fol. 104v Mestre Robert Le Grosceteste

Ky bien pense bien put dire; Sanz penser ne put suffire De nul bien fet comencer; Deu nus doint de li penser, line5 De ky, par ki, en ki sunt Trestuz les biens ki al mund sunt. Deu le Pere e Deu le Fiz E Deu le Seinz Esperiz, Persones treis en Trinité line10 E un sul Deu en unité, Sanz fin e sanz comencement, A ki honur e glorie apent. Il nus doint ses evres fere E nus defende de contrere.

line15 Tuz avums mester de Deu aÿe, E trestuz ne purrunt mye Saver le langage, en fin, De ebreu, de greu, e de latin Pur loer sun Creatur. line20 De bouche de chauntur, Ke ne seit close pur Deu loer E sun seint nun pronuncier; Ke chescun en sun langage Le conusse, sanz folage, line25 Sun Deu e sa redempcion, En romance comence ma reysun Pur ceus ke ne seyvent mie Ne lettrure ne cleregie. Del mund dirrai pur quey fu fet, line30 E pus coment il doné est A Adam, nostre premer pere, E paraÿs, en tiel manere, O tant de joie, o taunt douçour, E pus li ciel, a chef de tour; line35 E coment fu pus perdu, Pus restorez, e pus rendu. Aseez sovent oÿ avez fol. 105r Coment le mund fu criez; Pur ceo ne voyl jeo pas descrire, line40 For ceo ke apent a matire: Ke en sis jors Deus tout crea, Al setime si reposa.

Oÿez, seingnurs, communement: Kant Deu al commencement line45 Ceil e terre fet avoyt (Ke tut bien seit e tut bien veyt), O tut lur attornemens, Le solail fu en cel tens Set fez plus cler ke est ores, line50 E la lune esteit lores Come le solail ore lut, Luseyt dunke de la nut. Ne le tenez pas a folie, Kar ceo est le dit Ysaÿe. line55 Tutes les choses del mund — En terre, en mer, a val, e a munt — De greingnure vertue furent Avant ke forfet urent Eve e Adam par folage. line60 Deu! Quel dolur e quel damage! A la mort sunt tuz livré Ke del lignage sunt trové, E ceo est par bone reysun. Aprés vus dirray la cheisun, line65 Kar bon est le remembrer Pur Deu le plus doucement amer.

Kant Deu le mund fet avoyt, Si ke nule rien ne faillot — Bestes, arbres, herbes, e frut, line70 Chescun sulum ceo ke il fut: Pessuns en le ewe, oyseaus en le er, Ceo devums trebyen saver — Kant iceo trestut fet a, Tut au derein Adam crea line75 En le val de Ebron, sanz dotance. Le fist de terre a sa semblance; Aprés la Seinte Trinité Cria sa alme en verité. Amur ne li pout plus moustrer line80 Ke aprés sa maïmes former. En paraïs le ad mené, Somoil en lui ad getté, Une coste de lui prist, Dunt sa compaingne a lui fist; line85 E pus devant lui la mena E en ayde pus lui dona. Sens lui dona, e saver, Biauté, poer, e franc voler, De tut le munde la seingnerie, line90 E tuz jurs sanz morir la vie, E paraïs en heritage, E vivre, deskes icel estage, E saunz peine e sanz dolur, Deske venist icel jour line95 Ke de eus issuz fussent Tant ke acomplir pussent Par numbre tant de compainnie Cume furent kaun par folie E par orguil del ciel cheïrent line100 E en enfern descendirent. Pus fussent glorifiez Tut sanz morir, ne le dotez, Si biaus, si clers, e sanz travail, Come fust lores ly solail, line105 Si cum avant vus ai cunté, E pus au ciel fussent munté. Dunke ne ad ici grant leesce, Grant seingnerie, e grant hautesce Pur aver ciel en heritage, line110 E li e trestut sun lygnage? Mes deus leys furent asis A Adam en paraïs, E si vus dirrai byen queles. La une fu la natureles, fol. 105v Ke fere dust naturelement line116 Trestut le commandement, Kant ke Deu out comandé. La positive fu nomé, Ceo ke il defent al homme: line120 “Ne mangez pas de la pomme Del arbre ke vus est deveez, Kar sachez si la mangez Tost murrez en fin de mort Sanz solas e sauns confort. line125 E si vus le comandement ne passez, La seignorie tute averez Ke en paraïs est e en terre, Tut sanz anui e sanz contrere.” Des joyes de paradis — line130 Asez plus ke ne devis — Avoit Adam la seysine. Alas! Come tost ele decline, Sa bunté, e sa valur. Mis nus ad en grant dolur line135 Kant il la pomme mangea. Ambedeus les leys trespassa — E naturele e positive — Par sa femme, la cheitive, A ki obeir plus desirout line140 Ke a Deu mames ne fesout. Ore est Adam enjeté, De paraïs desherité; De joye mis est a dolur En travail e en sywor. line145 Par morir perdra la vie. Ou querra il mes aÿe Quant perdu ad par jugement Trestut sun heritement? Par peché e par outrage line150 Perdu ad sun heretage. Trop fu gref icel pecché Quant trestut fu entuché. Kant ke desuz le ciel fu En perdi de sa vertu. line155 Deu ne fist chose si haute Ke ne abeschast par sa defaute. Ke terriene chose fust, Chescune chose sun dreit eüst, Ne fust pecché ke tant greyve. line160 Pecché, ad parole breve, Est defaute apertement; Defaute e pecché en un se entent. Par defaute out tant de perte, Kar defaute fust aperte. line165 Defaute aprés defaute a fine Fet par dreit perdre seysine. Encore en la curt le rey Use l’um icele ley. Ore sunt de mal entecchez, line170 Serfs devenunt de pecchez, Ke plus francs furent avant Ke rien en terre seyt vivant. Ore est sun serf apertement, A ki servise il atent, line175 Pus ke il le sert en servage, E sanz franchise a en estage. Mes serf ne put clamer mie Herité ne seingnorie. Pus ke serf est devenu, line180 Sun heritage est retenu, Ne il n’iert riens entendu Ne en nule curt respundu. Dunke li coveint autre quere, Si il vuet sun dreit conquere, line185 Ke seit de franche naciun, Ke pur li mustre sa reysun Pur clamer sun heritage, E ke il seit de sun lignage, Issint ke il seit verrai homme, line190 E ke il ne mangeast de la pomme. fol. 106r Sanz pecché le estust venir E tutes les treis leys tenir: Celes deus de paraïs E cele al Munt Synaïs, line195 Ke a Moÿsen doné fu, Ke unkes tenue ne fu De nul ke pecché feÿst. E ki est dunke ke si cler veïst; Ki de cel homme put penser line200 E cel miracle nuncier? Ici reposera mun dit; Si vus dirrai un respit Ke bien acord a ma matire; Pur ceo le voil ici escrire.

line205 Uns Reis estoit de grant poer, De bon voler, e de grant saver, E cist Reis un Fiz avoit Ke trestut ses sens savoit. Tut autre tel cum fu le Pere line210 E si est le Fiz en la manere: De un saver e de une pussance, De un voler e de une sustance. Par ki il trestut fesoit Ke a sun reaume pendoit; line215 Kant ke il vout comencer, Par sun Fiz le vout chever.

Quatre filles out cel Rey, E chescune dona par sey Sun aferant de sustance, line220 De sun sen, e de sa pussance, E a chescune deversement, Solum ceo ke a lui apent. De sa sustance ad chescune, E trestut est sustance une, line225 K’a sun Pere avenoit. Ne saunz ceo il ne poit Sun reigne en pes governer, Ne ové dreiture justizer. Bien est ke lor nuns recorde: line230 La premere est Misericorde, La fille al Reys eynné; La autre si est Verité, E Justize la tierce aprés; La quarte seur ad a nun Pes. line235 Sanz ces quatre ne put mie Reis governer grant seignurie. Icest Reis dun jeo vus di Un serf out ki ert mauballi, Ki par un tres graunt forfet line240 Ki vers sun seingnur out fet, Par esgard de jugement Fu mis a mut gref turment E livré a ses enemis, Ki en prisun le unt mis, line245 Kar de rien ne urent envie For de aver lui en lur baillie. Mut le unt mis en prisun dure, De lui penir ne unt mesure.

Misericorde ad ceo veüe, line250 Tantost est de pité esmüe, Ke mes ne se put tenir. Devaunt le Rei vodra venir Pur demustrer sa reysun E pur deliverer le prisun. line255 “Biau Pere,” fet ele, “Entendez: Ta fille sui, bien le savez, Pleine sui de humilité, De douçour, e de pité. De tun dun le ay, biau duz Pere; line260 Kar oyez dunke ma preere Pur cel dolent, chetaf prisun, Ke venir put a raunçun, Ki en mi ses enemis Avez en greve prisun mis, line265 Ki par premesse le traherunt, Par unt trespasser le firunt. fol. 106v La premesse li fauserent, Kar fausetté tut tens querent. E rendu lur seit fauseté, line270 E le prisun a moy bayllé. Kar tu es Reis de humilité, De merci, e de piti, E jeo ta fille sui ensnee, Sur tuz tes eovres nomee. line275 Ne dirray ke ta fille fusse Si de lui pité ne usse. Merci par dreit deit aver; Ta merci le deit sauver, E ta tre douce pité line280 Le deit mettre a saveté. Pur lui ‘merci’ crïerai Tant ke merci troverai.”

Iste vu Verité ad ceo oÿe, Ke Misericorde se plie line285 E vuet en fin le serf sauver E de prisun deliverer. Devant le Rei ci est aresté: “Biau Pere,” ceo dist Verité, “Tel merveil ay oÿe — line290 Ne pus tenir ke ne le die — De Misericorde ma sorur! Ke vodera par sa douçsour Cest prisun en fin sauver, Ke Verité veut dampner. line295 Beau Pere, ta fille sui, De ta sustance issui; Ne deit Misericorde estre oÿe Si Verité ne la guie. Si ma suur pust sauver line300 Tuz pur queus vodra prïer, Tu ne serroys pas duté, Ne nul meffet comparé. Mes tu es reis si veritables, De corage si estables, line305 Ke riens ne quers si verité, E cil demaunde pité Ke pité de sey ne out mie; Ne put aver autre aÿe. Jugement le estut suffrir line310 E tut sun meffet punir.”

E Justize amunt se leve Si ad idit parole breve: “Ta fille sui, biau duz Peres, E tu es Reys, Dreit Justizeres. line315 Tut tes fes sunt pleins de sens, E dreitureles ta jugemens. Celui serf dunt parler oy Jugement ad deservi, Kar taunt cum il franc esteit line320 Misericorde od sei avoyt, E Verité, e Justise, E Pes, trestut a divise; Pus s’en parti a sun gré; Tut de lui memes ad surté line325 E couplé est a descord. Pur ceo deit suffrir la mort, Kar eynces le premis. Ore seit en prisun mis, Kar Justise le destine line330 Deske Verité le determine, Ke tu le voilles relever E devan ta curt juger. Kar Justize ne esparnie Riens ke Verité li die. line335 A chescun dune par saver Kant ke deit par dreit aver.”

Ore est Verité de mal atisce, E dampner le veut Justice; Ne i ad nul ki bien li die, line340 Pus ke pité ne est oÿe. A, dolenz e malurez, De tute parz en est grevez! fol. 107r Ne put garir ou ke il iaut, Ke le enemi ne le asaut, line345 Trestut le despoylle nu De sun sen e de sa vertu. E lui e trestut sun lignage Ad mis en si vil servage E trespasser li fet adés. line350 E Justize, vient aprés, Tuz les juge en verité, Saunz merci e sanz pité. Ne Pes ne put demurer. Del paÿs le estuit torner, line355 Kar Pes ne demurt mie En guerre ne en atye, Ne Misericorde ne est nomé. Tut unt le paÿs issilé. Ni ad rien ke seit remis, line360 Ke a destructiun ne seit mis. Tuz les unt undes neez; Ni ad ke uit almes sauvez: Ceo est, Noé e ses treis fiz — Iceus en le arche sunt gariz — line365 E lur femmes ke od eus sunt; Plus ni ad remis del mund. Hidur est de penser ent De si crüel jugement! E tut est dreit e verité, line370 Mes saunz pes e sanz pité.

Adunke dit Pes al Rei, “Biau Pere, entendez ore a mei. Ta fille sui sanz dutance, Yssue de ta sustance; line375 Devaunt te dei estre oÿe. Mes deus seurs me unt guerpie. Sanz moy funt lur jugement, Ne Misericorde ensement Unkes apelé ne fu; line380 Pur iceo ne put aver refu Nul homme ke seit en vie; Pur iceo sui d’eluc fuïe. O tey fray demorance Deske icele destance line385 Ke entre mes surs est hastie Par Pes seit a fin chevie. Mes purquei serreit asise Ne Verité ne Justise, Si pur la pes nun garder? line390 Justise ne ad autre mester Mes ke la pes seyt sauvee. Serrai jeo dunke refusee, Kant tuz biens sunt par mey fez, E pur aver moy retrez? line395 Mes sauvé ne sui jeo mie Si Misericorde ne est oÿe. Mun dit deit porter grant fes, Kar tu es Prince de Pes. Pes est la fin de tuz biens; line400 Ke Pes ad, ne lui faut riens, Ne sanz Pes ne vaut aver Ne richesce ne saver. Ki pur Pes aver se travaille En Pes avera defynaylle. line405 E pur ceo Pes deit estre oÿe Pur icel serf ke merci crie.

De nus quatre vus dirray Une resun ke est verray. Pus ke quatre sunt assises line410 De fere dreitureles justises, E deivent tutes communement Fere un sul jugement; Jugement ne avera record Deske il seent de un acord. line415 En un les covyent consentir E pus le jugement formir. Cest jugement ert repelez, Kar sanz nus ne ert pas jugez. fol. 107v Saunz nus est trop flaelé; line420 Pur ceo deit trover pité. Sire, lur voil avez fet, Ore seit le nostre retreit, Ke Misericorde tuz jurs crie Pur le serf, ke il eit aÿe, line425 E jeo le païs fuïr voil Deskes il seent de un aquoyl.”

Le Fiz al Rei ad ceo veü, Le contec ke est asmu Ke ne ert sanz lui eschevé line430 Ne entre ses suurs pes levé, E dit, “Biau Pere, tun Fiz sui, De tun sen e de ta vertu. Ta sapïence sui clamé, E de tei sui taunt amé line435 Ke par moy feïstis le mund, Dunt tes fez tutes mes evres sunt. Un sumes nus en sustance, En dignité, e en pussance. Tun voler tut tens fray, line440 Justizeres, Rei verray. Del contec, ke tant descorde, Tant me ad es mu Misericorde Par reisun ke ele ad mustré Ke del serf ai grant pité. line445 Misericorde merci crie; Premerement serra oÿe. Trestut sun voler ore en fray; A Verité la acorderay. Del serf prenderay la vesture line450 En verité e en dreiture; Sustendray le jugement, Kaunt ke a Justize apent; E Pes en terre fray crïer E Justize e Pes entre bayser. line455 E issint fineray la guere E sauveray ta gent en terre.”

Cil ke cest ensample entent Put bien ver apertement Ke iceste signefiance line460 Est en Deu une pussance: De Deu le Pere est tute riens; Par Deu le Fiz sunt fet tuz biens; En Deu le Seint Esperiz Est tute rien escompliz. line465 Un Deu saunz divisiun, Une sustance e plus nun. Sa beneiscun a trestuz doint Ky cest escrit entendrunt.

Seignurs, bien oÿ avez line470 Pur quei le mund fu criez, Pur quei, a quei tut fu fet; Pus coment Adam le ad forfet, Coment par nule pussaunce De sei ne avereit recoverance; line475 Ne angele nel put rechater, Ne homme de mort relever. En tute fin dunke covenist Ke Deus homme devenist: Homme pur la mort suffrir, line480 E Deu de mort revenir; Kar autrement peri eüst Tut kant ke al secle fust. Oyez ici de si grant amur, Si grant pité, si grant dousçur, line485 Ke Deu de ciel descendi Pur sa owaille ke il perdi. Nonaunte nef il lessa Pur une quere s’en ala; Dunke ni ad ci bon Pastur line490 E merciable Seignur. Ki du cel Seignur pensast, Ki tant amur li demustrast Ke aprés sei le veut furmer E pus pur li sey vout doner, fol. 108r Eynz li dust li quer crever line496 Ke sun comand trespasser.

Ore oyez haute dousçur De la venue al Creatur. A Abraham est le don fet. line500 Les prophetes le unt retret — Ceo est, Moÿses e Jonas, Abacuc e Elyas, Jeremie e Daniël, Ysaÿe e Samuël, line505 E David e Eliseu — Ke dïent de la venue Deu. Tuz recorder ne pus mie, Mes oyez le dit Ysaÿe:

“Un Enfant nus est nez, line510 Un Fiz nus est dunez. Sun empire sustendra, E soun nun nomé serra Merveillus e Conseillere, Deu le Fort e Deu le Pere line515 Del secle ke vient aprés; Sun dreit nun est Prince de Pes.” Ceos sunt les nouns, en verité, Ke les prophetes l’unt nomé.

Ore entendez a moy tus: line520 Sun premer non est Merveillus. Merveille ne est taunt oÿe, Ne ja n’iert nul jour de vie, Pur tens ke put avenir Cum Deus homme devenir. line525 Kar ki ke veit un enfaunt Ke de sorfet eüst taunt, Ke il eüst treis pes e treis mains, E un autre ke eüst meins, Ke li fausit poyn ou pé, line530 E ke il fussent issi né, Fussent il dunke merveillus? Nanil! Mes ke a estrus Le un ad defaute de nature, E le autre surkark a demesure. line535 Merveillus n’iert nomé, Mes mustres sunt apelé. Mes cil merveillus serreit: Si un homme issi aveit, Ke de homme eüst tute la nature, line540 Saunz defaute, e a mesure, Si ke verrais homme fust, Ke nule defaute en se ne eüst, E pus fust verrai cheval. Impossible est de estre tel! line545 Mes ki teus le pust trover Merveillus le put clamer. Plus merveille est — e mil itant — La merveille del Enfaunt Ke Ysaÿe ad nuncié, line550 Ke est verray homme e verray Dé. De humanité ne li faut rien, E ke il est plein Deu, ceo veum ben. Par lui tute rien est fet, E sanz lui nule rien n’est. line555 Kar defaute n’est pas fet, Come avaunt vus ay retret. Autre Deu ne ad for li, Ke en terre descendi, Ki, desouz autre vesture, line560 Pleinement prist la nature De la nostre humanité E devient homme en verité. E pus ke homme voleit estre, De femme le covient nestre line565 Pur recevre la nature De humeine creature. Mes Deu ne pust herberger, Fors en biau lu e en cler; En beau lu fu il verraiment, line570 La ou il del ciel descent.

fol. 108v En un chastel bel e graunt, Bien ferm e avenaunt, Kar ceo est le chastel de amur, De solaz, e de dousçur. line575 En la marche est asis, Ne ad regard des enemis, E si vus dirrai pur quele chose. La tour est si ben enclose De fossez parfund e haut; line580 Ne ad regarde nul esaut, Kar ele est si haut assise Sur une roche, dure e bise E bien polie de ci ke aval, Ou habiter ne pout nul mal, line585 Ne engin ne put geter Ke rien le pusse grever.

Envirun ad quatre tureles; En tut le mund ni ad plus beles. Pus i ad treis bailles en tur, line590 De fort mur e de bel atur. Cum vus deviser le orrez, De biauté i ad plus asez Ke lange ne put descrire, Quer penser, ne bouche dire. line595 Sur roche neyve sunt fermez, Enclos de parfund fossez, E aurné de kerneyaus, Bien poliz e bons et beaus; Barbecanes i ad seet line600 Ke par bon egin sunt fet. Chescune ad porte e tour, Ou ja ne faudra succur, Ne ja ni averad annuy Ki la vient quere refuy.

line605 Li chastel est bel e bon, Dehors depeynt e envirun De treis colours deversement. E si est vert le fundement, Ke a la roche se joynt. line610 De grant dousçur ne faut poynt, Kar bien di ke douce verdur Ne pert jamés sa culur. La colur ke est en mylu Si est ynde e si est blu, line615 Ke meine colur est nomé; De beauté est enluminé. La tierce colur par ensun Les kernieus covre envirun Ke tut covre le doynjon, line620 Taunt reflambé envirun, E plus est vermail ke ne est rose E piert une ardonte chose. Jamés ne vient male horee, Mes de dousçur i ad plentee. line625 Dedeynz est le chastel blauns, Plus ke neyf ke seit negiauns, Ke gette si grant clarté De long la tur e de lé. En mi la tur plus hauteyne line630 Est surdaunt une funteyne, Dunt issent quatre russelles Ke bruient par les graveles Ke les fossez ount empliz; Mout i ad joie e deliz. line635 Saunté purreit recovrer Ki en cel ewe pust plunger. En cele bele tur e bone I ad de yvuirre une trone Ke plus ad en se blanchur line640 Ke en mi le esté le beau joer. Par engin est compassez; Al munter i ad seet degrez, Ke par ordre cochez sunt; Ni ad si bele ryen el mund. line645 Le arc du ciel en tur s’estend O ses colurs que li apend. Unkes si bele cherre Ne out rei ne emperere. fol. 109r Asez plus beauté aveyt line650 Ou Deu reposer voleyt; Dunke ni ad si beau chastel: Unke mes ne fu nul tel, Ne jamés autre tel ne serra, Kar Dompnedeu le devisa line655 A sun eus pur herberger; Mut eime le lu e le tient cher. Ceo est le chastel de delit, De solaz e de respit, De esperance e de amur, line660 De refui e de dousçur: Ceo est le cors de la Puscele. Unkes autre ni out for cele (Ne jamés autre ne serra, Taunt come le munde durra), line665 Ke de taunz vertuz fust garnie Come la douce Virgine Marie. Assise est en la marche, Si nus est escu e tarche En contre nos enemis, line670 Ke nus agaytuent tut dis. La roche ke est bien polie, Ceo est le quer Marie, Ke unkes en mal ne molist Mes a Deu servier se prist line675 E sa seinte virginité Garda en humilité. Le fundement ke est nomé, Ke a la roche est fermé, Ke est depeint od colour line680 De si tres bele verdour, Ceo est la fey de la Virgine, Ke sun seint quer enlumine. La verdour ke tant est bele Sa fey tut tens renovele, line685 Kar fey est apertement De tutes vertuz fundement. E pus est la meine colour De beauté e de dousçour. Ceo est la signifiance: line690 Ke en tendrour e en esperance Servi tut tens sun Seignur En humilité e en douçur. E la colour par ensun, Ke tut kevre par envyrun, line695 Ceo est cele ke est vermaylle — Ni ad nule ke tant vaylle — Ceo est la seinte Charité, Dunt ele est tute enluminé E esprise del fu de amur line700 De servir sun Creatur. Les quatre tureles en haut Ke gardent la tour de essaut, Dunt habiter ne pount nuls mals, Sunt quatre vertuz cardinals: line705 Ceo est, Force e Temperaunce E Justize e Prudence. A quatre portes sunt porters; Ne put rien si bien nun entrers. Les treis bailles del chastel, line710 Ke overz sunt a kernel, En compas sunt enviroun E defendunt le doynjoun. Cele al plus haut estage Signefie sun puscelage, line715 Ke unkes de rien ne fu blemie, Tant esteit de grace replenie. Le bail ke est en mie fermé Signefie sa chasteté. Pus est la foreine baille, line720 La sue seinte espusalle. Bailles a dreit nomé sunt, Kant en baillie la Dame unt, Ke, sanz per, est singulere: Virge chaste, Espuse e Mere. fol. 109v Par un de eus estut passer line726 Ki en le mund se vuet sauver.

Les barbecanes seet Ke hors des bailles sunt fet Ke bien gardent le chastel — line730 E de sete e de quarel — Ceo sunt celes seth vertuz, Dunt seth vices sunt confus: Ceo est Orguil, apertement De tuz maus le comencement, line735 Ke vencu est e maté Par sa seinte Humilité; E Charité confunde Envie, E Abstinence Gloutenie; E par sa seinte Chasteté line740 Lecherie est maté; E Avarisce, ke mout blesce, Est vencu par sa Largesce; E Pacïence, ke veint Ire, Cele ke sey meïmes decyre; line745 E espiritale Leesce Confunde la male Tristesce. La funtaine i surt de grace Ke tut le chastel enbrasce. Dé sa grace ad doné line750 E par mesure devisé, Mes tant la Pucele ama Ke pleine grace li dona, Dunt la grace ke surunde Fet socur a tut le munde. line755 Pur ceo est a dreit clamee Sur tutes autres benuree. E queles sunt les fessez Fors volentrive povertez, Dunt nul engin ne put geter line760 Ke le chastel pusse grever, Dunt li Diables est vencu E sun poer ad perdu? Kar einz out poer si grant Ke unkes nul homme vivaunt line765 Ne pout en contre lui ester, Ke en enfern ne le fet geter. Mes ceo est la Dame gente Dunt Deu dist a la serpente Ke une femme vendreit line770 Ke tut chef quassereit.

Beneite seit la benuree, Sur tutes autres honuree, Ke est bele e bone, De ki alme fist Deu throne line775 A sun eus pur herberger; Char prist de lui pur sauver Sun puple de la prisun: Ce est la nostre garisun. Ceste Dame est bele asez, line780 Kant ele ad tant de buntez, Plus ke autre creature, Mes kant le Solail de Dreiture Denz sun seint cors enumbra, Mil itaunt enbelie la ha. line785 Par la porte close entra; Al issir close la lessa. De ceo ni est contac ne plait, Kar kant ke Deu vout, si est fait.

Franche Pucele, Reÿne, line790 De refui forte fermine, A tey est ma alme venue, Ke a ta porte huche e hue, Huche e hue, huche e crie, “Douce Dame, aÿe, aÿe! line795 Reÿne Dame, overez, overez! Un poy poser me lessez De cele grace ke garist Les povres en esperist. De hors tun chastel sui asis line800 De treis de mes enemis: Ceo est, le Diable e le Mund E ma Char, ke me somund fol. 110r Tut adés de mesfere; Mut funt a ma alme contrere. line805 Grant parlement unt tenu: Li Diables est primes venu, Ke treis oyz en moy se dresce, Ceo est, Orguil, Ire, e Peresce; Le Mund ad deus oiz asise, line810 Ceo est, Envie e Coveitise; E la Char, ke taunt se plie A fol Delit e Glutonie. De damage me unt esmu: Champion su rescru. line815 Si ta grace ne me aÿe Tute ay perdu la mestrie. Vus, ke febles redrassez, Fa moy poser a fossez Ou le chastel est estable, line820 E Charité est conestable.”

Del chastel un poy ay dit; De plus dire en ay delit, Kar tuz les biens ke sunt el mund Del chastel venuz sunt. line825 Ceo est la eschele, bien le di, Ou Deu du cel descendi; De lui prist humanité, Dunt covri sa deité. La verge porta la flur, line830 La Virge sun Creatur, E si est le Enfaunt nez, E cil Fiz nus est donez. Icest Enfant est Mervillus, Ke issi est nez pur nus. line835 Merveille n’est tant, ceo me semble, Cum deus natures joindre ensemble, E ke chescune apertement Eit tut ceo ke a lui apent, Ke nul amenusé ne seit, line840 Mes ke chescun eit sun dreit. Ceo est Jhesu le beneit, Ke de ciel descendeit Pur ses seurs acorder E sun prisun delivrer. line845 Natures deus i ad, ceo est la summe: Verrey Deu est, e verrey homme.

Beneyt seyt la Pucele, Par ki savum la novele De Jhesu Crist, le fruit de vie; line850 Lors est Misericorde oÿe. En ciel des angeles est le chaunt “Loange e glorie al Tut Pussaunt!” E pes en terre est crié A gent de bone volunté. line855 Lors si fu pes en terre — En tut le mund ni out guerre, Ni out contec, ne descord, Mes tuz furent de un acord E sous un prinzce governé line860 Kaunt nostre Sire fu né. Augustus Cesar se noma Ki comaund par tut ala. Bien deit pes estre tenue A cuntre sa haute venue, line865 Ki pes sustient e pes guie. Mout est nature enbelie Kaunt Nature naturaunce A nature est ignoraunce Kaunt nature est naturee; line870 Lors est nature puree Cent taunt plus ke einz n’estoit Einz ke Adam forfet avoit. Icesti est de grant pussance Si est de fraunche nessaunce; line875 Cist pout bien pur nus pleider E nos dreitures dereynner. Ore avez oÿ trestuz Cum cist Enfaunt est Merveillus. fol. 110v E veez, pur Deu le Pere, line880 Cum il est bon Conseyllere.

Ki vest ici un homme Ke emperour fust de Rome, De sun paÿs engetez, E desça lé munz fust demorez; line885 E pus fussent les munz si haut Ke par engin ne par ensaut Ne put hom les monz passer, Ne nule autre veie aler; Ke a meiseise le veïst line890 E a consayl lui deïst, “A quei vas tu si mendifs? Returnez en tun paÿs. Va par tut tes amis querre Si deraignes vostre terre.” line895 Icest consail bon fust, Si achever le pust, Mes verray consail n’est ceo mie Pus ke il ne ad prou ne aÿe. Mes li douz Jhesu beneit, line900 Il est Conseiler adreit. Cum il vient oÿ avez: Homme il trova esgarez, De paraÿs engeté jus; Ne jamés n’ust venu sus line905 Par lui ne par sa pussance, Ne fust de Deu la redressaunce, Ke sun Fiz vout enveër En le mund pur sa gent sauver. Trestuz nus vient conseiller line910 E la voie al ciel mustrer. Mes Deus est plein de verité, Ne vout riens for equité, Ne vout sauver ne garir For ceus ke lui voleint servir.

line915 Regardez, homme, en sa pussance, E au grandur de sa finance, Ou circumscription n’est mie, E veez cum il se humilie, Ki de femme deigna nestre line920 E verray homme pur nus estre. Et pus sun consayl regardez, Cum il nus meine a sauvetez En si tre douce manere, E si nus dist, “Beau duz Frere, line925 Jeo te vei issi, esgarez E de tun paÿs exillez, E si veez apertement Ke de te n’as recoverement. Ne seez en desperaunce, line930 Ne de ceo ne eiez dotance, Ke si crere moy volez, Tun heritage tost averez. Oyez moy tant solement E fetes mun comandement. line935 Mun jug est suef a sentir, Mun fes leger a sustenir. Pité pur tei me ad esmu; Pur tei sui ici venu. Jeo te consail, suez mey, line940 E jeo ta bataille enprendray. Primes, pur tey voyl enpleider E tun dreit voil chalanger, Kar jeo sui de tun lignage, Si pus clamer tun heritage. line945 E sui de franche naciun, Si ert oÿe ma reisun. Pur tei prenderay la bataille, Si averez bone definaille, Kar jeo en fin le venkeray line950 E tun dreit recoveray. De rien ne tei estut penser Furs Deu e tun prume amer.”

Deu! Quel douçur e quele franchise, Kant cil ke tute rien justise line955 Tant nus mustra amisté E ensample de humilité. fol. 111r Mes cel ensample est poy tenue E relement en munde veüwe, Kar le munde tut dis eyme line960 La chose ke est mundeyne, Mes li esperit de charité Tut tens eyme humilité. Kant le mundain se done al munde, E sun aver li surunde, line965 Ne pense fors de sun aver, E plus aver ensemble aver. Kant aver ad la mestrie, Si ferm en se laz le lie Ke il devient fiers e orgoillus, line970 A tuz ses veisins surfetus. Riens ne coveite largesse, Mes seignorie e hautesse. Par orgoil ad oblié Le ensample de humilité. line975 Iceus Jhesum ne siwent mie, Kar lur fet lur contrarie; Sun consail ne velunt crere. E coment dunke, e par quel afere, Veolunt il rien demaunder line980 Del heritage Deu aver, Kant il funt kant ke il defent E rien ne funt de ceo ke il aprent, Kar il querent la pussaunce Ne veoleint rien de humiliance? line985 Pur iceo cheÿ Lucifer Hors du ciel deskes en enfer. Pur ceo me dout ke cil cherrunt, Tuz ceus ke teus evres funt. Mes pur ceo ne di jeo mie line990 Ke homme ne put aver grant manancie, Grant seignorie e grant hautesce, Chasteaus e boys de grant largesce, E si put Deu bien servir E sun voler acomplir, line995 Pus ke il vith en humilité, En dreiture, e en charité, Kar Dompnedeu n’ad rien tant cher Cum fin amur de quer entier.

Ore put acun demaunder, line1000 “Coment vient il pur nus pleider? E coment la bataille enprist E nostre dreit coment conquist?” Oyez debonerement E jeo vus dirray bien coment. line1005 Kant Jhesus el mund fu né, Del Diable fu taunt celé Ke il ne sout de sun venir, Mes quidout par tut seignurer, Cum il einz fet aveit, line1010 Mes sun poïer li est tolet. Mut bien le vit home en terre, Mes il ne saveit par quel afere Homme vint en terre nestre E tuz jors sanz pecché estre. line1015 E, merveillaunt, dist, “Ki es tu? Es tu dunke le Fiz Deu? Tut cest mund te voil doner Si tu me veus aorer.” E Jhesu dist, “Va, Satanas! line1020 Tun Seignur ne tempteras.” E cil dist dunke, “Ke veus tu fere? Prince sui de ceste tere. Lunge tens ay eü la seisine Par le grant du Rey Hautime. line1025 For sul ke tun consayl ne vey Ne ne conuz tun secrey, Mut i averez a fere Si de moy veus rien conquere. E si de te pussance ne eye, line1030 Quides tu toler ma preye? Nay! Le covenant est fermez, En la curt Deu cyrografez, Ke si il le comaund Deu passast Od moy tut tens demorast fol. 111v E morreit en fin de mort, line1036 E Deu ne veut fere nul tort, Mes tendra le covenaunt Ke en sa curt fu fet avaunt.”

A ceo respundi Jhesu, line1040 “Le covenaunt fu bien tenu, Mes tu primes le frensistes Kant en traÿsun diseïstes, ‘Tu ne morras pas pur taunt, Ainz serrez cum Deu sachaunt.’ line1045 Del fet fustes encheysun. Ore agardez dunke raysun: Veus tu de covenaunt joyer Kant covenaunt ne veus tener?” “O!” dist le Diable, “Traÿ su, line1050 Kant en pleidant su vencu. Dunt tey vient tel poyer, Tel vertu, e tel saver Ke od moy osiez enprendre De desputer e reisun rendre? line1055 Tut ay perdu en pleidaunt, Mes ne demurra mie entant; Tute vers il ad forfet, Si ke il en ma prisun est, Ne sanz redempcion pur lui line1060 Ne voil a tort estre deseisi.” E dist Jhesu, le Rey verray, “Pur lui la redempcion fray.” “Si tu le veus achater, Il te coustra mout cher.” line1065 “Cum cher?” “Mes tant cum il vaut, Enz ke il de ma prisun aut.” E dist li duz Jhesu beneit, “Ceo est bien reisun e dreit. Encuntre dreit, ne voil jeo mie line1070 Toler tei rien par mestrie.” “Fai le moy dunc.” “Volenters: Ke est ceo dist ke tu quers?” “Jeo te dirray bien sanz faille: Rendez moy dunc ke tant vaille line1075 Cum fet ore tut le mund, E kant ke aprés tuz jurs vendrunt.” “Volenters tut ceo fray, Kar meuz vaut mun petit dey Ke teus cent mile munde ne funt, line1080 Od tute la gent ke i sunt.” Le Diable respund par fierté, “Bien say ke ceo est verité, Kar le mund pus justiser Mes tey ne pus aprucher. line1085 E veus tu tun dey doner Pur si vil merz achater?” “Nay,” fet il, “mes tut mun cors.” “Einz ki eyes cel prisun hors, Il te covient mout plus fere, line1090 Soffrir tant de maus e contrere. Si amender veus sun tort, Il te estuit suffrir la mort, Ou taunt de peine, o tant dolurs, Si cum il freit tuz jors line1095 Si il fust od moy menaunt E en enfern demoraunt.” A donc respondi li duz Jhesu, “Kaunt ke as dit iert bien tenu, Kar Verité le divise, line1100 E pus le ad jugé Justise. Plus ifray ke dit n’avez, Si iert li serf deliverez.” Adunc quide li Adverser Par sa mort trestut gaigner. line1105 Mes il fu pris, li glutun, Cum est al heym le pessun Kaunt le verm ad engolee, Par le fer est ataché.

Ore esgardez la dousçour line1110 Le consayl al Sauveour, fol. 112r Ke est leger a suffrir, Dunt gareysun pust venir. Tuz nos meffez sur sei prent; Pur nus est treité vilement, line1115 Cil ke unkes ne out pecché, Ne vilenie en lui trové. En tuz les menbres ke homme a Dunt Adam primes peccha, Vout les seuns menbres pener line1120 Pur nos pecchez aquiter: Pur la nostre iniquité Sun chef des espines coroné; E pur les nos fous regarz Ses oyez bendez de ambe parz. line1125 En la face le escoperent, E des paumes le ferirent. E pur nostre fol parler Bust eysil e vin amer; E pur nos mauveys fez foreinz line1130 Se fist percer peiz e mayns. Quei pout il plus pur nus fere? Launge ne put taunt retrere, Ne quer de homme taunt penser, Cum il pur nus se fist pener. line1135 Ki est cil ke n’eüst pité De si tres graunt amisté? Teus sunt les cops de bataille Ke il pur nus suffri sanz faille. Mes kant a la mort se livra, line1140 Mort par sa mort rechata, Kar plus suffri cent itaunt Peines e maus en moriaunt Ke diables eürent poyer De humeine nature charger. line1145 Kar taunt eyme le alme le cors Ke jamés ne istrait fors Pur nule peine endurer — Si l’om le vousist detrencher — Eynz ke le cors eit perdu line1150 De tuz cink sens la vertu: Ceo est, le oÿe e le ver E le odur e le parler E le taster perdera Einz ke le alme del cors passera. line1155 Nature ne put suffrir Le alme einz del cors partir. Mes cil ke tut poier ad Cent feiz ses peines dublad, Kar kant en la Croiz pendi line1160 Od haute voiz le alme rendi. La mustra ke il Deus estoit, Nostre raunsçun dunke fesoit. Vivant le cors fist ceo, sanz faille, E issint venqui la bataille. line1165 Taunt ne put le Diable charger, Ne nature endurer. A, tres gloriose Reÿne, Marie, Mere e Virgine, Pur pité ne puis nomer line1170 Tes dolurs, ne rementiver! Mes lors fu tut acomplie De Symeon la prophecie: Kar, plus ke al cors, fus naufree Parmi l’alme de un espee. line1175 Mes cent fez ta joie dubla Kant il de mort resuscita. Rienz n’eüst valu la Passion Ne fust la Resurrection. Tu veïs ore apertement line1180 De la bataille l’echevement Dunt le Diable est vencuz E le siecle sucuruz; Nostre creance e nostre fey Adunc demurra, Dame, en tey. line1185 Trestuz furent en dotance, Mes vus en ferme creaunce fol. 112v Demoraistes saunz doter; Ta fei ne pout rien changer. Marie, Mere de pité, line1190 Pucele pleine de bunté, En vus dunc fu nostre creance, Mes ore est nostre esperance Ke pur nus le depriez Par ki sumes rechatez.

line1195 Oÿez del duz Jhesu, Cum il par sa grant vertu En bien nus ad consaillé, E cum il pur nus ad plaidé, E cum il pur nus combati, line1200 E coment sa bataille eschevi. N’est cestui bon Consailler, Ke issi nus achata cher, E ke nus ad fet la voie Dunt venir purrums a la joie line1205 Ke, par Eve, fu grant pose A tuz estopé e enclose?

Ore agardez en avaunt Cum il est Deu Tut Pussaunt. Si orrez apertement line1210 Ke estre ne put autrement. Un Deu tute rien cria; Icel Deu nus rechata. Autre Deu ni ad for li. Ce est le Deu dunt jeo vus di: line1215 Persones treis sunt nomé, Mes un Deu est en unité. En ses fez put homme saver E la pussance Deu veër, Kar tuz ses fez furent mellé line1220 De homesce e de divinité. Ki de ses fez garde prent Veër le put apertement. Ki eüst ici une espeie Bien trenchant e aceree, line1225 E homme en le fu le meïst Tant ke ardaunte le feïst, Taunt cum ardante fust Nul ne serreit ke pust Le fu partier de l’acer, line1230 Ne le acer de le fu severer. E ki de la espeie ferreit Deus natures i trovereit: Le acer trenche par nature, E le fu ard; ceo est dreiture, line1235 E tut de une espeie ist. Ausi est de Jhesu Crist. Deus natures ad pleinement, De Deu e de homme vereiment.

As nuces de un sun privé, line1240 En la Kane de Galilee, Un convivie fist Architriclin, Kant le ewe chaungea en vin. Sis ydres i sunt posé, Empler les de ewe ad comaundé. line1245 Cum homme empler les noma, Cum Deu le ewe en vin chaungea, E tuit iceo une hovre fu De hommesce e de verray Deu. E aillurs ou il ala, line1250 Ou taunt de puple sui le a Ke cinc mil hommes ad puz De cinc pains e de pessuns deus; E de relef ke est remis Duze cophins sunt empliz. line1255 Cum homme le pain departi, Cum Deus les ad tuz saci. E de Lazere, regardez, Kaunt il le ad resuscitez Ke, quatre jors al monument, line1260 Fu de mort tut pullent; Od haute voyz est escriez, “Lazere, kar ça hors venez.” fol. 113r Cum homme a lui cria, Cum Deu le resuscita. line1265 En tuz ses fez peut hom ver Ke il est Deu, saunz doter. Cel Deu tute rien cria, Ki en la Virge se enumbra. En lui est nostre creance, line1270 Nostre fei, e nostre esperance, Persones treis en Trinité E un sul Deu en unité.

Oï avez apertement Cum il est Deu omnipotent, line1275 Mes sa force ne put nul dire, Quer penser, ne clerc escrire. Kar icest haut noun Jhesu Ad en sei tant de vertu Ke quant ke est en cel hautisme, line1280 Ou en tere, ou en abime Se enclinent a cel seint nun; Pur ceo ne put dire nul hom Sun grant poer, ne sa force, Mes cum en rimant l’escorce. line1285 Tucher le voil apertement, Solum ceo ke jeo atenc. Kaunt le munde fu crié, E Adam primes out pecché, Dunc out le Maufé tant poër line1290 Ke del munde fist sun voler, Kar lui pur ke le munde fu fet En sun poër out atret. Taunt de poër dunc aveit Ke prince del munde esteit; line1295 Ne pur nule seintité, Pur penaunce, ne pur bunté Ne se pout nul tant pener Ke en enfern ne le fist vener.

Mes la force Jhesu Crist line1300 Le ad maté e desconfist. Desconfist est apertement, Kant il quidout, cum de autre gent, De lui fere sun voler E atrere a sun poër. line1305 Kant le vit en la Croyz pendre, La alme de lui quidout prendre, Mes il menti, li traitur. Enz est abatu a sun tur, Kar la seinte deité line1310 Dekes en enfern le ad geté, Ou il meïmes est alé Od sa alme e sa deïté. Les portes de enfern brusa, Le poër al Diable esquassa. line1315 A enfern fist un grant mors Kant tuz les suns estret hors, Ke en sa venu crurent E de bon quer servi le urent. Tel poiër ne fu oÿ — line1320 Ne ja, ne serra, fors de lui, Kar tut le greingnur poër Ke fu en le munde fist quasser. Le Maufé fuist le fort armé Ke sa porte ad bien gardé, line1325 Mes kant plus fort survenoit, Ses espoilles li ad tolet E del reaume engeté; En enfern le ad trebuché. Pur iceo dit bien Ysaÿe, line1330 Ke dist en sa prophecie Ke il Fort nomé serreit. Sa force nul ne pensereit: Ne launge nel purreit dire, Ne quer penser ne descrire. line1335 Sa force fet a redoter, E sa dousçur a amer. Icesti est nostre refui, Nostre creance, e nostre salu, fol. 113v Nostre fey, nostre amur, line1340 Nostre aïe, e nostre honur, Ke tant se vout humilïer E sei doner pur nus sauver. E un soul Deu tout ceo fist: Pere e Fiz e Seint Esperist.

line1345 Cum il est Fort oÿ avez, Mes, pur Deu, ore escotez, Entendez avaunt le cunte Cum Ysaÿe nus recunte, Ke sun nun nomé serreit line1350 Pere al puple ke vendreit Al secle ke fust avenir. Pur ceo voleit al mund venir, Ke tutes seintes prophecies En lui fussent acomplies. line1355 Cum il fu Pere bien l’orez, E cum il nus ad engendrez. En Adam trestuz peccherent, E tuz od lui la pome mangerent, E tuz ke de lui engendré furent line1360 La malisçon ke il out eürent, Kar il urent naturelement; Ne purreit estre autrement: Adam nostre pere estoit, Charnelement nus engendroit. line1365 Mes icele engendrure Fu a nus pesant e dure Ne fust la grace Jhesu Crist, Ke nus engendra en esperist. Pur Adam furent tuz dampnez line1370 E par Jhesu resuscitez. Il est a dreit nostre Pere; Il nus engendra en la manere Ke de sun saunc nus lava E nostre fraunchise rechata. line1375 Unkes pere pur enfaunt De fin amur ne mustra tant, Kar kant il nus out rechaté E morz par sa mort delivré, Dreit en enfern s’en ala. line1380 Treis jors i demora (Ceo nus dit Seint Augustin), Dekes al tierz jur le matin. Un dimaine resuscita Kaunt la aube primes escreva. line1385 Od sei treit hors tuz les suns Ke unkes furent a nul tens, Pus ke Adam fu crié Deske il fust resuscité. A ces deciples se mustra, line1390 Od eus but e mangia, Quarante jours i demora, A eus le reigne Deu precha, Deskes al Ascension. Ou soens estoïent a sun noun line1395 Tuz ensemblé en un lu, Dunke aparut a eus Jhesu Pur esprover lur mescreance, Kar tuz furent en dotance Ke resuscité le virent line1400 E nepurkant nel crurent. Mes sachez vus lur duter Fet nostre fei afermer, Kar mut nus fist avantance De Thomas la mescreance, line1405 Ke ne voleit pur nus hom Crere la Resurrection, Deske en ses plaies ses mains mist, Ke Longes de la lance fist, E dunc dist il, “Tu es mun Deu.” line1410 “Veire, Thomas,” ceo dist Jhesu, “Tu le creis kar veü le as; E ki le creit e ne le veit pas, Eïent tuz la beneïsçun Ke par ta creance te dun.” fol. 114r A cel jour vout apertement line1416 La fei fermer a tute gent. Od ses disciples ad mangé, Cum enceis fu acustimé, E devisa lur aler, line1420 Ke il alassent al mund precher A universe creature — Ceo est sul a homme, par dreiture — E ke il en le Fiz Deu crussent E tuz baptizez fussent line1425 En noun del Pere e del Fiz E del Seintisme Esperiz, Kar ki baptizé ne serra Jamés en ciel ne entra, Mes li creaunz e li baptizez line1430 Serrunt mis en sauvetez. Apertement nus ad mustré Ke nus kevendra estre resné. Mes pus ke resné serrum, Engendrure averum, line1435 Ceo est, le ewe del espirist, Ou nus engendra Jhesu Crist; E pus ke il nus ad engendré, Nostre Pere est en verité, E dunc sumus nus ses fiz. line1440 Certes mut fet ke cheitifs Ke a cel Pere ne se done. Il ne mangea pas de la pome; Par li poüm bien clamer Dreiture en ciel pur aver, line1445 Kar il ad la ley gardé — Unkes un point ne ad fausé — Ke unke mes ne fu tenue Deske a sa seinte venue. Le premer hom vient de tere, line1450 Par ki avium la guere. Le autre du ciel est venu, Ke nus ad la pes rendu. Le premer hom fu charnal, Ke a tut le mund fist grant mal; line1455 De paraïs fu engeté, E li e trestut sun ligné, Mes Jhesu Crist, nostre Pere, Nos heritez nus rend arere, Ki de ciel est venuz; line1460 De bas en haut nus leva sus. Ki de tere est, a tere ala; Ki de ciel est, a ciel munta; Ceo fu a la Ascensiun, Veant le puple envirun. line1465 La voye a ses seinz ad fet Par les nues, ou il s’en veit. Vie e verité e voie, Od sei mena la bele proie; Tuz les suens mena od lui, line1470 Ke de enfern avoit ravi. A la joie les mena Ke nul jour ne faudera, Ou il meint ou il avant fu, Od le Pere, un sul Deu, line1475 Persones treis en Trinité E un sul Deu en unité. Un Deu tutes choses fist, Pere e Fiz e Seint Esperit, E si ad il distinctiun line1480 De treis persones par nun, Nepurkant un sul Deu dure, Creatur de creature, A ki honur e glorie apent, Sanz fin e sanz comensement.

line1485 Cum il est Pere oÿ avez, E si escoter le volez, Bien orrez un poy aprés Cum il est Prince de Pes. En avant vus ai cunté line1490 Cum il est a ciel munté. Tut autresi de loec vendra Kant il le mund juger vodra — En deité, en alme, e en cors — Pur tuz juger, vifs e mors, line1495 Cum il soleit al mund aler. Ses plaies vodra demustrer, fol. 114v Ke il pur le munde suffri, E cum pur nus fu ledi, Des escurges fu rumpi sun quir; line1500 Cum les Gius alerent ferir; E cum vilement fu mené, Sun chief des espines coroné; E cum il en la Croiz fu posé, Ses peez, ses mains trespercé; line1505 E cum il fu al quer feru, Dunt sanc e ewe est issu. E dirra dunc a trestuz, “Taunt en ay suffert pur vus!” Ne vaudra riens le playder, line1510 Le respundre, ne le aposer. Ne vaudra chastel, ne tour, Ne paleys, ne bel atour; Tutes choses perirunt Ke des mains de hommes evre sunt. line1515 La tremblerunt les peccheurs, Croulanz lur denz de pohurs, Ke nus homme ne purra dire. Chescun verra sun martyre, E devant lui sun jugement line1520 Escrit serra apertement: Tuz sez fez en mi sun frunt, E les verrunt tuz ceus del mund. E le jour amer e perilus Orrunt cil a cri hydus, line1525 “Montaines, sur nus chaiez! A, terres, kar nus coverez, Ke nus ne veoms la hydur Del yre al Creatur!” Aprés ceo tel signes verrunt, line1530 Par laqueles tute gent murrunt. Devant Jhesu dunke vendra Fu ke tut le mund ardra; E ardera tutes les pleines E les desrupes e les montaines. line1535 Ciel e tere enflamberunt; Les elemenz desouderunt. Par le fu ert le ir puré E tutes ewes degausté; Tut le mund purefiera. line1540 Ne ja plus ewe ne serra, Ne fu en le mund jamés ne avera Kant cel fu esteint i serra. Pus si veut Dompnedeu fere Novel ciel e novele tere, line1545 Ne mie autres ke einz fet ad, Mes ceus en meillur estat tendrat. Les angeles du ciel dunc vendrunt E les busines sonerunt. Primes leverunt, en alme e en cors, line1550 Tuz ke en Jhesu sunt mors; Iceus ke sauvé serrunt A deprimes leverunt. A ceus dirra nostre Seignur, A grant joie e a grant dousçur, line1555 “Feim avoie, vus me pustes; A herberge vus me resustes; Nu fu, vus me fublastes, Malades, e vus me visitastes; Seif avoy, e vus me enbeverastes; line1560 E en chartre me confortastes. Venez, mes fiz benurez, Les joies de ciel recevez, Ke a vos us agraié sunt Del comencement del mund.” line1565 Adunc serrunt les bons ravi A munt en le eir acontre lui.

Les mauveis en tere serrunt, La glorie Deu pas ne verrunt; Mes a cel ravissement line1570 Releverunt communement, Cil les cheitifs malurez, Ke de pecché sunt chargez. fol. 115r Pesaunz, en tere demorrunt Deske la voiz del Juge orrunt, line1575 Od grant ire, hidousement. Orrunt lur dure jugement: “Alez, mauves, oveke li Diable Al feu ke est nïent esteingnable, Kar el ne avez deservi line1580 De tuz les evres de merci.” En enfern trebucherunt, Od diables sanz fin serrunt.

Li bons serrunt glorifiez En cors, en alme, en veritez, line1585 Kar clers serrunt cume le solail. Ne jamés plus ne averunt travail Mes joie averunt ke sanz fin dure. Mut furent nez a bon oure, Ke a la feste purrunt venir line1590 Ki Deu vodra od suens tenir. Taunt de joie dunc serra, Ke tuz jours sanz fin durra, Plus ke en quer ne put descendre, Ou oil veër, ou oraille entendre, line1595 Ke Deus ad aparillé A ceus ke de quer le unt amé. La joie ne faudra jamés, Adunc est il Prince de Pes.

Ore oyez des mauveis, line1600 Cum il serrunt a mal baillez, Kar ceus ke en enfern serrunt Jamés hors ne isterunt, Mes la tormentez serrunt En le put, puant e parfund. line1605 Ne i avera riens ke ne blesce; La premere peine est tristesce; Chescun seur autre esterra, Ke lur dolur doublira; Le autre si ert tenebrur, line1610 La tierce si ert puür, La quarte, fu nïent esteignable, E pus hidur de ver le Deable. La rien del mund ke il plus harrunt Devant eus tuz jours verrunt, line1615 E vermine de male plaist; Ne verrunt rien ke lur plest. Trestuz jours sanz fin plorunt, Crossanz de denz rechinerunt. Li un al autre donc dira, line1620 “Cheitifs, que fetes vus de cea? Mal eit le oure ke fustes nez! Sur moy puünt tes pecchez! Mun fait me fait ci pener, Mes tu faz ma dolur dubler!” line1625 “Mes tu mauves cheitifs, Mal eit l’oure ke tu fus vifs! Tes maveis pecchez puillanz Me funt rechiner de denz!” Issi lur doyl demenerunt, line1630 Ke chescun jour dublé serrunt. La faudra trestut amur, Joie, solaz, e dousçur. En cel put enclos serrunt, Ne jamés hors ne isterunt. line1635 Les deables lur princes serrunt, Ke jamés de pener ne cesserunt; Le Deable lur prince serra, Ke sanz fin les penera.

Jhesu est Prince de Pes; line1640 Sa pes ne faudera jamés, Mes joie, solaz, e amor Ke renovele de jour en jour. La premere joie serra Ke li seint homme verra line1645 Face a face sun Seignur, Sun Deu e sun Creatur. En sa beauté se enmirra, En lui tute rien verra. Tant serra de joie refet line1650 Ke il avera kant ke lui plest; Kaunt ke il veut desirer Avera en lui regarder. fol. 115v Del ciel verra la largesce, La beauté, e la hautesce; line1655 Si verra la gloriose, La Mere Deu, la preciose, La tré douce Virge Marie O tute la bele compaignie. Les nuef ordres des angeles verra, line1660 E chescun joie li fra. Les apostles e les martyrs Joie menerunt saunz fins. Pus verra les confessurs, Les virgines od beaus aturs, line1665 Si conustra ses amis, Queus al secle vit jadis, Si tres grant joie mener Ke quer ne pust penser. Chescun si pussant serra line1670 Ke kant ke lui plest fra, E si serra si leger Ke il ert la ou il vuet penser, E tuz si sutils serrunt Ke la ou il voelunt passerunt. line1675 E li un al autre dirra, “Beneït seit ke vus cria, E la oure ke fustes né Seit devant Deu honuré; En tei vei joie si bele line1680 Ke ma joie renovele.” Li autre respund ataunt, “Beneït seit li Tut Pussaunt Ke tele joie te ad donee, Dunt ma joie est doublee. line1685 En tei vei si graunt leesce Ke tute ma joie redresce. E la joie e le amour De regarder mun Creatour, Ke aprés sei me vout former line1690 E pus me deingna resceter. Cent feyz est ma joie doublé, Tut ai kant ke ai desiré.”

Tele joie entre eus menerunt, En joie tut tens serrunt. line1695 Ki iloec meins serra beaus Iert si clers cum le soleals, Ke set fez plus cler serra Ke ore n’est e plus lurra. Solail ne avera dunc mester line1700 Kaunt trestuz serrunt si cler. E pus plus beaus serra celui Ke plus avera deservi. E verra taunt de mansions, Des angeles les legiuns line1705 Tuz deverse joie aver; Mut avera joie del ver. E pus si verra la plus bele, La Reïne e la Pucele, La plus clere e la plus pure line1710 De tutes autres creature; Ceo est, la Virge Marie. Sa beauté tant multeplie Devant tutes autre beautez, Cum ele ad plus de dignetez. line1715 Dignité ad ele taunt Ke Dompnedeu est sun enfant; A tant cum a de beauté, A de franchise e de bunté. A nul ne escundit ses amurs, line1720 Ses solaz, ne ses socurs. Pur ceo joie a lui frunt Trestuz ke en ciel serrunt. Sa bunté ne sa hautesce, Sa franchise ne sa simplesce line1725 Ne put nul charnel penser, Ne sa beauté deviser. Ne autre ne purreit estre Kant deigna de lui nestre, Ki ad tuz beautez destine line1730 E tutes beautez enlumine; fol. 116r Ki de lui bien penseroit En joie tut tens serroit. Mes la joie e la dousçur De regarder sun Creatur line1735 Tutes joies surmunte, E vers cel n’ad nule acunte. Si tut le sen ke est al mund De tuz les hommes ke i sunt En un soul homme feust, line1740 E il tuz jours vivre peust, Tant cum le munde porra durer, Enquer ne purreit il penser, Ne deviser apertement, Une joie entierement line1745 Ke Domnedeu ad asis A doner a ses esliz. E coment dunc pust il penser La beauté Deu, nay, ne deviser? Mes kant glorifié serrum, line1750 Dunc apertement verrum Cum il est treis en Trinité E un soul Deu en unité, De ki, par ki, en ki sunt Tutes les joies ke en ciel sunt. line1755 Cil Prince de Pes les suens guiera, En joie e en pes tut tens serra. E Deu nus doint par sa merci Nostre vie mener ici E ses comandemenz si tenir line1760 Ke a cele pes pussums venir. Amen.