5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150 155 160 165 170 175 180 185 190 195 200 205 210 215 220 225 230 235 240 245 250 255 260 265 270 275 280 285 290 295 300 305 310 315 320 325 330 335 340 345 350 355 360 365 370 375 380 385 390 395 400 405 410 415 420 425 430 435 440 445 450 455 460 465 470 475 480 485 490 495 500 505 510 515 520 525

Seynte Cristyn was a maide bryghte, As clerkis in bokes hath rede and seen; Sche served God both daye and nyghte As martyr shuld and virgyn clene. In Itayle she was borne, Y wene, And come of kynne were grete of myghte, But she forsoke them all bedene And holle hir herte to Criste she highte. She was so faire, that maiden myld, That every wighte that ones hire see, If it were man, woman, or child, She wan theire lofe with hir beauté. Suche grace of God forsoth had shee To flee all vice and werkes wilde, And fully purposed hir to be Goddes owne servaunte and maide unfylde. Urban hight hir fader, ywisse, A wykked tyrande and a wode. It was of hym as of moo is: A sherew may gete a child righte goode, And so did Urban, be the Rode. If he were man that dide amysse, Yit gate he Cristyn, myld of mode, That is with Criste in heven blysse. Many men desired that may And wolde hafe wedded hir if thei myghte; Whan thei mighte se hir on a daie, Thei ferd the better a full sevennyghte. Hir chere was suche in all mens sighte, It made ylke man to other saye, "Truly, this is the gentileste wighte That ever we see - this is no naye." Hir kynne wolde gife hir to righte non, For she shulde lyfe in mawmentrye; But in a tour of lyme and ston Hyr fader ordeyn hir to lye, And twelfe maydens to be hir bye, Of whiche she myght triste never on: For thei were ordeyn for to aspie How that she lyved and made hyr mon. Goddes of golde and silver bright That may hade with hir in hir toure, That she shuld wurchipe daie and nyghte, And when hir liste to do them honour. But sodenly ther com socour Fro God, that is moste of myghte: He made that maye to have savour To brynge hir soule to heven lyghte. The Holy Goste in Cristyn is, And he hath tawghte hir to forsake Hir fals goddes ilkon, ywisse, That are but stonys and stokkes blake, And full purpose now will she take To drede no ded, but think of blysse. Thus God can of uncrystyn make Right holy martirs to be His. Thus som have grace or thei borne be, As had the Baptiste, goode Seint John; And some in tendre age, pardé, As Cristyn had, that faire woman; And some in elde when youghte is gon, As in Poules lyfe we may see; And some when thei shall die anon, As Barabas thef, that honge so hye. Encens she had, and sho it hyde Up in a wyndowe prevyly, And with goode hert she it dyde, For she thoughte never to sacrifiee To no fals goddes of mawmentrie, For drede of non that wold hir byde; She prayed to Criste that she myght dye And martire be, or that betyde. To it befelle upon a daie That Urban wold his doughter se; And Cristyn maydyns all thei saie, "Urban, sir, we telle thee: Thi doughter and our lady free Dispice our goddes and thaire araie And sais truly that she wille be A Cristen woman, if that she maye." Urban saide, "Late me alon, For I will to my doughthire goo; With faire wordes Y shall anon Make hir to lefe, if she saie soo. And truly, but she sacrifice doo, She shall be wrouthe or I - the ton - For it will breke myn herte in too To witte my doughter so begoon." Urban went with sobere schere To Cristyn chambir alle on hye And saide, "Cristyn, my doughter dere, Se - I am comme to sitte thee bye And als to se thee sacrifie To all our goddes of grete powere. That was the cause sekyrly, My faire doughter, that I sitte here." "Thi doughter, Urban, clepe me noght, For fadere will Y never clepe thee; For on Jhesu is all my thoughte And His child, sir, will Y be. And therfor speke no more to me Of maumentrie, of metall wrought, But speke of God in magesté, For He alone me made and bought." "My faire doughter," Urban said, "Wurchup noght on god alon, Un happe the other be evyll paid For thou will do them wurchupe non, But gete thank of them ilkon; Than nedes thee noght be afrayed. And think how all thi kinne has don. Do thou thus, as I hafe thee prayed." "Thou wenes thou speke right well, ywisse, But as a fole thou spekes me to That knew no trueth nere thought of blysse. But here, Urban, how I will do: The Fadire in hevyn, the Son also, The Holy Goste - the thirde He is; To this Y wille, and to no moo, With all myn herte do sacrifice." "Sen thou will wurchipe goddes three, Whi wurchups thou noght other also?" Cristyn said, "Fole, I tell it thee: Thies three are on Gode, and no moo." Thus Urban went away hir froo, Als wrothe as he myght be; Hym thought his herte wold breke in too For Cristyns lofe, his doughter free. Anon after, wen he was gon, Seint Cristyn went the mawmentes to And caste them down everylkon And byrste ther legges and armys in too. The plates of silver and gold also She pekyd all of, that was them on, And caste it oute away hir froo To pore Goddes men that had right non. Urban com another daie And wold have wurchupe his goddes alle; He fonde right non - thei were awaye. On Cristyns maydyns he dyd calle: "What hath Cristyn, my doughter small, Don with our goddes? Telle me, I saye!" Thei sai, "Thi doughter made them falle - Oute at the wyndow all are thei." Urban said, "So myght I thee, My doughter is a cursyd wyght! Maidons," said Urban, "how durste she Thus breke our goddes so myche of myght?" Thei answerd all with wordes on hight: "She auntred hir, as ye may see; Now are thei all in peces dyght. Sir, make them hole! Late se, can ye?" "Have of hir clothes," quod Urban thoo, "And bring hir faste me her before! And ye twelfe men shall to hir goo And bete hir, nakyd as she was bor!" Thei bete hir to thei myght no mor; Thei stent, as men that myght noght do. It semyd bi hir she felt no sor, For thus she said hir fadire to: "Withoutyn honour and shame, I say, Abhomynable to God arte thou! Se, thi mens myght es all away; Ther strenghte is gon, thei wot noght how. Aske helpe to them of thi goddes now! If thei may do owght, now assay! More betynge than thou ordeyn now For my Goddes lofe abyde I may." Bownden in cheynes that mayden swete, Cristyn, was in depe prisoun. Hir modire herd tell that, where she sete. She tere hire clothes and felle in swoun, And after she hyed to that dongioun; She had so wepped, hir chekes were wete. Whan she se Cristyn, she felle downe Anon to hir doughter fete. She said, "Crystyn, my doughter dere, Of bothe myn yen thou arte the lighte. Alas, that evyre I se thee her In such disease as thou arte dyght! Thou wote thou may make us light - Urban, thi fader, and me in fere. Have mercy on me, gentill wight And faire doughter - amende our cher!" Seinte Cristyn said hir modere to, "Wherto thi doughter clepes thou me? Wote thou not wele that I hate soo After my God in magestie? Criste, Godes Son, forsothe highte He. For thee and me He suffird woo; Therfor His servaunte will I be - Iwisse, I wille non other do." Hir moder se she had no myght With no faire speche to turne hir mode; She wente oute as a sorye wighte, That mete ner drynke myght do hir goode. Than Urban aste hir woo it stoode, And Cristyn answers she told right; Therfor he fared as he were wode, And for his doughter sor he sight. "Do feche hir forthe!" said Urban. "Befor the barre that she were ibrouth, And I shall assay if I can To make hir turne hir wikked thought. She said my doughter was she noghte. Thus coppid the kene, on me began;1 She braste my goddes so richely wrouth - What wondur if I were wrothe than?" Befor the barre now Cristyn is - God graunte hir grace right wele to saie! Urban bade hir, "Do sacrifice To our goddes, that moste may. For truly, if thou ous say nay, Grete peyne shall make thee leve thi mysse, Ne clepe thee doughter never I may Ne never will do, but thou do this." Than said Cristyn, that maydyn bryght, To hir fadire, that sate so hye, "Se, suche grete grace thou has me hight: The devels doughter no mor to be. What child commes of the devele," said she, "The devele may be his name oryght. Thou arte fadir, Y tell it thee, Of Satan fende, that cursyd wyght." Urban commaunded than anon Hir flesch, that was so white and shene, It shuld be scraped of bi the bon With hokyd nayles, sharpe and kene. He bad that all hir lymmes bedene Thei shuld be brokyn, on be on. It was grete peté, wo had it seen, Of such a mayde, be Seinte John! When Seint Cristyn hir flesch se, She toke a pece that was of kytte, And even she caste at Urbans eye; And he had not blenchyd, she had hym hitte. Thus said the maydyn, full of wytt, To hym that shuld hir fadir be: "Have here a morcell, teraunt - take it! - Of the flesche was getyn of thee." Than Urban, full of ire so wode, Upon a whele he layd that maye. Full grete fyer, to chaunge hir mode, He bad make under, as she lay; Full of oile the fier powred thei. Fro hir it wente - she felyd but goode. It brent of men to ded that day Fyften hundrith, about that stode. Hir fadir wende that she had wrought By wichecrafte or sorcerrie; Therfor had he myche thought. He couthe not sytt ner stande ner lye, But bad his men agayn in hye That she shuld be to preson brought. Now Criste hir help, and our Ladie, As He on Rode that mayden bought! Whan daie was gon and comme was nyght, Aboute hir neke thei honge a ston - It was right hevy and nothinge lighte; Thai caste hir in the see anon. When thei that dulfull dede had don, Ther com aungels fro hevyn so bryght, And held hir up the water anon, Thorough Goddes grace and His grete myght. Than Criste com downe Hymself, iwysse, And baptyste Cristyn in the see, And in hir Lyfe writen is That thies same wordes to hir said He: "In My Fadir and als in Me, Jhesu Criste, Goddes Son of blisse, And in the Holy Goste, Us Three, I baptise thee in watire this." Criste cristynd Cristyne with His honde - He was godfadir and preste that nyght, And after Criste, I understonde, Cristyn may be hir name orighte: Than after hir godfadir so she highte, Criste, that in the see hir fonde. Hir muste nedis be on holy wight That Criste thus baptiste in the stronde! Criste hir betaughte Seint Mighell to, And he to londe brought hir anon. Hir fadir herd tell that it was soo; He wiste in world what he myght don. For ire he smote himself right sone In mydis the fronte - he was so woo. Whan he hir se, he lokyd hir on And thus he spak that mayden to: "What whichecrafte is this that thou can, That see ne londe may make thee dye?" She said, "Full unhappy man, Of Criste this grace resceyved have I." "Do have hir up anon in hye In depe prison," quod Urban than; "Hir hed shall of full sekyrly Tomorne, if I be lyvand man!" Yit if he said all in play, Yit said he sothe, that cursyd wight; For he was ded, or it was daie, And Cristyne lyved, that mayden brighte. Thus he thrette hir over nyghte That she shuld on the morne away; Yit was he ded, for all his myght, And Cristyn lyved a merye maye. Than cam Dyons with evyll spede To make an ende of that virgyne. For he ordeynd as hote as glede A grete vessell of hyrne fyne, Full of oile, pyche, and rosyn - It welled so hote all men myght drede; And therin caste thei faire Cristyne, But she lay still and toke non hede. Four men roked hir to and froo, To make hir payne mor violente And als for Cristyn shuld also The soner be to pouder brente. Ther she laye als innocente In credyll rokked, that felyd no wo. She thanked God she was not shente With tourmentynge that thei couthe doo. She said, "I thankyd Thee, hevyn Kynge, That Thou has ordeynd thus for me: As twys-borne child that were right yonge, Twys in credell rokked to be." Dyons lokyd on hir and see How that she lay and felt nothinge; For sorow and care so wrothe was he, He thought he wold himself hynge. Ther said Dyons to Cristyne thoo, "Sen thies tormentes greves not thee, Thai are our goddes that help thee soo, For thei wold thou convertyd shuld be. Therfor, Cristyn, goo with me; Forthink that thou has don hem too. For thei woll have of thee peté And mercy, if thou thus will doo." She said, "Dyons, the devels own son, Thi tormentes truly drede I noght. And syn thou have thus begon, Let noght, to thi malice be wroght Or thou me to dethe have brought. Urban and thou togedire shall wone In dyrnesse grete and sorow unsought, And both togedir to drynk of a tonne." Than Dyons: "Kytt of hir tresse! Let noght if hir here be bright, And shave hir hede yit neverthelesse. Do nakyn hir in all men sighte. Thorought-oute all the cité lede that wyght To Apolyn; late hym redresse! So grete, I wote, is his myghte He may amend hir wikkednesse." Thai lede hir forthe in that araye Thorought-oute the ceté longe and wyde. When wyfs and wemen se that may That all was bar, both wombe and syde (She had no clothe, hir with to hyde), Therfor on Dyons all cried thei, "Vengeaunce, Dyons, on thee betyde! Thou dos all women shame this daie!" When she was broughte, that maydyn free, To Apolyn, sche said full sone, "In Cristis name Y commaunde thee: In poudre thou fall downe anon." Apolyn felle ther downe on the ston In poudre, ther alle men myght see; Thoroughte this miracle, whan it was donne, Thre thowsand Sarzyns converted she. Whan Dyons herde that it was soo, That Cristyn had Apolyn schent, For ferde his hert it braste in too. Thus Dyons died and never repent. Such grace God to Cristyn sent That she of peyne felt no woo; Bothe hir enmys now ere thei wente, Thei may no more do hir too. Urban and Dyons are now paste; Of Cristyn have thei no more myghte. Than com the thirde schrew at the laste: Julyan, wele Y wote, he highte. Thus began that cursid wighte: He bade his men do orden faste An oven als hote as fier so brighte, And therin Cristyn shulde thei caste. When it was hote, it shone as shene As any fier that ever myght be. Than Julyan said, that was so keene, "Do put hir inne anon, late see!" Thei caste hir inne withoute peté; Thei wende thei shuld hir never have sen, But of that hete no more felte she Than sche in a bathe had been. Fyve daies togedir, daie be daie, Sche welkid therin to and froo; She songe ther as a mery maye, Aungels and she togedir also. All that Julian did hir to Of grete tormentes and paynes alway, She feled no grevaunce ne no wo, For all turnyd hir to aungels playe. When Julyan herd it greved hir noght, But that sche songe with aungels bright, He wende by wychecrafte that sche had wrouthe - He had no grace to know the righte. But sone he called another wighte (To slee Cristyn was his thoughte); I have herde telle Marces he highte, And sexté serpens he with hym broughte. Marces crafte, for soth, was this: That he couthe charme his serpens so, What beste hym liste to do mys, Anon to deth thei wold it do. Now are thei put Seint Cristyn to. She hath no drede of theym, iwysse, But loke upon them, who thei goo; Abowte hir nek ther playinge is. For swett hir nek was wondre wete - Too wormes lykkyd it clene away. Too wente downe unto hir fete; Thai lykkyd them clene, and ther thei lay. At hir pappis too honge to play, As thei wold soke that maydyn swete. To do hir harme no myght had thei; This saw Julyan, ther he seete. Julyan said to Marces than, "Thou said thi bestis wold slee hir sone. Make tham to smyte hir, if thou can! Thou wote well yit thei have not don." Marces beganne his charme anon, To make tham byghte that blissed woman; But thei lefte Cristyn everychon And slow hym that the charme began. Seinte Cristyn loked who Marces lay, That shuld have made the wormes to byghte. She bade the serpens voyde awaye Into deserte, no man to smyte. She bade Marces ryse up tyte, And he stode up before that may. Than Julian had so grete dispyte Hym thought his herte schuld breste that day. Hir paps were als rounde, ywysse, As an appill that growes in feld; Thai kitte them of - the more dole is, When she was twelve yer of elde. The mylke stremyd oute - all men behelde, And some were sory that se this; But Julian wold hym never yelde Ne never ones forthink his mys. Seint Cristyn saide, "With herte and thought I thanke Thee, God in magesté, Of alle that Thou has for me wroughte To make men knowe the myghte of Thee. In alle my peynes Thou has kept me, That fiere ne watir grevyd me noght. Therefor me thinke right longe to Thee, To Thi faire blisse, that I were broughte."2 Julian wondrede who she myghte In hir grete tormentes jangill so. Therefore he bade a wykkyd wighte, "Kytte oute hir tonge! It dos me woo." And whan hir tonge lay at hir too, She spake als wele, that maydyn brighte, As never it had be kytt hir froo. Thei herd and seye, all men, with sight. She toke hir tonge upe, where it lay, And even sche caste it at Julian eye, That aftir nevermore alway On that syde myght he noght see. For she hym hit, softely smylid she; He for wrethe lyste nothinge playe; He said, "Vengeaunce com on thee! Thou arte a wyche, Y dare wele say." With his on eye he lokyd asyde, And thus he spake the tonge unto: "Whiles thou waste in hir mouthe so wyde, Than with thi wordes thou wrought me woo. Thi stroke greves me mor than soo, For it hath made myn eye out glyde; Thi wordis as wynde flyed too and froo, But strokes ar sor and evyll to byde." For ire and wreth he was so woo He wiste in world what he do myght: But thre arraws he shett hir to, And too ageyn hir herte thei lyght; The thirde hit in hir syde full righte. But when Cristyn was smyten so, Hir soule wente up to heven so brighte, Where she shall feele of peynes no moo. Hir bodye lyeth in stronge castyll - And Bulstene, seith the boke, it highte - Wher many seke men have had hele And blynde also have had her sighte. Truly Y trowe: if any wighte Praye hertely to that damesele, She will hym helpe with alle hir myghte, If theire desire be goode and leele. Seint Cristyn, helpe thorought thi prayere That we may fare the better for thee, That hath ben longe in prison here, The Ile of Man, that stronge cuntré. Sir Thomas Brawchaump, an erle was he; In Warwikshire was his power. Now is he of so pour degré, He hath no man save on squiere. Where are his knyghtes that with hym yede Whan he was in prosperité? Where are the squiers now at nede, That sumtyme thoughte thei wold not flee? Of yomen had he grete plenté That he was wonte to cloth and feede; Nowe is ther non of the mené That ons dare se ther lorde, for drede. In prison site ther lorde alone. Of his men he hath no moo, But William Parys, be Seint John, That with his will woll noght him fro. He made this lyfe in Ynglishe soo, As he satte in prison of ston, Ever as he myghte tent therto Whan he had his lordes service don. Jhesu Criste, Goddes Son of myghte, As Thou com down to mende our mysse And in a clene virgyne Thou lyghte, Marie, that now Thi modir is, Thou graunte all grace that hath herd this, In Heven of Thee to have a sighte, To se Thee sitte there in Thi blisse With Seint Cristyn, Thi maydyn bright. Explicit vita sancte Cristine virginis.3 Amen.

beautiful pure I believe family [who] were exalted in power completely entirely; promised; (t-note) person; once; saw Whether won; love wanton behavior wholeheartedly resolved unsullied virgin Her father was named Urban It was [true] of him as [it] is of others evil-doer; beget by the Cross Even though Yet fathered; gentle of heart Who maiden one day fared; a whole week demeanor each there is no denying it no one at all; (see note) was supposed to live in idolatry; (see note) tower directed; remain ladies-in-waiting not a single one assigned; observe complaint maiden was supposed to worship it pleased her greatest delight every one blocks of wood death from non-Christians before (see note) certainly old age; youth Paul's; (see note) (see note) incense; hid secretly did intended; (t-note) idolatry bid (command) before that occurred Until; on a certain day Christine's Despises; ceremonies alone desist unless grieved; one of the two two deceived expression Christine's; in haste (aloft) (t-note) call; (t-note) idols majesty redeemed one god alone Lest the others might be displeased Because you will not have to think fool nor hear (listen) these Since others Fool one could two; (t-note) the love of Christine when idols broke; two thin sheets stripped off entirely poor Christians (men of God); none at all worshiped none at all; gone (see note) Gone out the window So may I prosper [on my life] great out loud took a risk; (see note) fallen whole; [if] you can Take off firmly (quickly) born until stopped; could do nothing concerning her; pain is for them anything; try and see order love of my God; endure (see note) sat tore afterward; hurried wept daughter's eyes pain (distress); placed glad together lift our spirits Why am called so (i.e., Christina) was called nothing else change her mind Whom neither food nor drink could help asked; how insane bitterly he sighed Have her fetched Let her be brought into court; (see note) change (see note) broke; made speak have most power defy us abandon your offense unless; (t-note) promised Whatever; from rightly (see note) radiant off near hook-shaped spikes completely (immediately) one by one pity, [for] anyone who With regard to cut off; (t-note) straight; threw [it] If; turned aside was supposed to tyrant; (see note) that was begotten by ordered to be kindled underneath poured [Away] from; only well-being death who were standing nearby (t-note) (t-note) i.e., he could not rest on the Cross; redeemed millstone; (t-note) not at all sad (doleful) upon (on top of) baptized Vita (see note) (see note) rightly is named found She must necessarily be a sea; (see note) entrusted to St. Michael; (see note) (see note) In the middle of his forehead gazed at her witchcraft; know (have skill in) neither sea nor land unfortunate (miserable) Have her carried off (see note) She shall be beheaded certainly Tomorrow; a living Even if he spoke truly before threatened must depart (die) the next day; (t-note) joyful maiden misfortune; (see note) (t-note) burning coal pure iron boiled in order that sooner; burned to dust like a little child cradle harmed knew how to do (t-note) twice-born; (see note); (t-note) hang I.e., the source of this help is our gods Because they desired [that] Repent what; to them pity Do not stop, until your malice is carried out darkness; untold (immeasurable) from the same barrel; (see note); (t-note) Cut off her hair; (t-note) Do not desist Have her stripped naked Apollo; correct [her]; (see note) (see note); (t-note) Throughout the city maiden; (see note) stomach and flank with which to cover herself against May vengeance fall on you, Dyons You cause Into dust pavement By means of (see note) destroyed fear are they gone do to her passed (dead) Over villain to prepare at once as hot as fire bright fierce; (t-note) let us see [what happens] would never see her again Than [if] walked always (progressively) (t-note) everything turned to angels' play for her worked (acted) truth [that] he was called Marcus sixty skill Whatever animal; to harm they would put it to death placed on St. Christine looks; how they move extremely Two serpents breasts As [if]; suck [milk from] where he sat strike know; they have not yet done so; (t-note) bite i.e., every one of them slew him who saw how was supposed to depart quickly maiden; (t-note) resentment burst breasts; (see note); (t-note) cut; off; cause of sorrow age (see note) give in (yield) regret his evil deeds (t-note) For everything protected [So] that; fire how chatter (t-note) toe(s) As [if] saw; with their own eyes (t-note) straight; Julian's never again afterwards Because fury had no desire to joke witch one to the tongue; (see note) While; were (t-note) I.e., being hit by you is even worse go flew blows; painful to endure (see note) shot toward her two reached her heart directly remains; (see note) sick; health (healing) their earnestly; young lady loyal by means of because of thy help [We] who have rugged (fortified) place; (t-note) (see note) seat of power such low status servant except one (see note) in his need formerly retainers clothe company once [would] dare sits; (t-note) Except will not leave him voluntarily Whenever he could work on it God's powerful Son; (t-note) remedy our sinfulness alighted grace to everyone who