5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150 155 160 165 170 175 180 185 190 195 200 205 210 215 220 225 230 235 240 245 250 255 260 265 270 275 280 285 290 295 300 305 310 315 320 325 330 335 340 345 350 355 360 365 370 375 380 385 390 395 400 405 410 415 420 425 430 435 440 445 450 455 460 465 470 475 480 485 490 495 500 505 510 515 520 525 530 535 540 545 550 555 560 565

As it befell and happinnit into deid, Upoun a rever the quhilk is callit Tweid — At Tweidis mowth thair standis a nobill toun, Quhair mony lordis hes bene of grit renoune, Quhair mony a lady bene fair of face, And mony ane fresche lusty galland wass — Into this toun, the quhilk is callit Berwik (Upoun the sey thair standis nane it lyk, For it is wallit weill abowt with stane, And dowbill stankis castin, mony ane, And syne the castell is so strang and wicht, With strait towris and turattis he on hicht, The wallis wrocht craftely withall, The portcules most subtelly to fall Quhen that thame list to draw tham upoun hicht, That it micht be of na maner of micht To win that houss be craft or subteltie; Quhairfoir it is maist gud all-utirly, Into my tyme, quhairevir I haif bene, Moist fair, most gudly, most plesand to be sene: The toune, the wall, the castell, and the land, The he wallis upoun the upper hand, The grit Croce Kirk, and eik the masonedew, The Jacobene freiris of the quhyt hew, The Carmeleitis, Augustinianis, and als the Minouris eik — The four ordouris wer not for to seik, Thay wer all in this toun dwelling), So appinnit in a May morning That twa of the Jacobyne freiris (As thay wer wont and usit mony yeiris To pass amang thair brethir upaland), Wer send of thame best practisit and cunnand: Freir Allane, and freir Robert the uder. Thir silly freiris with wyffis weill cowld gluder. Rycht wondir weill plesit thai all wyffis And tawld thame tailis of haly sanctis lyffis, Quhill on a tyme thay purposit to pass hame, Bot verry tyrit and wett wes freir Allane, For he wes awld and micht nocht wele travell, And als he had ane littill spyce of gravell. Freir Robert wes young and verry hett of blude, And be the way he bure both clothis and hude And all thair geir, for he wes strong and wicht.      Be that it drew neir towart the nicht, As thay wer cumand towart the toune full neir, Freir Allane said than, “Gud bruder deir, It is so lait, I dreid the yet be closit, And we ar tyrit, and verry evill disposit To luge owt of the toun bot gif that we In sume gud houss this nycht mot herbryt be.”      Swa wynnit thair ane woundir gude hostillar Without the toun intill a fair manar, And Symon Lawrear wes his name. Ane fair blyth wyf he had of ony ane, Bot scho wes sumthing dynk and dengerous. The silly freiris quhen thay come to the houss With fair hailsing and bekking courteslye, To thame scho answerit agane in hye. Freir Robert sperit eftir the gudman, And scho agane answerit thame thane: “He went fra hame, God wait, on Weddinsday, In the cuntré for to seik corne and hay, And uthir thingis quhairof we haif neid.”      Freir Robert said, “I pray grit God him speid Him haill and sound into his travell.” And hir desyrit the stowp to fill of aill “That we may drink, for I am wondir dry.” With that the wyfe went furth richt schortly And fillit the stowp and brocht in breid and cheiss. Thay eit and drank and satt at thair awin eiss.      Freir Allane said to the gudwyf in hye, “Cum hiddir, deme, and sett yow doun me bye; And fill the cop agane anis to me.”      Freir Robert said, “Full weill payit sall ye be.”      The freiris wer blyth, and mirry tailis cowld tell. And even with that thay hard the prayer bell Of thair awin abbay, and than thay wer agast Becauss thay knew the yettis wer closit fast That thay on na wayiss micht gett entré. Than the gudwyfe thay prayit for cheritie To grant thame herbrye that ane nicht.      Bot scho to thame gaif answer with grit hicht: “The gudman is fra hame, as I yow tald; And God it wait, gif I durst be so bald To herbry freiris in this houss with me, Quhat wald Symon say — ha, benedicité! — Bot in his absence I abusit his place? Our deir lady Mary keip mee fra sic cace And keip me owt of perrell and of schame.”      Than auld freir Allane said, “Na, fair dame, For Godis saik heir me quhat I sall say. In gud faith, we will both be deid or day. The way is evill, and I am tyrit and wett. Our yettis ar closit that we may nocht in gett, And to our abbay we can nocht win in. To causs ws peireiss but help ye haif grit syn. Thairfoir of verry neid we mon byd still, And ws commit alhaill into your will.”      The gudwyf lukit unto the freiris tway And at the last to thame this could scho say: “Ye byd nocht heir, be Him that ws all coft, Bot gif ye list to lig up in yone loft Quhilk is weill wrocht into the hallis end; Ye sall fynd stray, and clathis I sall yow send; Quhair, and ye list, pass on baith in feir, For on no wayiss will I repair haif heir.”      Hir madin than scho send hir on befoir, And hir thay followit baith withowttin moir.      Thay war full blyth, and did as scho thame kend, And up thay went into the hallis end, Intill a loft, wes maid for corne and hay. Scho maid thair bed, syne past doun but delay, Closit the trop, and thay remanit still Into the loft. Thay wantit of thair will. Freir Allane lay doun as he best micht.      Freir Robert said, “I hecht to walk this nicht. Quha wait? Perchance sum sport I ma espy.”      Thuss in the loft latt I thir freiris ly, And of the gudwyf now I will speik mair. Scho wes richt blyth that thay wer closit thair, For scho had maid ane tryst that samyn nicht Freir Johine hir luvis supper for to dicht. And scho wald haif none uder cumpany Becauss freir Johine that nicht with hir sowld ly, Quha dwelland wes into that samyne toun, And ane blak freir he wes of grit renown. He governit alhaill the abbacy. Silwer and gold he had aboundantly. He had a prevy posterne of his awin Quhair he micht ische, quhen that he list, unknawin.      Now this, into the toun I leif him still, Bydand his tyme, and turne agane I will To thiss fair wyfe, how scho the fyre cowld beit, And thristit on fatt caponis to the speit, And fatt cunyngis to fyre did scho lay, Syne bad the madin “in all the haist thow may” To flawme and turne and rost thame tenderly; And to hir chalmer so scho went in hy. Scho pullit hir cunt and gaif hit buffetis tway Upoun the cheikis, syne till it cowd scho say, “Ye sowld be blyth and glaid at my requeist: Thir mullis of youris ar callit to ane feist.”      Scho cleithis hir in a kirtill of fyne reid; Ane fair quhyt curch scho puttis upoun hir heid; Hir kirtill wes of silk and silwer fyne, Hir uther garmentis as the reid gold did schyne. On every finger scho werrit ringis two: Scho was als prowd as ony papingo. The burde scho cuverit with clath of costly greyne; Hir napry aboif wes woundir weill besene. Than but scho went to se gif ony come, Scho thocht full lang to meit hir lufe freir Johine.      Syne schortly did this freir knok at the yett. His knok scho kend and did so him in lett. Scho welcomit him in all hir best maneir.      He thankit hir and said, “My awin luve deir, Haif thair ane pair of bossis gud and fyne — Thay hald ane gallone full of Gascone wyne — And als ane pair of pertrikis, richt now slane, And eik ane creill full of breid of mane. This haif I brocht to yow, my awin luve deir; Thairfor, I pray yow, be blyth and mak gud cheir. Sen it is so that Semon is fra hame, I wilbe hamely now with yow, gud dame.” Scho sayis, “Ye ar full hertly welcome heir At ony tyme quhen that ye list appeir.” With that scho smylit woundir lustely; He thristit hir hand againe richt prevely. Than in hett luve thay talkit uderis till. Thus at thair sport now will I leif thame still And tell yow of thir silly freiris two Wer lokit in the loft amang the stro. Freir Allane in the loft still can ly; Freir Robert had ane littill jelosy, For in his hairt he had ane persaving, And throw the burdis he maid with his botkin A littill hoill. On sic a wyiss maid he All that thay did thair doun he micht weill se, And every word he herd that thay did say. Quhen scho wes prowd, richt woundir fresche and gay,1 Scho callit him baith hert, lemmane, and luve. Lord God, gif than his curage wes aboif! So prelatlyk sat he into the chyre, Scho rownis than ane pistill in his eir, Thuss sportand thame and makand melody. And quhen scho saw the supper wes reddy, Scho gois belyfe and cuveris the burde annon, And syne the pair of bossis hes scho tone, And sett thame doun upoun the burde hir by.      And evin with that thay hard the gudman cry, And knokand at the yett he cryit fast. Quhen thay him hard they wer than both agast, And als freir Johine wes in a fellone fray. He stert up fast and wald haif bene away. Bot all for nocht: he micht no way win owt.      The gudwyfe spak than with a visage stowt: “Yone is Symone that makis all this fray That I micht thol it full weill had bene away. I sall him quyt, and I leif half a yeir, That cummert hes ws thus in sic maneir, Becauss for him we may nocht byd togidder. I sar repent, and wo is ye come hidder, For we wer weill gif that ye wer away.”      “Quhat sall I do? Allace,” the freir can say.      “Hyd yow,” scho said, “quhill he be brocht to rest. Into yone troich, I think it for the best. It lyis mekle and huge in all yone nwke, It held a boll of meill quhen that we buke.” Than undir it scho gart him creip in hy And bad him lurk thair verry quyetly. Scho closit him and syne went on hir way,      “Quhat sall I do, allace!” the freir can say.      Syne to hir madin spedyly scho spak: “Go to the fyre and the meitis fra it tak. Be bissy als and slokkin out the fyre. Ga cloiss yone burd and tak away the chyre, And lok up all into yone almery, Baith meit and drink, with wyne and aill put by. The mayne breid als, thow hyd it with the wyne. That being done, thow sowp the houss clene syne, That na apperance of feist be heir sene, Bot sobirly our selffis dois sustene.”2 And syne withowttin ony mair delay Scho castis off haill hir fresch array, Than went scho to hir bed annone, And tholit him to knok his fill, Symone.      Quhen he for knoking tyrit wes and cryid, Abowt he went unto the udir syd, And on Alesone fast cold he cry.      And at the last scho anserit crabitly: “Ach, quha be this that knawis sa weill my name? Go henss,” scho sayis, “for Symon is fra hame, And I will herbry no gaistis heir, parfey. Thairfoir I pray yow to wend on your way, For at this tyme ye may nocht lugit be.”      Than Symone said, “Fair dame, ken ye nocht me? I am your Symone, and husband of this place.”      “Ar ye my spous Symone?” scho sayis; “Allace, Be misknawlege I had almaist misgane. Quha wenit that ye sa lait wald haif cum hame?”      Scho stertis up and gettis licht in hy And oppinit than the yet full haistely. Scho tuk fra him his geir at all devyiss, Syne welcomit him on maist hairtly wyiss.      He bad the madin kindill on the fyre, “Syne graith me meit, and tak thee all thy hyre.”      The gudwyf said schortly, “Ye me trow, Heir is no meit that ganand is for yow.”      “How sa, fair deme? Ga gait me cheiss and breid. Ga fill the stowp. Hald me no mair in pleid, For I am verry tyrit, wett, and cauld.”      Than up scho raiss and durst nocht mair be bauld, Cuverit the burde, thairon sett meit in hy, Ane sowsit nolt fute and scheip heid haistely And sum cauld meit scho brocht to him belyve, And fillit the stowp. The gudman than wes blyth.      Than satt he doun and swoir, “Be all hallow, I fair richt weill and I had ane gud fallow. Dame, eit with me and drink, gif that ye may.” Said the gudwyf, “Devill in the tim may I; It wer mair meit into your bed to be Than now to sit desyrand cumpany.”      Freir Robert said, “Allace, gud bruder deir, I wald the gudman wist that we wer heir. Quha wait? Parchance sum bettir wald he fair, For sickerly my hairt will ay be sair Gif yone scheipheid with Symon birneist be Sa mekill gud cheir being in the almerie.” And with that word he gaif ane hoist anone.      The gudman hard and speirit, “Quha is yone?”      The gudwyf said, “Yone ar freiris tway.”      Symone said, “Tell me, quhat freiris be thay?”      “Yone is freir Robert and silly freir Allane, That all this day hes travellit with grit pane. Be thay come heir it wes so very lait Curfiw wes rung and closit wes thair yait, And in yond loft I gaif thame harbrye.”      The gudman said, “So God haif part of me, Tha freiris twa ar hairtly welcome hidder. Ga call thame doun that we ma drink togidder.”      The gudwyf said, “I reid yow lat thame be; Thay had levir sleip nor sit in cumpanye.”      The gudman said unto the maid thone, “Go pray thame baith to cum till me annone.”      And sone the trop the madin oppinit than, And bad thame baith cum doun to the gudman.      Freir Robert said, “Now be sweit Sanct Jame, The gudman is verry welcome hame. And for his weilfair dalie do we pray. We sall annone cum doun, to him ye say.”      Than with that word thay start up baith attone, And doun the trop delyverly thay come, Halsit Symone als sone as thay him se; And he agane thame welcomit hairtfullie, And said, “Cum heir, myne awin bredir deir, And sett yow doun sone besyd me heir, For I am now allone, as ye may se. Thairfoir sitt doun, and beir me cumpanye, And tak yow part of sic gud as we haif.”      Freir Allane said, “Ser, I pray God yow saif, For heir is now annwch of Godis gud.”      Than Symon anserit, “Now be the rud, Yit wald I gif ane croun of gold, for me, For sum gud meit and drink amangis ws thre.”      Freir Robert said, “Quhat drinkis wald ye craif, Or quhat meitis desyre ye for to haif? For I haif mony sindry practikis seir Beyond the sey in Pareiss did I leir That I wald preve glaidly for your saik, And for your demys, that harbry cowd ws maik. I tak on hand, and ye will counsale keip, That I sall gar yow se or ever I sleip Of the best meit that is in this cuntré, Of Gascone wyne, gif ony in it be, Or be thair ony within ane hundreth myle, It salbe heir within a bony quhyle.” The gudman had grit marvell of this taill And said, “My hairt neir be haill Bot gif ye preve that practik or ye parte, Be quhatkin science, nigromansy, or airt, To mak ane sport.”            And than the freir uprais: He tuk his buk and to the feir he gais. He turnis it our and reidis it a littill space And to the eist direct he turnis his face; Syne to the west he turnit and lukit doun, And tuk his buk and red ane orisoun. And ay his eyne wer on the almery And on the troch quhair that freir Johine did ly. Than sat he doun and kest abak his hude: He granit and he glowrit as he wer woid, And quhylis still he satt in studeing, And uthir quhylis upoun his buk reding. And with baith his handis he wald clap, And uthir quhylis wald he glour and gaip, Syne in the sowth he turnit him abowt Weill thryiss and mair, than lawly cowd he lowt Quhen that he come neir the almery. Thairat our dame had woundir grit invy, For in hir hairt scho had ane parsaving That he had knawin all hir govirning. Scho saw him gif the almery sic a straik, Unto hirself scho said, “Full weill I wait I am bot schent: he knawis full weill my thocht. Quhat sall I do? Allace that I wes wrocht! Get Symon wit, it wilbe deir doing.”      Be that the freir had left his studeing And on his feit he startis up, full sture, And come agane and seyit all his cure “Now is it done, and ye sall haif playntie Of breid and wyne, the best in this cuntré. Thairfoir, fair dame, get up deliverlie And ga belyfe unto yone almerie And oppin it, and se ye bring ws syne Ane pair of boissis full of Gascone wyne. Thay had ane galloun and mair, that wait I weill. And bring ws als the mayne breid in a creill, Ane pair of cunyngis fat and het pypand, The caponis als ye sall ws bring fra hand, Twa pair of pertrikis — I wait thair is no ma — And eik of pluveris se that ye bring ws twa.”      The gudwyf wist it wes no variance. Scho knew the freir had sene hir govirnance. Scho saw it wes no bute for to deny. With that scho went unto the almery And oppinit it, and than scho fand thair All that the freir had spokin of befoir.      Scho stert abak as scho wer in afray And sanyt hir, and smyland cowd scho say, “Ha, banadicitie! Quhat may this bene? Quhaevir afoir hes sic a fairly sene, Sa grit a marvell as now hes apnit heir? Quhat sall I say? He is ane haly freir. He said full swth of all that he did say.”      Scho brocht all furth, and on the burd cowd lay Baith breid and wyne, and uthir thingis moir: Cunyngis and caponis, as ye haif hard befoir. Pertrikis and pluveris befoir thame hes scho brocht. The freir knew weill and saw thair wantit nocht, Bot all wes furth brocht evin at his devyiss.      And Symone saw it appinnit on this wyiss; He had grit wondir, and sweris be the mone, That freir Robert weill his dett had done. “He may be callit ane man of grit science Sa suddanly that all this purviance Hes brocht ws heir, throw his grit subteltie, And throw his knawlege in filosophie. In ane gud tyme it wes quhen he come hidder. Now fill the cop that we ma drink togidder And mak gud cheir eftir this langsum day, For I haif riddin ane woundir wilsome way. Now God be lovit, heir is suffisance Unto ws all, throw your gud govirnance.” And than annone thay drank evin round abowt Of Gascone wyne; the freiris playit cop-owt. Thay sportit thame and makis mirry cheir With sangis lowd, baith Symone and the freir. And on this wyiss the lang nicht thay ourdraif. Nothing thay want that thay desyrd to haif.      Than Symon said to the gudwyf in hy, “Cum heir, fair dame, and sett you doun me by And tak parte of sic gud as we haif heir, And hairtly I yow pray to thank this freir Of his bening grit besines and cure That he hes done to ws upoun this flure; And brocht ws meit and drink haboundantlie, Quhairfoir of richt we aucht mirry to be.”      Bot all thair sport, quhen thay wer maist at eiss, Unto our deme it wes bot littill pleiss, For uther thing thair wes into hir thocht. Scho wes so red hir hairt wes ay on flocht That throw the freir scho sowld discoverit be. To him scho lukit ofttymes effeiritlie, And ay disparit in hart was scho, That he had witt of all hir purveance, to. This satt scho still, and wist no udir wane: Quhatevir thay say scho lute him all allane. Bot scho drank with thame into cumpany With fenyeit cheir, and hert full wo and hevy.      Bot thay wer blyth annwche, God watt, and sang, For ay the wyne was rakand thame amang, Quhill at the last thay woix richt blyth ilkone.      Than Symone said unto the freir annone, “I marvell mikill how that this may be, Intill schort tyme that ye sa suddanlye Hes brocht to ws sa mony denteis deir.”      “Thairof haif ye no marvell,” quod the freir, “I haif ane pege full prevy of my awin, Quhenevir I list will cum to me unknawin And bring to me sic thing as I will haif. Quhatevir I list, it nedis me nocht to craif. Thairfoir be blyth, and tak in pacience, And trest ye weill I sall do diligence: Gif that ye list or thinkis to haif moir, It salbe had, and I sall stand thairfoir. Incontinent that samyn sall ye se. Bot I protest that ye keip it previe. Latt no man wit that I can do sic thing.”      Than Symone swoir and said, “Be Hevynnis King, It salbe kepit prevy as for me. Bot bruder deir, your serwand wald I se, Gif it yow pleiss, that we may drynk togidder, For I wait nocht gif ye ma ay cum hidder, Quhen that we want our neidis, sic as this.”      The freir said, “Nay, so mot I haif hevynis bliss, Yow to haif the sicht of my serwand — It can nocht be, ye sall weill undirstand, That ye may se him graithly in his awin kynd, Bot ye anone sowld go owt of your mynd, He is so fowll and ugly for to se. I dar nocht awnter for to tak on me To bring him hidder, heir into our sicht, And namely now, so lait into the nicht, Bot gif it wer on sic a maner wyiss: Him to translait or ellis dissagyiss Fra his awin kynd into ane uder stait.”      Than Symone said, “I mak no moir debait. As pleisis yow, so likis it to me, As evir ye list, bot fane wald I him se.”      “Intill quhat kynd sall I him gar appeir?”      Than Symone said, “In liknes of a freir, In quhyt cullour richt as yourself it war, For quhyt cullour will nabody deir.”      Freir Robert said that swa it cowld nocht be, For sic caussis as he may weill foirse, “That he compeir into our habeit quhyt; Untill our ordour it wer a grit dispyte That ony sic unworthy wicht as he Intill our habeit men sowld behald or se. Bot sen it pleissis yow that ar heir, Ye sall him se in liknes of a freir In habeit blak it was his kynd to weir, Into sic wyiss that he sall no man deir, Gif ye so do and rewll yow at all wyiss To hald yow cloiss and still at my devyiss: Quhatevir it be ye owdir se or heir, Ye speik no word, nor mak no kynd of steir, Bot hald yow cloiss quhill I haif done my cure.” Than said he, “Semon, ye mone be on the flure Neirhand besyd, with staff into your hand. Haif ye no dreid: I sall yow ay warrand.” Than Symon said, “I assent that it be swa.” And up he start and gat a libberla Into his hand, and on the flure he stert, Sumthing effrayit, thoch stalwart was his hart.      Than to the freir said Symone verry sone, “Now tell me, maister, quhat ye will haif done.”      “Nothing,” he said, “bot hald yow cloiss and still. Quhatevir I do, tak ye gud tent thairtill, And neir the dur ye hyd yow prevely. And quhen I bid yow stryk, strek hardely: Into the nek se that ye hit him richt.”      “That sall I warrand,” quod he, “with all my micht.”      Thuss on the flure I leif him standand still, Bydand his tyme, and turne agane I will How that the freir did take his buke in hy And turnit our the levis full besely Ane full lang space, and quhen he had done swa, Towart the troch withowttin wordis ma He goiss belyfe, and on this wyiss sayis he: “Ha, how, Hurlybass, now I conjure thee That thow upryss and sone to me appeir, In habeit blak, in liknis of a freir. Owt of this troch quhair that thow dois ly Thow rax thee sone and mak no dyn nor cry. Thow tumbill our the troch that we may se, And unto ws thow schaw thee oppinlie, And in this place se that thow no man greif, Bot draw thy handis boith into thy sleif, And pull thy cowll doun owttour thy face. Thow may thank God that thow gettis sic a grace. Thairfoir thow turss thee to thyne awin ressett. Se this be done, and mak no moir debait. In thy depairting, se thow mak no deray Unto no wicht, bot frely pass thy way. And in this place se that thow cum no moir Bot I command thee, or ellis thee charge befoir. And our the stair se that thow ga gud speid; Gif thow dois nocht, on thy awin perrell beid.”      With that the freir that under the troch lay, Raxit him sone, bot he wes in afray. And up he raiss and wist na bettir wayn, Bot off the troch he tumlit, our the stane. Syne fra the samyn quhairin he thocht him lang 3 Unto the dur he preisit him to gang, With hevy cheir and drery countenance, For nevir befoir him hapnit sic a chance.      And quhen freir Robert saw him gangand by, Unto the gudman full lowdly cowd he cry, “Stryk, stryk herdely! For now is tyme to thee.”      With that Symone a felloun flap lait fle: With his burdoun he hit him on the nek. He wes sa ferce, he fell outtour the sek And brak his heid upoun ane mustard stane. Be this freir Johine attour the stair is gane In sic wyiss that mist he hes the trap And in ane myr he fell, sic wes his hap, Wes fourty futis of breid under the stair; Yeit gat he up with clething nothing fair. Full drerelie upoun his feit he stude, And throw the myre full smertly than he yude, And our the wall he clam richt haistely Quhilk round abowt wes laid with stanis dry. Of his eschaping in hairt he wes full fane. I trow he salbe laith to cum agane.      With that freir Robert start abak and saw Quhair the gudman lay sa woundir law Upoun the flure, and bleidand wes his heid. He stert to him and went he had bene deid And clawcht him up withowttin wordis moir And to the dur delyverly him bure; And fra the wind wes blawin twyiss in his face, Than he ourcome within a lytill space. And than freir Robert franyt at him fast Quhat ailit him to be so sair agast.      He said, “Yone feynd had maid me in effray.”      “Latt be,” quod he, “the werst is all away; Mak mirry, man, and se ye morne na mair. Ye haif him strikin quyt owttour the stair. I saw him slip, gif I the suth can tell: Doun our the stair intill a myr he fell. Bot lat him go — he wes a graceles gaist — And boun yow to your bed, for it is best.”      Thuss Symonis heid upoun the stane wes brokin, And our the stair the freir in myre hes loppin And tap our taill he fyld wes wounder ill, And Alesone on na wayiss gat hir will. This is the story that hapnit of that freir: No moir thair is, bot Chryst ws help most deir.           Finis.

in fact; (see note); (t-note) (see note) (t-note) have been; great; (see note) well-dressed handsome gentleman sea; none well walled double moats dug, many a one then; strong and well-built narrow; turrets high above skillfully fashioned as well portcullises When it pleases them to pull them up So that it cannot be possible by; trickery For which reason; entirely Most high Cross Church, and also the hospice Jacobin; white hue; (see note) also; (t-note) not hard to find It so happened; (see note) two accustomed; years brethren in the country by those most experienced and able other These; flatter women well; (see note) holy saints’ lives Till; go home tired; wet old; might not touch of kidney stones hot of blood along the way he carried; hood gear; robust By the time that coming; (t-note) I fear the gate will be closed exhausted; ill prepared lodge; unless might be sheltered; (t-note) So there resided; innkeeper Outside; manor He had a wife, fairest and merriest of anyone she; somewhat dressy and haughty came greeting; bowing in haste inquired after the host from home, God knows oats whereof safe [he] asked; tankard; ale quickly brought ease mistress of the household dame; by me once again shall at the same time as that (see note) gates were closed firmly no way the love of God lodging haughtiness told God knows, if I dared; bold gracious (see note) such a case; (t-note) before difficult (t-note) get [to] perish without must stay wholly looked at; two abide; redeemed Unless you please to lie built straw; bedclothes Where, if you please; both together company without [saying] more told [that] was without trapdoor; (t-note) They lacked what they wanted I vow to stay awake; (see note) Who knows? Perhaps these enclosed date; same prepare should Who was living (see note) the whole estate of the abbot; (see note) private gate issue this [one] make thrusted; spit rabbits (conies); (t-note) baste room; in haste two slaps to it did she should; request These lips of yours are invited; (t-note) clothes; gown of fine red cloth white kerchief fine silver thread red wore parrot board; covered; green; (see note) table linen; appointed out she went; if anyone came thought [it] very long; love knew; accordingly let him in leather wine bottles (see note) partridges, just now killed basket; white bread; (see note) Since wish to be familiar you choose smiled; willingly squeezed; in response; discreetly hot; to [each] other [Who]; straw lay still suspicion perception boards; bodkin (dagger) He made [it] in such a manner both; lover boldness; at a higher level like a prelate; chair whispers; story; (see note) enjoying themselves; (see note) quickly; table soon leather wine bottles; taken just then vigorously amazed also; huge fright get out furious face noise stand it very well [if he] pay him back, if I live Who has got in our way thus stay sorely; it’s a terrible thing that you would be well off if (t-note) until the trough over there; (see note) big; the whole corner over there six bushels of (oat?)meal; baked made him crawl in a hurry covered foods careful; extinguish Go hide; (see note) lock; cupboard food sweep entirely her fancy clothing allowed shouted other side [of the house]; (t-note) steadily shouted to Alison crossly hence guests; truly go lodged recognize farmer of this piece of land misunderstanding; made a mistake knew; so late jumps; gets light in a hurry took his gear from him completely most affectionate manner light prepare me food; recompense; (see note) Believe me appropriate get tankard. Don’t keep me arguing cold rose; audacious pickled cow’s foot; sheep's head food; quickly; (t-note) By all saint[s] I’d be doing; if I had a companion I can’t at this ungodly hour; (t-note) more suitable asking for I wish the goodman knew he would eat (fare) somewhat better certainly my heart will always be sore sheep's head is polished clean by Simon So much good food; cupboard cough asked; over there effort By [the time that] they came Curfew; gate; (t-note) (see note) Those advise rather sleep than then to trapdoor sweet; (see note) jumped up both at once ladder quickly; (see note) Greeted; saw brothers (see note) keep such God save you enough by the cross Nevertheless; gold coin ask for; (t-note) many different methods [That] beyond the sea in Paris; I learned demonstrate; sake wife’s, who gave us shelter I undertake, if you will keep it quiet shall make; before; (t-note) [Some] of if any is in it in good time never be whole Unless; before you leave whatever learning, witchcraft, or skill; (t-note) entertainment; (t-note) rose up; (t-note) fire he goes over; little while east straight Then prayer always; eyes; cupboard threw back groaned; glowered as if; crazy; (see note) sometimes glower; gape Fully thrice and more; bowed low hostility perception conduct slap absolutely ruined Should Simon find out; (see note) By then stern said [that] all his business plenty quickly; (t-note) (t-note) leather wine bottles hold white bread; basket rabbits; piping hot at once; (see note) partridges; more plovers discrepancy; (see note) conduct no use jumped back as if; alarmed crossed herself; (see note) be; (see note) before; wonder happened complete truth nothing was missing command moon what he promised supply of food; (t-note) cunning long dreary; (t-note) praised; sufficient supply deed equally in turn (see note) amused themselves; are very cheerful (see note) drove away lack benign; diligence; care (see note) abundantly ought most at ease pleasure frightened; in a flutter exposed fearfully the whole time despairing; (t-note) information about her preparations, too; (see note) Thus; she; alternative let; alone feigned enjoyment; miserable enough going quickly Till at last they all got pretty elevated very much so many expensive delicacies servant; confidential [Who]; without being noticed want to have I don’t need to ask accept [the situation] trust; exert myself If you like or have a mind to and I shall insist on it Immediately that very thing demand; secret servant lack our necessities, such as this as I hope to have sight properly in his own form But; would venture to take the responsibility here especially Unless; in such a way transform or else disguise so it pleases me Just as you like, but gladly form; cause to appear the color white just as if it were you harm foresee appear To our order it would be; outrage creature since [that] it; nature; (see note) In such a way; harm; (t-note) restrain yourself in all ways hidden and silent; command; (see note) either movement hidden till; my job must Close at hand protect so got a cudgel Somewhat frightened (see note) pay close attention to it door tell you to hit, hit boldly directly guarantee [To tell] turned over; (t-note) time (see note); (t-note) rise up rouse yourself tumble over show hurt (see note) cowl down across be off to your own dwelling resistance; (t-note) harmful disturbance Unless; order across the flight of stairs; speedily bide (stay) Stretched; frightened expedient tumbled, over the millstone hurried himself to go going now is your time let fly a fierce blow cudgel over the sack [of corn]; (see note) over; (see note) has missed the ladder luck feet in breadth Again; not at all clean miserably went climbed; (see note) Which escaping; glad believe; loath low bleeding thought snatched bore from [the time when]; blown twice recovered asked; earnestly terrified me; (t-note) Let it be; the worst is over; (t-note) worry no more knocked him right over truth over wicked; (t-note) get ready for leapt top over tail; dirtied got