fol. 1r 5 10 15 20 25 30 35 40 45 fol. 1v 50 55 60 65 70 75 80 85 90 95 fol. 2r 100 105 110 115 120 125 130 135 140 145 fol. 2v 150 155 160 165 170 175 180 185 190 195 200 fol. 3r 205 210 215 220 225 230 235 240 245 fol. 3v 250 255 260 265 270 275 280 285 290 295 300 fol. 4r 305 310 315 320 325 330 335 340 345 350 355 360 fol. 4v 365 370 375 380 385 390 395 400 405 410 415 fol. 5r      420 425 430 435 440 445 450 455 460

Seynt Ewstas All that be on Godys lore, Lytell, mykyll, lesse and more,      Lystyns to me a stound Of a knyght of hethenes That mych had of werldys blysse,      Of gold and penyes round. Hys name hyght Placydas; Wyth Tracyan the emperoure he was      Ryght wyse man of rede. Wyth the pore he was wele gode, And wyth the rych myld of mode,      And gode in every dede. Of fre huntyng he couth inoughe, In holte and under the wode boughe,      And in the wyld felde. He rode on huntyng on a dey; A hert he found ther he ley,      Well feyre under the lynd. Of many hertys and bestys also, Of more and lesse ther were moo,      He was the feyrest of all. The gretyst hert fled hys wey. The knyght rode after all a dey      By hymselffe alone In tyll anodor kynges lond. Ther gane the hert to wythstond      Upon a roche of stone. The hert turned hys hornes hyghe Ther he stod under the wode lynd      And seyd, “Syr Placydas, Thow arte a knyght of huntyng fre; Thow me foloys and I thee fle —      Ryde softer thy pace. “Betwene my hornes that are so hyghe, To me and thou wold cast thyn eyghe,      Well sone than myght thou see The feyrest syght that may be thought, Or yn thys werld that may be wroght,      Or ever in erthe may be. “Jhesu Cryst onne crosse iwys, That hath thee broght in all thys blys,      Thou huntys after thys tyde. The truthe wele son thou schall se, If thou wyll tourne thy face to me,      For ferther thou may not ryd.” The lyght of hevene in a leme, Bryghter than is the sone beme,      Upon that hert gan lyght. The hert spake as a man it were, So fayre to the knyght ryght there,      And seyd to hym wyth ryght: “Placydas, I sey to thee That thi name changyd schall be,      And Crystindom underfonge. It is Jhesu Cryst of heven That spekys to thee with myld steven;      Ne duell thou not to long. “Thou take thi chylder and thi wyfe, And wend all withouten stryffe,      And crystyn you betyme. For oftyn tyme you schall be lede, Wyth sorow and care ye schall be fedde,      For love of me and myne.” “Leve Lord,” seyd he, “My Crysten name thow gyff to me,      Or that I hens wend.” “Now thou hyght Placydas; Thow schall hyght Syr Ewstas      In werld withouten end.” Homeward he went fast anone And told it to hys wyffe at home;      They thankyd God dey and nyght. “Syr,” sche seyd, “we wyll gon, And becom cristynd anon      In the name of God allmyght.” He toke his chylder and his wyffe, And went forthe withoutyn stryffe      To the font ston. Ther thei were crystyn tho, His wyffe and his childer two,      Ne was he not alone. Som tyme he hyght Placidas, Now he hyght Syr Ewstas;      Blyssed be God Allmyght. Betwen the undron and the none, I wote this dede it was done,      Ne was it not be nyght. To the wodde thei went anon, Als so swyth as thei myght gon,      Ne restyd thei no stound. As thei went under the wodde bowe, Of god tydyngys ther cam inow,      Fro hevene to them on grownd. An angell seyd, that was full bryght, “Syr Ewstas, Godys knyght,      Blyssyd mote thou ben. Thiselve, thi chylder, and thi wyfe Schall in joy lede your lyfe,      And hevens blys schall sene. “Thoff thou les both lond and lede, Halle and bowre, palfray and stede,      Ne be thou not sorye. Now thou hast Crystindom understond, The fend wyll yern thee for to fond,      Now thou arte made holye. “Wend ye forthe into your waye, And kepe your saulys nyght and daye,      And do as I you rede. All ye schall, for sothe iwys, For the love of swete Jhesus      In marterdom be dede.” Syr Eustas went hym home Al so swyth as he myght gone,      Wyth wyfe and childer two. He found his schepe in fold were betyn, And thonder his hors to deth had smyten;      On fote must thei go. All that hym lovyd went hym fro, Bot his wyfe and his childer two;      Son thei must wende. Erly or it was any daye, Stylly thei stalkyd away      By a woddys ende. To a water thei gan gone, A schype thei found sone anon;      Thei went ther tyll. Into the schype thei went tho, His wyfe and his chylder two;      The water was sterne and ylle. The schypman byhold that ilke knyght And that lady that was so bryght;      He thought hyre fare and schene. To hym he seyd after than, “Wher hadyst thou this feyre woman?      Sche schall be myn, I wene.” Out of the schype he drew hym tho, And his yong childer two;      Full woo was hym therfore. The lady cryed and mad gret dynne, And fro hyr lord was loth to twyn,      And weppyd and syghed sore. The knyght sett hym don apon a ston, And se hys wyfe was fro hym go,      Takyne fro hym wyth wrong. He seyd alas that he was born, Hys wytte fro hym nyghehond was lorne;      Hym thought hys lyf to longe. After the schype his eye he caste; Out of his syght than was sche paste.      He beheld hys chylder two: “Me thinke my herte wyll all to-bled. How schalle I you moderles fede?      Now was me never so wo.” So long forth his way he toke, Tyll that thei com unto a broke,      Ther over thei must fare. Wade thei muste. The water was scheld, By ether syde the wyld feld;      Well mekyll was hys care. He toke hys o chyld in his arme — The other he wend schuld have no herm —      He bare hym over to the lond. Soune he seyd in hys mode: “Godys grace,” he seyd, “is ever more gode —      That I understond. “Sytt now styll, son myn, Tyll that I fett brother thyn,      And thou schall have thi mede. I schall com to thee anon, Als so sone as I may gon,      Ne make thou no dred.” Into the water he went agayn, Tyll that he com to the myddys strem,      And lokyd hym bysyde. A wyld lyon he saw ther gone; He toke his yonge sone anon;      On hym he gapyd wyde. That lyon bare that child with hym, That was both gret stoute and grym,      Ne was he never so wo. Than was Syr Eustas sorye, For both his childer were born awaye;      He fell in swounyng tho. Bot when he fro swonyng rose, He lokyd up and forth he gose;      His wytt was neyghe hym fro. Bot ever he thought onne Jhesu Cryst, On his deth and his up-ryst. “Jhesu Cryst in Trinyté, Allmyghty God, thou comforth me!      To thee I make my mone Of my wyfe that was so trew, So feyer a woman of hyde and hew,      So wo is me alone. “Of my chyldren that be forlorn, With wyld bestys awaye born,      I may now sey alas. Tyll uncouthes londys I wyll go; How long schall I lyve so?      That ever I born was! “On Job I wyll bethink me, That ever had in blysse be      And sethen fell in care. Lord, for the love of thee, Ne wyll I never to sory be,      How so ever I fare. “I have wepyn all my fyll — Tho bade no man me yit be styll —      For Goddys helpe is nyghe.” Ther come an angell fro heven, That spake to hym with myld steven,      From Cryst that woneth one hyghe: “Blyssed be thou, Syr Eustas: In heven is made thi mery place,      Ther thou schall blyth bene. Thiselve, thy chylder, and thi wyfe Schall haven that merye lyfe,      And all that joy sene.” So long he went forth in hys wey, His bedys bedande nyght and dey,      To toune tyll that he came. Suynkyng and suetyng he muste tho, For his spendyng was all go.      To worche he must than, With bow and arowys and with horn, For to kepe other mens corn,      By dey and eke by nyght. Weddys to take and bestys to pynd — That was hym not comyn of kynd. Fyftyn wynter he was ther, Or men wyst whens he were,      His mete for to eyren. The Emperor dyd hym to seche, With men that ware myld of spech,      Knyghtys bothe styff and sterne. Over that corne comen thre Riding men of one ble;      With hym ther they mette. The knyghtys rydyn on horsys hye; With wordys myld, feyre and sclyghe,      That heyward fare thei grette. For he was wardan over that corn, The heywerd stod and blow his horn;      Ther wedd he bade them yeld. He askyd what thei soughtyn ther, And why thei went over so ferre,      Over that hyghe felde. “Syr,” thei seyd, “be not dysplesyd, We knaw that we have yow dessesyd,      For we seke after a man. We ben the Emperares consylerys; We have hym sought both ferre and nere,      Bot fynd hym nought we canne. “A nobull knyght for soth he was, Hys name was callyd Syr Placydas.      On huntyng oute he fared, Never sethyn come home, Ne no tydyng from hym come,      That no man sethen of herd. “Here we have foundyn thee, By a wound that I se,      On thee that stondys here. One thy nose ther is a wound, Whereby we have thee here found,      And thou schall ben owre fere.” “Nay, seres, so mote I then, I may not your feloy ben;      I ame a pore man.” “Thou must with us to the Emperowre For to have thy honour      That thou were wonte to hane.” Syr Eustas se that he muste nedes For to go forth with thes knyghtys,      Unto the kyngys courte. He toke hys leve at grete and smalle, At man and wyfe and gentylles alle;      Thei wer loth to departe. Forthe he went with them all thre With the Emperour for to be;      To the kyngys courte he came. Ther was joy and blysse inoughe; The Emperour onne hym lowghe,      And knyghtys, squyre, and grome. He told hys lord of his care, In strange lyffe his herd fare,      Fro begyning to the end: Bothe of hys swynke and of hys suete Of his treuthe and of hys byhete      Of all that God hym send. It was therafter longe That ther come a werre strong      Upon the Emperour. Theder wente many a knyght, Well armed, I you plyght,      To save hys honour. Theder went knyghtys two, And thei were to fyght also,      With hors and hernes gode. Ther was non in all that playe, With spere and suerd that ilke dey,      That ther dynte ne withstode. When thei hade foughten all the deye, And scomfet the other syde aweye,      Thei went bothe to one inne. Ther gode feloys thei become, As thei hade ben queynted at home,      By grace of God, I wene. Togeder thei dyde syte at mete, And both of one dyssche thei ete,      And maden them full blythe. After met thei told talys Of aventures and herd batayles,      And of all ther lyfe. The yonger man of the two Son askyd the other tho      Of what kyne that he were. He satte styll and syghed sore, And seyd lytell and thought more,      With a wele sad chere. “Syr, wyll thou my counsyll hylle If I thee telle of my wylle,      And also of my care? A riche man my fader was; His name hyght Syr Placydas —      God gyffe hym wele to fare. “My fader was a doughty knyght, And my moder a lady bryght,      And ruddy of all hew. We were yong sones two: My yonger broder and I also,      In halle and boure of stone. “My fader toke us alle thre, My moder, my broder, and me —      Thorow the grace of God Allmyght — And lede us to a founte ston, And crystind us ther anon,      Ne was it not by nyght. “Sethyn, I understode me, We felle into poverté,      And wenten oute of lond. Over a water we schuld have gone; Oure moder ther fro us was tane,      With falsyd born onne hond. “My moder was a feyr woman, Lyke in this werld was non      That onne water fare. The schypman toke her us from, Withouten law or other dom;      Than wexed new all our care. “We went throghe a wyldernes; With wepyng and with soroufulnes      We come to a strem. My fader me toke and over me bore, And my broder he left ther,      Tyll that he come ageyne. “A wyld lyone ther gan gon, And cought me in his mouthe anon,      And bore me fast aweye. The schypherdys with ther schepe When thei hym se, thei dyd hym mete,      And schrewydly dyd hym freye. “Thus fro the lyon I was tane. And broght me up with bourde and game —      Thanke be God allmyght — A riche man of that lond. All that nedyd, he me fond,      And dubyd me a knyght.” “A! Broder, late me tell thee, A wolf ther came and caught me,      And bore me in hys mothe. Plowmen that syght thei se, And to hym fast thei dyd hyghe,      Stronge men and welle thei cowthe. “The wolfe for fere doun me leyd, And sethyn a lady me hath fedd,      And dubyd me a knyght. Sche me fond palfrey and sted, Helme, habyrion, and odour wed,      Spere and swerd full bryght.” Ther modour all this herd, Ther as sche was in a yerde;      Sche wepe all for blysse. To hyr bowre sche went anon, Also swyth as sche couthe gon,      With full mykill gladnes. Ther came ryding Syr Eustas, Ther that lady inne was,      The knyghtys to sekyn swythe. Sche beheld that sembly knyght, And he that lady that was so bryght,      With chere fayre and blythe. “Dame,” he seyd, “tell thou me, What men here at inne be,      At this nexte howse?” “Syr, I knaw ther knyghtys two: Well thou schall them know also.      Wellcome, my lefe spowse! “My lord, well I knaw thee By a wond that I se,      Upon thy nose is sene. A! Lord, I had herde fare, And lede my lyve in mykyll care;      I tell yow now bydene: “Fro thee I was take with a schypman, And wened I schuld have be his leman;      He was not of my laye. A knyght ther was in that schyppe, That fro the schypman he dyde me helpe,      And brought me safe awaye. “Suete lord, wyll ye gone To this nexte hous anone?      Your chylder ther they be! And make grete joye in that house And thanke owre Lord, suete Jhesus,      And God in Trinyté.” Both thei wente theder anon, Also swyth as thei myght gon,      And come into the halle. And when that thei ther sones se, Thei thankyd God in Trinyté,      And also suet Seynt Palle. The two knyghtys ther fader knew, And sone onne kneys doune thei flewe,      And thankyd God Allmyght. For joye that they togeder were mette, All fowre full faste thei dyd wepe,      And so dyde many a wyght. Syr Eustas gane to tell tho Of his joy and of hys wo      That he had ben inne. Than ther was none at that bord That fore wepyng myght speke a word,      Nor none in that inne. So glad of odour ichon thei ware; Thei kyssed and mad gode chere,      And fylled the wyne anone, And told how thei were crystinde, And thought ther care was withstond,      And sorow was fro them gon. The Emperoure herd telle of this, How thei were in joy and blysse,      And crystinde that thei were. He sente knyghtys sone anon To seke theme up everychone,      That thei founden were. When thei were befor hym brought, Them to scle it was his thought,      And so for sothe he dyde. For Allmyghty Godys sake The deth to them thei wold take,      What deth as he them bedde. He dyd them in a panne of brasse, Al so hote as ever it was,      And made fyere abowtyne. All fowre therin he brente; Ther saulys onto heven went.      Of payn thei were withouten. Beseke we all Seynt Eustas That he graunte us all grace      To heven for to wend. To Jhesu, Seynt Mary sone, And ther withouten end to wone      God that grace us send. AMEN. EXPLICIT VITA SANCTI EUSTACHII

(see note) in God’s religion; (t-note) great Listen; while heathenness had much of the world’s (worldly) bliss pennies was called; (see note) Trajan; (see note) [A] very; counsel manner noble; knew enough In woods (see note) hart (male deer); (see note) under a linden tree; (see note) large and small; more after [it] for a day Into another began; hold firm rock under a (linden) tree noble You follow me more gently If you would cast thine eye upon me made certainly (indeed) into occasion flash (ray) began to fall as if it were a man; (t-note) (see note) And [you shall] receive Christianity voice Nor wait; too children go; hesitation (resistance) christen; promptly tempted Dear Christian Before I go hence (from here) are called immediately (see note); (t-note) (t-note) christened immediately argument [baptismal] font christened then Nor was he alone Once he was called mid-morning and noon believe Nor; by night (in secret); (see note) As fast Nor did they rest a moment branches good ; enough may thou be shall see; (t-note) Though you lose; people home, horse and steed accepted fiend; yearn to tempt you Go; on your way advise truly indeed be killed As quickly          sheep in their fold were struck (down); (see note) lightning [thunder]; smitten (t-note) Except; children Soon; depart Early before it was day Quietly; slipped; (t-note) the outskirts of a forest went thereto then children stormy and dangerous shipman (captain) beheld that same; (t-note) fair and beautiful; (t-note) Where did you get I think then (t-note) made great din loathe to part saw; gone wrongly nearly was gone too bleed to death raise I was never so miserable further shallow; (see note) field one in his mind; (t-note) Until I fetch reward Do not be afraid middle (of the) He (the lion) seized;soon him (the child); opened [his mouth] wide Nor was he (Eustace) ever so miserable (see note) then nearly (gone) from him But he continually thought about resurrection; (see note) (t-note) skin and complexion To unknown (t-note) (i.e., Alas, that I was ever born) be mindful; (see note) Who had always been in bliss then I will never wept Though no man commanded; (t-note) voice dwells on high; (t-note) you shall be blithe children have; (t-note) see prayers praying Until to town Working and sweating; then money was all gone work; then; (t-note) crops also Pledges (guarantees); pen common habit; (see note) Before men knew from whence to earn his food ordered him to be sought stalwart and fierce field appearance tall gracious hayward fair(ly) they greeted Their pledge he bade them provide disturbed (t-note) went since since heard of (see note) companion so may I prosper; (see note) be your companion must go wont (used) to have saw from From (t-note) enough smiles groom[s] difficult; (t-note) toil; sweat constancy; loyalty (see note) war; (see note) There promise; (t-note) There gear combat sword; same blow defeated an inn good companions As if; acquainted I believe at the meal out of one dish; (see note) were joyful; (t-note) After the meal fierce Soon family very solemn face will you keep my secret intent was called freshly red (t-note) building Through [baptismal] font christened Nor was it at night (in secret) Then, as I understand went taken With falsehood carried away went over water right waxed (grew) through carried began to go immediately shepherds; their sheep; (t-note) harshly; fight taken entertainment and sport All that I needed, he provided (see note) mouth run (hasten) well they were able fear afterwards; raised provided me; (see note) Helmet, coat of armor, and other clothes yard (garden) room To where that lady’s dwelling was To seek the knights quickly seemly (handsome); (t-note) joyful are at [this] inn house know dear know; (t-note) wound [can be] seen hard going lead; great certainly From you; taken by a shipman [he] thought; sweetheart religion from house now children are there there immediately As quickly as they might go (see note) sweet St. Paul knees; fell; (t-note) together strongly they wept a person then table So happy for the other each of them was christened endured gone from them (see note) christened immediately each of them [So] that His plan was to slay them They would accept their deaths Whatever death he prescribed for them pan (vessel, cauldron); (see note) As hot as burnt They were without pain [May] we all beseech (beg) In order to go to heaven Jesus, Saint Mary’s son to dwell [May] God send that grace to us Here ends the Life of Saint Eustace