5           10           15         20           25           30         35           40           45           50         55           60           65         70           75           80           85         90           95           100         105

Most worthi prince, of knyghthod sours and welle, Whos highe renoun thorugh the world doth shine, And alle other in manhood dost excelle, Of merit egal to the worthi nyne, And born also by discent of lyne As rightful eyr by title to atteyne, To bere a crowne of worthi rewmys tweyne,   And also fer as Phebus in his spere From est to west shedeth his bemys bright And Lucyna, with a shrowdid chere, Goth compas rounde with hir pale light, Thou art rekned for the beste knyght, To be registred worthi as of name In the highest place of the hous of fame,   To holde a palme of knyghthod in thin hond For worthines and for highe victorie, As thou that art drad on se and lond, And evermore with laude, honour, and glorie, For just conquest to be put in memorie, With a crowne made of laurer grene Upon thin hed, tofore that famus quene -   Whilom ordeyned only for conquerours, Stable of herte, with longe perseveraunce, And gaf nat up til thei wer victours, Emprises take for no sodeyn chaunce, Whos name ay floureth with newe remembraunce And fadeth nat of yeris yore agoon, Amonge whiche thou maist be set for oon.   For thorugh the world in every regioun Reportid is with fame that fleth wyde That naturelly thi condicioun On thing begonne is knyghtly to abide And for the tyme manly sette aside Reste and ese, what cost theron be spent, Til thou have cheved the fyn of thin entent.   Most circumspect and passinge avysee, Al thi werkes conveied with prudence, Saad and demure, like to Josue Ageyn whos swerd is no resistence, And hast also hevenly influence, With Salomon wysly to discerne, Only be grace thi peple to governe;   Mercy eke meynt with thi magnificence, On alle oppressed for to have pité, And of rebelles be manly violence Abate canst the grete cruelté; And so with David thou hast kyngly pité And highe prowes with Sesar Julius, In his tyme most victorius.   And manly holdest in thin hondes two, Who can beholde by clere inspeccioun, The swerd of knyghthod and the scepter also: The ton to bring to subjeccioun Hertes made proude by fals rebellioun, And with the scepter to rewle at the beste Thi pore liges, that wolde live at reste.   Now, thou that haste manhod, vertu, and grace, Attemperaunce, fredam, and bounté, Lowly I praie, with a dredful face, Disdeyne nat benyngely to se Upon this boke rudely made by me, To fyn only to agreen thin highnesse, And rewe of merci upon my sympilnesse,   And eke in thi knyghtly advertence Considre and se, my sovereyn lord most dere, Of thi innat famous sapience That Crist Jesus received with good chere The twey mynutes yove of herte entere By the wydowe, whiche of wille and thought Gaf al hir good and kepte hirsilf right nought.   By whiche ensample, so that it nat offende Thorugh myn unkonnynge to thin highe noblesse, Late good wil my litel gift amende, And of thi mercy and renomed goodnesse Have no disdeyn of my bareyn rudnesse, And, in makyng though I have no Muse, Late trewe menyng the surplus al excuse.   More than good hert hath no maner wyght To presente nouther to God nor man, And for my part to the, as it is right, That gyf I hool as ferforthe as I can, Ay to persevere fro tyme that I gan, With wil and thought for thin estate to preie, Whiche to conserve thus finally I seie:   First of al, Almyghti God to queme With al that may be to His plesaunce, And to thi crowne and thi diademe Grace and good eure with long continuaunce, Of thi liges feithful obeisaunce, And eche vertu that man may specefie, I praye God graunte unto thi regalye!   Go, litel bok, and put the in the grace Of hym that is most of excellence; And be nat hardy to apperen in no place Withoute support of his magnificence; And whosoevere in the fynde offence, Be nat to bold for no presumpcioun: Thisilfe enarme ay in pacience And the submitte to her correccioun.   And for thou art enlumined with no floures Of rethorik but with white and blak, Therfore thou most abide alle showres Of hem that list sette on the a lak; And whan thou art most likly go to wrak, Ageynes hem thin errour nat diffende But humblely withdrawe and go abak, Requerynge hem al that is mys to amende.

fountainhead; (see note)     Nine Worthy; (see note) lineal descent       sphere       considered; (see note)   (see note)   hand   revered praise; (see note)   laurel before; (see note)   Long ago   gave Undertakings prospers long past you may be reckoned     travels swiftly       whatever realized; purpose   well contained; (see note) governed; (see note) Serious; sober; Joshua Against you have       also mixed; greatness of nature; (see note)   by Put down   Caesar         (see note) one     vassals   power   terrified expression kindly; look   For the purpose; please have pity; (see note)   also; reflection; (see note)   wisdom (see note) two mites given freely; (see note)   Gave; possessions     ignorance make amends for; (see note) renowned bare [of art and interest] poetic composition sincerity what remains; (see note)   person     give; completely to the extent began   preserve   please     luck     kingship   yourself; (see note)   presumptuous glory you   arm always yourself; (see note)   adorned; (see note)     wish; find fault with you come to ruin them   Asking them; amiss