5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150

Men wryte of oold how mesour is tresour, And of al grace ground moost principall, Of vertuous lyfe suppoort and eek favour, Mesour conveyeth and governyth all, — Trewe examplayr and orygynall, To estaatys of hyh and lowe degree, In ther dewe ordre, for, in especiall, Alle thyng is weel so it in mesure be. Mesure is roote of al good policye, Sustir-germayn unto discrecioun, Of poopys, prelatys, it beryth up the partye, Them to conduce in hyh perfeccioun, To leve in preyour and in devocioun, Yeve good exaunple of pees and unité, That al ther werkys, for shoort conclusioun, With trewe mesure may commendid be. Al theyre doctryne, nor all ther hoolynesse, Kunnyng, language, wisdam, nor science, Studye on bookys, in prechyng besynesse, Almesse-dede, fastyng, nor abstinence, Clothe the nakyd with cost and dispence, Rekne alle these vertues, compassioun, and pité, Avayllith nought, pleynly in sentence But there be mesure and parfight charyté. Myghty emperours, noble wourthy kynges, Pryncis, dukys, erlys, and barounnys, Ther greete conquestys, ther surquedous rydynges, But ther be mesure in ther condicyounnys, That attemperaunce conveye ther renownys, Rekne up the noblesse of every conquerour, What availlith al ther pocessiounnyns, But ther ende conclude in just mesure? Kyng Alisaundre, that gat al myddyl-erthe, Affryk, Ayse, Ewrope, and eek Ynde, And slowh Porrus with his dreedful swerde, Yit in his conquest mesure was set behynde; For which, ye lordys, left up your eyen blynde! The stoon of paradys was fyn of his labour, In al his conquest, have ye wel in mynde, Was sett ferre bak for lak of just mesure. Knyghthood in Grece and Troye the cité Took hys principlys, and next in Rome toun, And in Cartage, a famous gret cuntré, Recoord of Hanybal and wourthy Scipioun; The greete debaatys and the devisioun Among these kyngdammys by marcial labour, Fynal cause of ther destruccioun, Was fawte of vertu and lakkyng of mesure. To knyghthood longith the Chirche to supporte, Wydewys, and maydenys, and poore folk to diffende, Men in ther ryght knyghtly to recoumfoorte, To comoun profight nyght and day entende, Ther lyf, ther good manly to dispende, To punysshe extorcioun, raveyne, and ech robbour, And bryngen alle unto correccioun, That be froward unto the just mesour. Trewe juges and sergeauntis of the lawe, For hate or frenshippe they shal ther doomys dresse, Withoute excepcioun, and ther hand withdrawe, Fro meede and yiftes alle surfetys to represse; Holde trouthe and sustene rightwisnesse, Mercy preferre alwey tofor rigour, That fals for-sweryng have there noon interesse, For lak of trouthe and lak of just mesour. So egally ther doomys to avaunce, Of God and trouthe alwey to takyn hede, And Cambises to have in remembraunce, That was slayn because that he took meede Of poore folk, the causys they shall speede, To moordre nor thefte they shal doo no favour, In al ther doomys of conscience to dreede, That ryght goo not bak, equité, nor mesour. Meyris, sherevys, aldirmen, cunstablys, Which that governe bourghes and citees, Kepith your fraunchise and statutys profitablys, That moost avayalle may to the comountees; In no wise lese nought your libertees; Accorde ech man with his trewe neyhbour, As ye ar bounde to hih and lowh degrees, That peys and wheyghte be kept, and just mesour. Among yoursilf suffre noon extorcioun, Let no wrong be doo unto the poraylle, On thefte and manslaughte doo execucioun, Beth weel providid for stuff and for vitaylle; Let no devisioun, Salamon doth counsaylle, Withinne yoursilf holde no socour; And for a tresour which greetly may avaylle, Among alle thyng kepe peys and just mesour. Famous marchauntys, that ferre cuntrees ryde, With al ther greete rychesse and wynnynges, And artificerys, that at hom abyde, So ferre castyng in many sundry thynges, And been expert in wondirful konnyngges, Of dyvers craftys t’avoyden al errour; What may avaylle al your ymagynynges, Withoute proporciouns of weyghte and just mesour? Rekne up phesyk with all ther letuaryes, Grocerys, mercerys, with ther greet habundaunce, Expert surgeyns, prudent potecaryes, And all ther weyghtes peysed in ballaunce, Masouns, carpenterys, of Yngelond and of Fraunce, Bakerys, browsterys, vyntenerys, with fressh lycour, All set at nought to rekne in substaunce, Yif peys or weyghte doo lake, or just mesour. Ploughmen, carterys, with othir laborerys, Dichers, delverys, that greet travaylle endure, Which bern up all, and have doon many yeerys, The staatis alle set here in portrature, On Goddys wyll, and also by nature, Alle oon ymage divers in ther degree, Shulde be alle oon, by recoord of Scripture, Be large mesour of parfight charyté. Fro yeer to yeer th’experiencce is seyn, Ne were the plough no staat myght endure; The large feeldys shulde be bareyn, No corn upgrowe nor greyn in his verdure, Man to suppoorte, nor beeste in his nature, For which we shulde of trouthe for our socour Wourshippe the plough, sithe every creature Hath of the ploughman his lyfoode be mesour. So as the shepperde wacchith upon ther sheep, The hoote somyr, the coolde wynterys nyght, Spiritual heerdys shulde take keep In Crystes foolde, with al ther fulle myght, By vertuous doctryne as they ar holde of ryght, To save ther sogettys fro wolvys fell rygour, That heretikys quenche nat the lyght Of Crystes feith nor of just mesour. Heerdys with sheep shul walke in good pasture, And toward nyght sewrly sette a foolde, Of Isaak and Jacob a ful pleyn figure, That wer shepperdys whyloom be dayes oolde; Which lyk prelatys and bysshoppes as I toolde, Th’estaatys here sett in charyté shal governe, By good exaumple in heete and froostys coolde, That ryght and mesure shal holde up the lanterne. Strong as Herculees of manhood and of myght, I am set here to stondyn at dyfence, Wrong to represse, and to suppoorte ryght With this burdoun of sturdy violence; But unto alle that wyl doo reverence, To alle the staatys sett here in portrature, I shall to hem make no resistence, That be governyd justly be mesure. Among boorys, beerys, and leounnys, Myn office is to walke in wyldirnesse, Reste anyght in cavys and dongeounnys, Tyl Phebus shewe a morwen his bryghtnesse Now stonde I here to kepe in sekirnesse This hows in sewyrté, with al my besy cure, To letyn in folk, that of gentilnesse Lyst hem governe justly be mesure.

(see note) (t-note) exemplar high; (t-note) due True sister popes guide in high live works true Knowledge Almsgiving an outlay of money; (t-note) Reckon in plain truth perfect; (t-note) (t-note) earls haughty cavalcades behavior moderation; renown Reckon; nobility conquered all the world; (see note) killed; sword eyes stone; the goal of far Followed his example country; (see note) (t-note) lack of virtue belongs the duty defend; (t-note) common profit; (see note) their wealth vigorously to use robbery (t-note) hostile to deliver their judgment bribes; excess righteousness instead of strict justice perjury; no influence impartially; judgments (see note) champion murder Mayors boroughs privileges; profitable statutes citizenry lose Reconcile balance; weight (see note) poor supplies; provisions find refuge profits craftsmen; (t-note) So skillfully crafting skills to avoid physicians; potions mercers apothecaries weighed brewers, vintners If scales; lack diggers hold up estates (see note) Without the plow; estate grain in its greenness (see note) livelihood by summer subjects from wolves’ fierce attack safely (see note); (t-note) in days of old; (t-note) in defense boars, bears; lions My job dens in the morning security safety Wish to govern themselves