|
5 10 15 20 25 30 35 40 45 50 5 10 15 20 25 30 35 5 10 15 20 25 30 35 40 45 50 55 60 65 5 10 15 20 25 30 35 40 45 50 55 60 65 70 5 10 15 20 25 30 35 40 45 50 55 |
§71 Mary, for thine joys fyve, Teche me the vey to ryth lyve. §72 Be glad, of al maydens flourre, That hast in hevene swich honoure To passe in hye blisse Aungelys and othur seints also; The joye is nought like therto Of eny that ther isse. Be gladde, Goddis spouse bright, That gevest ther gretter light To the hevenli place Than evir dede sunne on erthe here When hit was brightis and most clere In the midday space. Be glad, of vertues vessel clene, To whom obeith as right quene The court of heven on hyghe, And worschipeth withoute stynting Thorwe thankinges and be blessing And endeles melodie. Be glad, moder of Jesu dere, That spedist alle way thi prayere Byfore the Trinité. As God wil, suich is thi wille; There may no wight sinful spille On whom thou has pité. Be glad, moder of hevene king, Swich he wol, aftir plesing, To thi servaunt trewe Graunt bothe mede and reward Here and also aftirward In joye that ever is newe. Be glad, mayden and moder swete, Next the Sone thou hast a sete, Iglorified blisfulli. And this we saddely beleve, But how, openly descrive Ne may no thing ertheli. Be glad, of oure gladnesse welle, That art seker ay to dwelle In mirthe that hath non ende, Which schal never were ne wast; Therto bringe us, moder chast, When we hen wende. Thus, thou blessed quene of hevene, I worschipe thee with joyes sevene In alle that y may. When y schal leve this soreful lyf, Be to me redy in that strif, Lady, y thee pray. Lady, for these joyes sevene And for thi gladnesse five, Bringe me to the blisse of hevene Thorwe grace of clene lyfe. §73 Heyle be thou, ladye so bryght: Gabriel that seyde so ryght, "Cryst ys wyth thee." Swettyst and swotyst in syght, Modyr and mayde of myght, Have mercy on mee. Hayle be thou, fynest to fonde: Jesu thy sone, y undyrstonde, Of thee borne he was. Glad were thou, lef in londe, Tho thou haddyst in honde The prynce of oure pees. Heyle, ladye, flower of alle thynges: Ryally three ryche kynges, Derely dyght, Comely wyth knelynges, Broughten thi sone three thynges; The sterre was lyght. Hayle, gladdyst of alle wyve: Aryse fro deth to lyve Thy sone, tho thou syghe. Blyssyd be thoo woundys fyve That made mannys soule to thryve In heven so hyghe. Heyle, joye in hert and in yghe: Wyth yghe thy sylf thoo thou syghe On Holy Thursdaye, Jesu thi sone all upstyghe Hoom into heven so hyghe, The apostles to paye. Heyle, ladye, full of all blys, Tho that thou wentyst wysse To blys soo bryght, That blys God lete us never mysse, Marye; thou us wysely wysse Be daye and be nyght. Amen. §74 Haile be thu, Mari maiden bright: Thu teche me the wais right. I am a sorful, dreri wight, Als thu mai se, Quer I sal in the hard pine of hel be. Mi sinful saule sighes sare: Lived I have in sin and care, Leve I wil and do na mare. Mi levedi fre, Saul and bodi, liif and dede, biteche I thee. Thar thu lay in thi bright boure, Levedi, quite als lelé floure, An angel com fra hevene toure, Sant Gabriel, And said, "Levedi, ful of blis, ai worth thee wel!" Stil thu stod, ne stint thu noght, Thu said til him the bodword broght, "Al his wil it sal be wroght, In his ancele." Levedi, bifor thi suete sun mak us lele. The tother joy I wate it was, Als sun schines thoru the glas, Sua ert thu, levedi, wemles, And ai sal be. Levedi, for that suete joy thu reu on me. The thrid joy I understand, Thre kinges com of thrin land, To fal thi suete sun til hand, And gaf him gift: Mir, reclis, and gold red, als it was right. The king was riche, the gold was rede, The reclis fel til his goddhed, Mir to man that sal be dede For ur sake.our Levedi, to thi suete sun at ane us make. The feird it es al thoru his grace, Wuen he fra dede to liif ras, Wuen he sua hard suongen was On rode tre.cross Levedi, of ur sinnes al thu make us fre. The fiift, thu was til heven broght: The Juus thee soght and fand thee noght, Als thi suete sun it wroght, Almighti king. Levedi Mari, be ur helpe at ur ending. Levedi, for thi joies five, Thu kid thi might and help us suith, Levedi Mari, moder o live, Wid flur and fruit, Rose and leli, thu sprede ay wide and helpe thi suite. Levedi Mari, wele thu wast, The feindes fraistes me ful fast, Wele I hope I sal thaim cast Thoru might of thee, Quen I neven thi suete nam I ger thaim fle. Thir jois er said als I can sai Mi site, mi soru, I cast away, Nu help me, levedi, wele thu may, And be mi spere. Fra the har pain of hell thu me were. All that singes this sang And all that ligges in paines strang, Thu lede thaim right thar thai ga wrang, And have merci On all that trous that Godd was born of thee, fair levedi. §75 Heyl be thou, Marie, milde quene of hevene, Blessed be thi name, and god it is to nevene; To thee I mene mi mone: I preie thou her mi stevene, Ne let me nevere deie in none of the sennes sevene. 1 Ave Maria gracia plena dominus tecum. Heil, seinte Marie, quene cortas and hende, For the joye that thou haddest wan Crist the aungel sende, And seide that the holi gost scholde in thi bodi wende; Thou bring me out of sinne and schuld me fram the fende. Ave Maria gracia plena dominus tecum. Joyful was thin herte withouten eni drede Wan Jhesu Crist was of thee boren fayrest of alle thede; And thou mayde bifore and after as we in bok rede, Lefdi, for that joie thou helpe me at nede. Ave Maria gracia plena dominus tecum. Ladi, ful of grace, gladful was thi chere Wan Jhesu Crist fram deth aros, that was thee lef and dere; 2 Ladi, for the love of him that lay thin herte nere, Help me out of senne ther wile that I am here. Ave Maria gracia plena dominus tecum. Ladi, ful of myghte, mek and milde of mode, For the love of swete Jhesu that don was on the rode, And for his woundes five that runnen alle ablode, Thou help me out of senne, ladi fayr and gode. Ave Maria gracia plena dominus tecum. Ladi, seinte Marie, fair and goud and swete, For the love of the teres that thiself lete Wan thou seye Jhesu Crist nayled hond and fete, Thou geve me grace in herte my sennes for to bete. Ave Maria gracia plena dominus tecum. In counsayl thou art best, and trewe in alle nede, To sinful men wel prest and redi in goud dede; Ladi, for the love of him thou seye on rode blede, Thou help me now and evere and save me at the nede. Ave Maria gracia plena dominus tecum. Ladi, flour of alle, so rose in erber red, To thee I crie and calle, to thee I make my bed; Thou be in stude and stalle ther I draue to ded 3 Let me nevere falle in hondes of the qued. Ave Maria gracia plena dominus tecum. Marie, for that swete joie that thou were than inne Wan thou seie Jhesu Crist, flour of al mankinne, Steye up to hevene ther joye is evere inne, Of bale be thou mi bote and bring me out of sinne. Ave Maria gracia plena dominus tecum. Marie, for that swete joye wan thou fram erthe was tan Into the blisse of hevene with aungeles mani an, And iset bi swete Jhesu in fel and flecsch and ban, Thou bringe me to joyes that nevere schal be gon. Ave Maria gracia plena dominus tecum. Marie, ful in grace, that sittest in trone, Now I thee biseche thou graunte me mi bone; Jhesu to love and dred, my lif t'amende sone, And bringe me to that heye kyng that weldeth sune and mone. Ave Maria gracia plena dominus tecum. For thi joies five, ladi fair and bryght, And for thi maydenhede and thi moche myght, Thou helpe me to come into tha iche lyght Ther joye is withoute ende and day withote nyght. Ave Maria gracia plena dominus tecum. Ladi, Seynte Marie, yif that thi wille were, As thou art ful of joye and I am ful of care, Thou help me out of sinne and lat me falle namare; And geve me grace in erthe my sinnes to reue sare. Ave Maria gracia plena dominus tecum. Ladi, quene of hevene, thou here me wit wille; Y praye thou her mi stevene and let my soule nevere spille In non of the sinnes sevene thorw no fendes wille Nou bring my saule to hevene, therin a place to fille. Ave Maria gracia plena dominus tecum. §76 Levedy, for thare blisse That thu heddest at the frume, Tho thu wistest myd iwisse That Jhesus wolde beo thi sune, The hwile we beoth on lyve thisse Sunnen to don is ure wune; Help us nu that we ne mysse Of that lif that is to cume. Moder, blithe were thu tho, Hwanne thu iseye heoven-king Of thee ibore withute wo That scop thee and alle thing. Beo ure scheld from ure ivó, And gef us thine blessying, And biwyte us evermo From allekunnes suneging. Levedi, al myd rihte Thu were gled and blithe Tho Crist thureh his myhte Aros from dethe to lyve, That alle thing con dihte, And wes iboren of wyve. He make us clene and bryhte For his wundes fyve. From the Munt of Olyvete Tho thi sone to heovene steyh, Thu hit byheolde myd eye swete, For he wes thin heorte neyh. Ther he haveth imaked thi sete In o stude that is ful heyh; Ther thee schulen engles grete, For thu ert bothe hende and sleyh. The king that wes of thee ibore, To heovene he thee vette, To thare blisse that wes forlore, And bi hymseolve sette Vor he hedde thee icore. Wel veyre he thee grette; Blythe were thu thervore, Tho engles thee imette. Moder of milce and mayde hende, Ich thee bidde as I con Ne let thu noht the world us blende, That is ful of ure ivon, Ac help us at ure lyves ende, Thu that bere God and mon, And us alle to heovene sende Hwenne we schulle this lif forgon. Jesus, for thire moder bene That is so veyr and so bryht, Al so wis, so heo is quene Of heovene and eorthe, and thet is ryht: Of ure sunnes make us clene, And gef us that eche lyht, And to heovene us alle imene, Louerd, thu bryng, for wel thu miht. |
(see note) (see note) way to live right (see note) flower of all maidens such surpass; high any; is God's greater did sun it; brightest clean vessel of virtues obeys ceasing Through; by (see note) perpetually sends forth prayers such one; perish pity heaven's Such he will, as it pleases him true reward and recompense You have a seat next to the Son Blissfully glorified solemnly plainly describe well (source) of our gladness sure always endless joy wear or waste chaste go hence honor you I sorrowful I pray you five joys Through (see note) (see note) rightly Sweetest and most fragrant; (see note) seek I beloved on earth When; hand peace Richly arrayed kneelings (respect) star women Arose from death to life while you sighed those five wounds man's; thrive high heart; eye your own eyes though you sighed (see note) ascended Home reward When; went directly; (see note) so permit; to miss guide By day (see note) [to] you You teach; ways sorrowful, dreary one As you may see Where I shall; suffering of hell soul; sorely; (see note) Cease; no more lady noble; (see note) Soul; life and death, I commit to you Where; bower white as lily flower from; (see note) Holy grace, ever blessed Quietly you kept watched, nor stopped not You; to; message brought; (see note) All his will it shall be done Through; handmaiden faithful other (second); know; (see note) As; shines through the glass; (see note) So are you, lady, spotless ever shall have pity third three different lands fall before your sweet son gave Myrrh, incense; (see note) incense fell (was appropriate) to; (see note) Myrrh for man who shall die (Christ); (see note) make us one with your sweet son; (see note) fourth it is all through When he from death to life rose so hard scourged free us from all our sins fifth, you were brought to heaven Jews sought you and did not find you; (see note) As; wrought our Exercise your power; sweetly of life flower lily; stretch well you know fiends assail I shall cast them [off] Through your might When I name; name; make them free These joys I tell as I can care; sorrow Now hope From; hard; protect who sing; song lie; strong suffering You guide them believe (see note) [to] you; gentle good; name intend; plaint; hear; voice; (see note) (see note) (Luke 1:28); (see note) courteous; gracious; (see note) when; (see note) into; pass; (see note) shield; from; devil; (see note) fear; (see note) born; people book (Bible); (see note) Lady; in [my] need; (see note) (see note) countenance near sin during the time put; cross; (see note) bloody; (see note) good; (see note) tears; shed; (see note) saw; feet; (see note) amend true; need very prompt; (see note) saw; cross bleed (see note) flower; like; garden; (see note) prayer (see note) hands; devil (evil one) (see note) Ascend; where; (see note) pain; relief taken; (see note) many a one placed; skin; flesh; bone shall; gone throne prayer; (see note) to amend soon high; wields great might same; (see note) Where; (see note) if no more sorely rue; (see note) hear; eagerly; (see note) I; voice; die none; through; fiend's soul (see note) that joy you had; beginning When; knew with certainty be; son While we are in this life To sin is our custom; (see note) now; do not lose come joyful; then When you saw Of you born; pain Who created you; (see note) our shield; our foe give protect; evermore human sin rightfully glad; joyful; (see note) When; through his might Who did all things ordain was born of woman made us pure; virtuous By means of; five wounds Mount of Olives; (see note) When; ascended beheld it with; loving was near to your heart has prepared your seat a place; high There angels shall greet you you are; courteous; prudent was; born he took you the grace; was lost himself placed you For he had chosen you fairly; greeted When angels met you mercy; courteous beseech you as I do Do not let the world blind us our foes But; our lives' You who bore God and man When; depart your good mother fair; pure And so wise, that she is queen proper our sins; pure give; same light together Lord; might |