5 10 15 20 fol. 22v    25

Jhesu Lord, blyssed thou be. For all this nyght thou hast me kepe From the fend and his posté, Whether I wake or that I slepe. In grete deses, in dedly synne, Many one this nyght fallyn has, That I myselve schuld have fallyn in, Hadyst thou not kepyd me with thi grace. Lord, gyffe me grace to thi worschype, This dey to spend in thi plesanse; And kepe me fro wyked felyschipe, And from the fendys comberance. Jhesu, my tunge thou reule allso, That I not speke bot it be nede, Hertly to pray for frend and fo, And herme no man in word ne dede. Cryste, gyffe me grace of mete and drynke This dey to take mesurably, In dedly synne that I not synke Thorow outrage of foule glotony. Jhesu my lord, Jhesu my love, And all that I ame bond unto, Thi blyssing send fro hevyn above, And gyffe them grace wele to do. My gode angell that arte to me send From God to be my governour, From all evyll sprytys thou me defend, And in my desesys to be my socoure. AMEN QUOD RATE

(see note); (t-note) protected fiend; power discomfort Many a person favor company devil’s influence tongue; rule unless necessary moderately (see note) troubles; aid (see note)