5                           135         140         145         150         155         160         165         170         175         180         185         190         195         200                                                                   480         485         490         495         500         505         510         515         520         525         530         535         540         545         550         555         560         565         570         575         580         585         590         595         600         605         610         615         620         625         630         635         640         645         650         655         660         665         670         675         680         685         690         695         700         705         710         715         720         725         730         735         740         745         750         755         760         765         770         775         780         785         790         795         800         805         810         815         820         825         830         835         840         845         850         855         860         865         870         875         880         885         890         895         900         905         910         915         920         925         930         935         940         945         950         955         960       965         970         975         980         985         990         995         1000         1005         1010         1015         1020         1025         1030         1035         1040         1045         1050         1055         1060         1065                                             1800         1805         1810         1815         1820         1825         1830         1835         1840         1845         1850         1855         1860         1865         1870         1875         1880         1885         1890         1895         1900                                       2185         2190         2195         2200         2205         2210         2215         2220         2225         2230         2235         2240         2245         2250         2255         2260         2265         2270         2275         2280         2285         2290         2295         2300         2305         2310         2315         2320         2325         2330         2335         2340         2345         2350         2355         2360         2365         2370         2375         2380         2385         2390         2395         2400         2405         2410         2415         2420         2425         2430         2435         2440         2445         2450         2455         2460         2465         2470         2475         2480         2485         2490         2495         2500         2505         2510         2515         2520         2525         2530         2535         2540         2545         2550         2555         2560         2565         2570         2575         2580         2585         2590         2595         2600         2605         2610         2615         2620         2625         2630         2635         2640         2645         2650         2655         2660         2665         2670         2675         2680         2685         2690         2695         2700         2705         2710         2715         2720         2725         2730         2735         2740         2745         2750         2755         2760         2765         2770         2775         2780         2785         2790         2795         2800         2805                                       3435         3440         3445         3450         3455         3460         3465         3470         3475         3480         3485         3490         3495         3500         3505         3510         3515         3520         3525         3530         3535         3540         3545         3550         3555         3560         3565         3570         3575         3580         3585         3590         3595         3600         3605         3610         3615         3620         3625         3630         3635         3640         3645         3650         3655         3660         3665         3670         3675         3680         3685         3690         3695         3700         3705         3710         3715         3720         3725         3730         3735         3740         3745                                                       4340         4345         4350         4355         4360         4365         4370         4375         4380         4385         4390         4395         4400         4405         4410         4415         4420         4425                                       4680         4685         4690         4695         4700         4705         4710         4715         4720         4725         4730         4735         4740         4745         4750         4755         4760                         4865         4870         4875         4880         4885         4890                                                                                 6520         6525         6530         6535         6540         6545         6550         6555         6560         6565         6570         6575         6580         6585         6590         6595         6600         6605         6610         6615         6620         6625         6630         6635         6640         6645         6650         6655         6660         6665         6670         6675         6680         6685         6690         6695         6700         6705         6710         6715                                                                     8705

The envious ordre of Fortunas meving, In worldly thing fals and flekeryng, Ne wil not suffre us in this present lyf To lyve in reste withoute werre or striffe; For sche is blinde, fikel, and unstable, And of her cours fals and ful mutable.   [Fortune brings those who sit highest to ruin. She gives some renown and victory, and humbles others. She overthrows all who trust her, just as she did King Lamedon. Thus I advise every man to take heed before starting a dispute. Be warned by Lamedon's example and show kindness to strangers. Old Troy was destroyed, the people were led into exile, and Hesione was given to Telamon because of Lamedon's unkindness. Great war and destruction can be caused by small events (lines 77-133).]   Allas, whi nyl thei taken better hede? For olde Troye and afterward the newe Thorughe smal enchesoun, who the trouthe knewe, Wer finally brought to distruccioun, As olde bokes maken mencioun, And many worthi and many noble knyght Slayn in the feld by dures of that fight; Kynges, princes at that sege ded Whan Antropos tobrak hir lyves thred, That for to telle the meschef and the wo I wante connynge and I fele also My penne quake and tremble in my hond, List that my lord, dredde on see and lond, Whos worthines thorugh the world doth sprede, My makyng rude schal beholde and rede, Whiche of colour ful nakyd is and bare: That but yif he of his grace spare For to disdeyne and list to have pité, For fere I tremble that he schuld it se. But only mercy, that dothe his hert embrace, Byt me preswme fully in his grace, Seynge in hym, most vertuous and good, Mercy anexid unto royal blood, As to a prince longeth nyghe and ferre, Ay tofore ryght pité to preferre. For thorughe the support of his highe noblesse Sowpowailled, I wil my stile dresse To write forthe the story by and by Of newe Troye in ordre ceriously As myn auctor in Latyn, Guydo, writ, Preying the reder wher any word myssit, Causyng the metre to be halte or lame, For to correcte, to save me fro blame: Late hym nat wayte after coryousté, Syth that in ryme Ynglysch hath skarseté. I am so dulle, certeyn, that I ne can Folwen Guydo, that clerke, that coryous man, Whiche in Latyn hath be rethorik Set so his wordis that I can nat be lyke. To sewe his stile in my translacioun Word by word lyche the construccioun After the maner of gramariens Nor lyke the stile of rethoricyens, I toke nat on me this story to translate; For me to forther Clyo cam to late, That in swyche craft hath gret experience; I leve the wordis and folwe the sentence. And trouth of metre I sette also asyde, For of that arte I hadde as tho no guyde Me to reducyn whan I went awrong; I toke non hede nouther of schort nor long But to the trouthe and lefte coryousté Bothe of makyng and of metre be, Nat purposyng to moche for to varie Nor for to be dyverse nor contrarie Unto Guydo, as by discordaunce, But me conforme fully in substaunce, Only in menyng to conclude al on; Albe that I ne can the weye goon To swe the floures of his eloquence Nor of peyntyng I have noon excellence With sondry hewes noble, fresche, and gay, So riche colours biggen I ne may; I mote procede with sable and with blake. And in enewyng wher ye fynde a lak, I axe mercy or I fro yow twynne; And with your favour anon I wil begynne And in al haste my style furthe directe; And where I erre, I praye yow to correcte.     [At the time Old Troy was destroyed and Lamedon killed, his son Priam and his family were besieging a castle. Priam performed great deeds of arms, risking his life in battle. He had five sons and three daughters. The oldest son was Hector, the root and stock of chivalry, who excelled everyone in knighthood. Paris was Hector's next brother, and he was the most handsome man alive. Deiphebus, a brave and wise man, was the third son. The fourth was Helenus, a man known for his learning in the liberal arts. Troilus was the fifth son, and he was called "Hector the secounde" (line 288) because of his manliness. Vergil records that Priam had two other sons. Polydorus was sent from Troy by Priam to a king he trusted, but the king cut the boy's throat and buried him in a hidden grave. The other son, Ganymede, was carried off by Jupiter who made him his butler. Priam's oldest daughter was Creusa, who married Aeneas, son of Anchises by the goddess Venus. Priam's second daughter was Cassandra, who had the power of prophecy. His third daughter was Polyxena, a maiden whom Pyrrhus, the son of Achilles, eventually slew. Priam also had thirty natural sons, all of them noble and hardy in arms. While Priam was besieging the castle, he was told of the fall of Old Troy, his father's death, and the fate of Hesione. Sorrow overcame him; he dressed in black, raised the siege, and returned to Troy. He found a wilderness and lamented for three days, at the end of which he resolved to rebuild Troy (lines 2203-478).]   The sorwe aswaged and the syghes olde By longe processe, liche as I yow tolde, This worthi kyng, callyd Priamus, Is in his herte nowe so desyrous Upon the pleyn that was so waste and wylde, So strong a toun of newe for to bilde, At his devyse a cité edefye, That schal th'assautys outterly defye Of alle enmyes and his mortal foon With riche tourys and wallys of hard stoon. And al aboute the contrés enviroun He made seke in every regioun For swiche werkemen as were corious, Of wyt inventyf, of castyng merveilous, Or swyche as coude crafte of gemetrye, Or wer sotyle in her fantasye; And for everyche that was good devysour, Mason, hewer, or crafty quareour; For every wright and passyng carpenter That may be founde, owther fer or nere; For swyche as koude grave, grope, or kerve; Or swiche as werne able for to serve With lym or stoon for to reise a wal With bataillyng and crestis marcial; Or swiche as had konyng in her hed, Alabastre, owther white or redde, Or marbil graye for to pulsche it pleyn To make it smothe of veynes and of greyn. He sent also for every ymagour, Bothe in entaille, and every purtreyour That coude drawe, or with colour peynt With hewes fresche, that the werke nat feynt; And swiche as coude with countenaunces glade Make an ymage that wil nevere fade - To counterfet in metal, tre, or stoon The sotil werke of Pigmaleoun Or of Appollo, the whiche as bokis telle In ymagerye alle other dide excelle; For by his crafty werkyng corious, The towmbe he made of Kyng Daryus Whiche Alysaundre dide on heyghte reise, Only for men schuld his fame preise In his conquest by Perce whan he went. And thus Priam for every maister sent, For eche kerver and passynge joignour To make knottis with many corious flour, To sette on crestis withinne and withoute Upon the wal the cité rounde aboute; Or who that wer excellyng in practik Of any art callyd mekanyk Or hadde a name flouryng or famus Was after sent to come to Priamus. For he purposeth, this noble worthi kyng, To make a cité most royal in byldyng - Brod, large, and wyde - and lest it wer assailled, For werre proudly aboute enbatailled. And first the grounde he made to be sought, Ful depe and lowe, that it faille nought To make sure the fundacioun; In the place where the olde toun Was first ybilt he the wallis sette; And he of lond many myle out mette Aboute in compas for to make it large, As the maysters that toke on hem the charge Devysed han the settyng and the syyt, For holsom eyr to be more of delyt. And whan the soille, defoulit with ruyne Of walles old, was made pleyn as lyne, The werkmen gan this cité for to founde Ful myghtely with stonys square and rounde, That in this world was to it noon lyche Of werkmanschip nor of bildyng riche Nor of crafte of coryous masounry. I can no termys to speke of gemetrye; Wherfore as now I muste hem sette asyde, For douteles I radde never Euclide That the maister and the foundour was Of alle that werkyn by squyre or compas Or kepe her mesour by level or by lyne; I am to rude clerly to diffyne Or to discrive this werk in every parte For lak of termys longyng to that arte. For I dar wel of trouthe affermyn here, In al this world ne was ther never pere Unto this cité, and write it for a sothe, As in this boke my mayster Guydo doth. And that it myght in prosperité, In hyghe honour and felicité, From al assaut perpetuelly contune, It reysed was in worschip of Neptune And namyd Troye, as it was aforn, Lyche the firste that was thorugh Grekis lorn. The lenthe was, schortly to conclude, Thre dayes journé, lyche the latitude, That never I herd make mencioun Of swiche another of fundacioun So huge in compas nor of swiche larges, Nor to counte so passyng of fayrnes, So edyfied or lusty to the syght. And, as I rede, the walles wern on highte Two hundrid cubites, al of marbil gray, Maskowed withoute for sautis and assay; 1 And it to make more plesaunt of delyt, Among the marbil was alabaster white Meynt in the walles, rounde the toun aboute, To make it schewe withinne and withoute So fresche, so riche, and so delitable, That it alone was incomperable Of alle cités that any mortal man Sawe ever yit sithe the world began. And at the corner of every wal was set A crowne of golde with riche stonys fret That schone ful bright ageyn the sonne schene; And every tour bretexed was so clene Of chose stoon that wer nat fer asondre, That to beholde it was a verray wonder. Therto this cité compassed enviroun Hadde sexe gatis to entre into the toun: The first of al and strengest eke with al, Largest also and most principal, Of myghty bildynge allone peerles, Was by the kyng callyd Dardanydes; And in story, lyche as it is fownde, Tymbria was named the secounde; And the thridde callyd Helyas; The fourte gate hight also Cethas; The fyfte Troiana; the syxte Anthonydes, Strong and myghty bothe in werre and pes, With square toures set on every syde. At whos corners, of verray pompe and pride, The werkmen han with sterne and fel visages, Of riche entaille, set up gret ymages Wrought out of ston, that never ar like to fayle, Ful coriously enarmed for batayle. And thorugh the wal, her fomen for to lette, At every tour wer grete gunnys sette For assaut and sodeyn aventurys; And on tourettis wer reysed up figurys Of wylde bestis, as beris and lyouns, Of tigers, bores, of serpentys and dragouns And hertis eke with her brode hornes, Olyfauntes and large unicornes, Buglis, bolys, and many grete grifoun, Forged of brasse, of copur and latoun, That cruelly by sygnes of her facys Upon her foon made fel manacys. Barbykans and bolewerkys huge Afore the toun made for highe refuge, Yiffe nede were, erly and eke late; And portecolys stronge at every gate, That hem thar nat non assailyng charge; And the lowkis thikke, brode, and large, Of the gatys al of yoten bras; And withinne the myghty schittyng was Of strong yrne barres square and rounde And gret barrerys picched in the grounde With huge cheynes forged for diffence, Whiche nolde breke for no violence, That hard it was thorugh hem for to wynne. And every hous that was bilt withinne, Every paleys, and every mancioun Of marbil werne thorughout al the toun, Of crafty bildyng and werkyng most roial. And the heght was of every wal Sixty cubites from the grounde acountid; And ther was non that other hath surmountid In the cité, but of on heght alyche, In verray sothe, bothe of pore and riche, That it was harde of highe estat or lowe Hous or palys asounder for to knowe, So egaly of tymbre and of stoon Her housis wern reysed everychon. And if I schulde rehersen by and by The korve knottes by crafte of masounry, The fresche enbowyng with vergis right as linys, And the vowsyng ful of babewynes, The riche koynyng, the lusty tablementis, Vynettis rennynge in the casementis; Though the termys in Englisch wolde ryme, To rekne hem alle I have as now no tyme Ne no langage pyked for the nonys, The sotil joynyng to tellen of the stonys, Nor how thei putten in stede of morter In the joynturys copur gilt ful clere To make hem joyne by level and by lyne Among the marbil, freschely for to schyne Agein the sonne, whan his schene lyght Smote in the gold that was bornyd bright, To make the werke gletere on every syde. And of the toun the stretis large and wyde Wer by crafte so prudently provided And by werkemen sette so and devided That holsom eyr amyddis myght enspire Erly on morwe to hem that it desyre; And Zephirus, that is so comfortable For to norysche thinges vegetable, In tyme of yere thorughoute every strete, With sugred flavour, so lusty and so swete, Most plesantly in the eyr gan smyte, The cytezeyns only to delyte, And with his brethe hem to recomfort, Whan thei list walke hemsilven to disport. And thorugh the toun by crafty purviaunce, By gret avys and discret ordynaunce, By compas cast and squared out by squires, Of pulsched marbil upon strong pilleris Devised wern, longe, large, and wyde, In the frountel of every stretis syde Fresche alures with lusty highe pynacles And moustryng outward riche tabernacles, Vowted above like reclinatories, That called werne deambulatories, Men to walke togydre tweine and tweyne To kepe hem drie whan it dide reyne Or hem to save from tempest, wynde, or thonder, Yif that hem list schrowde hemsilve therunder. And every hous cured was with led; And many gargoyl and many hidous hed With spoutis thorugh and pipes as thei ought From the stonwerke to the canel raught, Voyding filthes low into the grounde Thorugh gratis percid of yren percid rounde; The stretis paved bothe in lengthe and brede In cheker wyse with stonys white and rede. And every craft that any maner man In any lond devise or rekene can Kyng Priamus, of highe discrecioun, Ordeyned hath to dwellyn in the toun And in stretis severyd her and yonder, Everyche from other to be sette asonder That thei myght for more comodité Eche be hymsilfe werke at liberté: Goldsmythes first; and riche jowellers; And by hemsilf crafty browdereris; Wevers also of wolne and of lyne, Of cloth of gold, damaske, and satyn, Of welwet, cendel, and double samyt eke, 2 And every clothe that men list to seke; Smythes also that koude forge wele Swerdis, pollex, and speris scharp of stele, Dartis, daggeris, for to mayme and wounde, And quarel hedis scharp and square grounde. Ther wer also crafty armoureris, Bowyers, and fast by fleccheris, And swyche as koude make schaftes pleyn, And other eke that dide her besy peyn For the werre to make also trappuris, Bete baners and royal cote armuris, And by devise stondardis and penowns, And for the felde fresche and gay gytouns. And every crafte that may rekned be, To telle schortly, was in this cité. And thorugh this toun, so riche and excellent, In the myddes a large river went, Causyng to hem ful gret commodité; The whiche on tweyne hath partid the cité, Of cours ful swyft, with fresche stremys clere; And highte Xanctus, as Guydo doth us lere. And as I rede, that upon that flood, On eche asyde many mylle stood, Whan nede was her grayn and corn to grinde, Hem to sustene, in story as I fynde. This river eke, of fysche ful plenteuous, Devided was by werkmen corious So craftely, thorugh castyng sovereyne, That in his course the stremys myght atteyn For to areche, as Guydo doth conjecte, By archis strong his cours for to reflecte Thorugh condut pipis, large and wyde withal, By certeyn meatis artificial, That it made a ful purgacioun Of al ordure and fylthes in the toun, Waschyng the stretys as thei stod a rowe And the goteris in the erthe lowe, That in the cité was no filthe sene; For the canel skoured was so clene And devoyded in so secré wyse That no man myght espien nor devyse By what engyn the filthes, fer nor ner, Wern born awey by cours of the ryver - So covertly everything was cured. Wherby the toun was outterly assured From engenderyng of al corrupcioun, From wikked eyr and from infeccioun, That causyn ofte by her violence Mortalité and gret pestilence. And by example of this flode ther was Made Tibre at Rome and wrought by Eneas, The whiche also departeth Rome on two, Myn auctor seith, I not wher it be so. And to enabite this royal chef cité Kyng Priam hath aboute in the contré Made for to serche with al his hool entent And in provinces that werne adjacent, In borwys, townys, and in smale villages, Igadred out of al maner ages, And of thropis folkys ful divers; And swiche as wern vacaunt and dispers Aboute Troye in many regioun; He maked hath to entre into the toun Gret multitude, what of yong and olde, It to enhabite, as ye han herde me tolde. And hem that wern afore to hym foreyns He hath in Troye maked citezeyns, Ful discretly, liche as it is founde. And whan thei gan with peple to abounde, Kyng Priamus of highe affeccioun After the bildyng of this myghty toun Hath in his hert caught a fantasye His newe cité for to magnyfye. And it to put the more in remembraunce He cast fully to do some observaunce To myghty Mars, sterne and ferse of hewe; And specialy with certeyn pleies newe, On horse and fote, in many sondry wyse, To yeve his men in knyghthod excersyse, Everyche to putten other at assaye In justis, bordis, and also in tornay, To preve her force whan thei happe mete. The whiche pleies wer fondid first in Crete, And in that lond of highe and lowe estat In Martys honour thei wer dedicate. And in palestre at wakys on the nyght Wern other pleies men t'assay her myght, Only on fote with many sotil poynt; And some of hem wer nakyd and anoynt; To wynne a prys thei dide her ful entent. And ther was founde by clerkys ful prudent Of the ches the pleye most glorious, Whiche is so sotil and so mervelous That it wer harde the mater to discryve; For thoughe a man stodied al his lyve, He schal ay fynde dyvers fantasyes Of wardys makyng and newe juparties: Ther is therin so gret diversité. And it was first founde in this cité Duryng the sege, liche as seyth Guydo; But Jacobus de Vitriaco Is contrarie of oppynioun: For, like as he makyth mencioun And affermeth fully in his avys, How Philometer, a philysofre wys, Unto a kyng, to stynte his cruelté, Fond first this pleie and made it in Caldé; And into Grece from thense it was sent. Also in Troye by gret avysement The pleye was first founde of dees and tables And of castyng the chaunces deceyvables, That han be cause ofte of gret debat: For yif that on be nowe fortunat To wynne a while be favour of his chance, Or he be war be sodeyn variaunce Unhappely he is putte abak And another, that stood upon the wrak And of losse was plounged in distresse, Thei reysed han unto hyghe ryches; Gladnes of on is to another rage. Adevaunte, hasard, and passage - Yif on have joye, another suffereth wo, Liche as the bonys renne to and fro; An hundrid sythe in a day thei varie, Now blaundisschyng and now thei be contrarie; No man with hem assured is in joye. And first also I rede that in Troye Wer song and rad lusty fresche comedies And other dites that called be tragedies. And to declare schortly in sentence Of bothe two the final difference: A comedie hath in his gynnyng, At prime face, a maner compleynyng And afterward endeth in gladnes; And it the dedis only doth expres Of swiche as ben in povert plounged lowe; But tragidie, whoso list to knowe, It begynneth in prosperité And endeth ever in adversité; And it also doth the conquest trete Of riche kynges and of lordys grete, Of myghty men and olde conquerouris, Whiche by fraude of Fortunys schowris Ben overcast and whelmed from her glorie. And whilom thus was halwed the memorie Of tragedies, as bokis make mynde; Whan thei wer rad or songyn, as I fynde, In the theatre ther was a smal auter Amyddes set that was half circuler, Whiche into the est of custom was directe; Upon the whiche a pulpet was erecte, And therin stod an awncien poete For to reherse by rethorikes swete The noble dedis that wer historial Of kynges, princes for a memorial And of thes olde, worthi emperours, The grete emprises eke of conquerours, And how thei gat in Martis highe honour The laurer grene for fyn of her labour, The palme of knyghthod disservid by old date Or Parchas made hem passyn into fate. And after that with chere and face pale, With stile enclyned gan to turne his tale, And for to synge after al her loos Ful mortally the stroke of Antropos, And telle also, for al her worthihede, The sodeyn brekyng of her lives threde: How pitously thei made her mortal ende Thorugh fals Fortune, that al the world wil schende; And howe the fyn of al her worthines Endid in sorwe and highe distresse By compassyng of fraude and fals tresoun, By sodeyn mordre or vengaunce of poysoun, Or conspiringe of fretyng fals envye; How unwarly that thei dide dye; And how her renoun and her highe fame Was of hatrede sodeynly made lame; And how her honour drowe unto decline; And the meschef of her unhappy fyne; And how Fortune was to hem unswete - Al this was tolde and rad of the poete. And whil that he in the pulpit stood With dedly face al devoide of blood, Singinge his dites with Muses al torent, Amydde the theatre schrowdid in a tent Ther cam out men gastful of her cheris, Disfigurid her facis with viseris, Pleying by signes in the peples sight, That the poete songon hath on hight; So that ther was no maner discordaunce Atwen his dites and her contenaunce: For lik as he alofte dide expresse Wordes of joye or of hevynes, Meving and cher, bynethe of hem pleying From point to point was alwey answering. Now trist, now glad, now hevy, and now light, And face chaunged with a sodeyn sight, So craftily thei koude hem transfigure, Conformyng hem to the chaunteplure, Now to synge and sodeinly to wepe, So wel thei koude her observaunces kepe. And this was doon in April and in May, Whan blosmys new bothe on busche and hay And flouris fresche gynne for to springe; And the briddis in the wode synge With lust supprised of the somer sonne, Whan the pleies in Troye wer begonne And in theatre halowed and yholde. And thus the ryyt of tragedies olde Priamus the worthi kyng began. Of this mater no more telle I can. But I wil furthe of this story wryte And on my maner boistusly endyte, How Priamus was passyng dilligent, Right desyrous, and inwardly fervent, Yif he myght among his werkes alle To bilde a paleys and a riche halle Whiche schulde ben his chose chef dongon, His royal se and sovereyn mansioun. And whan he gan to this werke aproche, He made it bilde highe upon a roche (It for t'assure in his fundacioun) And callyd it the noble Ylyoun, The sight of whiche, justly circuler, By compas cast rounde as any spere. And who that wold the content of the grounde Trewly acounten of this place rounde In the theatre he most first entre, Takyng the lyne that kerveth thorugh the centre By gemetrie, as longeth to that art, And treblid it with the seventhe part; He fynde myght by experience The mesour hool of the circumference, What lond also withinne the stronge wal Contened was pleynly eke with al - The creste of whiche, wher it lowest was, Hadde in hight ful sixe hundred pas, Bilt of marbil, ful royal and ful strong, And many other riche stoon among; Whos touris wern reysed up so highe That thei raght almost unto the skye; The werk of whiche no man myght amende. And who that list by grecis up ascende, He myghte seen in his inspeccioun To the boundis of many regioun And provincys that stond rounde aboute. And the wallys, withinne and withoute, ong with knottis grave clene, 3 Depeynt with azour, gold, ginopre, and grene, That verraily, whan the sonne schon, Upon the gold meynt among the stoon, Thei yaf a light withouten any were As Phebus doth in his mydday spere - The werke of wyndowe and fenestral, Wrought of berel and of clere cristal. And amyddys of this Ylyoun, So fresche, so riche of fundacioun, Whiche clerkys yit in her bokis preyse, Kyng Pryam made an halle for to reyse, Excellyng alle in bewté and in strenthe, The latitude acordyng with the lengthe. And of marbil outeward was the wal; And the tymbre, most nobil in special, Was halfe of cedre, as I reherse can, And the remenant of the riche eban, Whiche most is able, as I dar specefye, With stoon to joyne by craft of carpentrie; For thei of tymbre have the sovereynté. And for to telle of this eban tre, Liche in bokys sothly as I fynde, It cometh out of Ethiope and Ynde, Blak as is get; and it wil wexe anoon, Whan it is korve, harde as any stoon, And evermore lasten and endure, And nat corrupte with water nor moysture. And of his halle ferther to diffyne, With stonys square by level and by lyne It pavid was with gret diligence Of masownry and passyng excellence. And al above, reysed was a se, Ful coriously of stonys and perré, That callid was, as chefe and principal, Of the regne the sete moste royal. Tofore whiche was set by gret delyt A borde of eban and of yvor whyt, So egaly joyned and so clene That in the werk ther was no rifte sene; And sessions wer made on every syde, Only the statis by ordre to devyde. Eke in the halle, as it was covenable, On eche party was set a dormont table Of evor eke and this eban tre; And even ageyn the kynges royal see, In the party that was therto contrarie Ireised was by many crafty stayre Highe in the halle in the tother syyt, Right as any lyne in the opposyt, Of pured metal and of stonys clere In brede and lengthe a ful riche auter. On whiche ther stood of figure and visage Of massé gold a wonderful ymage, To ben honoured in that highe sete, Only in honour of Jubiter the grete. And the statue, for al his huge weghgte, Fiftene cubites complet was of heighgte, A crowne of gold highe upon his hed With hevenly saphirs and many rubé red Fret enviroun with other stonys of Ynde; And among wer medled, as I fynde, Whyte perlis - massyf, large, and rounde; And for most chefe al dirkenes to confounde, Was a charbocle, kyng of stonys alle, To recounfort and gladyn al the halle And it t'enlumyn in the blake nyght With the freschenes of his rody light. The valu was therof inestimable And the riches pleynly incomperable, For this ymage by divisioun Was of schap and of proporcioun From hed to foot so maisterly entayled That in a point the werkeman hath nat failed It to parforme by crafty excellence. Whom Priamus with drede and reverence Honoured hath above the goddys alle, In al meschef to hym to clepe and calle; For in hym was his hool affeccioun, His sovereyn trust and devocioun, His hope also and his affyaunce, His heile, his joye, and his assuraunce; And his welfare and prosperité He hath commytted to his deité, Wenyng in hert wonder sekerly To ben assured from al meschef therby, And diffended in eche adversité, And hold his regne in highe felicité, And in honour continuelly to schyne, Whil Jubiter thorugh his power divyne Hym and his hath in proteccioun - This was his trust and ful oppinioun. And thus this werke finally acheved, Wherof Priam with joye ful releved That he his cité and noble Ylyoun Hath fully brought unto perfeccioun, Liche his entent whan that he began. And thus Priam, this kyng, this worthi man, Ful many day in his newe Troye With his liges lad his lyf in joye, Wher I hym leve in his royal sete Sovereynly regnynge in quiete, Procedyng forthe, yif ye liste to here, Unto the effect anoon of my matere.   [Anger and malice continue to stir Priam to seek vengeance on the Greeks. Though Hector is away, Priam calls a council in Troy to announce his intent to seek revenge. Before starting a war, however, he will seek peaceful redress, and he decides to ask that Hesione be returned. Antenor is chosen as an ambassador; he sails to Thessaly where King Peleus receives him graciously but then orders him to leave when he reveals Priam's demand to return Hesione. Antenor sails next to King Telamon, who holds Hesione. Telamon listens to Antenor's message, derides him and Priam, and orders him to leave. Antenor sails to Achaia where Castor and Pollux angrily reject the demand. His final visit is to Pylos where King Nestor can barely control his anger when Antenor delivers his message. After a terrifying storm at sea, Antenor reaches Troy and reports to Priam. Driven by his anger, Priam decides to risk war by sending a fleet to attack the Greeks (lines 1067-1796).]   But seye, Priam, what infelicité, What new trouble, what hap, what destyné, Or from above what hateful influence Descendid is by unwar violence To meve the - thou canst not lyve in pes! What sodeyn sort, what fortune graceles, What chaunce unhappy, withoute avisenes, What wilful lust, what fonnyd hardynes Han putte thi soule out of tranquillité, To make the wery of thi prosperité! Whi hast thou savour in bitter more than swete, That canst nat lyve in pes nor in quyete? Thou art travailed with wilful mocions, Overmaystred with thi passiouns, For lak of resoun and of highe prudence Dirked and blind from al providence, And ful bareyn to cast aforne and see The harmys foloyng of thin adversité! Thou wer to slow wisely to consydre; For want of sight made the to slydre, Thorugh myst of errour falsely to forveye By pathis wrong from the righte weye, To voyde resoun of wilful hastynes! Wher was thi guyde, wher was thi maistres Discrecioun, so prudent and so sad, Avisely that schulde the have lad From the tracis of sensualité, Though it ful selde in mannys power be By suffraunce hymsilven to restreyne, Whan sodeyn ire doth his herte streyne? Thou schust aforn bet ha cast thi chaunce, Wrought by counseil, and nat put in balaunce Thi sikernes - allas, whi distow so? - And have symuled somdel of thi wo, And cast thi chance wel afore the prime To have forgoten wrongis of old tyme, And thought aforn in thin advertence That ofte falleth in experience That whyles men do most besynes Vengably her wrongis to redres, With double harme, or that thei ar ware, Thei falle ageyn in a newe snare; And damages that wer foryete clene By fals report of rumour fresche and grene Renewed ben, thorugh the swifte fame That fleth so fer to hindre a lordis name; Namly, whan thei to a purpos wende Only of hed and se nat to the ende. For of pride and of sodeyn hete Thei voide hemsilf out of al quiete, Adverting nat to wirke avisely Nor the proverbe that techeth commounly, "He that stant sure, enhast hym not to meve"; For yif he do, it schal hym after greve; And he that walkyth surly on the pleyn, Yif he stumble, his wit is but in veyn; But if so be he list of his foly Be necligent to putte hym wilfully In aventure and of hymsilf ne reche T'eschewen perel, I hold he be a wreche. For sothly, Priam, thou wer to rekles For to comytte thi quiete and thi pes So dredfully, duryng by no date, To cruel Fortune or to fikel Fate; Whos maner is of costom comounly That whan a man trusteth most sovereynly On this goddesse, blind and ful unstable, Than sche to hym is most deceyveable, Hym to abate from his royal stalle, And sodeynly to make hym doun to falle, And with a trip throwe hym on the bake - Who that geynstryveth schal have litel tak. Sche is so sleighty with hir gynny snare That sche can make a man from his welfare With hir panter, that is with fraude englued, Whan he lest weneth for to be remewed. Therfor, no man have noon affyance, In Fortune nor in hir variaunce; Ne late no wight his ese more jupart - List that the pleye wil afterward departe - To turne his chaunce outher to wel or wo: For selde in oon sche doth the gamen go, As ye may se be example of Priamus That of foly is so desyrous To wirke of hede and folwe his oune wille, To trouble, allas, the calm of his tranquille - As in this boke hereafter schal be founde - Hym and his cité platly to confounde And outterly to his confusioun; That afterward by long successioun It schal be rad in story and in fable And remembrid with dites delytable To do plesaunce to hem that schal it here: That be example thei may be war and lere Of hasty lust or of volunté To gynne a thing which in nounsureté Dependeth ay, as strif, werre, and debate; For in swiche pley unwarly cometh chekmate; And harme ydone to late is to amende, Whos fyn is ofte other than thei wende - In this story as ye schal after seen. And late Priam alwey your merour ben, Hasty errour be tymes to correcte. For I anoon my poyntel wil directe After the maner of his tracis rude Of this story the remnaunte to conclude.   [Priam summons lords from every part of the town to a parliament at which he discloses the Greeks' rejection of Antenor's mission. He reminds his men of the need for unity and proposes to send a force by ship to attack Greek towns and lay waste to their fields. Mindful of Fortune's instability, he thinks it may now be time for her to favor the Trojans over the Greeks who have been lifted up so high. Priam then recesses parliament and calls for his sons to gather in council, where he can reveal his intention to seek vengeance for the death of their ancestors, the destruction of Old Troy, and the outrage to Hesione. He calls first on Hector to carry out his purpose, and Hector answers with soft, courteous speech (lines 1903-2182).]   "Myn owne lord and my fader dere, Benignely yif ye list to here, After the force and the grete myght And the somme of naturis right, Whiche everything by kynde doth constreyne In the boundis of hir large cheyne, It fittyng is, as sche doth enspire, And acordyng that every man desyre Of wrongis don to han amendement And to hir law right convenient; Namly, to swiche that with nobilité Kynd hath endewed and set in highe degré; For to swiche gret repref is and schame Whan any wrong be do unto her name; For eche trespas mote consydered be, Justly mesurid after the qualité Of hym that is offendid and also After the persone by whom the wrong is do; Be it in werre, in contek, or debate. For gretter gref is to highe estate To suffre an harme, of cas or aventure, Or any wrong unjustly to endure, Or injuries compassed of malys Is more offence by discret avys To hem that ben famous in manhod, Renomed, and born of gentyl blood, Than to swiche on that holde is but a wreche. Wherfore, we most gretly charge and reche Only of knyghthod oure worschip for to eke, Of wrongis don amendis for to seke, Oure staat consydered and oure highe noblesse And in what plyte we stonde of worthines, Whan that bestis of resoun rude and blinde Desire the same by instynt of kynde. And for my part trusteth in certeyn, Ye have no sone that wolde halfe so feyn Upon Grekis avenged ben as I: For here my trouth I seye yow feithfully, For ire of hem I brenne as doth the glede; I thurst her blood more than other mede; For right as I eldest am of age Among your sonys, so am I most with rage Ifret withinne, justly of knyghthood, With my right hond to schede the Grekys blod, As thei schal fynd paraunter or thei wene: Whan tyme cometh, the sothe schal be sene. But first I rede, wysely in your mynde To cast aforn and leve nat behynde, Or ye begynne, discretly to adverte And prudently consyderen in your herte Al, only nat the gynnyng but the ende And the myddes, what weie thei wil wende, And to what fyn Fortune wil hem lede: Yif ye thus don, amys ye may nat spede. For that counseil in myn oppinioun Is worthi litel by discrecioun To have a pris that cast nat by and by The course of thinges by ordre ceryously, What weye thei trace to wo or to delite; For though a gynnyng have his appetite, Yet in the ende, pleynly this no fable, Ther may thing folwe whiche is nat commendable. For what is worthe a gynnyng fortunat, That causeth after strif and gret debat? Wherfor in sothe principles are to drede, But men wel knowe what fyn schal succede; For a gynnyng with grace is wel fortunyd, Whan ende and myddes aliche ben contunyd. But whan that it in wele ne may contene, It is wel bet bytymes to abstene Than put in doute that stant in sureté; For whoso doth hath ofte adversité. But humblely to your estat royal Of hert I praye, lat nat offende at al, That I am bolde to seie my mocioun; For in good feith, of noon entencioun I no thing mene yow to don offence; But only this - that your magnificence Procede nat of hede wilfully Ne that no spirit you meve folyly To gynne thing that after wil you schende, For lak that ye se nat to the ende Nor taken hede in youre advertence To consydere by good providence How Grekis han in her subjeccioun Europ and Aufrik with many regioun Ful large and wyde, of knyghthod most famus, And of riches wonder plentevous, Right renomed also of worthines. With your support that I dar wel expresse, Ful perlous is displese hem or disturbe; For yif that we oure quiete now pertourbe, Whiche stant in pes, gretly is to drede; For though al Asye help us at our nede, Yif it be lokid on every part aright, Thei be nat egal unto Grekis myght; And though also myn aunte Exioun Ageyn al right be holde of Thelamoun, It is nat good for hir redempcioun To putte us alle to destruccioun. I rede nat to bien hir half so dere; For many of us in hap that sitten here And other mo myghten for hir sake Deth underfonge and an ende make; Whiche were no wisdam, liche as semeth me. And it may happen also how that sche In schort tyme hir fatal cours schal fyne, Whan Antropos the threde atwo schal twyne. What had we wonne thanne and sche wer go But enmyté, thought, and sorow and wo, Slaughter of oure men, deth and confusioun! Wherfore I rede, by dissymulacioun, Withoute more that we oure wo endure And nat to putte ouresilf in aventure - This hold I best - and wirkyn as the wyse. But douteles for no cowarddyse I seie nat this in youre highe presence. But for cause I hold it no prudence To Fortune, ful of doubilnes (Sith we be sure) to putte oure sikernes: This al and som, th'effect of al my wille." And with that worde Hector held hym stille. And whan Hector by ful highe prudence Concluded hath the fyn of his sentence, Ful demurly he kepte his lippis cloos. And therwithal Parys up aroos And gan his tale thus afore the kyng. "My lord," quod he, "so it be lykyng To youre highnes for to taken hede, As me semeth, we schuld litel drede In knyghtly wyse for to undirtake Upon Grekis a werre for to make, Al attonys her pride to confounde; Sith that we passyngly habounde Of chivalrie here withinne our toun And have plenté and pocessioun Of eche thing that may to werre aveile, Stuf in oursilf and ryal appareile Of al that longeth to assautis marcial, And with al this, more in special, Help and socour of many regioun With us to werke to her destruccioun, The pompe and pride manly to abate And of Grekis the malis for to mate; For al that thei of herte ben so stoute, Me semeth schortly that we dar nat doute Nor on no part for to be dismaied. Wherfor I rede, lat nat be delaied Our schippes first redy for to make; And I mysilf wil fully undirtake, So it to you be lykyng and plesance, Of this emprise hoolly the governaunce, And yow assuren and putte in certeyn Exyona to recure ageyn. And in what forme that it schal be wrought I have a weye founden in my thought That likly is hereafter to be don, Whiche unto yow I wil declare anoon. First, I have cast with strong and myghty hond For to ravysche som lady of that lond Of heyghe estat, and make no tarying, And myghttyly into Troye hir bring, Maugre her myght, for this conclusioun: That ye may have restitucioun Be eschange of hir that ye desyre so. And hereupon schal be no long ado, I you behete, for al the Grekis strong. And for that I schal yow nat prolonge, I wil yow seyn excludyng every dout How this avis schal be brought aboute: First, how that I schal this purpos fyn The goddis han thorugh her power devyne Schewed unto me be revelacioun; For theruppon I had a visioun But late agoon, as I ley and slepe, Unto the whiche, yif ye taken kepe, Ye may not faile nor be in no dispeire To han recur of hir that is so faire, For whom ye have now so moche care. And the maner hol I wil declare Of this drem to your magnificence, Yif it so be ye yeve wil credence To my tale; for I schal nat dwelle Ceriously in ordre for to telle The trouthe pleyn and no fable feyn To yow that ben my lord most sovereyn. First, yif that ye remembryn in your mynde, This other day whan I was last in Ynde By your avis and commaundement For a mater whiche in your entent Was specialy had in cherité, As it is kouthe atwixe you and me, Of whiche I toke upon me the charge In the boundis of that lond ful large, The same tyme your desyre to spede - Whan that Tytan with his bemys rede From Gemmyny drof his chare of gold Toward the Crabbe for to take his holde, Whiche named is the paleys of Dyane, The bente mone that wexe can and wane; Whanne halwed is the sonnys stacioun Nighe the myddes of the moneth of Jun - At whiche sesoun erly on a morwe, Whan that Phebus to voide nyghtes sorwe Doth Pirrous hys wayn ageyn up drawe And Aurora estward doth adawe, And with the water of hir teris rounde The silver dewe causeth to abounde Upon herbis and on floures soote For kyndely norissyng bothe of crop and rote; Then out I roos of my bedde anoon Ful desyrous on huntyng for to goon, Priked in hert with lusty fresche plesance To do to Love some due observaunce And Lucyna that day to magnifie, Which callid is lady of venarye; And duely oure rytis to observe, Cithera and hire for to serve, I and my feris, oure hertis to releve, Cast us fully til it drowe to eve, In the forest to pley us and disport And plesauntly us to recomfort, As it longeth to love of lustines. For thilke day to Venus the goddes Isacrid was by ful gret excellence, With gret honour and due reverence Doon unto hir, bothe of on and alle; And on a Fryday this aventure is falle, Whan we gan hast us to the wodis grene In hope that day som game for to sene, With gret labour rydyng to and fro, Til we hadde ful many buk and do By strengthe slaw, as we myght hem fynde, The hert ichasid with houndis and the hynde Thorugh the downys and the dalys lowe, Til brighte Phebus of his daies bowe Amyd the arke was of meridyen, Whan his bemys ful hote wern and schene, And we most besy wern upon the chas, Than me byfil a wonder divers cas. For of fortune it happed sodeynly, Whil I was severyd fro my company Sool be mysilf among the holtis hore To fynde game desyrous evermore, Or I was war, thorugh thikke and thinne, A ful gret hert I sawe afore me renne Doun by the launde and the walys grene That I in soth myghte nat sustene, He was so swyft, for to nighe hym ner; Albe that I priked my courser Nighe to the deth thorugh many sondri schaw, Out of my sight so fer he gan withdrawe, For al that ever that I sewen myght, That I anoon lost of hym the sighte In a wode that Ida bare the name. And I so feynt gan wexen of that game, And myn hors on whiche I dide ryde, Fomyng ful whit upon every syde And his flankis al with blood disteyned - In my pursute so sore he was constreyned With my sporis, scharp and dyed rede - After the hert so priked I my stede Now up, now doun, with a ful besy thought; But my labour availed me right nought, Til at the last among the bowes glade Of aventure he caught a plesaunt slade, Ful smothe and pleyn and lusty for to sene And soft as welwet was the yonge grene - Wher fro myn hors I alight as faste And on a bowe I his reyne cast, So feynt and maat of werynes I was That I me laide doun upon the gras, Upon a brink, schortly for to telle, Besyde a river and a cristal welle. And the water, as I reherse can, Like quiksilver in his stremys ran, Of whiche the gravel and the brighte stoon As any gold ageyn the sonne schon. Wher right anon for verray werynes A sodeyn slep gan me so oppresse That fro tyme that I first was born I never was aslepe so toforn; And as I ley I hadde a wonder swevene. For methought highe doun fro hevene The wynged god wonderful of cher, Mercuryus, to me dide appere, Of whom I was first somdel aferde; For he was girt with his crokyd swerde, And with hym brought also in his honde His slepy yerde, plyaunt as a wonde, With a serpent goyng enviroun. And at his fete also lowe adoun Me sempte also that ther stood a cok, Singyng his houris trewe as any clok. And to the mouthe of this god Mercurie Wer pipes sette that songe wonder merye, Of whiche the soote sugred armonye Made in myn eris swiche a melodye That me sempte tho in myn avis I was ravasched into paradys. And thus this god, divers of liknes, More wonderful than I can expresse, Schewed hymsilf in his apparence Liche as he is discrived in Fulgence, In the book of his Methologies, Wher be rehersed many poysyes And many liknes, liche as ye may se. And for to take the moralité, His longe yerde, right as is a lyne, Whiche on no syde wrongly may decline, Signefieth the prudent governaunce Of discret folke that thorugh her purviaunce Cast a perel or that it befalle; And his pipes, loude as any schalle, That thorugh musik ben entuned trewe Betokeneth eke, with many lusty hewe, The sugred dites by gret excellence Of rethorik and of eloquence, Of whiche this god is sovereyn and patroun; And of this cok the soote lusty soun That justly kepeth the houris of the night Is outerly th'avise inward sight Of swiche as voide by waker dilligence Oute of her court slouthe and necligence; And his swerd, whiche croketh so ageyn, That is nat forget nor ymade in veyn, Is to revoke to the righte weye Swiche as wrongly fro trouthe do forveye; And the serpent, whiche that I of tolde, Whiche wrinkled is, as ye may beholde, Upon the yerde and aboute goth, Signefieth that falshede wood and wroth Lith in aweyt by many sleighty weye, With his gynnes trouthe to werreye. And this god, of elloquence kyng, Brought with hym eke in his commyng Cithera, whom loveres serve, Juno, and Pallas, that callid is Minerve. And this Venus, her legis to delite, Aboute hir hed hadde dowes white, With loke benigne and eyen deboneyre, Ay flikeryng with snowy wyngys fayre, For to declare schortly in sentence By the dowes verray innocence Of hem in love that but trouthe mene, And that her grounde schulde honest be and clene, Itokenyd is, clerly be witnes, Without soillyng or any unclennes; And the fairnes of the roses rede, That in somer so lustyly do sprede And in wynter of her colour fade, Signyfieth the hertly thoughtis glade Of yonge folkis that ben amerous, Fervent in hope, and inly desyrous, Whan love gynneth in her hertis flour Til longe proces maketh hem to lour With the wynter of unweldy age, That lust is pallid and dullid with the rage Of febilnes whan somer is agoon, As folkys knowe, I trowe mo than on; And therfor Venus fleteth in a se To schewe the trowble and adversité That is in love and his stormy lawe, Whiche is beset with many sturdy wawe, Now calm, now rowe, whoso taketh hede, And hope assailled ay with sodeyn drede. And next Venus, Pallas I behelde, With hir spere and hir cristal schelde And a raynbowe rounde aboute hir hed, That of colour was grene, blew, and red; And aforn hir, as I can discryve, Sche growyng had a grene fresche olyve; And theruppon with his browes fowle In the brawnchis I sawe sitte an owle. And first the scheld of Pallas the goddes Signified, as I can expresse, In vertu force, by manly highe diffence Ageyns vices to maken resistence; And hir spere, scharp and kene grounde, By just rygour was forged to confounde Hem that be false and to putte abake; And for that mercy schal medle with the wrak, The schaft in soth schave was ful pleyn, List merciles that right ne wrought in veyn; And after werre to make a ful reles Ther was the olyve that betokneth pes; The owle also, so odyous at al, That songis singeth at festis funeral Declareth pleynly the fyn of every glorie Is only deth, who hath it in memorie; And the raynbow grene, red, and pers Signifieth the changis ful divers That ofte falle in werre and bataille, Now to wynne and sodeynly to faille, Now stable as blew, chaunging now as grene; For Pallas pley is alwey meynt with tene. And alderlast, as I have in mynde, With hir nymphes Juno cam behynde, Whiche of custom, as Fulgense tellis, Abide in flodis and in depe wellis. And this Juno, as poetis seyn, A mayden is and of frute bareyn; And the pecok to this fresche quene Isacrid is with his fetheris schene, Splayed abrod as a large sail With Argus eyen enprented in his tail. The water rennyng in river and in flood Is the labour that men have for good, The grete trouble and the besynes That day and nyght thei suffre for ryches; That who that ever in this flodis rowe, Lat hym be war, for ay after the flowe Of nature, right as it is dewe, Folwyng the mone ther mote an ebbe sewe; The moste drede is ay uppon the fulle, List Fortune the fresche fetheris pulle Of riche folke that schyne in gold so schene, Sith sche of chaunge lady is and quene. And Argus eyen that ar sette behynde In nygard hertis be oft sythes blynde, Whiche nat adverte of goodis to the ende, That liche an ebbe sodeynly wil wende, Whyche thei no thing consydren in her sight; For as the faire lusty fetheris bright Of a pecok unwarly falle awey, Right so riches schortly at a day Wiln her maister sodeynly forsake, Seyn adieu, and her leve take. And as Juno bareyn is of frute, Right so nakid, bare, and destitute Ar thes gredy hertis covetous, Whiche to gadre ben so desyrous That in nothing can have sufficiaunce; The fret of drede hem putte in swiche meschaunce, Ymagenyng that the world wil faille; And in her fere ageyn the wynd thei saille Til attonys thei mote go ther fro. And thus of good ay the fyn is wo, Namly of hem that so pynche and spare: For this no drede, as clerkis can declare, The frute of good is to spende large; And who is manful, set but litel charge To parte frely his tresour in comoune, Whan he discretly seth tyme oportune. He hath no joye to put his good in mwe; For an hert that fredam list to sewe Of gentilnes taketh noon hed therto. And in this wyse, Pallas and Juno With fresche Venus ben adoun descended, Liche as I have schortly comprehended, Under the guying of Mercurius, Whiche unto me gan his tale thus. "Parys," quod he, "lifte up thin eye and se! Loo, this goddesses here in noumbre thre, Whiche fro hevene with her eyen clere So diversly unto the appere, Wern at a fest, as I the tellyn schal, With alle the goddis above celestial That Jubiter held at his owne borde. Was non absent only save Discord; And for dispit sche was not ther present, To be avenged sche sette al hir entent And in hir wittes many weyes sought, Til at the last evene thus sche wrought, Of poetis liche as it is tolde: Sche toke an appil rounde of purid gold With Greke lettris graven up and doun Whiche seide thus, in conclusioun, Withoute strife that it were yove anon To the fairest of hem everychon. And of Discord this lady and goddes, As sche that is of debat maistres, Hath this appil, passyng of delit, Brought to this fest, of malis and despit, And cast it doun among hem at the bord With deyvious chere, spekyng not a word; But on hir weye faste gan hir hiye. And sodeynly so privé gret envie Into the court this appil hath in brought, So gret a werre and swiche a contek wrought In the hertis of this ilke thre That after long may not staunched be; Among hemsilf so thei gan disdeyn Whiche in bewté was most sovereyn And whiche of hem hath best title of right For to conquere this bornyd appil bright. And first thei gan thus for bewté strive, That for rancour her hertis almost ryve To wit of right who schuld it first possede - Loo, yit envye regneth in womanhede, That on is fayrer than another holde; For eche woman of hir kynde wolde Have on som part pris above another; In eche estat, in soth it is noon other. And eche of hem in her owne avis Hath joye in bewté for to han a pris; For non so foule doth in a myrour prye That sche is feir in hir owne eye. But liche a fool he hymsilf doth quite That awmber yelwe cheseth for the white. A gowndy eye is deceyved sone, That any colour cheseth by the mone; For som colour is with fir made fyn, And som encresid with spicis and with wyn, With onymentis and confeccions; And on nyght by false illusiouns Somme appere wonder fresche and faire, That loke dirke a daylight in the eyre. Ther is no pref but erly by the morwe Of swiche as nede no bewté for to borwe But as Nature hath hirsilf disposed. Therfore fastyng, or boystis ben unclosyd, Make thi choyse, liche as bit Ovide, Whan every drogge and pot is set asyde, List that thou be, after his sentence, Deceyvid lightly by fals apparence; For nowadayes swiche craft is ful rife. And in this wyse thus began the stryf Betwixe Juno, Venus, and Pallas That be descendid for this sodeyn caas, By on assent, towching her bewté, The dom therof comitted unto the. I speke to the, that callid art Parys, And holdyn art right prudent and right wys; Be avysed how thi dom schal fyne; For thei ne may to nor fro declyne But obeie, alle, by oon assent Withoute strif to thi jugement. But herke, frist, or that thou procede, Of eche of hem what schal be thi mede; Considere aright, and take good hede therto: Yif thou the appil graunte unto Juno, Sche schal the yef plenté of riches, Highe renoun, of fame eke worthines, With habundaunce of gold and of tresour, And do the reise to so highe honour That thou allone alle other schalt excelle For thi guerdoun, liche as I the telle. And yif to Pallas, goddesse of prudence, The liste the fyn conclude of thi sentence That sche may lady of the appil be, For thi mede sche schal assure the That of witte and of sapience Thou schalt hooly han the excellence, And of wisdam and discrecioun, To discerne by clernes of resoun; Also fer as Phebus cast his light, Ther schal nat be a more prudent knyght, Nor in this world, sith that it began, Of just report a manlier man, Nor to thi name noon equipolente. And yif to Venus of trew and clene entent The list to graunt in conclusioun Of the appil to have pocessioun, The fresche goddes that sit so highe above Schal the ensure to have unto thi love The fairest lady that is or was tofore Or in this world ever schal be bore; And in Grece thou schalt hir knyghtly wynne. Now be avised or that thou begynne Justly to deme and for nothing spare." And I anoon gan loken up and stare, Gretly astoned what me was best to do, Til at the last I spake Mercurye to, And seide, certeyn, that I ne wolde there Yeven no dom but thei naked were, So that I myght have fully liberté Everyche of hem avisely to se And consyderen every circumstaunce Who fairest wer unto my plesaunce And goodliest, to speke of womonhede, And after that to my doom procede. And thei anoon, as ye have herde me seie, To my desyre mekely gan obeie In al hast to don her besy cure Hem to dispoille of clothing and vesture, Liche as the statut of my dom hem bonde: In a poynt, thei nolde it not withstonde That I myght have ful inspeccioun Of forme and schap and eche proporcioun, For to discerne, as I can remembre, Avisely by ordre every membre And thanne at erst to jugen after right. But whanne that I of eche had a sight, I yaf to Venus the appil right anoon, Because sche was fairest of echon And most excellyng, sothly, in bewté, Most womanly and goodly on to se, As I dempte pleynly in my sight. For the stremys of hir eyen bright Iliche glade and egal evene of light Wern to that sterre that schewith toward nyght, Whiche callid is Esperus so schene, Venus hirsilf, the fresche lusty quene. The whiche anon, this hevenly emperesse, After my doom, of hertly highe gladnesse, That of the appil sche hooly hath the glorie And wonyn hit justly by victorie Rejoysched hir more than I can telle, That sche hir feris in bewté dide excelle. And sche in hast, of trewe affeccioun, Concluded hath fully for my guerdoun, Ful demurly, lowe and nat alofte, To Mercurye with sobre wordis softe, Devoide bothe of doubilnes and slouthe, Liche hir behest holde wil hir trouth. And sodeynly without more injurye Thei disapered, and the god Mercurie Streght to hevene the righte weye toke; And I anon out of my slepe awoke. Wherof, my lord, whom I most love and drede, Yif ye adverte and wysly taken hede That this behest, affermyd in certeyn, Was unto me assured nat in veyn Of goodly Venus, liche as I have tolde, Wherfore, I rede ye ben of herte bolde Me for to sende with strong and myghty hond Withoute abood into Grekis lond After the forme that I have yow seyde. And, I hope, ye schal be wel apayde, Whan I have sped, as Venus hath behight, And hom retourned with my lady bright: So schal ye best, me list nat speke in veyn, Beschaunge of hir your suster wynne ageyn, Whom Thelamoun withholden hath so yore. Lo, this is al; I can seye you no more Towching th'effect hooly of myn avis."   [After Paris recounts his dream, Deiphebus speaks in favor of sending him to capture a prisoner to exchange for Hesione, but Helenus, who has the power of prophecy, warns that Troy will be destroyed if Paris is sent. Troilus then speaks in favor of the expedition, urging the Trojans not to rest idly nor to presume to know God's hidden intents. The parliament recesses, and when it resumes the next day the mission is confirmed, despite further warnings by Pentheus and Cassandra. In May, Paris sets out with 3,000 knights and 22 ships. Along the way he happens across Menelaus who is sailing to visit Nestor, but the two proudly sail past each other, neither deigning to greet the other. Paris arrives at the harbor of Cythera, an island sacred to Venus (lines 2810-3434).]   Now in this ile of passyng excellence Ther was a temple of gret reverence That bilded was of olde fundacioun And most honoured in that regioun Thorughoute the lond bothe fer and ner - The feste day ay from yer to yer, Liche as it fil by revolucioun, Repeyryng theder of gret devocioun, In honour only of Venus the goddes, Whom the Grekis with al her besynes Honoured most of every maner age With giftes bringyng and with pilgrimage, With gret offeryng and with sacrifyse, As usid was in her paynym wyse. For in this phane, as thei knele and wake With contrit hert and her prayer make, The statue yaf of every questyoun Pleyn answer and ful solucioun, With cerymonyes to Venus as thei loute; Of everything that thei hadde doute Thei hadde ful declaracioun. And thus the Grekis upon Cytheroun Halwyn this fest with riche and gret array, With rytis due, as ferforthe as thei may, In hope fully the better for to thrive. And of fortune, whan he dide aryve Upon the lond by aventure or cas, The same tyme this feste halwed was Of many Greke commyng to and fro From every cost that to the temple go On pilgrimage her vowes to acquyte, Of the place the reliques to vesyte. And whan Paris dide this espie, He gadred out of his companye The worthiest that he chesen may; And to the temple he taketh the right waye Ful wel beseyn and in knyghtly wyse, And dide his honour and his sacrifyse Ful humblely to the Grekis liche; With many nowche and many jouwel riche, With gold and silver, stonys and perré He spendeth ther, liche to his degré, And quit hym manly in his oblaciouns; And devoutly in his orisouns He hym demeneth, that joye was to se. Now was Parys of passyng gret bewté Amonges alle that ever werne alyve: For ther was non that myght with hym strive, Troyan nor Greke, to speke of semlyhede, Wonder fresche and lusty, as I rede, And in his port ful lik a gentil knyght. Of whos persone for to han a sight Thei gan to prese bothe nyghe and fere, So ryally he had hym in his gere, And coveyte of highe estat and lowe What he was gretly for to knowe; And of his men thei aske besely Fro when he cam and the cause why Of his comyng, enqueryng on by on. But prudently thei kepte hem everychon, That nothing was openly espyed In her answere; so thei han hem guyed That everything kepid was secré; Everyche of hem was so avisee; Albe that somme oppenly declare What that he was and ne list not spare But tolde pleynly the cause of his commyng And how Priam, the stronge myghty kyng, His fader was, most royal of renoun, And how he cam also for Exyoun. Thus eche of hem gan with other rowne At pryme face whan he cam to towne, And therupon wer ymagynatyf, Sore musyng and inquisytif, Eche with other be suspecioun Demyng therof liche her oppinioun, And rathest thei that nothing ne knewe, As folkis don of thinges that be newe. And whiles thei of this mater trete In sondry wyse amonge her wordes grete, The fame of hem gan anoon atteyne To the eris of the Quene Eleyne, Nighe besyde in that regioun. And whan sche herd be relacioun And by report of hem that cam bytwene, This faire Eleyne, this fresche, lusty quene, Anon as sche the sothe undirstood Withoute tarying or any more abood Sche hasteth hir to this solempnité, The fresche folke of Frigye for to se - Wel mor, God wot, in hir entencioun To se Parys than for devocioun. Under colour of holy pylgrymage To the temple sche taketh hir viage With gret meyné and ryal apparaille, Parys to sen for sche wil nat faille. But, O allas, what lusty newe fyre Hath hir hert enflawmyd be desyre To go to vigiles outher to spectaclis! Noon holynes to heryn of myraclis Hath mevid hir, that ther schal befalle; But as the maner is of women alle To drawe thedir, platly to conclude, Where as thei be sure that multitude Gadrid is at liberté to se, Wher thei may finde opportunyté To her desyre, ful narwe thei awaite, Now covertly her eyne for to baite In place wher as set is her plesaunce, Now prively to have her daliaunce Be som sygne or castyng of an eye Or toknes schewyng in herte what thei drye, With touche of hondis stole among the pres, With arm or foot to cache up in her les Whom that hem list, albe he fre or bonde, Of nature thei can hym holde on honde - Ageyn whos sleight availeth wit nor myght: For what hem list, be it wrong or right, Thei ay acheve, who seyth ye or nay, Ageyn whos lust diffende him no man may. Thus Guydo ay of cursid fals delit To speke hem harme hath kaught an appetit Thorughoute his boke of wommen to seyn ille, That to translate it is ageyn my wille. He hath ay joye her honour to transverse; I am sory that I mote reherse The felle wordis in his boke yfounde. To alle women I am so moche bounde: Thei ben echon so goodly and so kynde, I dar of hem nat seyen that I fynde Of Guydo write thorughout Troye Book; For whan I radde it, for fer myn herte quoke; And verrailly my wittis gonne faille, Whan I therof made rehersaille. Liche his decert lat Guydo now be quit; For ye schal here anon how that he chit The Quene Eleyne, for cause that sche went With devoute hert hir offring to present To the temple of Venus the goddes; Thus, word by word, he seith to hir expres: "O mortal harme that most is for to drede! A, fraude ycast be sleight of wommanhede! Of every wo gynnyng, crop, and rote, Ageynes whiche helpe may no bote. Whan lust hath dryve in her hert a nail, Ay dedly venym sueth at the tail, Whiche no man hath power to restreyne; Recorde I take of the Quene Eleyne That hoote brent, allas, in hir desires Of newe lust to dele with straungeris Whom sche knewe nat ne never saw aforn, Wherthorugh, allas, ful many man was lorn, Of cruel deth embracid in the cheyne Withoute pité. Now, sey, thou Quene Eleyne, What gost or spirit, allas, hath mevid the Sool fro thi lord in swiche ryalté Oute of thin house to gon among the pres? Whi were thou wery to live at home in pes And wentist out straungeris for to se, Takyng noon hed unto thin honesté? Thou schust a kepte thi closet secrely And not have passed out so folily In the abscence of thi lorde, allas! Thou wer to wilful and rakil in this cas To sen aforn what schuld after swe; For al to sone thou wer drawe out of mwe, That koudist nat kepe at home thi boundis. Thou wentist out as hare among houndis For to be caught of verray wilfulnes, And thi desyre koudist not compesse; For thou thi lust list nat to refreyne. O many woman hath kaught in a treyne Her goyng oute swiche halwes for to seke; It sit hem bet hemsilven for to kepe Clos in her chaumbre and fleen occasioun: For never schip schulde in pereil drown, Nor skatre on rok, nor be with tempest rent, Nor with Karibdis devourid nor yschent, Nor gon to wrak with no wedris ille, Yif it wer kepte in the havene stille. For who wil not occasiouns eschewe Nor dredith not pereil for to swe, He most among of necessité, Or he be war, endure adversité; And who can nat hir fot fro trappis spare, Lat hir be war or sche falle in the snare: For harme ydon to late is to compleine. For yif whilom the worthi Quene Eleyne Hirsilven had kepte at home in clos, Of hir ther nadde ben so wikke a loos Reported yit, grene, fresche, and newe; Whos chaunce unhappi eche man oughte rewe, That cause was of swiche destruccioun Of many worthi and confusioun Of hir husbonde and many other mo On Grekis syde and on Troye also, In this story as ye schal after rede." And so this quene, as fast as sche may spede, To the temple hath the weye nome Ful rially; and whan that sche was come Ful devoutly withinne Cytheroun, Made unto Venus hir oblacioun In presence and sight of many on, With many jowel and many riche stoon. And whan Parys hadde this espied, To the temple anon he hath hym hyed Ful thriftely in al the hast he myght; And whan that he hadde first a sight Of the goodly, faire, fresche quene, Cupidis dart, that is whet so kene, Or he was war, hathe hym markid so That for astonyed he nist what to do, So he merveileth hir gret semlynes, Hir womanhed, hir port, and hir fairnes: For never aforne wende he that Nature Koude have made so faire a creature; So aungillyk sche was of hir bewté, So femynyn, so goodly on to se That he dempte, as by liklynes, For hir bewté to be som goddes. For his hert dide hym ay assure That sche was no mortal creature; So hevenly faire and so celestial He thought sche was in party and in al And considereth ful avisely Hir feturis in ordre by and by Ententifly withinne in his resoun, Everything by good inspeccioun: Hir golden her lik the schene stremys Of fresche Phebus with his brighte bemys, The goodlyhed of hir fresche face, So replevished of bewté and of grace, Evene ennwed with quiknes of colour Of the rose and the lyllie flour, So egaly that nouther was to wyte Thorugh noon excesse of moche nor to lite. Withinne the cerclyng of hir eyen bryght Was paradys compassid in hir sight, That thorugh a brest the bewté wolde perce. And certeynly, yif I schal reherse Hir schap, hir forme, and feturis by and by, As Guydo doth by ordre ceryously, From hed to foot, clerly to devise, I han non Englysche that therto may suffyse; It wil nat be - oure tonge is not lyke. I want flouris also of rethorik To sue his florischyng or his gey peynture, For to discrive so fayre a creature; For my colours ben to feble and feynt, That nouther can ennwe wel nor peint; Eke I am nat aqueintid with no mwse Of alle nyne: therfore I me excuse To you echon, nat al of necligence But for defaut only of eloquence, And you remitte to Guydo for to se How he discriveth bi ordre hir bewté; To take on me it were presumpcioun. But I wil telle how Parys up and doun Goth in the temple, and his eye cast Toward Eleyne, and gan presen fast, As he that brent hote in Lovys fyre, That was enflawmed gretly be desyre. And oft he chaungeth countenaunce and chere, And ever he neieth to hir ner and nere, Idarted thorugh with hir eyen tweyne. And ageynward the fresche Quene Eleyne As hote brent in herte pryvely, Albe no man it outward koude espie; For sche thought sche had never aforn Of alle men that ever yet wer born Sey non so fair nor like to hir plesance; On hym to loke was hir sufficiaunce. For in the temple sche toke hede of right nought But to compasse and castyn in hir thought How sche may cachen opportunyté With hym to speke at good liberté: This holly was al hir besynes. For hym sche felt so inly gret distres That ofte sche chaungeth countenaunce and hewe. And Venus hath marked hem of newe With hir brondes fired by fervence And inflawmed be sodeyn influence, That egaly thei wer brought in a rage. And save the eyen atwen was no message: Eche on other so fixe hath cast his sight That thei conseive and wisten anon right Withinne hemsilfe wat her herte ment. And nere to hir ever Parys went To seke fully and gete occasioun That thei myght by ful relacioun Her hertis conceit declare secrely. And so bifel that Paris neigheth nyghe To the place wher the Quene Eleyne Stood in her se, and ther atwen hem tweyne Thei broken out the somme of al her hert And yaf issu to her inward smerte. But this was don, list thei werne espied, Whan the peple was most occupied In the temple for to stare and gase, Now her, now ther, as it wer a mase. Thei kepte hem clos, that no worde asterte; Ther was no man the tresoun myght adverte Of hem tweyn ne what thei wolde mene; But at the last, Paris and this quene Concluded han with schort avisement Fully the fyn of her bothe entent And sette a purpos atwix hem in certeyn Whan thei cast for to mete ageyn. But list men had to hem suspecioun, Thei made an ende withoute more sermoun And depart, albe that thei wer lothe. And sobirly anoon this Paris goth Out of the temple, his hert in every part Wounded thorughout with Lovys fyré dart; To his schippis he halt the righte way.   [Paris gathers his men, and that night they rob the temple sanctuary of its jewels, killing all who oppose them and carrying off many Greeks as slaves. Paris goes to Helen, who accompanies him to his ship without a struggle. He then returns to plundering the island and sails back to Troy. Priam prepares a feast in honor of Paris's return. Helen meanwhile grows distraught as she realizes how isolated she is from her family and homeland. Paris comforts her and proposes to marry her. Helen accepts the fate the gods have prepared for her. Paris ceremoniously leads Helen into Troy, guiding her horse by the reins. The next day they are married in Pallas's temple. At the marriage feast, Cassandra foretells the destruction of Troy and names Helen as the cause. To end Cassandra's disruption, Priam casts her in prison. While the Trojans enjoy their good fortune, Menelaus hears word of the sack of the island, the slaughter of its defenders, and the abduction of his wife. Nestor sends for Agamemnon, Menelaus's brother, to comfort him (lines 3750-4336).]   "O brother myn, what wo, what hevynes, What dedly sorwe thus inly may oppres Your knyghtly hert or trouble youre manhede, More furiously ywis than it is nede; For though that right requered outerly Yow for to sorwe and had cause why, Yet, me semeth, by juste providence Ye schulde lightly dissymble youre offence: Sith eche wiseman in his adversité Schulde feyne cher and kepen in secré The inward wo that bynt hym in distresse, Be manly force rathest ther compesse The sperit of ire and malencolie, Where the peple it sonest myght espie. It is a doctrine of hem that be prudent That, whan a man with furie is torent, To feyne chere til tyme he se leyser That of vengaunce he kyndle may the fer; For sorwe outeschewid, yif I shal nat feine, Whoso take hede, it doth thinges tweyne: It causeth frendis for to sighe sore, And his enymyes to rejoische more. Thi frende in hert is sory of nature; Thin enemy glad of thi mysaventure. Wherfore in hert, whan wo doth most abounde, Feyne gladnes thin enmy to confounde And schewe in cher as thou roughtist nought Of thing that is most grevous in thi thought. And wher thou hast most mater to compleyne, Make ther good face and glad in port the feine; For into teris, though thou al distille And rende thisilfe, as thou woldest the spille, It helpith nat to aleggen thi grevaunce: For nouther honour nor pursut of vengaunce With sorwe makyng mow ben execut - Though it last ay, ther cometh thereof no frut. Men seyn how he that can dissymble a wrong, How he is slighe and of herte stronge; And who can ben peisible in his smerte, It is a tokene he hath a manly herte Nat to wepen as wommen in her rage, Whiche is contrarie to an highe corage. With word and wepyng for to venge oure peyne Be no menys to worschip to attayne; Lat us with swerde and nat with wordis fight; Oure tonge apese, be manhod preve oure myght: Word is but wynde, and water that we wepe; And though the tempest and the flodis depe Of this two encresen everemo, Thei may nat do but augmente oure wo; And to oure foon, therof whan thei here Bothe of oure dool and of oure hevy chere, Al is to hem but encres of joye. Wherfore, brothir, a while dothe acoye The cruel torment that byndeth yow so sore; For in proverbe it hath ben said ful yore That the prowes of a manly knyght Is preved most in meschef, and his myght: To ben assured in adversité, Strongly sustene what wo that it be, Nat cowardly his corage to submitte In every pereil, nor his honour flitte Thorugh no dispeire, but hopen alwey wel And have a trust, trewe as any stel, T'acheven ay what he take on honde. For finally I do you undirstonde That of hymsilfe who hath good fantasie To sette upon and putte in jupartie What that befalle (hap what happe may), Takyng what chaunce wil turnen on his play, The fyn of whiche gladly is victorie, Thei feile selde of the palme of glorie. And tyme is now, to speke in wordis fewe, O brothir myn, manhod for to schewe, To pluk up herte and you to make strong; And to venge your damages and youre wronge, We schal echon help and leye to honde - Kynges, dukes, and lordis of this londe - And attonys done oure besynes, I you behete, your harmys to redresse. And in dispit of whom that evere us lette, We schal us loge and oure tentis sette Evene in the felde afore Troye toun And leyne a sege to her distruccioun, Albe herof I sette as now no day. But, brothir, first, in al the haste we may, Lete make lettris, withoute more sermoun, To alle the lordis of this regioun, Of this mater touching youre villenye, To come togidre and schape remedie - This is th'effect of al that I can seyn."   [Menelaus follows Agamemnon's advice and dispatches letters to his kinsmen and allies. Achilles, Patroclus, Diomede, and others come to his aid. In open parliament they agree to be governed by Agamemnon. In the meantime, Helen's brothers, Castor and Pollux, take it upon themselves to avenge her abduction and set forth for Troy. A storm destroys their ship at sea and all hands drown, except the two brothers; one was sent to heaven and the other to hell, though some poets make up the story that they were made into stars. Dares the Phrygian, who passed between the camps during times of truce, wrote descriptions of all the principal characters; he says the following about Criseyde (lines 4428-4676).]   And overmore, to tellen of Cryseyde Mi penne stumbleth, for longe or he deyde My maister Chaucer dide his dilligence To discryve the gret excellence Of hir bewté, and that so maisterly, To take on me it were but highe foly In any wyse to adde more therto; For wel I wot, anoon as I have do, That I in soth no thanke disserve may Because that he in writyng was so gay - And but I write, I mote the trouthe leve Of Troye Boke, and my mater breve, And overpasse and nat go by and by, As Guydo doth in ordre ceryously. And thus I most don offencioun Thorughe necligence or presumpcioun: So am I sette evene amyddes tweyne! Gret cause have I and mater to compleyne On Antropos and upon hir envie That brak the threde and made for to dye Noble Galfride, poete of Breteyne, Amonge oure Englisch that made first to reyne The gold dewedropis of rethorik so fyne, Oure rude langage only t'enlwmyne. To God I pray that He his soule have, After whos help of nede I moste crave And seke his boke that is left behynde Som goodly worde therin for to fynde To sette amonge the crokid lynys rude Whiche I do write; as by similitude The ruby stant, so royal of renoun, Withinne a ryng of copur or latoun, So stant the makyng of hym, douteles, Among oure bokis of Englische pereles: Thei arn ethe to knowe, thei ben so excellent; Ther is no makyng to his equipolent; We do but halt, whoso taketh hede, That medle of makyng, withouten any drede. Whan we wolde his stile counterfet, We may al day oure colour grynde and bete, Tempere oure azour and vermyloun: But al I holde but presumpcioun - It folweth nat; therfore I lette be. And first of al I wil excuse me And procede as I have begonne And thorugh his favour certeyn, yif I konne, Of Troye Boke for to make an ende; And ther I lefte ageyn I wil now wende Unto Cryseyde; and though to my socour Of rethorik that I have no flour Nor hewes riche, stonys nor perré - For I am bare of alle coriousté Thorugh crafty speche to enbroude with her sleve - Yet for al that, now I wil not leve But ben as bolde as Baiard is, the blynde, That cast no peril what wey that he fynde; Right so wil I stumble forthe on hede For unkonnyng and take no better hede, So as I can, hir bewté to discrive. That was in soth of alle tho on lyve On the fayrest, this Calchas doughter dere; Therto of schap, of face, and of chere, Ther myghte be no fairer creature To highe nor to lowe, but mene of stature - Hir sonnysche her, liche Phebus in his spere, Bounde in a tresse, brighter thanne golde were, Doun at hir bak, lowe doun behynde, Whiche with a threde of golde sche wolde bynde Ful ofte sythe of acustummaunce; Therto sche hadde so moche suffisaunce Of Kyndes wirke withouten any were, And save hir browes joyneden yfere, No man koude in hir a lake espien. And, ferthermore, to speken of hir eyen, Thei wer so persyng, hevenly, and so clere, That an herte ne myght hymsilfe stere Ageyn hir schynyng, that thei nolde wounde Thorughout a brest, God wot, and biyonde. Also sche was, for al hir semlynes, Ful symple and meke and ful of sobirnes, The best norissched eke that myghte be, Goodly of speche, fulfilde of pité, Facundious, and therto right tretable, And, as seith Guydo, in love variable - Of tendre herte and unstedfastnes He hir accuseth, and newfongilnes.   [Dares tells how the King of Persia, a tall, fat, red-headed man with warts on his face, came to aid the Greeks; and then he turns to the Trojans, describing Priam and Hector before coming to Troilus (lines 4763-4860).]   But Troylus schortly yif I schal discryve, Ther was of hert non manlier on lyve Nor more likly in armys to endure: Wel woxe of heighte and of good stature, Yong, fresche, and lusty, hardy as a lyoun, Delivere and strong as any champioun, And perigal of manhod and of dede He was to any that I can of rede In doring do, this noble worthi knyght, For to fulfille that longeth to a knyght. The secunde Ector for his worthines He callid was and for his highe prowes Duryng the werre, he bare hym ay so wel; Therto in love as trewe as any stele, Secré and wys, stedefast of corage, The moste goodly also of visage That myghte be, and benigne of cher, Withoute chaunge, and of on hert entere. He was alwey feithful, just, and stable, Perseveraunt, and of wil inmutable Upon what thing he onys set his herte, That doubilnes myght hym nat perverte; In his dedis he was so hool and pleyn; But on his foon, the sothe for to seyn, He was so fers thei myght him nat withstonde Whan that he hilde his bloodly swerde on hond: Unto Grekis deth and confusioun, To hem of Troye help and proteccioun. And his knyghthod schortly to acounte, Ther myght in manhod no man him surmounte Thorugh the worlde, though men wolde seke To reknen al, Troyan nouther Greke, Noon so namyd of famus hardynes, As bokis olde of hym bere witnes; Excepte Ector, ther was nat swiche another.   [Dares continues his portraits with descriptions of Paris, Aeneas, Antenor, and other warriors and with descriptions of the Trojan women - Hecuba (man-like in appearance but the true example of femininity), Andromache, Cassandra, and Polyxena. These are all he described at this point, and I shall hurry on to the story of the war. In February, the Greeks assemble their ships at Athens. My author, Guido, gives a catalogue of which heroes came and how many ships they brought with them. Agamemnon calls a council and advises that Apollo be consulted at Delos. The Greeks send Achilles and Pirithous, and an explanation of the origin and history of idolatry is offered. Apollo tells Achilles that after ten years the Greeks shall conquer Troy and slay Priam's family. At that moment, Calchas, sent by Priam to consult the god, also appears, and he is advised not to go back to Troy but to join the Greeks. Returning to Athens, Achilles conveys the god's prophecy, and the Greeks accept Calchas. At the feast that Priam holds the next day, Calchas advises the Greeks to strike immediately. They set out in fair weather, but a storm soon strikes and Calchas uses his powers to assuage it. He explains that Diana must be appeased; she is angry at their setting out without first sacrificing to her. Putting in at Aulus, Agamemnon prepares to sacrifice his daughter, Iphigenia, in the temple, but Diana sets a hart in her place. The Greeks reach the boundaries of Troy and destroy the castle Sarobona, before landing at Tenedos, six miles from Troy. The Greeks lay siege to Tenedos and conquer it by force of their numbers. Agamemnon convokes the lords and kings to distribute the plunder according to their merits, and he addresses them as a body (lines 4896-6516)   "Sirs," quod he, "ful worthi of degré, Of verray right and necessité We be compelled, bothe highe and lowe, With al oure myght, liche as ye wel knowe, To redresse a thing that is amys: For thorugh the world, as it reportid is, We ben of force, of power, and of myght, Of worthines in every wighttes syght Most renomed and most worschipable, And idempte and juged for most able Of alle peples, and likliest to stonde For to parforme what we take on honde, Who that evere gruccheth or seyth nay. Yit me semeth, yif it be to your pay, Thilke power most is acceptable Unto goddis and lengest stondeth stable That is devoide of surquidie and pride; For it is kouthe uppon every syde, In eche lond, bothe of oon and alle, How many harmys and grevis han befalle Thorugh rancour only, pride and wilfulnes, So importable, as I coude expresse, That thorugh pride is ther don offence; The highe goddis make resistence To alle tho that be surquedous, Whiche is a vice so contrarius That it may in no place abide. And in good feith, manhood is no pride: For who that hath any acqueintaunce Outher by frenschip or by alyaunce With a prowde man, to be confederat With hym in herte, of highe or lowe estat, He nedis muste, whatever that he be, To many other of necessité Be lothsom first, enmy, and contraire; For nothing may a man so moche apaire As pride, in soth, in highe or lowe degré. Wherfore, I rede pleinly how that we This foule vice oute of our hert arrace, That our quarel may have the more grace; And specially that oure dedis alle Conveied ben, however that it falle, Be rightwesnesse more than volunté: For yif trouthe oure sothfast guyde be, Us to directe by his rightful lyne, Than oure quarel schal ay in honour schine And contune eke in ful felicité. And ferthermore, this knowen alle ye, How we ar come for to do vengaunce With oure frendschip and oure alliance Upon Priam for wrongis don of olde By hym and hyse, as I have ofte tolde; And hereupon we han his grounde itake, And some of his maked to awake With manful honde, and his castellis strong Ibete doun, that stonden have so longe, And take there the riches that we founde, And slawe his men with many blody wounde, And harmys mo don in his contré That I wot wel, yif her enmyté Was unto us gret and moche afore, I dar seie now it is in double more; That yif that thei avenged myghte be On us echon, anon ye schulde se Her gret ire, so cruel and so huge, Ben execute withoute more refuge. And yit, in soth, I wote thei han espied Oure beyng here; though we be nat askried Of hem as yit, I dar seyn outterly Thei are wel war that we ar faste by; And overmore, this wote I wel also, Of the harmys that we han hem do, The whiche as yit ben but fresche and grene, Yif thei wer strong and myghti to sustene, A werre on us anon thei wolde gynne. And yit the cité whiche thei ben inne Is wallid strong and tourid rounde aboute, That thei wene fully, oute of doute, With the meyné that thei have gadrid inne Of her alies, that we schal nat wynne Of hem but smal in werre nor in strif: For he in sothe hath a prerogatyf And avauntage, that in his contré Hymsilfe diffendith; namly, yif that he Be stuffid strong of frendis hym beside And of allies, where he doth abyde; Like as the raven with his fetheres blake Withinne his nest wil ofte tyme make Ageyn the faukon - gentil of nature - Ful harde diffence whiles he may dure, Or that he be venquissched and outtraied. And yit som while the faukon is delaied, Whils the raven besyde his nest doth fle Withinne his covert at his liberté; As every foule is froward to arest For to be daunted in his owne nest. And yit this wordis to you I nat sey In any wyse to putten in affray Youre knyghtly hertis, so manly and so stable, Nor that to you it schulde be doutable, But the Troiens that we schal confounde And her cité, in whiche thei habounde, Pleinly distroie, although that it be strong, And thei and alle that ben hem among Schal finally consumpte be with deth, Thorugh Grekis swerde yelden up the breth. But the cause, withouten any drede, Why I seye thus is that ye take hede For any pride or presumpcioun To adverte in youre discrecioun So prudently that resoun in this nede For any hast may oure bridel lede And so ordeyn, or we hennes wende, That laude and pris aftir in the ende May be reported, as I have devised: For many man that hath nat ben avised In his pursut, for lak of providence To sen toforn in his advertence What schulde falle, to deth it hath him broght: Swiche wilful hast wer good to be thoght Of us aforn be examynacioun And wel decut by revolucioun Of thingkyng ofte, that we nat repente. And first remembrith how that Priam sente To us but late only for Exyoun, That is yit holde of Kyng Thelamoun, Whiche was of us withoute avisement Undiscretly denyed by assent; Whiche hath to us be non avauntage But grounde and rote of ful gret damage. For yif that we thorugh wys purviaunce Of hir had maked delyveraunce, The harmys grete hadde ben eschewed, That aftir wern of Parys so pursewed In the temple of Cytherea, That bilded is beside Cirrea. The tresour gret also that he hadde, And jowellis that he with hym ladde Thene to Troie, and the gret riches, The slaughtre of men, and the hevynes That yit is made for the Quene Eleyne Thorughoute Grece, and the grete peyne Of Menelay - al had ben unwrought, Yif we hadde seyn this in oure thought Wisely aforn and Exyoun restored. Than had nat the harmys be so morid On us echon in verray sothfastnes, Nor spent oure labour so in ydelnes, Tresour nor good wasted so in veyn, Nor come so fer for to fecche ageyn The Quene Eleyne with costis importable, Withoute harmys, now ineschuable: And for al this yit ne wite we Whether to joye or adversité The thing schal turne that we be aboute, Sith ofte sithe dependent and in doute Is fatal thing, unsiker and unstable; And fro the gynnyng ofte variable The ende is seyn. Fortune can transmewe Hir gery cours, and therfore, to eschewe The harmys likly possible to falle, My conseil is, here among yow alle, Upon travail traveil to eschewe In this mater or we ferther swe: To Priamus withouten any more To sende first ageyn for to restore The Quene Eleyne, as right and resoun is, And other harmys don eke be Parys, Aftir his trespas and offencioun Justly to make restitucioun. Than may we alle in worschip and honour Retournen hom withoute more labour, Yif thei assent to don as we require; And oure axyng yif hem list nat here But folily of her wilfulnes Refusen it, than oure worthines Is double assured on a siker grounde, By juste title Troyens to confounde. With thinges two we schal ben underpight: First oure power, borne up with our right, Schal for us fight our quarel to dareyne, In balaunce to weye atwixe us tweyne To fyn that we schal be more excusid; For thei toforn han wilfully refusid Oure just proferes made to hem afore; And we schal be thorugh the world, therfore, Withoute spot of trespace or of blame, Of mysreport in hyndring of our name, Wher thei of foly schal ynoted be Of wilful wodnes, pleinly, wher that we Schal stonde fre oure power for to use; And every man schal us wel excuse, Though that we doon execucioun Be takyng vengaunce for her offencioun Of man and childe, of eche sect and age, That schal of deth holde the passage And be the swerd withouten mercy pace, Oon and other - ther is no better grace. But yit toforn, I conseil taketh hede That ye to hem alle mesour bede: This hold I best and most sikirnes; And werketh now be good avisenes Among yoursilf, and no lenger tarie."   [Ulysses and Diomede are chosen to carry Agamemnon's message to Troy, and they present the Greek demands with a rudeness calculated to offend Priam. Though himself driven to anger, Priam restrains his men, who wish to punish the messengers on the spot. After the ambassadors return, Agamemnon sends Achilles and Telephus to secure provisions from the island of Mysia. During the ensuing battle Telephus prevails on Achilles to spare the mortally wounded King of Mysia, Teuthras, who names Telephus as his heir because Telephus's father, Hercules, originally helped him secure the kingship. The book next recounts the kings and lords who come to the aid of Troy: Dares says that 32,000 knights and lords, besides those of India, flocked to Priam's city. King Palamedes, delayed earlier by illness, joins the Greeks at Tenedos. Diomede urges that the Greeks attack Troy immediately. When the Greeks arrive in force the next day, the Trojans sally forth to oppose their landing. The Greeks have no choice but to fight or be thrown back into the sea. Battle rages back and forth with terrible slaughter. First one side and then the other holds the advantage as heroes like Hector and Achilles enter the battle at decisive points and subsequently retire. At length, the Greeks are able to land their main force. Agamemnon decides on a place to establish the Greek camp, oversees the fortification, and sets a watch to guard the camp while his men rest in their tents before Troy (lines 6720-8702).]   And thus eche thing disposid as it ought, I wil procede to telle how thei wrought, Ceriously withoutyn and withinne, With youre support the thridde boke begynne.

Fortune's; (see note) changeable (see note) war                           will they not; (see note)   cause; truth       hardship siege died; (see note) broke; (see note)   lack skill; feel   Lest; feared   humble composing rhetorical figures unless wish     Bids Seeing joined to is due near and far Always before   Aided; writing instrument prepare   consecutively   is inappropriate     elaborateness scarcity; (see note)   elegant writer     follow his stylus (writing instrument); (see note)   grammarians   did not undertake Clio (muse of history); (see note)   (see note) correctness then lead back short or long [syllables] elaborateness             way; (see note) follow     construct the color black shading; (see note) depart immediately; (see note)   err                                                             lessened   (see note)   plain   By his direction; to build assaults; entirely foes towers surrounding made to be sought ingenious understanding; planning such as knew; geometry; (see note) were subtle; imagination planner quarrier builder; excellent   carve; incise; sculpt were; build   battlements; warlike cresting knowledge; head   polish it smooth vein-like roughnesses; rough surfaces sculptor patterns; portrait painter   lose color (see note)   To imitate; wood subtle; Pygmalion Apollo (Appelles); (see note) painting images   Darius Alexander the Great praise Persia   wood worker; (see note) knobs beautifully wrought cresting inside and out   practice mechanical; (see note) reputation distinguished   intended   attacked; (see note) war; furnished with battlements; (see note) examined by probing       built measured   themselves; (see note) Planned; site air soil strewn; (see note) level as a line         elegant masonry I know; (see note) for now read   square   too unlearned (see note) pertaining to; (see note) affirm equal truth (see note)     endure built before; (see note) Like; lost         in circuit; size reckon   were in height cubits (c.300 feet)       Mixed     incomparable   since   adorned shone; sun's shining furnished with battlements chosen; apart   circled around six     unequalled; (see note)     (see note)   was called       true glory fierce and cruel gargoyles carving     their foes to hinder catapults; (see note) assaults; events turrets; (see note) bears (see note) harts Elephants Wild oxen, bulls latten (brass-like alloy)   foes; evil threats Double towers over gates; ramparts Before; [were] made; shelter If portcullises (iron grating); (see note) dissuade; (see note) bars and bolts cast inside; shutting iron barriers; (see note) defense would not to force one's way inside (see note) was; (see note)     measured exceeded in height one same height     distinguish from one another   were each raised (built) recite carved knobs arches; shafts of columns straight vaulting; grotesque figures; (see note) corner work; pleasant cornices; (see note) Ornamental leaves; hollow mouldings; (see note)   account for them chosen for the occasion subtle   joints; bright   reflect off   burnished glitter (see note)     blow in gently (see note) advantageous     lively penetrate inhabitants refresh wished; entertain arrangement; (see note) plan; disposition compass; carpenter's squares polished; pillars   facade covered passages; turrets outward facing; shrines Vaulted; canopied beds; (see note) covered walks two by two     protect roofed; (see note) gargoyle   masonry; gutter extended Emptying gratings perforated; iron punctured breadth Like checkerboard kind of imagine; name sound judgment Decreed separated apart convenience (see note) jewelers themselves; embroiderers woolen; linen silk cloth   wish   battle ax maim crossbow bolts; pointed; (see note)   Bowmakers; arrow makers; (see note) could; smooth effort trappings for horses; (see note) Pound; surcoats banners; pennons small standards mentioned     middle convenience     it was named; inform (see note) many a mill     plentiful ingenious matchless planning   be able; conjecture curves; divert water pipes channels purification refuse all together     gutter discharged; hidden   device       producing         devised   do not know whether populate; (see note)       boroughs Gathered from hamlets dispersed (see note)       strangers   prudently (see note)       glorify; (see note)   (see note) color games     to the test tilting; tournament chance games   Mars's athletic practice fields; watches test; (see note) much subtlety covered with oil prize (see note) chess     studied ideas protective moves; problems; (see note)                 stop originated; Chaldea     dice; backgammon deceptive   one   by; (see note) is overthrown was near ruin (see note)   one; (see note) (see note) (see note) dice times favorable   (see note)   verse compositions             poverty             onset thrown made sacred (see note)   altar (see note) east   (see note) in elegant expressions   record   undertakings also   laurel as a reward for their (see note) Before; (see note)   (see note) reputation         destroy intent (see note) (see note)   corrosive (see note)     approached death         verses; torn furiously   dreadful; expression visors; (see note) facial expressions         (see note) Movement; facial expression   sad; (see note)     mixture of joy and sadness       hedges; (see note)       (see note) sanctified; performed (see note)     (see note) roughly compose     (see note) palace chosen; palace     ordered it to be built; rock     exactly (see note)     (see note) (see note)   multiplying it by three and one seventh     (see note)           built; (see note) extended (see note) improve stairs   limits (see note)     cinnabar   mixed wire orbit (sphere) window pane; (see note)             as long as it was wide       ebony         truly   jet (lignite); grow carved     (see note)       royal throne (see) precious jewels   throne   table perfectly   places for sitting estates (classes/ranks) appropriate table fixed to the floor; (see note) ivory; ebony       other (see note)   altar; (see note)   pure   Jupiter   cubits (c.25 feet); height   (see note) Richly adorned; (see note) mixed     carbuncle     its ruddy     in design (see note)     (see note)     beseech     faith health     Thinking; confidently     (see note)                     (see note) vassals     hear                                       unhappiness; (see note) chance; (see note)   unforeseen move you fate prudence foolish     (see note)   tormented; impulses     Clouded dull; judge     slip; (see note) go astray         Wisely; you lower nature       have     feigned (see note)   consideration   are busiest   before; aware   forgotten entirely   rumor takes to flight; slander intention suppose carelessly fervor withdraw themselves from Considering; prudently; (see note)   hasten him; move   surely; (see note)   wishes; (see note)   take heed peril too; (see note)               cast down; station; (see note)     resists; power of resistance tricky; cunning   net least expects trust   let; person; risk Lest; be stopped happiness or grief seldom; lets an undertaking go         (see note) plainly to ruin     read verses       will uncertainty; (see note)   unexpectedly   suppose   pattern   pen its crude verses                                   if you wish; (see note)   whole keep in bounds   animate         Nature; invested     (see note)       war; strife       ill will on competent opinion   Renowned one are anxious; (see note) increase     state unskilled instinct; (see note)   glad     burn; hot coal anything else     Tormented   before they think   advise   reflect   not only   end       benefit one after another     invented story     later; contention; (see note) truth; beginnings; to be feared greatly   given good fortune remain alike persist better         express my view   in no way   without care   begin; bring to ruin (see note) judgment     (see note)   abundant renowned     if peace (see note)     Hesione Telamon deliverance   advise; redeem her by chance more receive     end in two; part if she care; (see note)   feigning   at risk (see note) (see note)     duplicity Seeing that; security       end closed               destroy           pertains to; (see note)       put down overcome   fear   advise     Providing it be to your undertaking   get back again         determined carry off delay   Despite; resistence       promise   expelling design accomplish   (see note)     heed; (see note) despair recovery   entire   If; give; (see note) (see note) Point by point             Was dear to you; (see note) known between (see note)   advance beams drove; chariot     curved moon observed; sun's Near   to do away with chariot; (see note) awake         (see note)   Stirred   the moon of the chase   Cytherea (Venus) companions Determined; darkness fell     pertains   Dedicated   one         buck and doe slain hart hunted; hind dales sun's semicircular course   bright   strange event   parted; (see note) Alone; grey (aged) woods   (see note) run glade     Although; spurred thickets (see note) follow; (see note)     weary became   (see note) discolored driven           By chance; reached; dell; (see note)   velvet; (see note) (see note)   exhausted; weariness   bank           true weariness     (see note) dream; (see note)     Mercury somewhat; (see note) equipped   stick; wand around   It appeared to me       sweet ears opinion carried off; (see note) strange in appearance     Fulgentius; (see note) Mythologies poetic narratives symbolic meanings (see note) long stick, true       Foresee peril before schawm (instrument like oboe)   Signifies also sweet verses rhetoric   sweet lively sound   absolutely the guide for insight such; vigilant   curves (see note) bring back go astray   coiled   mad; angry   deceits; attack     (see note)   followers; (see note) doves; (see note) eyes mild   (see note) (see note) only     staining (see note)         inwardly   look dull and feeble feeble weakened; onslaught     floats     wave rough (see note) (see note) shield       olive tree (see note)       virtue strong Against   destroy   mingle; vengeance scraped smooth Lest             blue       (see note) mixed; woe; (see note) last of all   (see note)     offspring     Spread out stamped               moon; must an ebb tide follow; (see note)   Lest; (see note)       miserly; (see note) do not foresee the end   in no way       Will             gnawing   fear (see note) end are miserly and niggardly     he has no scruples     hiding generosity; (see note)       described guidance         wonderfully     table (see note)           apple     given     mistress   out of   devious; (see note) hasten     dissension   extinguished       burnished   split; (see note) possess       preeminence   opinion place of honor peer   behave prefers to bleared moon     (see note)     air proof (see note)   boxes [of cosmetics] are opened bids; (see note) drug Lest         unexpected happening one   you; Paris   judgment shall end (see note)     first, before reward (bribe)     give you         reward   You wish   reward; you       clarity       By right account equal in value         insure that you have; (see note)       before judge (see note) bewildered     Give no judgment unless (see note) carefully   was   judgment     exert themselves Themselves to strip; garments obligated refuse; (see note)         at first; (see note)   gave; immediately   (see note) to look upon judged (see note) Equally   Hesperus; bright         gained   companions   reward     duplicity promise wrongs; (see note)       (see note) consider promise confirmed   (see note) advise   delay; (see note)   satisfied promised   I do not wish to speak By exchanging for so long   wholly                                               by yearly repetition Returning   their   observed; pagan custom; (see note) temple; keep vigil       bow     on the island of Cythera Observe to the extent that     chance     country fulfill visit       (see note)       clasp precious stones   (see note) prayers behaves himself     contend     bearing     royally [they] desire             conducted themselves   cautious           Hesione whisper   filled with speculation       most readily novel           (see note)     Soon; truth delay   Phrygia     pretext; (see note) makes her way entourage   (see note)       moved     thither, plainly to say         feast [the eyes]     (see note) drew crowd; (see note) their snare Whomever places them                   speak against must cruel         fear     As he deserves; requited chided         (see note)   beginning, root, and branch be remedy   follows     burned hotly associate with   lost       Alone crowd peace   (see note) have stayed in; room     too; hasty foresee; follow hiding; (see note)   (see note)   restrain control trap saints to seek   temptation   shatter Charybdis; destroyed weathers If; harbor   pursue   Before foot; avoid Let; before       would not have been; reputation; (see note)           (see note)     taken     offering; (see note)       hastened worthily     sharpened Before; aware (see note)     thought; (see note)       judged (see note)         (see note)       hair; bright     full Evenly shaded; living reality         contained; (see note)   if   one by one     appropriate (see note)       shade         refer         push fast       draws close   in return (see note) Although; discern; (see note)     (see note)           effort   color   ardor   equally (see note) steadily knew         thought moves nearer   seat revealed; their suffering lest; discovered   gaze maze might escape perceive       object of their mutual   plan       (see note) he went directly                                                   certainly       feign; grievance; (see note) Since   bound By; contain       torn apart   fire; (see note) outwardly visible; lie             confuse appearance as if you did not care     bearing; dissemble; (see note) dissolve tear apart; kill yourself; (see note) alleviate; (see note)   may be carried out   conceal   peaceful; sorrow     great spirit   honor; gain               sorrow; (see note)   calm               waver despair     make; (see note)     (see note)   end seldom             immediately; purpose promise hindered us camp             the wrong done to you   (see note)                             moreover before           know truth   unless I write a book; depart shorten   point by point     between the two       (see note) rain down;           (see note) crude, rough lines comparison   brass alloy     easy to know; (see note) equal in value limp       Mix [with oil]; (see note)   It does not follow as a consequence; (see note)               jewels artfulness embroider   (see note) foresees no trouble; (see note) rashly; (see note) lack of skill   (see note) One of   (see note) Too tall; (see note) hair; sphere wire         Nature's; doubt; (see note) except that; joined together; (see note) fault discover     govern; (see note)     beauty   educated compassion Eloquent; capable of discussion   (see note) fond of novelty             describe; (see note)   prevail; (see note) grown; (see note) (see note) Agile worthy   derring-do           heart   gracious sincere       duplicity   against his foes; truth   held (see note) (see note)   excel   nor                                                                               wrong     person's honorable thought   undertake complains satisfaction     arrogance known       unbearable (see note)   excessively proud                   hateful damage (see note)   tear               remain; (see note)           captured     Demolished   slain   if their           carried out; remedy truth; know challenged     moreover     If     defended by towers think troops     truth; privilege   (see note) supplied       Against as long as he can Until; overcome   fly shelter threatening; seize overcome   to alarm     destroy                 notice     go hence praise; worthiness explained thoughtful   consideration (see note)     ripened by thought; (see note)   (see note)     reflection                               all would not have been done     increased         unbearable unavoidable know     Since often times     change fickle; avoid occur; (see note)     before; pursue   (see note)                     certain destroy upheld   to settle by combat     earlier proposals     slandering   madness         sex   under; pass     moderation offer   caution                                                           arranged   In due order (see note)