fol. 66r 120 125 130 135 140 145 150 155 160 165 fol. 66v 170 175 180 185 190 195 200 205 210 215 fol. 67r 220 225 230 235 240 245 250 255 260 265 270 fol. 67v       275 280 285 290

. . . “That I schall never with thee dele At bede, at bord, mete ne mele;      My synne I have forsake.” “A!” sche seyd, “thou wyked man! Haste thou here abowte gon?      Evyll it schall thee lyke. Thow hast me made my moder sle, And my chylder all thre,      And wold me thus beswyke. “Now,” sche seyd, “seth it is so, Otherweys it schall go,      Or tomorow prime. Thow hast brought me in all thi gyle, And evyll thou schall have the whyle,      When that I se my tyme.” When that the nyght was icom, The god man gan to bede gon,       His reste for to take. For erly he wold in the dey On pylgrymage wend his wey       For his synnes sake. Thorow the fendys egyng, Hys doughter thought another thyng       Wers for to do. When hyr fader on slepe was, Hys doughter went a wele god pace       And kerve hys throte in two. And toke hyr tresoure ther, Al so myche as sche myght bere,       And other felos thre. They went sone out of the town To a syté of grete renown,       And wonyd in that syté. Of that tresowre thei spendyd faste, Whyles that it myght laste,       With grete bobans of pride. Gentyll men of that contrey Com fast with hyr to pley,       Yern onne every syde. All the women that wold be folys, Fast thei com unto hyr scolys,       Fast many and fele. Sche forsoke nether preste ne clerke, Ne non that were brech ne scherte,       That with hyr wold dele. Upon a dey throught Godys sond, An holy buschop of that lond       Preched in a cyté. And all the gode men of the toune Com for to here hys sermon,       Hym for to here and se. All, bot that woman alone And hyr feleys everichon       Duellyd at ther in. Wo was them that ylke dey: Ther com no man with them to pley;       No sylver they myght wynne. Sche seyd to hyr feleys anon, “I rede that we to the chyrche gon,       And haste us in the wey. Ther we schall som yong man fynd That is both god and kynd,       And with us wyll pley.” To the chyrch thei forth wente, Thorught the grace of God omnipotente       And hys modour Mary. The holy bysschop ther he stode, He prechyd wordys well gode;       On hyr he cast hys ey. Fowre devylles that were fals He se hang aboute hyr hals,       And by cheynes hyr lede. Be every cheyn stede hyr one. The holy man sey them everychon;       Grete wonder therof he hade. Abowte hyr neke a coler strong, The fendys lede the cheynes long,       Behynd and before. Wele the byschop wyst than That sche was a synfull woman;       For hyr he syghed sore. Sche pukyd a squyre and on hym lew, And be the sleve sche hym drew,       And other yonge men mo. They bade hyr leve and go hyr wey, For it was on God Frydey —       With hyr thei wold not go. When the bysschop sey all this, In his hert was sory iwys,       When he upon hyr sey. Of the fendys he wold be wreke; Of Godys mersy he gan speke,       Both lowd and hyghe. Thorow the grace of God allmyght, A word in hyr herte lyght       That the bysschop spake, That a tere fell fro hyr eye And be hyr lares it gan don fle,       And the coler brake. The fendys fley and were adrad; The byschop therof was full glad       And thankyd God full styll. The holy man prechyd of Godys lore, The woman sate and syghed sore,       And wepyd all hyr fylle. So bytterly sche wepyd withall, By hyr lyres the terys gan fall       Fast on ylke a syde. The byschop therof was full glad; The fendys fley and were adrad —       No lenger ther durste byde. Sche sett hyr don onne hyr kne. To God sche besought in Trinyté;       Mersy gan sche crave. Sche seyd, “Sir Bysschop, I ame sche — All this dey thou hast spoke of me       And here thou mayst me have. “I have don all dedly synne That ever myght woman begynne       Ageyn Godys law. By my fader I dyde foly: Thre knave chylder I had hym by,       And all I have them slaw. “My modour I stykyd with a knyffe, My fader I rest hym hys lyffe,       Bysschop, I thee sey. And now in this sted, for charyté, Swythe of schryft, I pray thee,       For sorow or I dyghe.” The bysschop seyd anon ryght, “Woman, abyde a lytell wyght,       Tyll my sermon be done.” Sche was so full of sorow and care, She fell adoune befor them ther;       Hyr hert braste in two. When the bysschop had seyd hys wyll, He bad the folke sytte and be styll,       And to hyr he lepe, And gan on hyr to clepe and call. He fond hyr ded among them all;       Full sore for hyr he wepe. He bade the folke that ther were all On ther kneys thei schuld fall,       A bede for to seyne: That God schuld them wyte and wys Whether the saule were in blys       Or in hell peyn. When thei had made ther oryson, A voys com fro hevyn don       That thei myght here, And seyd, “The saule of that synfull wyght Is now in hevyn bryght       Befor Jhesu full dere.” Crysten men, I wern you all That non of you in wanhop fall,       They ye be in synne. Who so wyll of a preste be schryfe, And do penans by his lyfe,       Hevyn he may wynne. Thoff a man had don alone All the synnes evrychon       That ever yit were wrought, And he may in his last dey To a preste his lyve sey,       God wyll forgete hym nought. And if a man have no preste, To a man that sytte hym nexte       Yerne to hym schryfe. And if he may do no more Bot for hys synnes rew sore,       God wyll hym forgyffe. Kyng that is of myghtys moste, Fader and Son and Holy Goste,       Yiff us myght and space, When we have do oure ende, Unto joy that we may wende,       Lord, for thi holy grace. AMEN

(see note) at the table abandoned i.e., reversed yourself please you slay; (see note) children betray since Before; morning deceit; (t-note) in time go; (see note) fiend’s urging went quickly companions dwelled vain display (ostentation) Eagerly fools; (see note) schools; (see note) worthy refused wore breech nor shirt have sex mission (will); (t-note) (see note) hear each one Stayed; inn; (t-note) same; (t-note) saw hanging; neck At every chain one stood by her collar knew picked a squire; smiled (see note) indeed avenged landed cheeks broke fled and were afraid quietly; (t-note) God’s religion (teachings) cheeks every (see note) may behold me slain robbed him [of] place Be quick to confess before I die time (a moment) broke leapt prayer reveal and inform prayer (t-note) creature (see note) (see note) despair; (see note) Although confessed Though; by himself i.e., confess his life’s sins Eagerly confess to him sorely regret       Give us ability and the opportunity i.e., arrive at our deaths (t-note) (see note)