Dominica xix. Evangelium secundam Matheum. In illo tempore:1 Ascendens Jhesus in naviculam transfretavit etc2
5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150 155 160 165 170 175 180 185 190 195 200 205 210 215 220 225 230 235 240 245 250 255 260 265 270 275 280 285 290 295 300 305 310 315 320 325 330 335 340 345 350 355 360 365 370 375 380 385 390 395 400 405 410 415 420 425 430 435 440 445	In oure Gospell of Saynte Mathewe, That Cristes dedes will us schewe, He saise that Criste schippid over a se, And come into his awne cité. And men broght before him a man, That in parlsy was taken than, And sone when Criste thaire trouthe sawe To thaim he wald his might knawe. And sone he spak full myldelie, To him that laye in the parelsy: “Mi sonne,” he saide, “thou trowe on me — All thi synnes er forgiven thee.” The wickid Jewes that stude thareby, Thoght of his wordis hetheli, Thare he saide to that seke mane: “Thi synnes er forgiven ilkane.” Forthi he saide to ger yow se, That mannes sonne hase pousté In erthe, for to forgive clenlie All mannes synne thorghe his mercie. Than saide Criste to that seke man, Before the Jewes everilkane: “Ryse uppe thou seke, all hale and strange; Bere forthe thi bed and hame thou gange.” And this sekeman rase uppe all hale, And felid him botid of all his bale. He toke his bedde and forthe he yede, And Criste was loued for his gode dede; For all the folk that stode aboute, That sawe this ferli had grete doute And saide, “God blissid mote thou be That hase given man so grete pousté.” This es the Gospell of todaie. Als man in Ynglihsse tonge mai saye.    Apon this Gospell spekes a clerk, That mikil couthe of Goddes werk: That be the se will he undirstand This werld with sorow flowande, And be the schippe that Criste in rade, Hali Kirk that Criste hase made, To ger man passe this werldes se, Flowand with pride and wafulté. For als a schippe fletes on the flode, So Hali Kirk with costis gude, Fletes aboven this werld that flowes All ovre thaim that tharein rowes, With flehssli lust and covetise, With okirynge and fals marchandise, With glotonye and synnes ma, Bot Hali Kirk flees all this wa. And passis qwite withouten synne, To that blisse that may noght blynne. I call thaim lymes of Hali Kirk, That hase gude will gode werkes to wirk. In this schippe passit Criste the se, And come into his awne cité, When he thorghe hali mannes prayere, Makes sinfull mannes saule hale and fere; For mannes saule es his cyté, For thare thinkis him gode to be, Evermore wones he tharein, Whyles man es oute of dedeli synne. Bot dedeli synne drivis him thare fra, And takes in Sathanas his fa. He hase full unceli rest, That gestnes swilk a foule gest. Bot als sone als man him schrives, The foule fende fro him he drives. Bot maye no sinfull so do, Bot if Criste gasteli come him to, And ger him schrive him openlie, And hele his saule of parelsye. For als thou seis, that maladi Combirs the lymes of mannes bodye; So combirs dedeli synne oure gastis, For all oure sawlis strenghe it wastis, And geris oure gaste so combird be, That it maye nouthir here ne se. For prechoure lare may it noght lere, Bot Criste make it hale and fere, And drawe mannes hert to repentaunce, And sithen eftir to penaunce. This es the helinge of parlsye, That es dedeli synne gastelye. Yit will we se wharefore and whi, That this man fell in the parlsye, And whi that God tholis many ane, For to be with sekenes tane. For fyve enchesones es man seke: The first es for to make him meke; Bot if that man umstont seke ware, Ovre proudeli wald he fare, And lat hetheli of febil and waike, And give his hert to sinful layke. Forthi es God full gode and wyse, That man with sekenes will chastise. Saynte Paule forsothe was thus chastiste, That es full wele with Jesu Criste; For he saise a worde in his sermoune, That mikel comfortes oure resoune. Forthi he sayse that “Dedes slye Suld noght ger me bere me to hye; My pride full wele chastisid es, With prickinge of myne awne flehsse.” Als who saie, lust makes me full seke, And geres my hert be full meke. The tothir resoune whi sinfull mane, Es oft with sekenes greteli tane, That es to warne him of his synne, And ger him have will thareof to blynne. For if man umstonte seke ne ware, He walde do synne aye mare and mare, And forget God Allmightie, And of his awne saule late hetheli. Forthi hase God of him mercye, And sendes sekenes in his bodie, And punihsses him with hard thrawes, Wharethorghe his synnes he wele knawes, And amendes wele his lyve, For sekenes geres him his synne schrive. Moyses sistir thorghe this resoune, Was made unhale fro the fote to the croune, For scho grucchid agayne Moyses, Als in the Bibile writen es. For God himself all tho men hates, That grucchis agayne thaire prelates. That was on Moyses sistir sene, That spak of Moyses wordes kene, And demid him behind his bak. Forthi oure Lorde hir pride brak, And gert hir fall in leprousnes, For hir grucchinge agayne Moyses. The thrid resoune whi that man es Umstont chastisid wth sekenes, Than es to ger him have more mede In hevene for his awne dede. Apon this wise tholid God Sathanase To fande Jobe that rightwise wase. The fende him fandid with seknes, For to prove his tholemodenes; And for he tholid his fandinge wele, Oure Lorde doubild his catelle, And gave him more werldes blisse, And hevenerike thare he now is. And Saynte Thobie on this manere Was fandid fulli fyvetene yere, That was with swalow filthe made blynde, Als we in the Bybile fynde. And his wife with wefeynge him fedde, Five wyntir liggand in bedde; And noghtforthi oure Lorde of Hevene, Sende him eftir swilk godes sevene, Als ever yitte he sent him are, And mikil bettir gert him fare, And gave him at his endinge daie, The joye that lastis evermore and aie. Forthi when the fende us fandes, Or when we lye in Goddes bandes, We awe to thank God Allmightie, That will with sekenes us chastie. For God that man lufis allthir best, That sekenes here suffirs strangest. Bettir it is God chasti us here, Than ever in hell the fendes fere, For in hell es no mercye, Bot waa and sorowe aie redie. The ferthe resoune wharefore and whi, That man es seke in his bodie, Than es to ger man loue in lede Goddes might and his Godhede. For we looue God als gude right es, When we er helid of oure sekenes. So did the Jewes for Saynte Lazere, Als saynte Jone saise, the Gospellere; For Criste him raisid on the thrid daie Fro dede, in the toumbe thare he laie. Oure Lorde tholid him for to drye Hard sekenes, and sithen dye, For to ger the Jewes se, Cristis might and his pousté, For to looue God for his qwiknynge, For his might es ovre all thinge. When Criste had raisid him fra the dede, Full yerne the folk than in that stede Looued God with full loude crie, For that thai sawe he was mightie. In many other stede we finde, That deeve men, doumbe, and blinde Ware helid, and for thaire helinge, Men loouid God als Mighti Kinge. The fift resoune wharefore and whi, That man es pyned in his bodie, Than es us all for to kenne, That thai er full unceli men, That es so rutid in thair synne, And gose so forthirli tharein, That God tholis rightfullie, The fende to have of thaim maistrie; That he in wanhope geres thaim fall, That es the werst synne of all. And when that thai er thider lopen, Than hase the fende thaire saules dropen, With wannehope so wrichidlie, That thai maye never fynde mercie. For aye the more synne that thai do, The frehsser er thai aye thareto; Thus er thai redie to do ylle, And to fullfill the fendes wille. Bot swilk men full reevelie, Er pyned here in thaire bodie, And sithen in hell with the fende, Thare thai sall dwell withouten ende. Als was Erode that corsid kinge, That yode to hell at his endinge. And here he tholid noghtforthi So strange sekenes in his bodie, That wormes and mawkes in him grewe, When he toward his dede drewe. He was so roten and so stinkand That might no man wele be him stand. Of foule wormes full was his bouke And more pyne might no man brouke. His hoghyle bones gon brist oute, And mawkis crewlid him aboute, For he soght Jhesu Criste to qwell, And in his dedes was he so fell, That he his awne childir slewe, Als he toward his dede drewe. And he did other wickid dedes That geres him now brin in hell gledes; An thus toke God on him vengeaunce, For he had never repentaunce, Forthi his pyne and his sekenes, Come all of Goddes rightwisnes; For to the fende he was betaht, When he agayne Jhesu faght, For all the childir blude he spilt, In Bethleem withouten gilt;3 And sowght ymange thaim Criste to sla, And forthi wellis he now in wa. His pyne began in his lyve, And now in hell with mikil strive, Thare he sall dwell withouten ende, In lastand pyne with the fende. “Allas,” maye he saie, that he was borne, For ever and aie he es forlorne. Now have ye herd thir resounes fife, Whi men er seke here in this live: The first es mannes pride for to breke, The tother es sinne for to wreke, The thrid to ger man have more mede, The ferthe to looue God in lede, The fift thaire pyne here to beginne, That of thaire synnes will nowyse blynne, And sithen eftir withouten ende, To wone in hell with the foule fende. Bot that man that in parlesi fell, Of whaim spekes oure Gospell, Was chastisid for his awne folye, When he fell in parlesye. And when he was ynoghe chastyste, Oure Lorde Jhesu him wariste, Als ye herd me langare saye, In oure Gospell of todaie. Bot we will now loke forthirmare, What may be undirstanden thare, Thare oure Gospell will us schawe, How that Criste gon thaire trouthe knawe, That broght this seke man him to, This ilk o worde will I undo: Oure Gospell saise that Jhesu Criste This sekeman of parlesy wariste, When he sawe thaire will and thoght, That this seke man before him broght. Be this a worde may we se right, That trouthe es of so mikil might, That if a man ask a bone tharein, And he be oute of dedeli syn, He maye be siker to have that bone, If resoune will that it be done. And if he ask unskilfullie, Yitte God of him will have mercie, And ger him witte on whatkin wise, That his askinge es unrightwise. That may I schew yow be a tale, That I to yow now tell sale.    Ane empoure was wonand in Rome, That was rightwise in his dome. He was callid Sir Trajane — Allas, he dyed a hethen mane. He was full of debonerté, And full of mercye and pité, Bot for he dyed sarezyne, His saule yode unto hell pyne. Allas, allas, that swilk a kinge Suld go to hell for missetrowynge. Many wyntir thareeftir come Saynte Gregore, the pape of Rome, And passid before the emperoure gate, And thare full sare gon he grate, For he herd speke of his godenes, Of his rewthe and rightwisnes; Forthi he had so grete pité, That swilk a kinge suld dampnid be, That he prayed for him and saide, “Jesus — Thow have mercie of Trajanus, And bringe his saule oute of hell, And late it noght tharein lange dwell.” He knelid before the hali awtere, And als he made his prayere, He fell on slepe and als he laie, He herd ane aungel to him saie: “Thi Lorde Criste hase grauntid thee, That Trajane may borowid be, Bot luke thou praye namare for nane, That to the pyne of hell es gane; For unskilwise es swilk prayere, It es noght right that God it here.” Here may ye here what trouthe may do, To man that gives him all thareto: Forsothe he getes his boone in haste, That in right trouthe es stedefaste. And if he praie unskilfulli, Als did the Pape, Saynte Gregorie, Aye sall his prayere and his bede Stande him in full mikil stede.    Yit will I more of trouthe yow tell, If ye will listene and here mi spell. God of Hevene a folk him chese, Als in the Bybile writen es. In thaire lede thai ware Jewes callid, And for Goddes folk ware thai talde. Of twelf brethir had thai kynde, Bot thaire insight was aye so blynde, That Goddes might wald thai noght knawe, For all the wondirs that thai sawe. God thorghe a se thaim drie fote ledde; And sithen in wildirnes thaim stedde, And fourty wyntir with manna fedde, And aie in newe clothis thaim cledde, And made thaim balde in all thaire mode, Yit did thai evyle agaynes Gode. For fals goddes honourid thaie, And tenid God and did him traie, And other synnes did thai mo, Wharethorghe thai tholid mikil wo. Now ware full lange all for to speke, What schame thai tholid, what wo and wreke; For als oft als thai God forsoke, Als oft he vengeaunce on thaim toke. Forthi of thaim I will tell here, Thinge that touchis oure matere. The kinge of Babyloines toune, Had mani Jewe in his baundoune, And flemid thaim into wyldirnes For thair synne and wickidnes. And sithen he gert comaunde and crie, That none of thaim ware so hardie, To passe oute of that wildirnes, That fer beyonde the paynim es. That wildirnes als the boke us telles, Es loken aboute with hye felles. Many wyntir eftir this fare, The Kinge Alisaundir come thare, When he had all this werld conquerde, And all folk ware for him ferde. Thir forsaide Jewis that wonid thare, Praiede the kinge with swete sware, That he wald give thaim leve to gange Oute of that wildirnes so strange. He askid thaim, als the boke us telles, Whi thai ware pyndide in tha felles. A man answerd unto the kinge, All the matere of thaire speringe: Forthi that thai oft God forsoke, And to mawmetrie thaim toke. He saide, “Thai have unkynde ay bene, And that on thaim oft hase bene sene. Thaire God hase done for thaim wele mare Than he did for ani folk are, And thai have done ylle agayne, And to thaire Lorde bene unbayne.” When Alexandir this worde herd, Unto the Jewes he thus answerde: “Sithen ye have youre God forsaken, And to fals mawmetes hase you taken, I sall fande to spere yow mare, Or ever that I hethen fare.” He gert full sone do call werkmen, And ger thaim wirk in claye and fen, And masones wroght thare many ane, For to make walles of lyme and stane, For to hald thir Jewes tharein, And that thai suld nevir mare oute wynne. All that thai made on daie with might, Fell doune agayne apon the night. Forthi the kinge was wondir wrathe, That he might nanegate halde his athe; And when he sawe that swilk travayle, Ne na mannes laboure might avayle To do his langinge and his will, Na that werk for to fullfill, He knelid doune on his knees thare, And prayed God with mylde fare: He suld fullfill his langinge And ilk fell to othir bringe. And als swith als he had praied, The huge hye fellis that wyde ware strayed, Ware so fast togider fest, That northe ne southe, este ne west, May noght passe oute of that lande, Bot if it be the foule flyande. And yitt thaire kynde dwellis thare And so thai sall do evermare Till agaynes Domesdaie; Than sall taie all theine straye, In many landes than sall tay wende, The Cristen folk for to schende. For ovre all where thai ga, Cristen folk sall thai sla. Thai sall ressaive Antecriste, And trow that he es verraie Criste; And sone eftir comes Domesdaie, Als we in prophecie here saie. All this tale I have you talde, To ger yow in youre hertes halde, That all that Cristen men will crave, In stedfast trouthe thai sall it have. That may ye se wele be this kinge, That for his trouthe had his askinge, And yit was he a hethen man. And thareby may ye se wele than,/nobr> That Cristen men aght mikil mare, His askinge have if it right ware. For thir sarzynes trowes noght, That Jhesu Criste on rode thaim boght. Forthi behoves ilk Cristen man, That Goddes mark hase on him tane, Wanhope oute of his hert cast, And in right trouthe be aye stedfast; For God maye he noght elles paie, Ne no gude praiere make he maye. Oure Lorde lene us grace to trowe, So that it may be for oure prowe. Amen, amen, saye we all sammen, That we may come to joye and gammen. Amen.	paralysis faith make known believe in me scornfully every one make power each one of Carry; go home healed; ailment praised miracle; awe (t-note) (see note) knew rode in pass over misery; (see note) floats; ocean qualities floats over usury freely cease limbs strong dwells away from there foe miserable entertains (t-note) Unless; spiritually paralysis afflicts souls destroys teaching; learn [from] healthy and strong palsy permits overtaken reasons (t-note) sometimes Too be scornful pleasures; (t-note) greatly clever; (see note) bear myself too proudly; (t-note) tormenting In other words second admonish him against cease sometimes be scornful suffering recognizes (see note) complained those religious leaders demonstrated through Moses’ sister about; sharp judged reward allowed tempt; who was righteous; (see note) try; patience because he endured; temptations possessions Kingdom of Heaven Tobit; (see note) swallow droppings supported him by her weaving lying seven times as much before fetters ought For God loves best of all that man Who fear ever present praise among the people Lazarus; (see note) John suffer praise; bringing to life eagerly; place deaf; mute tormented show wretched rooted deeply power So that; despair leapt slain more eager commonly; (see note) by Herod; (see note) went maggots next to belly; (t-note) endure hip; burst; (see note) kill evil death approached; (t-note) burn; coals given over seethes discord lost avenge; (t-note) in no manner healed earlier look further [into] faith very same one; explicate one make a request certain unreasonably shall dwelling; (see note); (t-note) judgment humility because; pagan went misbelieving pope weep compassion; righteousness damned altar released see that you; no one unjustified hear gives himself altogether although Be of advantage to him (t-note) account (see note) country accounted They were descended from twelve brothers lacking recognize Despite; miracles sea; dry shod placed clothed brave at heart angered; betrayed him Because of which it would be vengeance is germane to our subject power banished Because of heathen lands; (t-note) surrounded by hills these events afraid of him speech permission rugged imprisoned enclosure idolatry ungrateful before in return disobedient attempt; enclose Before; hence go clayey soil; marshland So that; escape angry in no way keep his promise carry out; desire speech each hill separated connected nothing flying birds still; descendants away from there, wander; (see note) shall they wander destroy everywhere (see note) believe; true hear spoken remember pagans redeemed [it] behooves [to] cast satisfy grant reward together delight; (t-note)

[Homily 55 not included in this edition. See Explanatory Notes.]