5                        10                        15                    20                        25                        30                    35                        40                        45                        50                    55                        60                        65                    70                        75                        80                        85                    90                        95                        100                    105                        110                        115                        120                    125                        130                        135                    140                        145                        150                        155                    160                        165                        170                    175                        180                        185                        190                    195                        200                        205                    210                        215                        220                        225                    230                        235                        240                    245                        250                        255                        260                    265                        270                        275                    280                        285                        290                        295                    300                        305                        310                    315                        320                        325                        330                    335                        340                        345                    350                        355                        360                        365                    370                        375                        380                    385

Electus Cristi, pie Rex Henrice, fuisti, Qui bene venisti cum propria regna petisti, Tu mala vicisti que bonis bona restituisti, Et populo tristi nova gaudia contribuisti. Est michi spes lata quod adhuc per te renovata Succedent fata veteri probitate beata; Est tibi nam grata gracia sponte data.1 O worthi noble kyng, Henry the ferthe, In whom the glade fortune is befalle The poeple to governe uppon this erthe, God hath thee chose, in comfort of ous alle: The worschipe of this lond, which was doun falle, Now stant upriht thurgh grace of thi goodnesse, Which every man is holde forto blesse. The highe God of His justice allone, The right which longeth to thi regalie, Declared hath to stonde in thi persone, And more than God may no man justefie. Thi title is knowe uppon thin ancestrie, The londes folk hath ek thy riht affermed: So stant thi regne of God and man confermed. Ther is no man mai seie in other wise That God himself ne hath thi riht declared; Whereof the lond is boun to thi servise, Which for defalte of help hath longe cared. Bot now ther is no mannes herte spared To love and serve and wirche thi plesance, And al is this thurgh Godes pourveiance. In alle thing which is of God begonne Ther folwith grace, if it be wel governed; Thus tellen thei whiche olde bookes conne, Whereof, my lord, Y wot wel thow art lerned. Axe of thi God, so schalt thou nought be werned Of no reqweste whiche is resonable; For God unto the goode is favorable. Kyng Salomon, which hadde at his axinge Of God what thing him was levest to crave, He ches wisdom unto the governynge Of Goddis folk, the whiche he wolde save: And as he ches, it fel him forto have; For thurgh his wit, whil that his regne laste, He gat him pees and reste unto the laste. Bot Alisaundre, as telleth his histoire, Unto the God besoghte in other weie: Of all the world to winne the victoire, So that undir his swerd it myht obeie. In werre he hadde al that he wolde preie; The myghti God behight him that beheste: The world he wan and had it of conqweste. Bot thogh it fel at thilke time so, That Alisandre his axinge hath achieved, This sinful world was al paiene tho, Was non which hath the hihe God believed. No wondir was thogh thilke world was grieved: Thogh a tiraunt his pourpos myhte winne, Al was vengance and infortune of sinne. Bot now the feith of Crist is come a place Among the princes in this erthe hiere, It sit hem wel to do pité and grace. Bot yit it mot be tempred in manere: For as thei finden cause in the matiere Uppon the point, what aftirward betide, The lawe of riht schal noght be leid aside. So mai a kyng of werre the viage Ordeigne and take, as he therto is holde, To cleime and axe his rightful heritage In alle places wher it is withholde. Bot other wise if God himsilve wolde Afferme love and pes betwen the kynges, Pes is the beste, above alle erthely thinges. Good is t'eschue werre, and natheles A kyng may make werre uppon his right, For of bataile the final ende is pees. Thus stant the lawe, that a worthi knyght Uppon his trouthe may go to the fight; Bot if so were that he myghte chese, Betre is the pees, of which may no man lese. Sustene pes oghte every man alyve: First for to sette his liege lord in reste, And ek these othre men that thei ne stryve, For so this world mai stonden ate beste. What kyng that wolde be the worthieste, The more he myghte oure dedly werre cesse, The more he schulde his worthinesse encresse. Pes is the chief of al the worldes welthe, And to the Heven it ledeth ek the weie; Pes is of soule and lif, the mannes helthe Of pestilence, and doth the werre aweie. My liege lord, tak hiede of that Y seie: If werre may be left, tak pes on honde, Which may noght be withoute Goddis sonde. With pes stant every creature in reste; Withoute pes ther may no lif be glad; Above alle othre good, pes is the beste; Pes hath himself whan werre is al bestad; The pes is sauf, the werre is ever adrad: Pes is of al charité the keie, Which hath the lif and soul forto weie. My liege lord, if that thee list to seche The sothe essamples that the werre hath wroght, Thow schalt wiel hiere of wisemennes speche, That dedly werre turneth into noght; For if these olde bokes be wel soght, Ther myght thou se what thing the werre hath do, Bothe of conqueste and conquerer also. For vein honour or for the worldes good, Thei that whilom the stronge werres made, Wher be thei now? Bethenk wel in thi mod, The day is goon, the nyght is derk and fade; Her crualté, which mad hem thanne glade, Thei sorwen now and yit have noght the more; The blod is schad which no man mai restore. The werre is modir of the wronges alle: It sleth the prest in Holi Chirche at Masse, Forlith the maide and doth here flour to falle; The werre makth the grete citee lasse, And doth the Lawe his reules overpasse. There is no thing wherof meschef mai growe, Which is noght caused of the werre, Y trowe. The werre bringth in poverté at hise hieles, Wherof the comon poeple is sore grieved. The werre hath set his cart on thilke whieles Wher that Fortune mai noght be believed; For whan men wene best to have achieved, Ful ofte it is al newe to beginne: The werre hath no thing siker, thogh he winne. Forthi, my worthi prince, in Cristes halve, As for a part whos feith thou hast to guide, Leie to this olde sor a newe salve, And do the werre awei, what so betide. Pourchace pes and sette it be thi side, And suffre noght thi poeple be devoured; So schal thi name ever after stonde honoured. If eny man be now, or ever was, Agein the pes thi prevé counseillour, Lete God ben of thi counseil in this cas, And putte awei the cruel werreiour; For God, which is of man the creatour, He wolde noght men slowe His creature Withoute cause of dedly forfeture. Wher nedeth most, behoveth most to loke: Mi lord, how so thi werres ben withoute, Of time passed who that hiede toke, Good were at hom to se riht wel aboute; For everemor the werste is forto doute. Bot if thou myghtest parfit pes atteigne, Ther schulde be no cause forto pleigne. Aboute a kyng good counseil is to preise Above alle othre thinges most vailable; Bot yit a kyng withinne himself schal peise, And se the thinges that ben resonable, And ther uppon he schal his wittes stable, Among the men to sette pes in evene, For love of Him which is the Kyng of Hevene. Ha, wel is him that schedde never blod, Bot if it were in cause of rihtwisnesse; For if a kyng the peril undirstod What is to sle the poeple, thanne Y gesse, The dedly werres and the hevynesse, Wherof the pes distourbid is ful ofte, Schulde at som time cesse and wexe softe. O kyng, fulfild of grace and of knyghthode, Remembre uppon this point for Cristes sake: If pes be profred unto thi manhode, Thin honour sauf, let it noght be forsake, Though thou the werres darst wel undirtake; Aftir reson yit tempre thi corage, For lich to pes ther is non avantage. My worthi lord, thenke wel, how so befalle, Of thilke lore, as holi bokes sein: Crist is the heved and we ben membres alle, Als wel the subgit as the sovereign. So sit it wel that charité be plein, Which unto God himselve most acordeth, So as the lore of Cristes word recordeth. In th'Olde Lawe, er Crist Himself was bore, Among the Ten Comandementz Y rede How that manslaghtre schulde be forbore; Such was the will that time of the Godhede. And aftirward, whanne Crist tok His manhede, Pes was the ferste thing He let do crie Agein the worldes rancour and envie. And er Crist wente out of this erthe hiere, And stigh to hevene, He made His testament, Wher He beqwath to His disciples there And gaf His pes, which is the foundement Of charité, withouten whos assent The worldes pes mai never wel be tried, Ne love kept, ne lawe justefied. The Jewes with the paiens hadden werre, Bot thei among hemself stode evere in pes; Whi schulde thanne oure pes stonde oute of herre, Which Crist hath chose unto His oghne encres? For Crist is more than was Moises, And Crist hath set the parfit of the lawe, The which scholde in no wise be withdrawe. To give ous pes was cause whi Crist dide; Withoute pes may no thing stonde availed; Bot now a man mai sen on everi side How Cristes feith is every dai assailed, With the paiens destruid, and so batailed That for defalte of help and of defence, Unethe hath Crist His dewe reverence. The righte feith to kepe of Holy Chirche, The firste point is named of knyghthode, And everi man is holde forto wirche Uppon the point which stant to his manhode. Bot now, helas, the fame is sprad so broode, That everi worthi man this thing compleigneth, And yit ther is no man which help ordeigneth. The worldes cause is waited overal; Ther ben the werres redi to the fulle. Bot Cristes oghne cause in special, Ther ben the swerdes and the speres dulle; And with the sentence of the popes bulle As forto do the folk paien obeie, The chirche is turned al an other weie. It is to wondre above a mannys wit, Withoute werre, how Cristes feith was wonne; And we that ben uppon this erthe yit, Ne kepe it noght as it was first begonne. To every creature undir the sonne Crist bad Himself how that we schulden preche, And to the folk His evangile teche. More light it is to kepe than to make; Bot that we founden mad tofore the hond, We kepe noght, bot lete it lightly slake. The pes of Crist hath altobroke his bond; We reste ourselve and soeffrin every lond To slen ech other as thing undefendid: To stant the werre, and pes is noght amendid. Bot thogh the Heved of Holy Chirche above Ne do noght al His hole businesse Among the men to sette pes and love, These kynges oughten of here rightwisnesse, Here oghne cause among hemself redresce; Thogh Petres schip as now hath lost his stiere, It lith in hem that barge forto stiere. If Holy Cherche, after the dueté Of Cristes word, ne be noght al avysed To make pes, acord, and unité Among the kinges that ben now devised, Yit natheles the lawe stant assised Of mannys wit to be so resonable, Withoute that, to stonde hemselve stable. Of Holy Chirche we ben children alle, And every child is holden forto bowe Unto the modir, how that ever it falle, Or elles he mot reson desalowe; And for that cause a knyght schal ferst avowe The right of Holi Chirche to defende, That no man schal the previlege offende. Thus were it good to setten al in evene, The worldes princes and the prelatz bothe, For love of Him which is the King of Hevene; And if men scholde algate wexe wrothe, The Sarazins, whiche unto Crist be lothe, Let men ben armed agein hem to fighte, So mai the knyht his dede of armes righte. Uppon thre pointz stant Cristes pes oppressed: Ferst Holy Cherche is in hersilf divided, Which oughte of reson first to be redresced; Bot yit so highe a cause is noght decided. And thus whan humble pacience is prided, The remenant, which that thei schulden reule, No wondir is though it stonde out of reule. Of that the heved is siek, the limes aken: These regnes that to Cristes pes belongen, For worldes good, these dedly werres maken, Whiche helpples as in balance hongen; The heved above hem hath noght undirfongen To sette pes, bot every man sleth other, And in this wise hath charité no brother. The two defaltes bringen in the thridde, Of mescreantz, that sen how we debate; Betwene the two thei fallen in amidde, Wher now aldai thei finde an open gate. Lo, thus the dedly werre stant algate. Bot evere Y hope of Kyng Henries grace, That he it is which schal the pes embrace. My worthi noble prince and kyng enoignt, Whom God hath of His grace so preserved, Beholde and se the world uppon this point, As for thi part, that Cristes pes be served; So schal thin highe mede be deserved To Him which al schal qwiten ate laste, For this lif hiere mai no while laste. See Alisandre, Ector, and Julius, See Machabeu, David, and Josue, See Charlemeine, Godefroi, Arthus, Fulfild of werre and of mortalité. Here fame abit, bot al is vanité; For deth, which hath the werres under fote, Hath mad an ende of which ther is no bote. So mai a man the sothe wite and knowe, That pes is good for every king to have; The fortune of the werre is evere unknowe, Bot wher pes is, ther ben the marches save. That now is up, to morwe is under grave; The mighti God hath alle grace in honde, Withouten Him pes mai nought longe stonde. Of the tenetz to winne or lese a chace, Mai no lif wite er that the bal be ronne; Al stant in God what thing men schal pourchace: Thende is in him er that it be begonne. Men sein the wolle, whanne it is wel sponne, Doth that the cloth is strong and profitable, And elles it mai never be durable. The worldes chaunces uppon aventure Ben evere sett, bot thilke chaunce of pes Is so behoveli to the creature, That it above alle othre is piereles. Bot it mai noght be gete, natheles, Among the men to lasten eny while, Bot wher the herte is plein withoute guyle. The pes is as it were a sacrement Tofore the God, and schal with wordes pleine, Withouten eny double entendement, Be treted, for the trouthe can noght feine. Bot if the men withinne hemself be veine, The substance of the pes may noght be trewe, Bot every dai it chaungeth uppon newe. Bot who that is of charité parfit, He voideth alle sleightes ferr aweie, And sett his word uppon the same plit Wher that his herte hath founde a siker weie; And thus whan conscience is trewly weie, And that the pes be handlid with the wise, It schal abide and stonde in alle wise. Th'apostle seith ther mai no lif be good Which is noght grounded uppon charité, For charité ne schedde nevere blod; So hath the werre, as ther, no proprité. For thilke vertu, which is seid pité, With charité so ferforth is aqweinted That in here may no fals semblant be peinted. Cassodre, whos writinge is auctorized, Seith wher that pité regneth ther is grace, Thurgh which the pes hath al his welthe assised, So that of werre he dredeth no manace. Wher pité dwelleth, in the same place Ther mai no dedly cruelté sojorne, Wherof that merci schulde his wei torne. To se what pité forth with mercy doth, The croniqe is at Rome, in thilke empire Of Constantin, which is a tale soth, Whan him was levere his oghne deth desire Than do the yonge children to martire: Of crualté he lafte the querele; Pité he wroghte, and pité was his hele. For thilke mannes pité which he dede, God was pitous and mad him hol at al; Silvestre cam, and in the same stede, Gaf him baptisme first in special, Which dide awai the sinne original, And al his lepre it hath so purified, That his pité forever is magnified. Pité was cause whi this emperour Was hol in bodi and in soule bothe, And Rome also was set in thilke honour Of Cristes feith, so that the lieve of lothe, Whiche hadden be with Crist tofore wrothe, Resceived were unto Cristes lore; Thus schal pité be preised evermore. My worthi liege lord, Henri be name, Which Engelond hast to governe and righte, Men oghten wel thi pité to proclame, Which openliche, in al the worldes sighte, Is schewed with the help of God almighte, To give ous pes, which longe hath be debated, Wherof thi pris schal nevere ben abated. My lord, in whom hath ever yit be founde Pité, withoute spot of violence, Kep thilke pes alwei withinne bounde Which God hath planted in thi conscience; So schal the cronique of thi pacience, Among the seintz be take into memoire, To the loenge of perdurable gloire. And to thin erthli pris, so as Y can, Which everi man is holde to commende, I, Gower, which am al thi liege man, This lettre unto thin excellence Y sende, As Y, which evere unto my lives ende, Wol praie for the stat of thi persone In worschipe of thi sceptre and of thi throne. Noght only to my king of pes Y write, Bot to these othre princes Cristene alle, That ech of hem his oghne herte endite And see the werre er mor meschief falle; Sette ek the rightful pope uppon his stalle, Kep charité and draugh pité to honde, Maintene lawe, and so the pes schal stonde. Explicit carmen de pacis commendacione, quod ad laudem et memoriam serenissimi principis domini Regis Henrici quarti suus humilis orator Johannes Gower composuit. [Here ends the poem on the praising of peace, which his humble orator, John Gower, composed for the praise and memory of that most august prince of the Lord, King Henry the Fourth.]

fourth; (t-note) On; has befallen (t-note) chosen; (see note); (t-note) honor; had fallen down stands obliged royal status uphold adjudicate recognized people of the land have also your reign say to the contrary has not; (t-note) By which; prepared for; (t-note) lack; grieved man's heart work providence; (t-note) follows know Of which; I know; (see note) Ask; refused (t-note) request; (see note) wished to ask for; (t-note) chose; (t-note) people, whom he would chose, it came down [to] him to reign lasted won peace; until the end; (t-note) Alexander; (see note); (t-note) entreated (t-note) might obey [him]; (t-note) war granted; promise (t-note) happened at that request pagan then; (t-note) high then that misfortune into place; (see note) here causes them (i.e., the princes) moderation (t-note) whatever [may] afterward occur laid war; enterprise claim and ask [for] withheld Peace to avoid war combat; peace; (see note) stands honor choose lose Keep [the] peace ought; (t-note) also; they might not fight (t-note) cease increase From plague take heed of what I say ceased; in hand God's dispensation stands beset (distressed) safe; afraid key weigh wish to seek true examples; (t-note) shall well hear turns [all things] into nothing (t-note) has done vain; goods (wealth) once the great wars Consider; mind gone Their cruelty They regret mother slays; (see note) Rapes; flower (virginity) less transgress I believe its heels those wheels assume; succeeded certain Therefore; behalf (t-note) sore; remedy whatsoever happens (i.e., regardless of cost) Acquire Against; personal would not [have] men kill reason of; crime it is necessary although; external heed home worst is to be uncertain perfect peace attain complain beneficial consider (t-note) establish to settle peace (i.e., Christ) Ah, well righteousness slay the people, then I suppose (t-note) grow soft full; nobility; (t-note) offered wars did temper; valor no benefit lesson head; limbs; (t-note) As well; (t-note) complete Old Testament, before; born abstained from achieved; humanity; (t-note) (see note) against; (t-note) ascended; (t-note) bestowed; (see note) gave; foundation tested pagans; (t-note) themselves out of kilter; (t-note) benefit perfection died strong see pagans devastated; beset lack Hardly principle work principle; attests to; (t-note) alas appeals to; (t-note) provides; (t-note) attended to everywhere fully; (t-note) spears pronouncement; edict pagan folk; (t-note) (t-note) (t-note) (t-note) message easy; acquire made beforehand; (t-note) lessen completely broken allow slay; not forbidden; (t-note) established Head (i.e., Christ) (t-note) their righteousness repair Peter's ship (i.e., the Church); rudder falls to them; steer duty divided ordained (t-note) must; repudiate first swear violate to settle calmly; (t-note) prelates nevertheless; grow angry are hateful; (see note); (t-note) against; (t-note) direct (see note); (t-note) repaired remnant in disorder Because; head; ache reins worldly possessions (t-note) undertaken kills; (t-note) failures; third; (see note) infidels the middle all day (i.e., always) always (t-note) anointed attend to your high reward; (t-note) From; requite (see note) [Judas] Maccabeus; Joshua Godfrey [of Bouillon]; (t-note) Too full Their; abides remedy truth recognize; (t-note) territories safe; (t-note) (t-note) tennis; (see note) person; played out receive The end; before say the wool; spun serviceable otherwise events; chance opportunity beneficial peerless; (t-note) gotten; (t-note) sincere; guile before meaning dissemble deficient of virtue; (t-note) perfect removes; schemes pledge secure weighed (t-note) in all respects The apostle; (see note) called far her [pity]; resemblance Cassiodorus; trustworthy; (see note) reigns; (t-note) secured reside further; (see note) story true would rather martyr cause; (t-note) remedy did healthy altogether immediately leprosy exalted healthy enemies (disbelievers) before angry faith; (t-note) by direct (t-note) plainly opposed fame; diminished; (t-note) record remembrance praise; eternal; (t-note) excellence praise welfare (t-note) own heart examine deal with the war before; (t-note) Set also; seat