Dominica ii in Quadragesima secundum Matheum. In illo tempore:1 Egressus Jhesus secessit in partes Tyri et Sidonis etc.2
5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150 155 160 165 170 175 180 185 190 195 200 205 210 215 220 225 230 235 240 245 250 255 260 265 270 275 280 285 290 295 300 305 310 315 320 325 330 335 340 345 350 355 360 365 370 375 380 385 390 395 400 405 410 415 420 425 430 435 440 445 450	Saynte Mathewe sais in oure Gospell That Jhesu Crist yode, als awntir fell Oute of Tyri into a lande Thare haythen folk ware in wonande. Thare mette he with a haythen wommane That made to him a rewefull mane: Scho prayede him on hir to rewe, And hele hir doghtir of cares newe That scho was in, for scho wode wasse, For in hir woned Sathanase. And Criste hir herd bot he stude stille, And his dissiplis saide him till: “Helpe this wommane and late hir gange For scho cries on us full lange.” And Jhesu saide, “I am noght sende Bot to Jewes thaire lyves to mende.” Than this womman come him unto, And loutid him als hir aght to do, And what scho wald, hir askid he. “Lorde,” scho saide, “helpe now me.” And he saide that nane suld think gode To take brede fra childir fode And give it houndes als wha saie: Gode Jewes, that haldes wele thaire laie Er Goddes sonnes, and haythen mann Es callid hounde for lawe he ne cann. “Forthi me think it is na right To schewe ymange houndes mi might; Bot Jewe that Goddes sonne es callde Suld knawe mi might if he walde, And fede his sawle with my worde, Als bodie es fedde with brede atte borde.” To his worde toke scho gode tente, And wist graytheli what he mente. Scho answerd him full wiseli thare, And saide to him with mylde fare, “Thir smale whelpes etes crommes in halles That of thaire lordes borde falles; Als to saie, I wote wele we are Likknid to houndes for oure missefare. Forthi I likken me to a whelpe To gete with mekenes att thee helpe.” And Criste answerd and saide than, “Thi trouthe es mikil to loue, wommane, In this case be thi will done.” And with that worde scho had hir bone, For hir doghtir had hir hele, That tyme that he gon with hir mele. This es the strenghe of this Gospell, Als man with Ynglisse tonge mai tell.    Gode clerkes that grete clergie can Spekis mikil of this ilk womman, And sais when scho spak with Jhesus, Full gude costis schewid scho us. Thir gude costis er callid rewthe Of hert, and tholemodenes, and trewthe, Lastinge in gode, and rightwisnesse, And the sexte coste es callid mekenes. For rewthe of hert scho kende us thare Thare scho rewid hir doghtir sare. Scho prayed for hir that scho bare Als it hir awne evyle ware. Scho kende us rewthefull for to be, When we oure even Cristen se Thole any sorowe or any wa: To helpe thaim of it wher so thai ga, And be als wa of thaire sekenes Als seke man for his awne sorow es; And fande if we may helpe him oght, And for him have rewthe in thoght; And helpe the pore at oure powere With mete or drink or clothe to were. We awe to legge thaim of thair poverte Or elles have we no rewthe in herte. Bot here er riche menne to wite, That hase in thair herte na syte, When thai se the pouere hase nede, And maye thaim helpe with almusdede, And will thaim nowther clethe ne fede, Bot latis thaim dye for honger and nede. Allas, allase, what mai thai saie, When Criste sall apon Domisdaie Thaim chalange for thaire allir dede That wald the pouer give na brede? He sall than saye thaim wordes grymme, And tell thaim than how thai lete hymme Thole honger and calde and wandrethe And wald him nouther fede ne clethe. “I hungrid sore,” schal he say. “And full seke in prisoune I laie; Bot none of yow walde bete mi bale For of me gave ye never tale.” Than answere sall tha sinfull men And ask Jhesu Criste, “Whare and when Saw we thee pore or in nede, And we walde thee nouther clethe ne fede? Or when sawe we thee sekenes have Or in prisoune us almus crave?” And Criste sall saie thaim, “Wele ye witte That when ye fra pore folk held it, That had nede and praied yow, Ye warned it me, ye maie me trowe. Tharefore ye schall wende to hell pyne, For ye ne helpid me ne myne.” Than sall tha sinfull ga to hell, Als Criste himself sais in the Gospell. Forthi yow riche men, I rede Ye think ofsithes on the dede, And fede the pore with youre brede That ye ne well noght in hell lede. I rede you of the pore ye rewe That ye noght tyne that blissfull glewe That riche men sall have to mede That gladli here duse almusdede. Now se ye wele that rewthe of hert Geres men helpe other in thaire povert, And sore forthinkes of all tho That er seke or pore or wo. For this womman als ye have herd Rewde fore that hir doghtir misseferd; Forthi scho prayed inwardelie Criste on hir to have mercye. Hir rewthe of hert gasteli us ertes To have rewfullnes in oure hertes, And helpe thaim that hase nede With prayere and with almousdede. The tother coste that scho us kende Was tholemodenes us to defende Fro hastie wordes and fro brethe, Fra hatereden and fro neghbore lothe. This tholemodenes kend scho us When scho mekeli tholid Jesus Betaken hir and all hir kynde To a whelpe that es nyne nightes blynde. For in wannetrouthe full blind ware thai To Criste thaim kende the right waie Of trouthe, that ledes man full evene With rightwise life to the blisse of hevene; And that he grauntid this wommane rathe, For scho ne was for his wordes wrathe, Bot louid him als hir aght to do. And rightwisnes us thare kende scho: Rightwisnes in dede we schawe When we yelde all lellye that we awe. To God we awe klannes of hert And wirschipe and willfull poverte; For pore he was for oure sake, When he on him oure kynde walde take. We awe to fullfill his biddinges And doute his domes in all thinges. We awe to mensk him for his might, And halde that we have him hight. We awe to have hope of his come To deme us all on the Daie of Dome, And be graithe taken may we knawe All the dette that we God awe, Bi the lowtinge of this wommane When scho to Criste made hir mane. To prelates awe we bowsomnes If thaire biddinges be in godenes. Bot if thaire biddinges be in ylle, We awe noght for to wirk thaire wille. Till oure evene Cristen awe we Right lufe of hert and charité; And schewe thaim charité in dede Of oure helpe if thai have nede. And if we yelde thus that we awe Rightwisness in dede we schawe. This rightwisnes es betakned thare Whare this wommane lowtid Criste are. Scho yalde him mensk that scho aght — Thus rightwisnes scho us taght. The ferde coste that scho kende us Was trouthe that scho had in Jesus; For scho trowid with thoght lele That Criste might give hir doghtir hele; And sithen scho that was a haythen wight Had so gode hope in Cristis myght, Full wele suld Cristen menne with right Trowe in him and hald thaim fro plight. For trowthe mai nothinge us avayle If we of rightwise dedes faile. For truthe is ded withoute good dede Als we in haly bokes rede. And forthi everilk a man That Cristendome has on him tane, Trouthe hase he nane bot yif he do Gode dedes that fallis thare unto. For Cristen man bothe ylle and gude Trowes that Criste thaim boght on rude, And many cayteve noghtforthi Wretthis so Criste thorghe his folie That his trouthe es noght worthe a stra. For synnes catchis Criste him fra: With trowthe es he Cristis frende And with dede againe Criste unhende. If Cristen man trowe witirlie In Criste, and lyve wickidli, His trouthe helpis him right noght, Bot lawere geres it him be broght Eftir his dede in hell pyne Than outhir Jewe or yit Sarzyne. Bit yif he make amendes here With schrift, penaunce, and with prayere. Lyve we than so in dede and worde That oure lyfe to oure trouthe acorde. For trouthe us noght avayles elles Als Saynte Jone the apostil telles. The fifte gude coste that this wommane Kenned us when scho made hir mane Es langelastinge till oure lyves ende In gude, and this coste scho us kende, When scho wald noght leeve hir prayere Thof Criste hir gave noght sone answere; Botte more and more scho praied faste, And gatte hir will atte laste. Thus openli scho kende us here To be lastand in gude prayere And noght stynt of oure bone, Thof Criste us graunte it noght sone. For oft he taries oure askinge To kindil in us gude langinge; Mare langinge he geres us have him till, Than if he grauntid us sone oure will. Forthi I rede ensawmpil we take Of this wommane, praiere to make And noght alsone of prayere stint, For we ne wate what God hase mynt. Now se ye wele thir costis fyve Schroudes Cristen mannes lyve: Thai er callde trouthe and tholemodenes, Rewthe, langelastinge, and rightwisnes. This forsaide womman thaim us taght When Sathanas with hir doghtir faght. The sext gude coste that scho us kende Es mekenes, that may us defende Fra Sathanas and his felawes, For aie fra mekenes he him drawes; For mekenes ymange all vertues The fendes pousté moste destrues. This mekenes kende this womman us When scho spak mekeli to Jesus. Scho likkende hir to lesse than hounde To gerre Criste make hir doghtir sounde, And Criste for hir answere meke, Helid hir doghtir that was seke. This wommane that thus made hir mane, Betaknes ilk a synfull mane, That hase a doghtir seke in bedde: That es his flehsse when it is ledde With will or lust or lyccherie, That es callid wodenes gastelie. For it geres a man do fonde dedes And forgete his saule nedes. That maie ye se be ane ermite That for lust lefft his abite; And be this tale maie we wele kenne How fule luste mase unwise menne. Tharebi a tale now will I telle If ye will here a while dwelle.    To wildirnes yode a yonge man To live als hermite be him ane; And he was fandid swa fellie With lust and likinge of his bodie, That rest ne pese might he none have, And till ane ermete he him schrave. That ermite was a hali mane, Bot flehssli likinge had he nevir nane; Forthi unlevene to him was he, And unskilfull als think me. For when this man was schriven him to, He saide him noght what he suld do; Bot saide, “I can na skill of thee, Swa foule thoghtes thou schewes to me, For God, me think, may thou noght paie,3 That lates so thi thoghtes straye. Thow thinkes so on ydil dedes It will thee drawe to hell gledes. Me think that thou unworthi es To serve God in wildirnes; Forthi ga schryve thee whare thu will, For of thee can I na skill.” This yonge ermete was full sarie, And saide, “Allas, that born was I! I wald be saved bot I ne maie, Als wele may I ga live in plaie Ymange thir werldes men and tyne Mi joye and sithen go to pyne; With yllir wane, me bettir is To take mi parte of werldes blisse, Than thole here bathe pyne and wa And in other stede alswa.” When he had saide this and mare, To the toune he wente greteand full sare, And als he yode with chekes wete, Ane alde ermete he mette be the strete. This alde ermete Apollo hight, And knewe this yonge man wele be sight. He askid him whider he walde And he his fandinge all him talde, And saide, “Leve fadir, me es full wo For to the seclere will I go; God wald I serve, bot I ne maie, So am I fandid night and daie. Bothe with mi flehsse and with the fende, That geres me now to the towne wende; For atte yone ermete I me schrave, Botte nanekin penaunce he me gave. He sais that I am noght worthi To serve God, and forthi Will I live in werldes plaie, And take me joye whiles that I maie. What bote es to thole here tene and traye,4 Sithen I ne maie serve God to paye? Bettir es me here some joye to make, Than to pyne here and never joye take.” This alde ermite him answerd than And saide, “I ame ane alde man, And live the whether I ne maye Withouten flehsse fandinge a daie; Forthi thar thee think na ferlie, Thof thou be fandid inwardlie. For aye the more that God lufis thee The more fondinge thee sendis he; And, leve sonne, that ilk ermite That thee schrave es greteli to wite: For thare he suld with wordes hende Have comforte thee agaynes the fende Thare did he als ane ebbir fole That gert thee leeve Cristis scole. Of flehsslie lust never fondid was he, Forthi unleve was he to thee. Thou maie be thi fondinge se That God lufis him wele lesse than thee; Forthi, sonne, here now my counsaile, For mikil mai it thee avayle: Thou torne agayne into thi cell And still in Goddes servis thou dwell; And I sall praie God that he Take all thi flehssli lust fro thee, And late it fall on the ermite That gert thee with missecomforte syte; That he maie of thi fondinge prove And lere to have in schrift some hove.” This yonge man of this rede was faine And tornid to his celle agayne; And this Apollo yode privelye Unto that ilk ermetrye, Thare this alde ermete was wonande, And sette him on his knees God prayande; And saide, “Lorde that heryed hell I praie thee, thou yone fondinge fell Of yone yonge man, and gerre it light Of yone olde man to fonde his might, That he maye lere tendir to be To thaim that er fondid for thee.” And be his prayere was broght to ende Aperteli he sawe the fende Stand with arowe and with bowe And schote in atte a windowe; And his fell arowe even smate To the olde man thare he sate; And so fell fondinge he felid sone, That uppe he rose als he ware undone. For flehssli lust he yede nere wode And fast fro wawe to wawe he yode, And of him his abite he kest, Als mad man that had na rest. He yode to towneward atte last, And him Apollo folowid fast, And be his name he him callde, And askid him whidir he walde; And him thoght so mikil schame, That his abite was left at hame That he stode als he fonde ware. Than this other spak to him thare, And askid him whare his abite wasse, And he answerd and saide, “Allasse, For I am casten in a sarye case, Thorow the fandinge of Sathanase For schamefulli on myne alde tase To toune I rynne with evil rase; I fall in fight agaynes the fende For to the seclere will I wende To take me wife for I mai noght Wone here, so es mi flehsse in floght. Mi foule flehsse prikkes me so, That allmoste wode it geres me go.” Apollo bad him think on than: “That thou saide to yone yonge man That schrave him in fandinge thee to, And was redie penaunce to do. Bot thareof litil skill couthe thou, And forthi ertow fondid now; For with thi worde thou gert him ga His awne saule for to sla. Forthi prayed I God that he Suld ger his fondinge fall on thee.” When he had saide all this and more, This ermite fell on knees thore, And saide, “Fadir, I ask mercye — I knawe wele that I did folye. I praie thee, praie God for mi plight, For gode amendes I thee hight.” Apollo saide than to him rathe: “Sitte we on knees, and praye we bathe That God the fendes fondinge slake And bothe fro thee and him it take.” Thai praiede God inwardelie, And God thaire praiere herd in hye; For thaire fondinge witid awaie, And eftirward gude pees had thaie. Be this tale that I have talde Se ye how flehssli lust es callde Wodenes, and right callid es it, For it geres wyse men tyne thaire witte. For who es woder than that man, That mikil skill and insight can, And wote that man for dedeli synne, Tynes that blisse that never sall blynne; And gase wele and witandlie; And lepes in the fendes balie, And tynes the joye that lastis aie, For lust that lastis bot a daie; To be in pyne that never endes, Ymange the feleschipe of foule fendes. Forsothe me think woder es he Than any wylde beste may be; For thare a beste perile sees Thorow right resoune fast he flees; And witti man willfulli gase, And makes him omageoure to his fase, When he with lust his saule slase, For than he serves Sathanase. Forthi if we this lust will slake, Of this wommane ensawmpil we take, That gert Criste thorghe hir mekenes Hele hir doghtir of wodenes; With mekenes gatt scho Cristis helpe When scho hir likkned to a whelpe. Tharefore I rede ilk a daie, To Criste fast that we praie, That he lene us oure flehsse to teme That it putt us to no greme; And sithen give us grace that we Maye serve him in chastité, And bringe us all to that blisse That to chaste men grauntid is. That it mai so to us fall, Amen, amen, praye we all.	went, as it happened Tyre; country; (t-note) dwelling sorry moan pity was out of her mind dwelt let; go; (see note) amend bowed down to; ought none should think it good children’s food as if to say maintain; law; (see note) God’s sons he knows not the law wishes table paid good attention quickly words puppies; (t-note) know Likened; error compare myself help from thee faith; greatly to [be] praised request was healed During the time; speak learning possess; (see note) much (often); same moral qualities compassion patience; faith constancy; righteousness compassion; showed pitied gave birth to affliction compassionate fellow Christians Suffer; woe wherever sorrowful for see; in any way compassion to the best of our ability ought to relieve; (see note) blameworthy; (t-note) no understanding allow suffer; misery (see note); (t-note) help; suffering you had no concern for me ask us for alms know; (t-note) withheld refused; believe pain advise frequently So that you will not live in hell have pity lose; joy as reward Causes are grieved by suffered urges second quality; showed patience anger hatred; hostility to neighbors allowed Compare; sort (see note) unbelief Until directly righteous quickly praised taught give; loyally; owe purity willing nature ought; commands fear his judgment honor keep to; promised coming judge by ready sign kneeling lament clergy; obedience commands are evil; (see note) fellow demonstrated honored; earlier (t-note) fourth quality faith believed; loyal health since; heathen creature Believe; keep themselves; sin (see note); (t-note) taken Good deeds that accord [with faith] wretch; nevertheless angers straw snatch Christ away from him deeds against; discourteous truly and [yet] lower causes death either Unless (see note) life accords with our faith does no good otherwise complaint perseverance In goodness constant cease; request Even if; right away delays [in answering] incite; desire advise quickly know; intended Adorn guard draws back power; destroys whole because of (see note) Signifies every spiritual madness foolish discarded his habit makes men unwise (see note) by himself tempted; wickedly; (see note) desire peace hermit; confessed carnal desire unsympathetic; (see note) I cannot help you Such [You] who so let coals I wish to be I may as well; pleasure worldly; lose heavenly joy; pain Despite the bad consequences; (see note) suffer place as well weeping went way was called was going experience world; (see note) I wish to serve God tormented no kind of penance Since; satisfactorily (see note) suffer pain And nevertheless I may not live a single day you need not think it surprising temptation blameworthy gracious outright Christ’s way unsympathetic; (see note) advice much; help go back service; (t-note) be anxious experience moderation counsel; glad secretly hermitage; (t-note) harrowed; (see note) that temptation destroy make it settle test learn as soon as Openly; (see note) evil; directly hit felt went nearly mad wall; went [hermit’s] habit deranged have been cast into a sorry state toes run; speed world; (see note) (see note) Dwell; in a flutter; (t-note) goads you had little skill drove him condition; (t-note) promise at once alleviate withered lose their wits crazier knowledge and insight has And [who] knows Loses; end knowingly domain where clever himself a vassal; foes slays calm every day grant; tame So that; shame