley of grete lykyng, And callyd it after the kyng, That Orfeo hyght, as men wele wote. Gode is the ley, suete is the note. Thus endys here “Orfeo the Kyng”; God grante us all hys blyssing. And all that this wyll here or rede, God forgyff them ther mysded, To the blysse of hevyn that thei may come And ever more therin to woune. And that it may so be, Prey we all, for charyté. Explicit Orfew

(see note) [A] merry; April; (see note) shows much to man’s liking fields and meadows; bloom; (t-note) In groves and woods birds sing young men grow joyful grow amorous; (t-note) Bretons various subjects harping; (see note) strife events that happened in the past ribaldry fairy (see note) adventures made invented (found) (t-note) wonders (marvelous deeds) as it was done loved joy secure (see note) applied without lie never was there as good a harper born think (see note) (see note) sojourned; Thrace; (see note) defenses (walls) great value i.e., Eurydice (see note) describe her beauty (see note) branch bloom; (t-note) Everywhere grows merry enough midday (see note) orchard grafted tree (see note) green (grass) long Until the morningtime was past anguished spirit; (t-note) scratched her face [so that it] bled ripped robbed of her wits palace swain would [run] away many took secure chamber ten dear; (see note) have been so calm strangely loudly always before you have been crazed; (see note) (t-note) thin (t-note) lovely eyes sweetheart pitiful pride since; were wedded; (t-note) atwain; (t-note) (t-note) (see note) Give up fail morning time suddenly passed (see note); (t-note) Fearful handsome commanded; in haste nor wished I steeds clothes creatures here red As soon as seized adorned; all ways (see note) bowers (chambers) (t-note) each one to go back place; fetched any hindrance fetched torn apart; limbs even if; torn apart counsel morning came took Whatever chance might fall each one Before to fight (to form a battalion; see note) seized taken did not know; was gone; (t-note) went then made [such] great; (t-note) his life was nearly spent no remedy (t-note) (t-note) ordain; steward; (see note) To protect in my place he shall be lost (t-note) see gloomy woods all together begged him Give up hood in any event forth sorrow; occasion heath goes indeed knew fine purple cloth lies on hard heath With leaves and grass; hides renown He sees nothing that his heart enjoys stalk fierce as [to] freeze ease lie dig and burrow root bark dwindled ruined to his waist it extended (drew) (t-note) hall, night and day tuned own desire loud (see note) wished to stop would [the animals] linger; (t-note) on bushes and briars near him warm noontime company din; blowing [of horns] hounds barking captured knew; gone countenance (manner) unfurled drawn knew not where they went (t-note) Soon; (see note) saw; palfreys (riding horses) bird on bough indeed good gathering of birds Swans; cormorants flying its prey killed; (see note); (t-note) laughed game (sport) There I will [go] accustomed to see lady; then also mighty saw in two All too long Die whatever may happen; (t-note) go care back stick nor stone (i.e., nothing) strong desire to go rock [did] not wait seen green (meadow) majestic (see note) highest turrets (towers) fortified with battlements moat façades; enameled enamel dwellings precious; (see note) Asked please If it is his kind will brought there And [who] seemed dead head wounded sat armed on horses there; (t-note) meal (see note) together [in] their midday (t-note) pavilion well made [There were] a hundred; (t-note) if it were your desire That has come here; (t-note) Found dared come to us here Unless trust (promise) custom resort to (visit) great lords’ houses although we must offer our entertainment; (t-note) loud of sound blissful did stopped Generously; give; (see note) try [my generosity] fair of face lies I never thought [of granting] that match of you it would be without flaw therefore lie just now; (see note) a king’s word must hold [firm]; (t-note) happy times place hurried (see note) go woods and heath took there; (t-note) they came once was stay a while For who held the rule of the kingdom taken left in exile knew to what place In the morning near noon wait there (t-note) (t-note) each one moss gnarled heathen land in this distress trumpeters; (t-note) renown; (t-note) until they were quiet loudly (t-note) quickly (immediately) so may you prosper honor torn in small pieces Nearly came to that [fate] was allotted befell him In [a] swoon goes; (t-note) remedy for What if; (see note) here lived And [I] have won gentle edge our lodging was taken there beggar’s clothes try (make a trial of) regret for love or fear joy; (t-note) as quickly recognized overturned the table quickly shaved dressed; in [fitting] clothes then (t-note) (t-note) indeed lived adventure (story) had gone lay; delight [was] named; know (see note) [So that] to heaven’s bliss they dwell (see note)