5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150 155 160 165 170 175 180 185 190 195 200 205 210 215 220 225 230 235 240 245 250 255 260 265 270 275 280 285 290 295 300 305 310 315 320 325 330 335 340 345 350 355 360 365 370 375 380

O Myghty Mars, that wyth thy sterne lyght In armys hast the power and the myght And named art from est til occident The myghty lorde, the god armypotent, That wyth schynyng of thy stremes rede By influence dost the brydel lede Of chevalry as sovereyn and patrown, Ful hoot and drye of complexioun, Irows and wood and malencolyk And of nature brent and coleryk, Of colour schewyng lyche the fyré glede, Whos feerce lokes ben as ful of drede As the levene that alyghteth lowe Down by the skye from Jubiteris bowe (Thy stremes ben so passyng despitous, To loke upon, inly furious, And causer art wyth thy fery bemys Of werre and stryf in many sondry rewmys), Whos lordschype is most in Caprycorn But in the Bole is thy power lorn And causer art of contek and of strif; Now for the love of Vulcanus wyf Wyth whom whylom thou wer at meschef take, So helpe me now, only for hyr sake, And for the love of thy Bellona That wyth the dwellyth byyownd Cirrea In Lebyelonde upon the sondes rede; So be myn helpe in this grete nede To do socour my stile to directe And of my penne the tracys to correcte Whyche bareyn is of aureat lycour But in thi grace I fynde som favour For to conveye it wyth thyn influence, That stumbleth ay for faute of eloquence For to reherse or writen any word; Now help, O Mars, that art of knyghthod lord And hast of manhod the magnificence. And Othea, goddesse of prudence, This wirke t'exsplyte that ye nat refuse But maketh Clyo for to ben my muse Wyth hir sustren that on Pernaso dwelle In Cirrea by Elicon the welle, Rennyng ful clere wyth stremys cristallyn And callyd is the welle Caballyn That sprang by touche of the Pegasee. And helpe also, O thou Calliope, That were moder unto Orpheus Whos dites wern so mellodyus That the werbles of his resownyng harpe Appese dyde the bitter Wyrdys scharpe Bothe of Parchas and Furies infernal And Cerberus so cruel founde at al; He coyede also beste, foule, and tree. Now of thy grace be helpyng unto me And of thy golde dewe lat the lycour wete My dulled brest that wyth thyn hony swete Sugrest tongis of rethoricyens And maistresse art to musicyens; Now be myn help t'enlumyne with this wirk Whyche am beset with cloudis dym and dirk Of ygnoraunce, in makyng to procede, To be lusty to hem that schal it rede. Also in hert I am so ful of drede Whan prudent lysters herto schal take hede, That in makyng more skylle can than I, To whom I preie ful benignely Of her goodnesse to have compassioun Wher as I erre in my translacioun. For God I take hyghly to wyttenesse That I this wirk of hertly lowe humblesse Toke upon me of entencioun, Devoyde of pride and presumpcioun, For to obeie withoute variaunce My lordes byddyng fully and plesaunce, Whiche hath desire, sothly for to seyn, Of verray knyghthod to remembre ageyn The worthynes, yif I schal nat lye, And the prowesse of olde chivalrie By cause he hath joye and gret deynté To rede in bokys of antiquité, To fyn only vertu for to swe Be example of hem and also for to eschewe The cursyd vice of slouthe and ydelnesse. So he enjoyeth in vertuous besynesse In al that longeth to manhood, dar I seyn; He besyeth evere, and therto is so fayn To hawnte his body in pleies marcyal Thorugh excersice t'exclude slouthe at al, After the doctrine of Vygecius: Thus is he bothe manful and vertuous, More passyngly than I can of hym write. I wante connyng his highe renoun t'endite, So moche of manhood men may in hym sen. And for to witen whom I wolde mene - The eldest sone of the noble Kyng Henri the Firthe, of knyghthood welle and spryng, In whom is schewed of what stok he grewe; The rotys vertu thus can the frute renewe; In every part the tarage is the same, Lyche his fader of maneris and of name, In sothefastnesse, this no tale is, Callid Henry ek, the worthy prynce of Walys, To whom schal longe by successioun For to governe Brutys Albyoun, Whyche me comaunded the drery pitus fate Of hem of Troye in Englysche to translate, The sege also, and the destruccioun, Lyche as the Latyn maketh mencioun, For to compyle and after Guydo make, So as I coude, and write it for his sake, By cause he wolde that to hyghe and lowe The noble story openly wer knowe In oure tonge, aboute in every age, And ywriten as wel in oure langage As in Latyn and in Frensche it is, That of the story the trouthe we nat mys No more than doth eche other nacioun: This was the fyn of his entencioun. The whyche emprise anoon I gynne schal In his worschip for a memorial. And of the tyme to make mencioun Whan I began of this translacioun, It was the yere, sothely for to seyne, Fourtene complete of his fadris regne, The tyme of yere, schortly to conclude, Whan twenty grees was Phebus altitude, The hour whan he made his stedis drawe His rosen chariet lowe under the wawe To bathe his bemys in the wawy see, Tressed lyche gold, as men myghte see, Passyng the bordure of oure occian; And Lucyna, of colour pale and wan Hir cold arysyng in Octobre gan to dyght T'enchace the dirknesse of the frosty nyght In the myddes of the Scorpion; And Esperus gan to wester doun To haste hir cours ageyn the morwe graye; And Lucifer, the nyght to voyde awaye, Is callyd than, messanger of day, Our emysperye to put out of affraye Wyth bright kalendis of Phebus upryst schene Out of the boundis Proserpina the Quene Wher Pluto dwelleth, the dirke regioun, And the Furies have her mansioun; Til after sone Appollo lyst nat tarie To take sojour in the Sagittarie. Whyche tyme I gan the prolog to beholde Of Troye Boke, imade be dayes olde, Wher was remembrid of auctours us beforn Of the dede the verreie trewe corn So as it fil severid from the chaf, For in her honde they hilde for a staf The trouthe only, whyche thei han compyled Unto this fyn - that we wer nat begyled Of necligence thorugh foryetilnesse. The whiche serpent of age by processe Engendred is fersly us t'assaille, Of the trouth to make us for to faille; For nere writers, al wer out of mynde, Nat story only but of nature and kynde The trewe knowyng schulde have gon to wrak And from science oure wittes put abak, Ne hadde oure elderis cerched out and sought The sothefast pyth, to ympe it in oure thought Of thinges passed, fordirked of her hewe But thorugh writyng thei be refresched newe, Of oure auncetrys left to us byhynde To make a merour only to oure mynde To seen eche thing trewly as it was, More bryght and clere than in any glas. For ner her writyng nowe memorial, Dethe with his swerde schulde have slayen al And ydymmed with his sodeyn schoures The grete prowes of thise conquerouris And dirked eke the brightnesse of her fame That schyneth yet by report of her name; For unto us her bokes represent Withoute feynynge the weie that thei went In her daies, whan thei wer alyve. Ageyn the trouthe whoso evere stryve Or counterplete or make any debate, The sothe is rad of highe or lowe estate Withoute favour, whoso list take hede. For after deth clerkis lityl drede After desert for to bere witnesse Nor of a tyraunt the trouthe to expresse, As men disserve withoute excepcioun; With lak or prys thei graunt hem her guerdoun. Wherfore me semeth every maner man Schulde be his live in al that ever he can For vertu only eschewe to don amys, For after dethe, pleynly as it is, Clerkis wil write, and excepte noon, The pleyne trouthe whan a man is goon. And by olde tyme for her writing trewe Thei cherisched werne of lordes that hem knewe And honoured gretly in tho dawes; For they enacted and gilte with her sawes Her hyghe renoun, her manhood and prowes, Her knyghthood eke and her worthynes, Her tryumphes also and victories, Her famous conquest and her songe glories; From poynt to poynt rehersyng al the trouthe Withoute fraude, necligence, or slowthe Thei dide her labour and her besynesse. For elles certeyn the grete worthynesse Of her dedis hadde ben in veyn; Fordirked age elles wolde have slayn By lenthe of yeris the noble worthi fame Of conquerours and pleynly of her name Fordymmed eke the lettris aureat, And diffaced the palme laureat Whiche that thei wan by knyghthod in her dayes, Whos fretyng rust newe and newe assayes For to eclipse the honour and the glorie Of highe prowes whiche clerkis in memorie Han trewly set thorugh diligent labour And enlumyned with many corious flour Of rethorik, to make us comprehende The trouth of al, as it was in kende; Besied hem, and feythfully travaylled Agayn al that that age wolde assaylled, In her bokes everythyng iset, And with the keye of remembraunce it schet, Whiche lasteth yet and dureth ever in oon. Recorde of Thebes that was so long agoon, Of whiche the rueyne and distruccioun Ye may beholde by gode inspeccioun, Crop and rote, right as it was indede; On Stace loketh, and ther ye may it rede: How Polynece and Ethiocles, The brether two, ne kowde nat lyve in pees Til Thebes was brought unto ruyne, And al the maner how thei dide fyne, The deth also of worthi Tydeus; And how Edippus with teris ful pytous Wepte oute his eyne and al his drery peyen; And how the smokys departid wer in tweyen At the fest of fires funeral. In grete Stace ye may reden al: The fyre engendered by brotherly hatrede, Wherthorugh that deth was the cruel mede In verray sothe of many worthi man Lyche as myn auctor wel reherse can; Of Troye also that was of latter yeres, By dillygence of cronycleris Ye may beholde in her wrytyng wel The stryfe, the werre, the sege, and everydel, Ryghte as it was, so many yeres passyd. Whos story yit age hath nought diffaced, Nor cruel deth with his mortal strokys; For maugre deth, ye may beholde in bokys The story fully rehersed new and newe And freschely floure of colour and of hewe From day to day, quyk and no thyng feynt. For clerkys han this story so depeynt That deth nor age by no maner weye The trouthe may not maken for to deye, Albe that somme han the trouthe spared In her writyng and pleynly not declared So as it was nor tolde out feithfully But it transformed in her poysy Thorugh veyn fables, whiche of entencioun They han contreved by false transumpcioun To hyde trouthe falsely under cloude, And the sothe of malys for to schroude, As Omer dide, the whiche in his writyng Ifeyned hathe ful many divers thyng That never was, as Guydo lyst devise, And thingys done in another wyse He hathe transformed than the trouthe was And feyned falsly that goddis in this caas The worthi Grekis holpen to werreye Ageyn Troyens, and howe that thei wer seye Lyche lyfly men amonge hem day by day. And in his dites that wer so fresche and gay With sugred wordes under hony soote His galle is hidde lowe by the rote, That it may nought outewarde ben espied. And al for he with Grekis was allied, Therfor he was to hem favourable In myche thing, whiche is nought commendable Of hem that lyst to demen after ryght; For in makyng, love hath lost his syght, To yeve a pris wher noon is disserved. Cupide is blynde, whos domys ben observyd More after lust than after equité Or after resoun, how the trouthe be. For singulerté and false affeccioun Reyseth ful ofte by veyne lausioun A man to worschip that disserveth noon, By false reporte; and thus ful many oon Withoute merit hath his fame blowe, Wher of another the renoun is unknowe, That in armys hath mervelles wrought Of whom paraunter speketh no man nought; For favour only is fostered more than ryght, That hyndered hath many worthi knyght. Ovide also poetycally hath closyd Falshede with trouthe, that maketh men ennosed To whiche parte that thei schal hem holde; His mysty speche so hard is to unfolde That it entriketh rederis that it se. Virgile also for love of Enee In Eneydos rehersyth moche thyng And was in party trewe of his writyng, Exsepte only that hym lyst som whyle The tracys folwe of Omeris stile. And of this sege wrot eke Lollius, But toforn alle Dares Frigius Wrot moste trewly after that he fonde, And Dytes eke of the Grekys lond. They were present and seyen everydel, And as it fel they write trewe and wel, Eche in his tonge by swyche consonaunce That in her bokys was no variaunce, Whiche after wern unto Athenes brought And by processe serched oute and sought By dillygence of oon Cornelius Whyche was nevewe unto Salustius, Of Rome yborn, whiche dide his dever dewe Hem to translate and the tracys sewe Of thise auctours by good avisement. But bycause he sette al his entent For to be brefe, he lefte moche behynde Of the story, as men in bokys fynde - The firste mevyng and cause original What was the gynnyng and rote in special; Ne how thei come by lond or by navie; How firste the sparke was kyndeled of envie Atwyxe Grekis and hem of Troye town, Of whiche Cornelye maketh no mencioun, Or her schippes nor of her vitaille; Nor how that Grece is called Gret Ytaille And the lasse, as bokys verrefye, Is named now the londe of Romanye; What noumbre of kynges and of dukes went Towarde the sege, al of oon assent, To wynne worschip and for excersise Of armys only in ful knyghtly wyse, Abydyng there to sen the versioun Of the cité and noble Yllyoun; Nor what the maner was of her armure; Nor at the sege who lengest dide endure; In what wyse eche other dide assaile; Nor how often thei metten in bataille; How mony worthi loste ther his lyf Thorough olde hatrede wrought up with newe strif; Nor of her dethe he dateth nat the yere, For his writyng was particuler; Withoute frute he was compendious, This forseyde Romeyne, this Cornelius. Wherfore but late in comparisoun Ther was an auctour of ful highe renoun That besied hym the tracys for to swe Of Dite and Dares, and cast hym nat transmwe In al the story a worde as in sentence But folweth hem by swyche convenience That in effecte the substaunce is the same; And of Columpna Guydo was his name, Whiche had in writyng passyng excellence. For he enlumyneth by crafte and cadence This noble story with many fresche colour Of rethorik, and many riche flour Of eloquence to make it sownde bet He in the story hathe ymped in and set, That in good feythe I trowe he hath no pere, To rekne alle that write of this matere, As in his boke ye may byholde and se. To whom I seie, knelyng on my knee: Laude and honour and excellence of fame, O Guydo maister, be unto thi name That excellest by sovereinté of stile Alle that writen this mater to compile. Whom I schal folwe as nyghe as ever I may That God me graunt it be unto the pay Of hym for whom I have undertake So as I can this story for to make, Preynge to alle that schal it rede or se Wher as I erre for to amenden me, Of humble herte and lowe entencioun Commyttyng al to her correccioun, And therof thanke; my wille is that thei wynne For thorugh her support thus I wil begynne.

who omnipotent rays of red light (see note) Angry and mad hot (burnt) like the burning coal; (see note) lightning that strikes Jupiter's spiteful inwardly angry cause; fiery war; realms (see note) Taurus (the bull); lost anger Venus; (see note) once; (see note) Mars's sister (goddess of war) you; beyond Cirra (near Delphi) land of Lybia; red sands need stylus (writing instrument) written words empty; golden fluid Unless always for lack write (see note) advance Clio (the muse of history); (see note) (see note) Syria; Helicon; (see note) (see note) (see note) Pegasus Calliope (muse of epic poetry) songs were melodies Fates (see note) (see note) He (Orpheus) calmed; beast; (see note) (see note) [You] sugar tongues illuminate how to proceed in composition lively to them who (see note) listeners Who know more art in composition meekly their (see note) truly true refinement For the purpose; pursue; (see note) them (see note) pertains to He is active; eager use; in warlike deeds Vegetius; (see note) lack the skill; to commend see know whom I mean (see note) Fourth power of the stock quality Like truthfulness; falsehood also; Wales (see note) gather; versify; (see note) wished were known (see note) goal undertaking at once; begin historical record truly (see note) degrees; (see note) waves beams; wavy sea ocean the moon prepare; (see note) Hesperus; to set in the west the morning star then hemisphere; alarm harbingers; rising brightly; (see note) territory of their soon; it pleases (see note) (see note) true grain; (see note) fell cut their hands; held end; deceived forgetfulness if there were no nature destruction searched; (see note) the substance of truth; implant darkened Unless were not their (see note) darkened; showers also; reputation argue against; dissension truth wishes worth have a rightful claim value; them their reward leave out were valued by those days gilded; their proverbs Their also sloth otherwise would have been Darkened; otherwise length Obscured also; golden ornamentation rust again; attacks elaborate nature; (see note) Busied themselves; worked diminish (see note) endures Remember ruin; (see note) Branch and root (i.e., the whole thing); (see note) Statius; (see note) Oedipus's sons Polynices and Etiocles peace died Oedipus eyes; pain two Through which; reward full truth chroniclers; (see note) so long ago marred despite again and again alive; not at all invented portrayed die Although poetry empty; (see note) transferring materials desire to injure; cloak Homer Fabricated chose to explain wage war seen living; them writings sweet bitterness; deeply hidden since them who wish to judge composing; blinded him ascribe worth whose judgments follow; (see note) what the truth is praise; (see note) honor who trumpeted; (see note) unknown perhaps (see note) clothed confused ensnares; (see note) Aeneas Aeneid traces (ideas) (see note) before according to what Dictys also saw everything as it happened with such agreement their; (see note) Cornelius Nepos; (see note) nephew; (see note) proper obligation follow the written words consideration (see note) Which was the beginning; source ship Between food; (see note) confirm land of Italy overthrow the citadel of noble Ilium (Troy) (see note) many a worthy man (see note) deaths incomplete follow the written words Dictys; determine not to alter substance rhythm better insert; (see note) believe; equal subject matter Praise (see note) closely liking (see note) compose in verse meek prosper