fol.7r 5 10 15 20 25 30 35 40 45 50 fol. 7v 56 60 65 70 75 80 85 90 95 100 105 fol. 8r 110 115 120 125 130 135 140 145 150 155 160 fol. 8v      165 170 175 180 185 190 195 200 205

Lyst and lythe a lytell space, I schall you telle a prety cace: How the gode wyfe taught hyr doughter To mend hyr lyfe and make her better. “Doughter, and thou wylle be a wyfe, Wysely to wyrch in all thi lyfe, Serve God and kepe thy chyrche, And myche the better thou schall wyrche. To go to the chyrch lette for no reyne, And that schall helpe thee in thy peyn. Gladly loke thou pay thy tythes, Also thy offeringys loke thou not mysse. Of pore men be thou not lothe, Bot gyff thou them both mete and clothe; And to pore folke be thou not herde, Bot be to them thyn owen stowarde; For wher that a gode stowerde is, Wantys seldom any ryches. When thou arte in the chyrch, my chyld, Loke that thou be bothe meke and myld, And bydde thi bedys aboven all thing. With sybbe ne fremde make no jangelyng;1 Laughe thou to scorn nother olde ne yonge; Be of gode beryng and of gode tonge. In thi god beryng begynnes thi worschype — My dere doughter, of this take kepe. If any man profer thee to wede, A curtas ansuer to hym be seyde, And schew hym to thy frendys alle. For anything that may befawle, Syt not by hym, ne stand thou nought In sych place ther synne mey be wroght. What man that thee doth wedde with rynge, Loke thou hym love aboven all thinge. If that it forteyn thus with thee, That he be wroth and angery be, Loke thou mekly ansuer hym, And meve hym nother lyth ne lymme, And that schall sclake hym of hys mode; Than schall thou be hys derlyng gode. Fayre wordys wreth do slake; Fayre wordys wreth schall never make; Ne fayre wordys brake never bone, Ne never schall in no wone. Be fayre of semblant, my der doughter; Change not thi countenans with grete laughter, And wyse of maneres loke thou be gode. Ne for no tayle change thi mode, Ne fare not as thou a gyglot were, Ne laughe thou not lowd, be thou therof sore. Luke thou also gape not to wyde, For anything that may betyde. Suete of speche loke that thow be, Trow in worde and dede — lerne this of me. Loke thou fle synne, vilony, and blame, And se ther be no man that seys thee any schame. When thou goys in the gate, go not to faste, Ne hyderward ne thederward thi hede thou caste, No grete othes loke thou suere; Byware, my doughter, of syche a maner. Go not as it were a gase Fro house to house to seke the mase. Ne go thou not to no merket To sell thi thryft; bewer of itte. Ne go thou nought to the taverne, Thy godnes for to selle therinne. Forsake thou hym that taverne hanteth, And all the vices that therinne bethe. Wherever thou come at ale or wyne, Take not to myche, and leve be tyme, For mesure therinne, it is no herme, And drounke to be, it is thi schame. Ne go thou not to no wrastlyng, Ne yit to no coke schetyng, As it were a strumpet other a gyglote, Or as a woman that lyst to dote. Byde thou at home, my doughter dere, Thes poyntys at me I rede thou lere; And wyrke thi werke at nede, All the better thou may spede. I suere thee, doughter, be heven kyng, Mery it is of al thyng. Aqueynte thee not with every man That inne the strete thou metys than; Thof he wold be aqueynted with thee, Grete hym curtasly and late hym be. Loke by hym not longe thou stond, That thorow no vylony thi hert fond. All the men be not trew That fare speche to thee can schew. For no covetys no giftys thou take; Bot thou wyte why, sone them forsake. For gode women with gyftys Men ther honour fro them lyftys, Thofe that thei were all trew As any stele that bereth hew; For with ther giftys men them overgone, Thof thei were trew as ony ston. Bounde thei be that giftys take; Therfor thes giftys thou forsake. In other mens houses make thou no maystry, For dred no vylony to thee be spye. Loke thou chyd no wordys bolde To myssey nother yonge ne olde; For and thou any chyder be, Thy neyghbors wyll speke thee vylony. Be thou not to envyos, For drede thi neyghbors wyll thee curse. Envyos hert hymselve fretys, And of gode werkys hymselve lettys. Houswyfely wyll thou gon On werkedeys in thine awne wone. Pryde, rest, and ydelleschype: Fro these werkys, thou thee kepe. And kepe thou welle thy holy dey, And thy God worschype when thou may, More for worschype than for pride, And styfly in thy feyth thou byde. Loke thou were no ryche robys, Ne counterfyte thou no ladys; For myche schame do them betyde, That lese ther worschipe thorow ther pride. Be thou, doughter, a houswyfe gode, And ever more of myld mode. Wysely loke thi hous and meneyé; The beter to do thei schall be. Women that be of yvell name, Be ye not togeder in fame. Loke what most nede is to don, And sett thi men therto ryght sone. That thing that is befor don dede, Redy it is when thou hast nede. And if thy lord be fro home, Lat not thy meneyé idell gone. And loke thou wele who do hys dede; Quyte hym therafter to his mede. And thei that wyll bot lytell do, Therafter thou quite his mede also. A grete dede if thou have to done, At the tone ende thou be ryght sone. And if that thou fynd any fawte, Amend it sone and tarrye note. Mych thyng behoven them That gode housold schall kepyn. Amend thy hous or thou have nede, For better after thou schall spede. And if that thy nede be grete, And in the country corne be stryte, Make an houswyfe on thyselve: Thy bred thou bake for houswyfys helthe. Amonge thi servantys if thou stondyn, Thy werke it schall be soner done. To helpe them sone thou sterte, For many handys make lyght werke. Bysyde thee if thy neghborys thryve, Therfor thou make no stryfe, Bot thanke God of all thi gode That he send thee to thy fode. And than thow schall lyve gode lyfe, And so to be a gode houswyfe. At es he lyves that awe no dette — It is no les, withouten lette. Syte not to longe uppe at even, For drede with ale thou be oversene. Loke thou go to bede bytyme; Erly to ryse is fysyke fyne. And so thou schall be, my dere chyld, Be welle dysposed, both meke and myld. For all ther es may thei not have, That wyll thryve and ther gode save. And if it thus thee betyde, That frendys falle thee fro on every syde, And God fro thee thi chyld take, Thy wreke onne God do thou not take; For thyselve it wyll undo, And all thes that thee longys to. Many one for ther awne foly Spyllys themselve unthryftyly. Loke, doughter, no thing thou lese, Ne thi housbond thou not desples. And if thou have a doughter of age, Pute her sone to maryage; For meydens thei be lonely, And no thinge syker therby. Borow thou not, if that thou meye, For dred thi neybour wyll sey naye. Ne take thou nought to fyrst, Bot thou be inne more bryste. Make thee not ryche of other mens thyng, The bolder to spend be on ferthyng. Borowyd thing muste nedys go home, If that thou wyll to heven gone. When thi servantys have do thi werke, To pay ther hyre loke thou be smerte, Whether thei byde or thei do wende; Thus schall thou kepe them ever thi frende. And thus thi frendys wyll be glade That thou dispos thee wyslye and sade. Now I have taught thee, my dere doughter, The same techynge I hade of my modour. Thinke theron both nyght and dey, Forgette them not if that thou may. For a chyld unborne were better Than be untaught — thus seys the letter. Therfor, Allmyghty God inne trone Spede us all bothe even and morn, And bryng us to thy hyghe blysse, That never more fro us schall mysse.” AMEN QUOD RATE

Listen and attend a little while; (see note) pleasant account if you will attend (t-note) do not be hindered by any rain contemptuous food and clothing hard steward Seldom is wanting say your prayers (see note) good behavior; respect take heed offers; (see note) introduce him No matter what may happen where sin might be done it happens to you cause him to stir neither body nor limb slake his anger calm wrath in any place mild of expression (see note) harlot lest you be sorry for that; (t-note) (t-note) Truthful shame; (t-note) says shameful things to you you go Nor look around everywhere; (see note) as if you were a foolish person; (see note) idle diversion To lose your earnings (see note) to lose haunts are therein leave promptly (see note) cock-shooting; (see note); (t-note)          As if you were a strumpet or a harlot; (t-note) likes to be foolish from me I advise you learn do your work as necessary (t-note) tempt your heart covetousness Unless you know why [they are given] removes; (t-note) steel overcome them control (preeminence) [that] no shame be seen upon you chide insult For if consumes hinders; (t-note) dwelling idleness; (t-note) (t-note) (t-note) staunchly wear imitate; noble women reputation oversee; staff (household servants) reputation (see note) accomplished (t-note) Repay; according to his merits (t-note) At one end (I.e., Take up a part) fault do not delay Many things before grain is in short supply of yourself (see note) If you stand amidst your servants (see note) sustenance At ease; owes It is no lie, without fail too long awake in the evening overcome early medicine hoard fall [away] from you (see note) anger these [things] that belong to you Ruins; incompetently waste (see note) secure Nor buy anything on credit therein more damaged by one prompt stay or whether they go; (see note) seriously (see note) these lessons the book; (see note) enthroned from us shall depart (see note)