In Annunciacione Dominica. Evangelium secundum Lucam. In illo tempore:1 Missus est Angelus Gabriel.2
5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150 155 160 165 170 175 180 185 190 195 200 205 210 215 220 225 230 235 240 245 250 255 260 265 270 275 280 285 290	Manne, whilk Adam synne made thrall, Who made us fre herd have we all; Bot thou ne wote, lawde man, How first thi fredome springe began. Saynte Luke us schewes the beginnynge Of thi fredome and thi biynge, In the Gospell of todaye: I rede ye bere it wele awaie. He saise that God sent ane awngell, His name es callid Gabriell, Into the lande of Galilee; In message to a cyté. That hight Nazarethe, in lede Of Galilé, the Jewes thede. Thare woned a man that come full right Of David kynde, and Joseph hight, And had a maye with him in howse, That hight Marie and was his spouse. To Joseph house this aungell went, Fra God of hevene to hir was sent; And when he with that mayden mette, With swete wordis he hir grette: “Hayle be thou, Marie,” to hir saide he, “Full of grace and God with thee.” When scho this herd scho was in floght, And what he ment scho hir umbthoght. Than saide the aungel to hir in hye: “Ne drede thee nathinge, blissid Marie, For thou hase fonden grace iwisse, Before God that es kinge of blisse. For thou sall fange sede and bere Of thi flehsse, that fendes sall fere. His name sall tow Jhesus call, His mikil mercie bese ovre all. He sall be grete full mani falde, And Goddes Sonne he sall be callde; And God sall give him als he gone hete, Kinge David his fadir sete. And regnande he bese als kinge hende In Jacobes howse withouten ende.” Jacob house here callis he Jacobe kynde and his menye: That es to saie, all folc that is Chosen for to have hevene blisse; Thare Marie Sonne bese comli kinge, Of whas kyngerike bese nane endinge. Thir wordes said Gabriel to Marie, And of his sawe hir thoght ferlye; And saide, “Gabriel, how may this be Sithen ertheli man neghid never me?” Than answerd Gabriel in haste, And saide, “Marye, the Hali Gaste Sall come in thee, and Goddes vertue Sall thee umlowke for mannes prowe. For of thee bese borne a birthe Sinfull men to mensk and mirthe; That bese named Goddes Sonne, and lo, I give thee graythe takenynge thareto: That thine alde nees Elizabethe Hase gane with childe, this es the sext monethe. All hir lyfe scho hase gan yelde, And now a sonne beres in hir elde; And herebi may thou se full right, That nathinge es agayne Goddes might; For God that made all, maie fullfill, Agaynes kynde all his swete will.” When mylde Mary thir wordes herd, To Gabriel scho thus answerd: “Lo me here Goddes awne handemaydene, To me be done als thou hase saydene.” Thir er the wordes of this Gospell Als Saynte Luke here gon us tell.    The maistir sais apon this spell, That Criste toke flehsse oure fo to fell: He armid him with oure manhede, To fell the fende stithe on stede; For stythe he satte on wickidhede, That wide was spred in ilk a thede, Aye to Criste come him to fell, With lare of trouthe and gasteli spell. He toke the fende that was full taite, Als fihsse es tane with hoke and baite; For his Godhede call I that hoke, That with his manhede the fende toke. For right als baite the hoke felis, And so it the gredi kelinge stelis, So tholid Jesus with flehsse and blude, Gromonde the gredie him take on rude. Gromonde the gredie him I call, That swelows synfull sawles all; That never es full, bot aie redie To stroye thaim all he es aie gredie. Bot he was wiryed on a hoke, When Goddes Sonne oure flehsse toke. Wiryinge the bodi slase, And so did Jhesu Sathanase. He fondid Jhesus saule to fange, Whan he saw him on the rode hange; Bot for he fand in it na synne, Na chalange he had tharein; With Godhed occupied he it fand, That toke him, and so fast him band That his bandes bese never broken, Ne his personne bese never unloken. Now se ye wele a parti whi Criste toke oure kynde of oure Ladie. Forthi es gode that I yow tell, The undoynge of this Gospell: Als mikel to saie Gabriel is Als “Goddes strenghe” apon Ynglihsse;3 For mikel strenghe was thare kidde, Thare Godhed was in manhede hidde; For that werk past to oure kynde, That the craft thareof may no man fynde.4 Was never yit clerk so craftye, That coude ever prove kyndelie, How a wommane modirhede, Moght be copplid to maydenhede. Bot God that made kynde of noght, Agayne kynde this werk wroght. Oure kynde was filid thorow Adame plight, And Criste it clensid thorghe his might. For als the sonne passis thorghe the glasse, And leves it hale aie als it wasse, And whether the glasse be grene or bla The sonne we se therof hewe ta. So come the Sonne of rightwisnes Into oure Ladie clene flehsse, And toke him thareof oure kynde, Withouten brekinge of mayden rynde; And left hir hale withouten wemme, For may na stekil godhede stemme. This Godhed thorghe Marie yede And left all hale hir maydenhede; For so crafti es Goddes might, That it passis thorghe and leves all thight. Forthi es “Gabriel” full right, Als mikel at saie als “Goddes might.” That messandger to Marie yede, To bringe bodworde of mannes nede. Oure Ladie es wele Mary callde, Thorghe faire resounes many falde: For Marye will on Ynglihsse mene Sterne of the se that oft es sene Of schippmen that therof hase nede, For eftir it thaire schippe thai lede; So ledes manne resoune iwisse, His saule towarde hevenes blisse, When he takes yeme to Mary life That is in Hali Kirk full rife. For Mary life es sterne bright, That ledes man the waies right To blisse, if he thareeftir wirk, And of gode dedes be noght yrk; And wele es Marie callid sterne, Whas life we suld folowe yerne, For sterne hase of the self na leme, Bot of the sonne takes it beme. So toke Marie leme and light, Grace and godenes of hir Sonne might, And gives forth grace that scho fanges, To all that thare eftir langes. Forthi was scho callid full of grace, Of the aungel in that place; Thare he hir mette and saide hir till: “Haile full of grace and Goddes will.” Forthi scho helpes to thaim all, That herteli apon hir will call. That maie ye se be a ladye, That was savid thorghe hir mercie.    It was a knight beyonde the se That riche man was wont to be; That ilk a yere was wonte to make A feste for oure Ladi sake. Bot he dispendid so largelie, That in poverté he fell in hye. A gude wommane he had to wife, That lufid oure Ladie all hir life. The fende was att hir full tene, Als eftirward was wele sene; For when tyme come this knight suld make Feste, and noght had of to take, Durst he noght dwell att hame, Bot went him to the wode for schame; And dwellid thare all be his ane, Aye to the tyme o the daie was gane. Thus fore the knight many yere, And made mornynge and ylle chere. The fende that aie es ylle wylie, Sawe this knight and thoght in hye, That he for werldes gode was sarye,5 And wald be vengid on his ladie, Bot he moght noght come hir nere, For hali life and gude prayere. Bot till hir lorde in wildirnes, He come in a mannes liknes, And askid him whi he was sarye, And he saide him the resoune whie: “I was,” he saide, “a riche mane, And mikil catell es fra me gane. A feste was I wont to make — Now have I noght whareof to take. Forthi think thou na ferlie, Thof I be sorowfull and sorie.” The fende answerd and saide him to: “And thou will all mi will do, I suld thee ger wele bettir fare Than thou before did evere are. Of ricches plenté I sall thee give, Whareon thou maie right menskli live.” This knight him hight to do his will, And he answerd and saide him till: “Go swithe and grave thee uppe thare golde, Thare it lyes helid undir molde; And come sithen and speke with me, And bringe hidir thi wife with thee; And loke that thou bringe hir thee withe, For with yow bothe I will me kithe.” This knight wist noght it was the fende, Bot toke leve and home gon wende. When he come home gold fande he laide Thare whare the fende before had saide. The knight was fayne of that findinge, And thoght to fullfill his biddinge That he are hight unto the fende, Or ellis him thoght he was unhende. Bot he him did als he him bad, Thorghe whaim he so mikil gode had; For more than he was wont to do, Mo menne he festid and callid thareto.6 When tyme come that the fende had sette To come to him whare thai first mette, He bad his wife suld with him wende, To speke a while with a frende. His wife for him was all radde, And did als hir lorde hir badde, And on thaire palfraies fore thai bathe, And bi a chapell thai rade full rathe. This ladi till hir lorde spake, And saide, “I rede, sir, that we make In this chapell oure prayere, Thatt Criste us bringe hale and fere Home agayne till our menye: Praie we to Crist that it so be.” This knight was full of jolyté, And of prayere na forse made he, Bot saide, “Wele mote thou byde and praye, For I will fare forthe on my waie, And if thou dwell lange, I be wrathe.” “Sir,” scho saide, “that ware me lathe.” This ladie lightid noghtforthi, And made hir praiere inwardeli. Scho praied so longe scho fell on slepe — Here mai ye ferli here take kepe — For oure Ladie als scho thare laie, Come and lepe on hir palfraie In hir liknes, and forthe scho rade Right to this knight thare he abade. This knight wend witirli scho ware His awne wife and forthe gon fare, When thai come thare the fende had sette, With the fende thare thai mette; And when the fende sawe oure Ladie, He knewe hir wele and made a crye Apon this knight, and saide sone: “Allas, traytoure, what hase tow done? “I bad thee bringe thi wife with thee And Goddis modir here I se. Hangid be thou bi the hals, For fikil man thou ert and fals.” Who was abaiste than bot this knight, And of his palfraie gon he light, And fell doune to oure Ladie fete, And askand mercie, sore gon grete. Scho reprovid him als knight unhende, For he this forward made to the fende; And bad him that he suld be wise, And be more bisie in hir servise; And do awaie the fendes gift, And God with catell suld him lift. When this was saide scho went awaie, And he than lepe on his palfraie, And rade to the chapell and fande His wife before the awtere slepeand; And he thankid Mari inwardelie, That savid him and his ladie. Be this tale maie we se all That all that will on Marie call, Scho helpes thaim in all thaire nede, And scheldes thaim fra wickidhede. Praie we hir that scho us spede, That we maye come to hevene mede. Amen, amen, I rede we synge, For of that joye es nane endinge.	whom; slave [Of him] who know; ignorant redemption keep it in mind in the land country dwelt; directly lineage; was called maiden; dwelling in a flutter contemplated quickly found; certainly receive a seed; (t-note) that which; fear you is many times over did promise The throne of his father King David ruling; is; gracious perpetually (see note); (t-note) household Where Mary’s; is gracious whose; there shall be These at his words she was amazed Since; came near encompass; advantage To the honor and joy of sinful men ready old kinswoman (see note) has been barren; (see note) Contrary to nature these said (see note) enemy; destroy human nature potently everywhere For he was strongly preeminent in wickedness every land Forever until knowledge; spiritual wisdom eager As fish; (see note) Divinity conceals codfish suffered cross; (see note) swallows destroy brutally killed Slaughter; kills so did Satan [kill] Jesus attempted; seize cross; (t-note) But because claim bound will never be body; set free; (t-note) in part human nature from explication much (see note) revealed Where clever according to human nature joined who made the physical world Against the laws of nature defiled; sin (see note) blue take its color (see note) maidenhead whole; stain barrier; stop; (see note) whole cunning intact rightly As much as to say went news (see note) Star of the sea By sailors by it; steer So man’s reason leads takes heed of Mary’s; (t-note) well known the right way works accordingly reluctant star eagerly itself; light radiance gleam her son’s power; (t-note) receives who long for it By sincerely (see note) had always been every year was accustomed feast spent; generously rapidly angry had nothing with which to make it He dared not all by himself Until the time of the feast had passed by acted ever is wickedly cunning And [Satan] wished; (t-note) On account of in the likeness of a man think it no wonder If make before honorably promised dig Where; hidden; earth then make myself known knew did go glad promise previously promised discourteous Unless; requested (t-note) come ready proceeded quickly advise strong household gaiety took no account remain I will be angry that would be disagreeable to me alighted nevertheless take note of a miracle was certain appointed neck abashed began to weep discourteous agreement get rid of goods; exalt grant us success heavenly reward