5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150 155 160 165 170 175 180 185 190 195 200 205 210 215 220 225 230 235 240 245 250 255 260 265 270 275 280 285 290 295 300 305 310 315 320 325 330 335 340 345 350 355 360 365 370 375 380 385 390 395 400 405 410 415 420 425 430 435 440 445 450 455 460 465 470 475 480 485 490 495 500 505 510 515 520 525 530 535 540 545 550 555 560 565 570 575 580 585 590 595 600 605 610 615 620 625 630 635 640

Sleighe men and egleche, and of redes wise and bolde, Lustniez nouthe to mi speche, wise and unwise, yongue and olde. Nothing ich eou nelle rede ne teche of none wichche ne of none scolde,1 Bote of a lif that may beo leche to sunfule men of herte colde. Ich nelle eou nother rede ne rime of kyng ne of eorl, of knyght ne of swein, Ake of a womman ich chulle ou telle that was sunful and forlein;2 A swythe fol wumman heo bicam, and thorugh Godes grace heo was ibrought ageyn, And nouthe heo is to Crist icome, the fayre Marie Maudeleyn. Of hire ichulle yeou telle nouthe al hou and hware heo was ibore, Yif ye to me wullez iheore and habben of God thonk tharefore.    This word "Marie" so is brightnesse and bitokne the steorre of the se,3 And soruwe also and biturnesse, ase the bok tellez me; For hwane a man fielez in is heorte that he havez muche misdo,4 And him tharefore biguynnez to smeorte, that is to him bitur and wo, He mournez and he sikez ofte. This ilke Marie fierde also, That thing that was hire leof and softe was seththe hire fulle fo.5    In the Castel of Magdalé this faire wumman was ibore; Heo was icleoped in propre name the Maudeleyne right tharefore. To speken of hire ich am wel fous, and it likez me ful murie. Ire fader was hoten Sire Titus, and hire moder Dame Euchirie, Hire brothur was cleoped Lazarus, and Martha was hire soster. Heo was debonere and pitiuous, and heo was a seli foster.6 Heore fader and heore moder bothe comen of riche kunne, Of bolde kyngus and of quienes, men of muchele wunne, Of castles and of tounes, of londes and of theodes, Of halles and of boures, of palefreighes and of stedes. Large huy weren of heore metes to heom that hadden neode, To men goinde and eke sittinde that heore bonene wolden heom beode.7    Wyse men and sleyghe overal huy weren itolde. Tho that huy scholden deighe, and so huy weren iholde, Heore londes and heore leodes huy delden alle a-threo,8 Tounes and heore theodes, heore guod and heore feo, To feoffen heore children tharewiz echon, For huy ne scholden nought strive hwane huy heom weren atgon.9 Wel sone thereaftur, tho huy nede scholde, Deiden fader and moder, ase Jesu Crist it wolde. Bi heom men duden sone ase huy oughten to done10 And to heore longue home broughten heom ful sone. Jesu Crist of heovene of heom habbe merci And for Is names seovene fram helle heom waraunti!    Huy dighten heore londes among heom alle threo, And with heore hondene delden heore gold and heore feo.11 To Marie bilefde the castel Magdalé; Tharefore Maudeleyne formest icleoped was heo. Lazarus hadde that halvendel of al Jerusalem, Of wodes and fieldes and of sart almest to Bedlehem. Martha was ifeoffed with the Betanie And also with Genezarez, bote the bok us lie.    Marie heo ne tolde nought bote al of hire pruyde, Ake tharon was al hire thought, and faire hire to schruyde,12 And seththe for to walke aboute to don hire flechses wille, To gon and eorne feor and neor, bothe loude and stille.13 For sothe, heo was riche inough, and so heo moste nede; Manie riche men hire leighen bi and geven hire gret mede.    Lazarus spendede al is thought opon his chivalerie, Of othur thingus ne tok he no yeme, ne to housebondrie. The selie Martha, that othur suster, heo was of redes guode, Ase thei heo and hire soster neren nought of one blode.    Martha nam hire brothur lond and hire sustres also, And dude heom teolien wel inough, ase wys man scholde do; Tharewith heo fedde alle heore men and clothede heom also, Povere men and wummen, that weren neodfole and in wo.    So fair womman nas thare non in none kunnes londe14 Ase Marie was of bodie, and of fote and honde; So more fairore that heo bicam, the more of hire was prys, The more fol womman heo wax, and sunful and unwys.    Hire righte name Marie overal heo les tharefore; "Sunfole wumman" men cleopeden hire bihinde hire and bifore.15 Tho this wumman hadde iheord that hire name was ilore, That heo was so bigyled and bicherd, wo was hire tharefore. Tho men hire cleopeden sunfule and lieten hire righte name, Heo wax kareful and dreori of thought and gan sore to schame.16 Tho nolde heo no more bifore the riche men come; Into hire castel for sorewe heo havez hire inome For to ore Loverd cam and prechede overal in that londe.17 Martha hire suster ofte bifore opbraid hire schame and hire schonde And chidde hire ful ofte for hire lecherie, Bothe fastinde and eke ful, that unnethe heo mighte it drie.18    A man of that contreye that heighte Symond Leperous, Also the bok us tellez, bad ore Loverd to is hous, And Is deciples tweolve with Him, to the mete, For He ne mighte nought Himsulf fram heom alle ete.    Marie this iheorde and tharof was ful glad, A smeorieles to greithi tharto heo was ful rad. Heo wende to Symundes hous, that no man hire ne bad, To ore Loverd Jesu Crist; and ful sore heo was ofdrad. For that heo was so sunful, bifore ore Loverd to come Careful heo was and sore aferd forto beon inome.19 Heo ne dorste ore Loverd repie nought bihinde ne bifore, Ne no man hire nolde cleopie, and that hire grefde sore.    Tho ore Loverd was isete in Symundes house there And his apostles to the mete, that with him tho were, Ore Loverd sat and thoughte muche, ake bote luyte He ne eet. Marie, that was so sunful, heo crep doun to Is fiet. Heo custe Is fiet and wusch also with hire wete teres, And wipede heom afturward with hire yeoluwe heres. Out of hire boxe heo nam oynement ful guod And smeorede ore Loverdes heved with ful blisful mod.    Judas was thare biside and smulde hit, and tharefore he was neigh wod; That swote smul him culde neigh and gremede is sorie blod, And bad don up that riche thing that heo ore Loverd gan with smeore;20 To spene it so in wasting, he seide, it was gret lure, And seide, "It mai beon isold ful deore, to bugge with muchel mete,21 Povere men tharewith to freveri of drunch and of mete."    Tho saide ore Loverd to Judas, "Lat thou this wumman beo! Ful guod weork it was and is that heo wurchez in me; For ai schulle ye povere with eou habbe, and so ne worth eou me.22 Thi toungue moste bien ischave; to speche heo is to freo."    Symund Leprous iheorde this; he thoughte wel manifold That, yif thes Profete were also wys ase He is fore itold, He nolde soffri this fole wumman His bodi enes to reppe, For no weork that heo can do, or toward Him enes steppe.    Ore Loverd wuste is luthere thought, ake tharof stod Him non eyghe: "Symund, thou thenchest muche for nought. Sumthing ichulle thee seighe."23     "Maister, seye," seide Symound, "ich it bidde thee! For thou noldest for nothing segge onright to me."     "An usurer was hwilene that hadde dettores tweyne, That swythe longue hwyle dette him scholden beyne:24 That on him scholde fifti panes and twenti tharto, That othur him scholde of dette fifti panewes also, And nothur of heom nadde hwareof the dette for to yelde.25 Huy yolden, tho he it crevede, ase the bok us telde. Hwethur of heom tweine cudde him more love tho?"     "Maister, he that more gaf, me thinche, so mote I go."26     "For sothe, Symund Leperous, thou havest idemed aright. For seththe ich cam into thin hous, thou ne custest me no wight,27 Ne thou ne wusche nought mine fiet with watur ne with teres, Ne thou ne wypedest heom nought yuyt with clothe no with heres. Min heved on none halve with no manere oynement Ne smeordest, with none salve ne with no piement. Seththe ich cam into thin hous, this wumman nolde blinne Mine fiet to wasche and cusse withouten and withinne, And to wipen heom seththe afturward with hire faire here, Min heved also to smeorien with riche oynement and dere.     "Op aris, thou wumman; thine sunnes thee beoth forgyve! Also ich nouthe can and may, of me thou art ischrive."    Marie the Maudeleyne, ore swete Loverd hire schrof, Swete Jesu Crist out of hire seve develene He drof. Ore Loverd makede hire Is procuratour, His leof and Is hostesse; Heo lovede Him with gret honour in pays and in destresse.    Martha hire suster was ful sik, and so heo hadde ibeo ful yore; At hire bihinde heo hadde ibled seven yer and more. Heo ne mighte for nothing no lechecraft afongue, Are ore Loverd, Heovene King, among heom thare gan gongue, And gaf hire Is swete blessingue and helde hire of hire sore And bad hire beon hol and sound; and so heo was evereft more.    Heore beire brothur Lazarus was swythe sikel a man. Jesus hereborewede at heore hous hwane He bi heom cam, And his apostles alle, hwane huy thare forth come: Heore in huy gonne cleopie and ase heore owene it nome; Al swuch ase thareinne was huy eten and huy drounke - 28 Men habbez ofte note of thing that luytel it habbut swounke.    Tho Jesus hadde thare ibeo ase longue ase He wolde, He wente to anothur contreye, for men iseon Him scholde. Marie He gaf Is blessingue and Martha and Lazarus, Muchele and luttle, elde and yongue, that woneden in heore hous.29    Aftur that He was iwend, Marie wax egleche; Crist hire havede aboute isent to sarmoni and to preche. To sunfole men heo was ful rad to wissi and to teche, And to sike men heo was ful glad to beon heore soule leche. Mani on to Cristinedom heo broughte, and out of sunne, Fram lecherie and horedom, thoru schrift, to joye and alle wunne.    Aftur ore Loverdes passione in the thrittenthe yere, Giwes weren proute and grimme, olme and of luthere chere:30 Seint Stevene to dethe huy stenden, that was ore Loverd ful deore, And manie men huy flemden that Cristes limes were.31 Non apostle ne moste live in Giwene londe, Alle huy weren of londe idrive with wraththe and nythe and onde.32    Seint Maximus was tho with Godes apostles bicome; Sixti ant ten deciples togadere heom hadden inome. Marie the Maudeleyne and hire brothur Lazarus And heore suster Martha and the bischop Maximus, Mani mo of Cristine men, wel mo thane I can nemne, Weren ihote fleme, and some to quelle and brenne.    Huy weren in a schip ipult withouten ster and ore, That huy scholden beon furfaren and ne libben no more; Thare nas nothur ido with heom nothur watur ne bred, For huy scholden ofhongrede beon and sone thareafturward ded. Huy schypeden in the salte se, ase Jesu Crist it wolde, Forto that tyme scholde beo that huy arivi scholde.    To Marcile the wynd heom drof, a gret namecouth cité. Everech of heom othur schrof are huy comen out of the se. Huy ne founden thare no freond that wolde heom hereboruwe, Cristine man ne no Giu, an eve nothur amoruwe,33 Ne gyven heom mete ne drinke nothur ne lissen heore soruwe, Ne no man, for love ne for swunch, that huy mighten of bugge ne borewe.34    In one olde porche huy stunten al that nyght, Withoute light of torche, withoute fuyr and candle bright; The porche was an old hous, of olde weorke iwrought, Thudere in huy weren alle wel vouse that of the se weren ibrought,35 For huy nusten ellehware that huy stunte mighte, Bote huy hadde gret schame and teone, and Giwes with heom to fighte.36    Thare huy duelden al that nyght forto it was day amoruwe. The Sarasins heom boden fight, to echen heore soruwe.37 Alle the men that fram the se thuder weren icome, Huy nusten hwodere huy mighte fleo; forthi huy weren inome.38 Huy weren ihote ope lyf and lime Jesu Crist fursake, And, with thretningue and with strif, to heore false godus take.39    The Marie Maudeleine heo saigh that folk arise, Riche and povere, knyght and sweyn, to don that sacrefise; Heo was anuyd and ofdrad, that hire bigan to grise; To speken of God heo was ful rad, and so dude on hire wise.    Op heo stod with wordes bolde, with bright neb and glade chere, And seide,"Herkniez to me, yunge and elde, that wullez beon Cristes Ne bilievez nought opon Mahun, ne on Tervagaunt is fere, For huy beoth bothe deve and doumbe, and huy ne mouwen iseo ne ihere, Ne huy ne mouwen eou helpe nought of none kunnes thingue,40 Thei men of heom yelpen ought, ne no guod to eu bringue. For huy bez doumbe and deve, crokede and eke blinde; Heore mighte is fallen to grounde biforen and bihinde. Ake ye schulle lieven on Jesu Crist, oure heighe Heovene Kyng, That al this worldes Maister is, withoute ani ending, For He may don Is wille of evereche cunnes thing That ye wilniez with righte and withouten suneguyng. He is withoute biguynningue, and He is withouten ende, Withoute fuylthe and sunegyng, so corteys and so hende That al thing that man with skile Him biddez He wole him gyve and sende, To man that goth and eke rit, that wole to him wende. He is Wuryte of alle thing; He makede heovene and helle, Ne may no kayser ne no kyng His vertues alle telle; The man that Him servez wel ne may him no feond dwelle, Ake huy that wullez agein Him fighte, to grounde He wole heom felle. He makede day and eke nyght, steorrene and sonne and mone; The man that trewe is and lovez Him aright, He wole graunti him is bone, And that he biddez Him with treouthe, He it grauntez him ful sone; He helpez bothe king and knyght, the povere alle mididone."    A riche prince of Sarazins thudere was icome, With him is wyf and his mayné that with him he hadde inome. To Maries prechingue he lustnede ful sone; For that heo was so fair a thing, to hire huy token guod gome.    The Sarazins onvele weren, fulle of nythe and hete. Tho it was time of mele, huy wenden to heore mete; Tho huy comen hom unsele and tharto weren isete, Cristes men to delen guod ful clene huy hadden forgete.41 Thare weren of Cristine men mo thane sixti and tene; No man nadde reuthe of heom, and that was thare isene: Huy weren witoute mete and drunch, in gret hongur and in teone, Ne huy ne duden no weork ne swunch, ne nothing men nolde heom lene.42    Hit was in one nyghte aftur the thridde day That this riche princes wif in hire bedde lay. Thare cam Marie Maudeleyne, and biforen hire heo stod: "Dame, me thinchez thou art unhende, for thou hast muche guod.43 Of thee ich habbe gret feorlich, and muche me thinchez wunder That thou last Jesu Cristes folk thus steorve for hungur. Bote yif thou othur thi loverd lissi heore kare, Wite ye mid iwisse, sorewe eou schal beon ful yare;44 Swuch a fierd schal opon eou come that schal eou so furfare And aquellen eou and eouwer folk; huy nellez eou nothing spare."    This riche princes wif this word nolde hire loverd nought telle - For sothe, heo was puyrliche unwys, in sawe and in spelle. The othur nyght the Maudeleyne eftsone yeode hire to And spak to hire wel stuyrneliche, and the thridde nyht also; And yuyt heo nolde hire erinde to hire loverd do.    Marie cam the feorthe nyght and bifore the prince heo stod: "Slepestou, tyraunt, thou develes knyght of Sathanasses blod? Thi wif, the naddre, heo is amad; ich holde hire puyr wod. Heo nolde thee telle that ich bad, for uvele ne for guod. Thou havest mete and drunch inough and luytel othur care, And soffrest Cristes men with wough for hungur thus furfare! Bote thou amendi heore stat sone, thee is sorewe al yare:45 Thare schal so strong folk come thee agein that wollez thee luytel spare, With sweord and spere huy schullen thee sle and al thi folk furfare." The Maudeleyne yeode fram him and liet him ligge thare.    The quiene awok and sighte sore and tolde hire loverd so; Tho thoughte him that he iwarned was threo nyghtes and mo. Heo tolde him that hire was iseid and also ihote to do - Feden Jesu Cristes men and lissi heom of heore wo, Othur heom scholde sorewe inough and kare comen heom to.    Tho seide the prince, "Dame, hwat schulle we do Of thisse opene warningue that is icome us to? Betere is that we Cristes men swythe wel heom fiede and schruyde, Thene we tellen luyte of heom in vilté othur in pruyde."46    Huy token Jesu Cristes men and ladden hom to heore inne; Al that heom was neod huy founden heom with love and alle wunne. The Maudeleyne heom radde wel to witien heom fram sunne,47 So that heom ne thorte nevere drede of Sathanases kunne.    Opon a day heo bigan Godes word for to preche And of Godes lawe, with gret wit, ase heo thar mighte areche; To leden heore lyf in guod fey alle heo gan heom teche, And for to lovie God and don awey wraththe and onde and wreche.    The prince saide tho to hire with egleche wordes and bolde: "Might thou provi with treuthe that thou prechest may beo wel iholde?"48    The Maudeleyne saide, "Ye, ich am redi eou to teche, Bi ore maistres conseile and mid is holie speche - That is Seinte Petre of Rome - hou ye schullen on take The blisse of Heovene for to afongue and the feondes lore forsake."    Tho seide the prince anon and is wyf also: "We beoz bothe redie anon thine wille for to do, So ase thi Loverd is of so muchel mighte That He may, hwane He wole, at Is wille alle thingus dighte. Bide thine Loverd, Heove King, that is us alle above, So ase He may don alle thing, and also for Is moder love, And for thine bisechingue, that He gyve a child that beo a sone. And at thane forewarde we wollez with eou wone; Ore kinedom also forth with us His owene we wollez bicome, And we wollez yelden agein to Is men that we heom habbez binome."49    Tho seide Marie the Maudeleine,"That nelle ich nought bileve; A preiere to mi Loverd to make nele me nothing greve. Ich bidde thee, swete Jesu Crist, that makedest sonne and mone, That thou this prince siende a child, and that it beo a sone." Heo bad with guode heorte and milde; heo was iheord ful sone; That ilke nyght huy geten a child, ase God heom gaf grace to done.    Tho the prince wuste that is quiene was with childe, Anon right toward Jesu Crist he wax meoke and milde. Huy leten heore uvele dedes that weren so wikke and wilde, And aftur Godes dedes huy wroughten and gonne buylde.    Tho swor the prince and seide,"Bi heved min, wiende ichulle to Rome And bicome a pilegrim and don aftur the holie dome, And with Seint Petur ichulle speke and don aftur is redes, Yif it is so ase Marie seiz of Jesu Cristes dedes; And yif that ich him finde at the court of Rome, Of him ichulle underfongue fullouht and Cristendome."    Tho seide the lavedi,"Ichulle wiende with thee, And, thare thou art icristned, ichulle also beo; And hwane thou comest hidere agein, ich may come with thee."    Tho seide the prince, leighinde, to is wif agame: "And beo nouthe ase thou seist, mi leove swete dame, Bote in schipe wexez ofte soruwe, peril, and teone and grame; And thou art nouthe with childe; couth is that guode fame. In the se thou mightest ful sone hente schame - Yuyt hadde ich leovere ich were ihuld and evere to ligge lame! Ake bilef thou at hom and reste thee wel and yem alle ore thingues. At mine agein-come God siende me of thee guode tithingues!"50    Tho spak the lavedi, the quiene, and feol adoun to is fote: "Leve loverd, thou let beo that, and graunte me that ich mote! This ilke sorewe wole me aslen bote thou do me bote."51 Yeot seide the levedi, and weop wel swithe sore, Deolful and dreori heo ful adoun and seide ofte,"Sire, thin ore! Hou mighte ich libbe and beon glad bote we togadere wore? We loveden us so youngue, and nouthe we beoth sumdel hore."    So longue and yeorne this lavedi bad hire loverd, that was so hende,52 That he hire grauntede, and was ful glad, with him for to wiende. For neodfole bisokne of heom and heore men The holie blessingue with hire hond Marie makede on heom, For no wickede gost bi the weye ne scholde hem derie, The holie Rode tokningue fram sorowe heom scholde werie.53    The Marie huy mauden wardein of heom and of heore schipe, The swete holie Maudeleyne, in Cristes wurthschipe, For heo was the Kingue of Heovene leof and deore and queme, And bitoken hire ech del to witien and to yeme.54    Huy nomen with heom into heore schip bred inough and wyn, Venesun of heort and hynd and of wilde swyn;55 Huy nomen with heom in heore schip al that hem was leof, Gies and hennes, crannes, and swannes, and porc, motoun, and beof, For huy scholden passi the Grickische Se,56 And for that huy nusten hou longue huy scholden thareinne be.    Huy drowen op seil and ore and schipeden anon right, Alle, the lasse and the more - eorl, baroun, and knyght. Huy nadden bote seve nyght iseiled in that flod, That huy neren sore ofdradde; the se wax stuyrne and wod. The se bigan to flowen, and the wawes for to arise; Some bigonne to swounen, and heore heortene sore agrise.    The se bigan to ebbi, and the wynd ful stuyrne to blowe. Ase the quiene on hire bedde lay, hire token ful strongue throwes.57 Heo swounede ful ilomeliche and harde pinede tharefore, So forto that hire youngue sone were of hure ibore.    Tho that child ibore was, the moder bigan to deye. That folk gradde, "Allas, allas!" and weopen with heore eye. Tho the levedi was ded, aftur that thet child was ibore, Huy ne mighten it bileve to make deol tharefore. That child wolde souke, and it nuste hwam; Thare nas no milk aboute, ne no mielch wumman.     "Allas," quath the prince, "that ich evere was ibore! Wo is me for this yunge child, and for mi quien that ich habbe ilore! And nouthe it mot nede deye, for souke ne hath it non, Ne I not in none halve hwat me is best to don."    The schipmen hieten with stuyrne mod that men ne schulden nought spare The dede quien to casten in that flod, othur elles huy mosten furfare:58 "The hwyle that bodi is here with us, the stormes beoth so kete, To quellen us huy thenchez, and that huy nellez lete." Huy nomen up that dede bodi, into the se forto caste.     "Abidez yuyte and herkniez me!" the prince gradde faste. "Yif ye nellez for mi love it lete, ne for love of mi wif, Spariez for mi luytel sone, so that he mouwe habbe is lyf. For yif is moder mouwe yuyt of hire suoweningue awake,59 Thanne may mi luytel sone to hire tete take."    Huy lokeden heom biside and seighen an heigh hurst Swithe feor in the se, and the prince it isaigh furst. Him thoughte that wel more wisdom to the bodie it were To burien it opon thet heighe hurst thane fisches it eten there.60    Tho huy comen thudere, huy ne mighten make no put: The hurst was al of harde stone, ech faste in othur iknut. Huy nomen the quiene and hire child and wounden in a mantel, And leide opon the heighe hurste in a grene cantel; Huy leiden that childes mouth to the moder tete. Tho the prince that isaigh, with wepingue is neb he gan wete. With gret deol the quiene and hire child thare huy gonne lete, Opon thet hurst that was so heigh and hard and wilde and kete.    The prince wep and wende forth with his schip in the se. "Marie Maudeleyne," quath the prince, "alas, that evere kneu ich thee! To don this pelrimage hwy raddest thou me? Thou bede thi God a bone that mi wif with childe scholde be: And nouthe is ded thus sone bothe hire child and heo. Al mi lond and al mi thing ich habbe itake thee To witen and to wardi; hwi schal it thanne thus be? Mi wif and mi yungue child, Marie, ich bitake To Jhesu Crist, thi owene Loverd, that alle thing of nought gan make, That, yif He is so corteys and mightful ase thou seidest to me, He save mi wif and mi child, furfare that ich ne be."61    To his schyp he wende, and so forz in the se. God hem to Rome sende, for thudere wolden he.62    Seinte Petur wuste wel that the prince cam With milde mod, and fair compaygnie ageines him he nam. Petur axede him fram hwanne he cam and hwodere he wiende wolde.     "To Rome," he seide, "then wey ich take, and speke with thee I scholde." He tolde of Marie Maudeleyne, hou he to hire cam, And hou he Cristus sixti men and tene to him nam; He tolde him of is child, he tolde him of is wif, Hou he with milde heorte for heom tholede strif.    Seinte Petur creoysede him opon is right scholder; Of that Marie havede iseid he havede game and wonder, And seide, "Prince, welcome thou be and thine knightes alle! Pays and grace with thee beo, and joye thee mote on falle. In bour and in halle, in field and in toun also, In castel nothur in boure ne worthe thee nevere wo. In watur and in londe and in alle stude God thee fram harme schilde, and that ich habbe ibede.63     "They thy wif slepe nouthe and thi sone him reste, Loke that thou ne weope nought for hem ne make deol ne cheste! Mi Loverd is swithe mighthful, He wole don Is wille, And He is also quoynte and sley, bothe loude and stille. He can gyven and binimen, borewi and eke yielde For soruwe blisse, hwane His wille is, in toune, in watere, in fielde; Hwane He is wroth He doth wreche, ake that fallez ful sielde; Ake ofte gret fuyr and eke stuyrne wext of a luytel spielde."64    Petur ladde thene riche man agein to Jerusalem, And fro thannes thene wey he nam with him to Bedlehem, Fram thannes to the flym Jordan, an long bi the strem - I segge it ase ich ou telle can, in boke and nought in drem.65 He schewede him Calvarie, thare God was don on Rode, His fiet and Is hondene al hou huy ronnen on blode. He tolde him of the thornes that on His heved stode, And of the nailes that in Is fiet and in His hondene wode, And yet he tolde him of the spere that to the heorte Him stong, And hou He an heigh opon the Rode deide with muche wrong, Hou He into helle cam, with Sathanas to fighte, And Is folk that thareinne was hou He it gan out dighte, Hou He aros, and to Heove steugh to Is Fader sete And sat Him thareinne, for He was gleugh and was Him swythe imete.66    Tho the prince hadde iheord Seint Peteres lore, He carede laste he were bicherd, for he hadde ibeo thare so yore;67 He hadde ileorned swithe wel al clanliche his Bileve, His Oures and is Sauter ech del. Tho seide he, "God it geve That ich were sone in mine owene contreye, And al mi folk with flechs and blod, right ase ich wolde, seighe!" Seint Petur he bad par charité cristni him anon And al is othur mayné, and laten heom wende hom, And thanne habben guod day, "And gif us thine blessingue! We wollez so blive so we mouwen don us to schipiingue."68     "Thou schalt withouten cristindom wienden into thine londe - Ne drede thee noughth, for thou might it don withoute schame and schonde!69 The Maudeleyne schal beon with thee, and to thee heo schal fongue; Lazarus and Martha, al thre, bi thee huy schullen stonde Thare thou schalt icristned beo thoru Jesu Cristes sonde, And muche folk also of thine contreye - ne thinche thee nought to longue! An holi man schal cristni eou, the bischop Maximus, That can is mester don swithe wel in Jesu Cristus hous. He wole beo yep and eke rad, sley and eke vous; To cristni manie he wole beo glad to is Loverd Jesous - He were a fol and unwis that ne were of glad and blithe."70    The prince tok leve of Seint Petur and thonkede him fale sithe. The prince saide, "Holie fader, have nou wel guod day! Ichulle wienden hamward so blive so ich may."    He dude him into the salte flod. His schip bigan to go, So blive - for the wind was guod - as swaluwe swift othur flo.71 Withinne the seven-nightte thudere he was icome Thare he agein is wille bilefde is wif and is sone.    Huy iseighen bi the stronde a luytel child gon pleye With publes on is honde bifore hem in the weye. The prince stap out of the schipe - of hem alle he was the furste, Opon the stronde he gaf a lupe, he highede him to the hurste.    That child was swithe sore ofdrad, tho the prince cam, To his moder he was wel rad and about the necke hire nam. The levedi lai wel stille and slep opon a grene cantel, That child for fere orn to hire and crep under hire mantel. Tho saide that child, "Hiderward a thing, me thoughte I saigh come; Of him ich am ful sore adrad laste we beon inome."     "Beo stille, mi sone, mi leove child! He is mi worldes fiere. For gladnesse wepe he wole that us findez here."    The prince cam and fond hire ther, ligginde on the hurste, Thare ase he bilefde hire er, and that child sek hire breste. For joye he weop and sat on is knen and heold up his honde: "That ich evere moste this iseo, ich thonki ore Loverdes sonde. A, swete Marie Maudeleine, that me wolde nou right thinche murie Mighte this wumman quikie agein and liven and hire sturie!"72    Tho he hadde that word iseid, his wif bigan to wake, Of a swume heo schok and braid, and sone bigan awake And seide, "The hende Marie Maudeleyne, heo hath igive me space, Fram dethe to live heo havez me ibrought thoru hire Loverdes grace. Heo havez ifed me and mi sone and idon us alle guode; To seggen it thee hwi scholde ich schone? That yelde hire the Rode!73 Heo havez ibeon min houswif, mi mayde and mi norice, And bote ich thee seide hou heo heold mi lif, for sothe ich were nice.74     "Al that Seint Petur hath seththe ischewed thee, The swete Marie Maudeleyne it havez ischewed me. Heo me havez on hire hond ilad over the salte strem And seththe fortheremore to Jerusalem; And seththe heo me ladde Bedlehem for to seo, Thudere ase Seint Petur bifore ladde thee; And seththe to the flum Jordan heo ladde me ful rathe, Withoute harme and sight of man and withoute schame and scathe. And overal heo me ladde, mi loverd, thare thou were; And, for thou scholdest joyful beo, nouthe right heo broughte me here."    Quath the prince, "Ich thonki God almighti that ich eou habbe alive. Arisez bothe, yif ye mouwen, and go we to schipe ful blive!"    Huy duden heom to the watere and schipeden alle anon; The wynd was blowinde swithe wel, and heore schip bigan to gon. Huy gonne to seili swithe in that salte fom, And higheden heom ful blive, that huy weren at hom.    Withinne a quartron of the yere huy comen to Marcilie. Mani men of feor and ner of heom gonne speke and spilie; Manie hem hadden togadere inome, eorl, baron, knyght and swein, Are huy weren to londe icomen for to wenden heom agein, Sarazins and the Giwes some, and the Marie Maudeleyn. Martha cam and Lazarus - of heom huy weren ful glad, And the holie bischop Maximus - to heom he was ful rad, And manie of Cristine men - huy neren nothing ofdrad To comen and gon ageinest him and don that he heom bad.75    Tho the prince and is wyf weren icome to londe, The Maudeleyne, withoute strif, irevested thare huy founde;76 And tho huy comen fram schipes bord, Marie huy founden stonde For to prechen Godes word to heom that were on londe.    The prince tok is wif and is sone with heorte guod and swete; To the Maudeleyne huy comen and fellen doun to hire fete, And tolden hire al heore liif that heom bifeol in that weye, Pays and love, harm and strif - al huy gonne hire seighe. Huy lieten thane Bischop Maximus cristni heom anon; Marie and Martha and Lazarus - huy broughten heom tharon. The children and the wummen alle that weren in the londe, Alle huy nomen Cristindom, and that was thoru Godes sonde. Ich wot huy nomen heore false godes and casten heom thare doune And brenden al to poudre, feor fram everech toune; Huy duden arere churches over al the contreies, And priories wurche, and manie guode abbeies, And preostes huy gonne makien overal in the londe, Sudecknes and othur clerkus, to servi heom to honde. Huy mauden Lazarus bischop, the Maudeleynes brother; The holie Bischop Maximus maude also mani anothur.    Tho al that lond Cristine was and al that folc thareinne, Marie bithoughte a wonder cas and stal awey fram hire kunne. Into wildernesse heo wende, al for to wonien there. Swuch grace God hire sende, heo was thare thritti yeres. Thare nas no watur aboute, ne thare ne wax no treo That ani best mighte onder atroute, the betere an ayse to beo.77 For sothe ichulle yeou telle of a ferliche wonder: Aungles comen evereche day right abouten ondern, And nomen swithe softeliche the Marie Maudelein And beren hire op into the lofte, and broughten hire eft agein. Men nusten hou heo leovede, for no man ne saigh hire ete; Ake some huy onderstoden that heo livede bi aungelene mete.    A preost thare was in Marcilie that wilned swithe muche For to leden elinge lif, the betere fram sunne him wite. He maude him a woniingue in that wildernesse Thare Marie, the swete Maudeleine, wonede in clennesse. He ne bulde nought fram Marie bote a wel luyte mile; For to quemen God he it dude, and He yeld wel is hwile. He hadde wunder for that he saigh that the aungles comen ofte Aboute onderne eche daye, ase he stod in is crofte, And hou huy beren the Maudeleyne an hei opon lofte, And also hou huy broughten hire agein and setten hire adoun wel softe.    The preost aros opon a day and wende neor the stude; He wolde iwite hwat he isaigh, and tharefore he it dude. To thulke stude he cam so neigh, al bote a stones caste; Tho bigonne hise theon to schrinke and to croki swithe faste; Adrad he was and turnde agein, and so he moste nede - Ne kneu he nought the Maudeleyne ne hire guode dedes. Eftsone he yeode him thudeward, is fiet bigonne folde, His heorte and his inneward him gonnen al to colde; He thoughte it was sum derne thing othur som holi priveté, Icomen fram the Hevene King, that he ne scholde it nought iseo.78    He sat adoun opon is kneon and bad ore Loverd there That he moste iwite and seon hwat that feorlich were. He gradde on eornest and on game, "Thou best in thine celle, Ich halsni thee a Godes name of thi stat that thou me telle!"79    Heo bigan to tellen wordes him agein: "I segge it thee for sothe: ich am Marie Maudeleyn, That to the Kingue of Heove of mine sunnes ich me schrof, And foule develene seovene out of me He drof. Ich habbe iwoned nouthe here fulle thritti yer, Ake I ne saigh nevere no man thus neigh bote thee nouthe her. Of nothing that ani man of the eorthe evere biswonk I ne et, seththe ich hidere cam, no mete, ne no drunch ne dronk; Godes aungles everech day habbe me here inome An ibore me alnewey, hwane I scholde come, An heigh to Heovene lofte, evere hwane I ete scholde, And hidere agein wel softe hwane ich misulf wolde.     "Ich halsni thee a Godes name that thou wende to Marcilie, And with mine freond withoute blame loke wel that thou spilie. Thou gret wel Martha, mi soster, ofte and mi brother Lazarus, And also gret ofte swithe wel thene Bischop Maximus, And seie hem wel ichulle comen a Sonenday at eve, With heom for to wonie and evere with heom bileve - For I schal to Paradis newene fram heom fare, Ake mi bodi, for sothe iwis, bileve schal with heom thare. Seighe heom that huy kepen me aftur the midnighte, For thare ich hopie for to beo thoru Godes swete mighte."    This holie preost him wende forth and dude hire herinde anon To the Bischop Maximus, ase heo bad him don. The holie Bischop Maximus was glad of that sonde, And for that tithingue he thonkede God and to Him heold up is honde. Hire soster and hire brother weren tharof wel fayn: "Nou comez oure maister sone, the Marie Maudeleyn."    Of this ilke tythingues huy weren swithe glad That huy hadden iheord, ake some weren ofdrad That huy bitrayde weren; ake the bischop Maximus Wuste wel that hit was sothz; to seon hire he was joyous, And to witen hire stat everechdel he was wel corajous.80 For to seon thane messager thene Sonen-nyght he wakede And al nyght was in heore queor, and his oresones he makede; Bifore the heighe auter ore Loverd he bad that he moste iseo The Maudeleynes face, that he the gladdore mighte beo.    Sone aftur the midnight, are ani koc him creu, Thare cam a wonder muche light, ake no wynd thare ne bleu: The aungles comen fram Heovene and broughten the Marie, Huy seiden the Salmus Seovene and the Letanie. Fram the eorthe huy gonne hire holden swithe longue stounde, The hwyle heo makede hire preyere, and seththe lieten hire to grounde. Tho cam wit hire swuch a smul among heom everechon, In churche, in halle, and in bour, that swuch ne smulden huy never er non.81    The bischop for the muchele liight and for that swote smullingue Sumdel tharefore he was aferd, and a luyte him drough bihinde. Marie turnede, of wordes freo and of vilenie quiit and sker, And seide, "Fader, hwy wolt thou thi doughter fleo? Abid, and cum me ner!"82    He saigh hire neb and turnde agein, so bright so sonnebem, Of that swete Maudeleine, so liight so ani leom.    Heo saide, "Fader Maximus, par seinte charité, Schrift and hosel ich yuyrne - sone thou graunte it me!"83    Huy cleopeden alle the preostes and the clerkus everechon And alle the othur ministres, and duden hire wille anon. Heo it aveng wepinde with guod devotion, And wel sore sichinde heo lay hiresulf adoun, And seide, "Jhesu, that deidest opon the treo, al mi stat thou wost; Into thine hondene ich bitake thee mi liif and mi gost."    Anon right heo gaf up hire liif and hire gost, iwis. Heo was ilad withouten strif anon right to Paradys. The bischope thoughte murie and the clerkes echon, And anon right gonne hire burien in a marbreston. Seve night thareafturward that day that heo ibured was,84 Night and day that smul was thare - it was a wonder cas. The bischop thoughte murie and bad, hwane he ded were, That men him scholden burien bisiden hire right there.    Of the Maudeleine this is the righte endingue. God us schilde fram peyne and to Heovene us bringue! AMEN.

Wise; brave; counsels; (see note) Listen now healing to sinful very foolish; she; restored now I shall; where (see note);(t-note) feel pain sighs; felt the same (see note) called eager; pleases Her; called; (see note) called from rich families great wealth estates (properties) (see note) prudent; they; considered When; die; afflicted estates; possessions; money when they must Died; willed their final resting place heaven; have mercy on them His; protect them; (see note) disposed of; three was left; (t-note) she was first called "Magdalen" half portion cleared land; Bethlehem endowed; Bethany; (see note) Gennesaret, unless did not care for anything except then; flesh's desire she should have been; (see note) lay by her; reward his; (see note) heed; careful management blessed; good counsels As though she took; brother's had them farmed all their people needy The more beautiful; praise foolish; became; both sinful true; everywhere; lost When; heard; lost led astray When; ceased to use she would not she betook herself disgrace scolded (t-note) was called; the Leper; (see note) As; invited our Lord; his His disciples; to dinner apart from them all heard An ointment; prepare; quick where no one had invited her afraid touch address; grieved When; seated at dinner; then but He ate little crept; His feet kissed; washed [them] yellow hair jar; took anointed; head use; to no purpose; a great loss comfort with drink; food; (t-note) deed must be restrained; too free the Leper this Prophet; as wise allow; even once; touch deed; take even one step pray speak unjustly There was once a money-lender; (see note) (t-note) one; owed; pence; besides owed; pennies They paid, when he asked for it (t-note) judged rightly Nor; washed yet; hair; (t-note) head; any side; kind of anointed; ointment; (t-note) Since; would not cease kiss all over then; hair anoint; expensive Rise up; are forgiven you As; by me; shriven (absolved) absolved seven devils; (see note); (t-note) spokesman; dear peace; need for a long time; (see note) bled receive any healing Until; began to walk healed; illness healthy; ever after The brother of them both; ill; (see note) lodged; when; near them benefit; worked for wished needed to see Him had gone; grew brave; (see note) had sent her out ; speak ready; advise souls' physician; (t-note) happiness (see note) stoned; [to] (see note) could; the Jews' going about; (see note) had joined themselves; (see note) name put to flight; be killed and burned placed; tiller; oars [So] that; killed; live was neither sent So that; starved sailed Until; come; reach land Marseilles; drove; renowned shrove before; (see note) alleviate open-sided building; remained; (see note) fire workmanship; (t-note) did not know anywhere else; stay (t-note) until; next morning (see note) to that place (thither) ordered at the risk of saw displeased; afraid; feel horror ready; [she] did Up; face Listen; want to; (t-note) his companion; (see note) Though; may boast; you lame power; i.e., everywhere must believe Ruler kind of desire rightfully; sinning filth; sinning; gracious any kind of person; turn Creator (Wright) emperor; enumerate fiend deceive stars his boon asks; integrity all together thither retinue; taken listened Because; good heed; (see note) wicked; malice; hatred When; mealtime; food unblessed; seated pity on; evident suffering surprise allow (lettest); die Unless; or; lord relieve their army; destroy; (see note) kill; will not totally; speech; report second; immediately went very sternly still; message; deliver Satan's kin; (see note) adder; insane; utterly mad what I ordered; evil in abundance misery; to perish (t-note) destroy went away; let; lie sighed what she had been told To feed; relieve Or else; great sorrow (t-note) About; explicit their own dwelling they would never need fear One day there could attain faith; (t-note) malice; revenge fearless Yes; (see note) his behave receive are Since dispose Ask; Heaven's Since; mother's give [us] with that agreement; dwell cease (t-note) send heard conceived When; knew gentle left; evil; ungoverned according to; acted; live; (t-note) I shall go authority according to his counsels; (t-note) receive baptism; (t-note) I shall go where laughing; playfully let it be; dear suffering; harm that good news is known sea; receive injury lady; fell; his feet; (see note) The lady said more; wept (t-note) to go (travel); (t-note) eager petitions (see note) So that; spirit; harm (t-note) made guardian; (t-note) honor took; (see note) took; dear did not know embarked the lesser and the greater no more than seven Before they were; fierce surge; waves hearts; were afraid ebb; fiercely often; suffered To the point that cried; wept (t-note) cease; lamentation wanted to suck; knew not whom wet nurse lost (t-note) (t-note) (see note) So long as; violent kill; intend; leave off (t-note) Wait; cried little son; may make use of her breast(s) high hill (island) far; saw thither; grave (pit) hill; joined tightly together wrapped [them] laid [them] on; nook mother's breast his face lamentation; left rugged; (t-note) wept I knew make; did you advise asked; favor so soon committed to protect; safeguard entrust So that; powerful forward (see note) knew to meet him the road; (see note); (t-note) ten; received suffered hardship marked him with a cross; (see note) what; had delight Peace; may joy befall you bedchamber; reception room may sorrow never come to you all places Although your wife sleeps; (t-note) grief; strife powerful crafty; ingenious; i.e., always give; take away; borrow; repay joy for sorrow (t-note) the powerful man; back the road; Bethlehem thence; river placed feet; hands; streamed with blood were fixed went further; stabbed on high; injustice Satan; (see note) removed ascended; Father's throne teaching entirely; Creed (see note) Hours; Psalter every bit; (see note) i.e., in the flesh for charity's sake; baptize (christen) retinue; let say farewell baptism go (see note) act as sponsor Where; dispensation (see note) perform his office astute; discreet; eager many times homeward as quickly as betook himself to (t-note) a week thither; (t-note) Where he against his will had left saw; shore; playing pebbles in leap; hastened; hill when swift; embraced slept; nook ran; crept something lest; seized spouse; (see note) left; before; sucked; (t-note) knees might; thank; sending seem joyful swoon; trembled; started a span of time; (t-note) life provided us with (see note); (t-note) (t-note) since showed led me by the hand; sea then to see Bethlehem To the same place river; soon injury; (see note) everywhere just now have you if you can; let us go took themselves blowing move very fast hastened; [so] that one fourth tell stories assembled turn their ship around eager; (see note) not at all afraid When (t-note) befell them; journey Peace; struggle; told her caused; to christen (see note) received; sending took burned; powder, far had churches built; districts; (see note) constructed; abbeys had ordained everywhere Subdeacons; available made; (see note) Christianized; (see note) contrived; kindred dwell sent [that]; thirty tree(s) marvellous Angels; mid-morning very gently carried; air; back lived; saw But; angels' food desired solitary; [to] guard himself dwelling purity only a scant mile please; repaid; his effort mid-morning; small garden carried; on high in the air gently near the place wanted to know; saw stone's throw thighs; contract; bend Afraid; back Again; in that direction; falter turn cold hidden; secret knees know; see; marvel made confession seven foul devils dwelled; all of so near; here earthly man; prepared ate; drink angels every time needed to eat myself wished adjure; in God's name friends; talk greet tell; on Sunday; (see note) dwell; remain soon Say [to]; [should] await hope errand message (sending) news (tiding) very glad about it master; (see note) (see note) deceived true; see Sunday; kept watch; (see note) their choir; prayers altar; might the more glad before any cock crowed marvellously great Seven Psalms; Litany; (see note) upheld; time lowered [sweet] smell; (see note) great drew back face; as bright as as light as any flame for holy charity (see note) called received [the sacrament]; weeping sighing condition; know commit to you; spirit; (see note) spirit taken; opposition rejoiced marble casket/tomb (see note) a marvelous event rejoiced; prayed proper conclusion; (see note) protect; torment