(British Library MS Cotton Vespasian B.xvi fols. 2v-3r)

5                        10                    15                        20                        25                    30                        35                    40                        45                        50                    55                        60                        65                    70                        75                    80                        85                        90                    95                        100                        105                    110                        115                    120                        125                        130                    135                        140                        145                    150

Lo, he that can be Cristes clerc, And knowe the knottes of his Crede, Now may se a wonder werke, Of harde happes to take goud heede.    The dome of dethe is hevy drede       For hym that wol not mercy crie.    Than is my rede, for mucke ne mede, 1       That no man melle of Lollardrye.     I sey for meself, yut wist I never But now late what hit shuld be; And by my trouth I have wel lever No more kyn than my a, b, c.    To lolle so hie in suyche degré,       Hit is no perfit profecie;    Sauf seker sample to the and me       To be war of Lollardie.     The game is noght to lolle so hie, Ther fete failen fondement; And yut is a moch folie For fals beleve to ben brent.    Ther the Bibell is al myswent       To jangle of Job or Jeremye,    That construen hit after her entent 2       For lewde lust of Lollardie.     Hit is unkyndly for a knight, That shuld a kynges castel kepe, To bable the Bibel day and night In restyng tyme when he shuld slepe;    And carefoly awey to crepe,       For alle the chief of chivalrie:    Wel aught hym to waile and wepe,       That suyche lust hath in Lollardie.     An old castel, and not repaired, With wast walles and wowes wide, The wages ben ful yvel wared With suich a capitayn to abide,    That rereth riot for to ride       Agayns the kynge and his clergie,    With privé payne and pore pride.       Ther is a poynt of Lollardie.     For many a man withyn a while Shal aby his gult ful sore; So fele gostes to begile Hym aught to rue evermore.    For his sorowe shal he never restore       That he venemed with envye;    But ban the burthe that he was of bore,       Or ever had lust in Lollardie.     Every shepe that shuld be fed in felde, And kepte fro wolfes in her folde, Hem nedeth nether spere ne shulde, 3 Ne in no castel to be withholde.    For ther the pasture is ful colde       In somer seson when hit is drie;    And namely when the soyle is solde,       For lewde lust of Lollardie.     An old castel draw al don, Hit is ful hard to rere hit newe, With suyche a congregacion That cast hem to be untrewe.    When beggers mow nether bake ne brewe,       Ne have wherwith to borrow ne bie,    Than mot riot robbe or reve,       Under the colour of Lollardie.     That castel is not for a kynge Ther the walles ben overthrowe; And yut wel wors abidynge Whan the captayn away is flowe,    And forsake spere and bowe,       To crepe fro knighthode into clergie,    Ther is a bitter blast yblowe,       To be bawde of Lollardie.     I trowe ther be no knight alyve That wold have don so open a shame, For that crafte to studi or strive: Hit is no gentel mannes game.    But if hym lust to have a name       Of pelour under ipocrasie,    And that wer a foule defame       To have suyche lose of Lollardie.     And, pardé, lolle thei never so longe, Yut wol lawe make hem lowte. God wol not suffre hem be so stronge To bryng her purpos so abowte,    With saunz faile and saunz doute,       To rere riot and robberie.    By reson thei shul not long route,       While the taile is docked of Lollardie.     Of the hede hit is las charge, Whan Grace wol not be his gide; Ne suffre hym for to lepe at large, But hevely his hede to hide.    Where shuld he other route or ride       Agayns the chief of chivalrie,    Not hardi in no place to abide,       For alle the sekte of Lollardie.     A God! what unkyndly gost Shuld greve that God grucched nought. 4 Thes Lollardes that lothen ymages most With mannes handes made and wrought,    And pilgrimages to be sought,       Thei seien hit is but mawmentrie.    He that this lose first up brought,       Had gret lust in Lollardie.     Ho wor ful lewde that wolde byleve In figure maad of stok or ston; Yut fourme shuld we none repreve, Nether of Marie ne of Jon,    Petre, Poule, ne other none       Canonised by clergie;    Than the seyntes everychon       Be litel holde to Lollardie.     And namly James among hem alle For he twyes had turnement; Moch mischaunse mot him befalle That last beheded hym in Kent,    And alle that were of that assent.       To Crist of heven I clepe and crie, Send hem the same jugement,       And alle the sekte of Lollardie.     For that vengans agayns kynde Was a poynt of cowardyse; And namly suych on to bete or bynde That might not stand, set, ne rise.    What dome wolde ye hym devyse       By lawe of armes or gentrie,    But serve hym in the same wise,       And alle the sekte of Lollardie.     When falsnes faileth frele folie, Pride wol preseyn sone amonge; Than willerdome with old envy Can none other way but wronge.    For synne and shame with sorowe strong,       So overset with avutrie,    That fals beleve is fayn to fonge       The lewde lust of Lollardie.     And under colour of suiche lollynge, To shape sodeyn surreccion Agaynst oure liege lord kynge, With fals ymaginacion.    And for that corsed conclusion,       By dome of knighthode and clergie,    Now turneth to confusion       The sory sekte of Lollardie.     For Holy Writ berith witnes, He that fals is to his kyng, That shamful deth and hard distres Shal be his dome at his endynge.    Than double deth for suyche lollynge       Is hevy, when we shul hennes hye.    Now, Lord, that madest of nought all thinge,       Defende us all fro Lollardie.

(see note) see; wondrous misfortunes; good judgment of death is a sober fear         meddle in     speak for myself, yet knew recently; [Lollardy] would rather; (see note) know about it than mumble (see note)     A safe, sure example to you and me         preach so pretentiously Where feet lack foundation yet; great folly (see note) erroneous (gone astray) talk about     ignorant wishes (desire); (see note)     unnatural; (see note) protect spout     sneakily Despite; authority Indeed he ought such craving     (see note) ruined; walls spent such Who raised     secret That's what Lollardy leads to         pay for; sins many spirits He should     What; poisoned curse the day that he was born Before he     sheep; field protected from     detained         especially; polluted         drags everything down; (see note)     such requires them     buy steal disguise; (see note)         overthrown yet; is in store     spear         a pimp                 nobleman's     robber; hypocrisy     loss because of     sermonize bow (humble them)         (see note)     wander about         less serious its guide Nor allow him to roam around at liberty     walk     bold; remain sect     unnatural spirit     idols         idolatry evil report         They would be utterly stupid who; (see note) wood; (see note) Yet the idea of the image; censure             Nonetheless; everyone beholden     especially torment Great misfortune might befall him (see note) persuasion call             nature evidence beat     judgment                 frail folly press in willfulness         adultery glad to seize upon         proclaiming sudden insurrection                             bears                 leave earth