5                    10                                15                    20                    25                    30                    35                    40                                45                    50                    55                                60                    65                        70                                75                    80                                85                                90                    95                                100                    105                    110                    115                    120                    125                    130                    135                                140                    145                        147 148 149 150 151 152 153 154 155 156    157 158 159 160 161 162 163    164 165 166    167    168 169    170 171        172 173    174    175    176 177 178 179 180    181 182 183    184    185 186    187    188    189    190    191    192    193 194

Introibo Wyth all myn hool herte enter, Tofore the famous riche auter Of the myghty God of Love, Whiche that stondeth high above, In the chapel of Cytheron, I will, wyth gret devocion, Go knele and make sacrifyse, Lyke as the custom doth devyse, Afor that God preye and wake, Of entent I may be take To hys servyse, and there assure, As longe as my lyf may dure, To contune as I best kan, Whil I lyve, to ben hys man. Confiteor I am aknowe and wot ryght well, I speke pleynly as I fel, Touchynge the grete tendyrnesse Of my youthe, and my symplesse, Of myn unkonyng and grene age, Wil lete me han noon avantage; To serve Love I kan so lyte, And yet myn hert doth delyte Of hys servauntys forto here, By exaumple of hem I myghte lere To folowe the wey of ther servyse, Yif I hadde konnyng to devyse, That I myght a servant be, Amongys other in my degré; Havynge ful gret repentaunce That I non erste me gan avaunce In Love court, myselfe to offre, And my servyse forto profre, For fer of my tender youthe; Nouther be Est, nouther by Southe, Lyst Daunger putte me abake, And Dysdeyn to make wrake, Wolde hyndre me in myn entente; Of al this thyng I me repente As my conscience kan recorde, I sey lowly, Myserycorde. Misereatur By God of Lovys ordynaunce, Folkys that have repentaunce, Sorowful in herte, and nothyng lyght, Whiche ha nat spent ther tyme aryght, But wastyd yt in ydelnesse, Only for lake of lustynesse, In slep, slogardye, and slouthe, Of whom ys pyté and gret routhe; But when they repente hem ageyn Of al ther tyme spent in veyn, The God of Love thorgh hys myght - Syth that mercy passeth ryght - Ther mot acceptyd be to grace, And pute daunger out of place; This, the wyl of Dame Venus And of hyr bisshop, Genius. Officium In honour of the god Cupide, First that he may be my guyde; In worshepe eke of the pryncesse, Whyche is lady and maystresse: By grace they may for me provyde, Humble of herte, devoyde of pryde, Envye and rancour set asyde, Withoute change or doubilnesse. In honour of the [god Cupide,] first that he [may be my guyde.] Joye and welfare in every tyde Be gove to hem, wherso they byde, And give to hem grace on my dystresse, To have pyté of ther hyghnesse, For in what place I go or ryde. In honour [of the god Cupide,] first that [he may be my guyde.] Kyrie Mercy, mercy, contynuely I crye, In gret disjoynt, upon the poynt to deye, For that pyté ys unto me contrayre, Daunger my fo, Dysdeyn also, whylk tweye Causen myn herte, of mortal smert, dyspeyre, For she that ys fayrest, ywys, of fayre, Hath gladnesse of my syknesse to pleye, Thus my trouble, double and double, doth repayre. Christe Repeyreth ay, which, nyght nor day, ne cesseth nought, Now hope, now dred, now pensyfhede, now thought, As thyse yfere palen myn chere and hewe, Yet to hyr grace, ech hour and space, I ha besought; Hyr lyst nat here for hyr daunger doth ay renewe1 Towardys me, for certys, she lyst nat rewe Up on my peyne, and thus my cheyne ys wrought, Which hath me bounde never to be founde untrewe. Kyrie Untrewe, nay, to se that day, God forbede! Voyde slouthe, kepe my trouthe in dede, Eve and morowe, for joye or sorowe, I have behyght, Til I sterve, evere to serve hir womanhede; In erthe lyvynge ther is nothyng maketh me so lyght. For I shal dye ne but wer hir mercye mor than ryght, Of no decertys, but mercy certys, my journé spede. Adieu al play, thus may I say, I, woful wyght. Gloria in excelsis Worsshyppe to that lord above That callyd ys the God of Love; Pes to hys servantes everychon, Trewe of herte, stable as ston, That feythful be. To hertes trewe of ther corage, That lyst chaunge for no rage, But kep hem in ther hestys stylle In all maner wedris ylle, Pes, concord, and unyté. God send hem sone ther desyrs, And reles of ther hoote fyrs That brenneth at her herte sore, And encresseth more and more, This my prayere. And aftyr wynter wyth hys shourys God send hem counfort of May flourys, After gret wynd and stormys kene, The glade sonne with bemys shene May appere. To give hem lyght after dyrknesse, Joye eke after hevynesse, And after dool and ther wepynge, To here the somer foulys synge, God give grace. For ofte sythe man ha seyn A ful bryght day after gret reyn, And tyl the storme be leyd asyde, The herdys under bussh abyde, And taketh place. After also the dirke nyght, Voyde of the mone and sterre lyght, And after nyghtys dool and sorowe, Folweth ofte a ful glade morowe, Of aventure.By chance Now lorde that knowest hertys alle Of lovers that for helpe calle, On her trouthe of mercy rewe, Namely on swyche as be trewe, Helpe to recure.restore Amen. The Oryson Most myghty and most dredful lord, That knowest hertys fals and trewe, As wel ther thynkyng as ther word, Bothe of lovers olde and newe, Of pyté and of mercy, rewe On thy servauntes that be stable, And make ther joye to renewe, Swich as wyl never be chaungable. The Epystel in Prose From the party of the por plentyf in love, wyth many yers of probacon pro- fessyd to be trewe, to all the holy fraternite and confrary of the same bretherhede; and to alle hospytlerys and relygious, nat spottyd nor mad foul wyth no cryme of apostasye, nouthyr notyd nor atteynt with no double face of symulacon, nor con- streyned countenaunce of ypocrysé: to alle swiche chose chyldre of stabylnesse -- wyth oute variaunce of corage or of herte -- joye, elthe, and long prosperyte, wyth perfeccon of perseveraunce in ther trouthe perpetually t'abyde. Experyence techeth that pilgrymes and folkes customable to vyage, whan they underfange any long weye wiche that ys laboryous, somwhile of consuetude and custom they use a maner to reste on ther wey, of entent to wype and wasshe away the soot of ther vysages. And sum also usen to ley adoun the hevy fardellys of ther bake forto alleggen ther wery lemys of her grete berthene. And some outher usen to gadryn wyne; and some to drynken outher water or wyn of ther botell or goordys to asswage the grete dryhnesse of ther gredy thruste. And somme of hem somwhile rekne and accounten how myche they ha passyd of ther journe; and sodeynly tourne ageyn ther bakkys towardys som notable seteys, which they of newe be par- tyd fro. And therwyth al recorden and remembren hem of cytes, castelles, and touns which they ha passyd by, and nat forgete hylles, ne valeys, dygne to be put in remembraunce of hyt for a memoryal. Some entytlen hem in smale bookes of report or in tabylys to callen hem to mynde whan they sene her tyme. And som ought callen to mynde grete ryvers and smale, and pereylles of the see that they ha passyd by. And whan they han alle accountyd and ageyn relatyd the partyes passyd of her journé, of newe they take to hem force, vigour, and strengthe myghtyly, wythoute feyntyse, to performe and manly to acomplysshe the resydue and the remnaunt of her labour. And thus I, in semblable wyse, al the tyme of my lyf, from my grene tendre youthe and tyme that I hadde yerys of dyscrecon, beynge, and contynuynge as an errynge pylgrym in the servyse of the myghty and dredful God of Love, how many perylous passages and wayes that I ha passyd by! How ofte, in compleynynge, I have setyn don to wypen away the soot of myn inportable labour, and dronken ever among of my botell and goordes the bytter drynkes of drerynesse and, ofte sythes, assayed to casten adoun the inportable fardel of myn hevy thoughtys. And amongys al this thyngys, lookyd bakward to consydren and sen the fyn and the ende of my worthy bretheren and predecessours in love that ha passyd the same pilgrymage toforn. And ther I ha founden and seyn the grete trouthe of Troylus, perseverant to hys lyves ende, the trewe, stable menyng of Penalope, the clennesse of Polycene, the kyndenesse of Dydo, quen of Cartage, and rad also ful often in my con- templatyf medytacons, The Holy Legende of Martyrs of Cupydo, the secre trouthe of Trystram and Ysoude, and the smale gerdouns of woful Palamydes. All thyse, and an hondryd thousand mo, callyd to mynde me semeth amonges all I am on of the most forsake, and ferthest set behynde of grace, and moste hyndred to the mercy of my lady dere, nat wythstondynge the grete party of my pilgrymage that I ha don. But that I shal evere, for lyfe or deth, contynue and persevere, trewe to my lyves ende, besechynge ful lowly to alle yow my brethere unto whom thys lytel epystel ys dyrect, that yt lyke yow of pyté amonge your devout observaunces to han me recomendyd with som especial memorye in your prayers that yet, or I dye, I may sum mercy fynde, or that the God of Love enspyre my ladyes herte, of hys grace, what I endure for hyr sake.

entire; (see note) Before; altar Venus (Citherea) keep vigil taken last continue servant I confess and know; (see note) feel Concerning simplicity naiveté have no know so little them; learn skill before fear Neither by discord humbly, Mercy (see note) (see note) vitality indolence; sloth must; (see note) disdain (see note) (see note) also (see note) at all times given; reside because of; high rank (see note) (see note) distress; just about which two anguish return Return always anxiety together make pale have deserves not [to have] pity Avoid promised die cheerful Of no merit Goodbye (see note) intention passion promises continually weathers ill (bad) unity release from their hot fires burn showers flowers bright give them also torment hear; birds many times; has seen (see note) herds Devoid doleful (see note) Who From; have pity (see note) (see note)