|
5 5 10 15 5 10 15 20 25 30 5 5 10 5 10 15 20 25 30 35 40 45 5 10 15 20 25 30 35 40 45 50 55 5 10 15 5 10 15 20 25 30 35 5 10 15 20 25 30 35 5 10 |
§54 I pray thee, lady, the moder of Crist, Praieth youre sone me for to spare With al angels, and John Baptist, And all youre company that now ys thare. Al holichurch, for my welfare, Graunt me of youre merites a participacioun, And praieth oure Lorde for my salvacyon. §55 Sancta Maria, ora pro nobis. O moder mylde, mayde undefylde, Thatte we so wylde be notte begylde And evere exylde fro Crist and hys, Ora pro nobis. O quene of grace most fayre of face, Of alle solace ledyng the trace, Of the highe place thatte we nott mys, Ora pro nobis. O lady fre of high degré Thatte we may se thy sone and thee, And ever to be where alle joy ys, Ora pro nobis. Thatte Crist us sende grace to amende Oure tyme myspende or we hense wende, And atte oure ende to graunte us blys, Ora pro nobis. §56 Sancta Maria, ora pro nobis. O tryclyn of the Trinité, Replete with alle divinité, O flowre of alle virginité, Ora pro nobis. O blessid quene of heven blys, Wherof the joye eternalle is, Of the whiche blis thatte we not mys, Ora pro nobis. O emperesse of helle alsoo, Into thatte place thatt we not goo Where is derkenes and endles woo, Ora pro nobis. O spowsesse of Crist, oure savyowre, The whiche restyd in thy chast bowre, Thatte he kepe us fro alle dolowre, Ora pro nobis. O sweete lady so meke and mylde, Unto Jesu, thy blessid chylde, Fro blysse thatt we be notte exylde, Ora pro nobis. Holy moder of Crist Jesu, Thatte is the Lorde of alle vertu, Thatte he with grace may us renu, Ora pro nobis. Holy virgyn of virgyns alle, Thatt thy sweete sone Jesus may calle Us unto hym, bothe grete and smalle, Ora pro nobis. Thatte we, which be terrestrialle, May leve this lyff so bestialle And come to blysse celestialle, Ora pro nobis. §57 Sainte Marie, virgine, Moder Jhesu Cristes Nazarene, Onfo, schild, help thin Godric, Onfang, bring heghilich with thee in Godes riche. 1 Sainte Marie, Cristes bur, Maidenes clenhad, moderes flur, Dilie min sinne, rix in min mod, Bring me to winne with the selfd God. §58 Ave maris stella, the sterre on the see, Dei mater alma, blyssid mot ye be, Atque semper virgo, prey thi sone for me, Felix celi porta, that I may come to thee. Gabriel, that archangyl, he was massanger, So fayre he gret our lady with an Ave so cler. Heyl be thu, Mary, be thu, Mary, Ful of Godis grace and qwyn of mercy. Alle that arn to grete withoutyn dedly synne Forty dayis of pardoun God grauntyt hym. §59 Marie moder, wel thee be, Marie mayde, thenk on me. Moder and made was never non Togeder, ladi, bote thou alon. Marie moder, mayde clene, Schilde me fro sorwe and tene; Marie, out of synne help thu me, And out of dette, for charité. Marie, for thine joies five, Help me to leve in clene live, For the teres thou lete under the rode, Sende me grace of lives fode, Wherwith I may me clothe and fede And in treuthe mi liif lede. Help me, ladi, and alle myne, And schilde us alle fro helle pyne. Schilde me, ladi, fro velanye, And fro alle wikkede companye; Schilde me, ladi, fro widded schame And fram alle widdede fame. Swete ladi, thou me were That the fend noughth me dere Bothe bi day and bi nyghth, Help me, ladi, with thi righth. For myne frendes I bidde thee, That high mote amended be, Bothe to soule and to lyve, Marie, for thyne joies fyve. For myne fomen I bidde also That they mote heer so do, That they in wrathe hy ne deye, Swete lady, ich thee preye. Hy that ben in goode lyve, Marie, for thine joies fyve; Swete ladi, therinne hem holde Bothe the yonge and the olde. And that ben in dedlich synne, Ne lete hem nevere deie therinne Marie, for thine joies alle, Lete hem nevere in helle falle. Swete ladi, thou hem rede, That thei amendi of here misdede; Bysek thi sone, hevene kyng, That he me graunte good endyng, And sende me, as he wel may, Schrift and hosel at myn endyng day, And that we mote thider wende Ther joie is withouten ende. Amen Amen. §60 Thou wommon boute vere Thyn oune vader bere. Gret wonder thys was, That on wommon was moder To vader and hyre brother: So never other nas. Thou my suster and moder And thy sone my brother: Who shulde thoenne drede? Whoso havet the kyng to broder And ek the quene to moder Wel auhte vor to spede. Dame, suster and moder, Say thy sone my brother That ys domes mon That vor thee that hym bere To me boe debonere; My robe he haveth opon. Soeththe he my robe tok Also ich finde in bok He ys to me ybounde; And helpe he wole, ich wot, Vor love the chartre wrot, The enke orn of hys wounde. Ich take to wytnessinge The spere and the crounynge, The nayles and the rode, That he that ys so cunde Thys ever haveth in munde That bouhte ous wyth hys blode. When thou geve hym my wede, Dame, help at the noede: Ich wot thou myth vol wel That vor no wreched gult Ich boe to helle ypult; To thee ich make apel. Nou, dame, ich thee byseche At thylke day of wreche Boe by thy sones trone When sunne shal boen souht — In werk, in word, in thouht — And spek vor me, thou one. When ich mot nede apere, Vor mine gultes here, Tovore the domesmon, Suster, boe ther my vere And make hym debonere That mi robe haveth opon. Vor habbe ich thee and hym That markes berth wyth hym, That charité him tok, The woundes al blody, The toknes of mercy Ase techeth holy bok. Tharf me nothing drede; Sathan shal nout spede Wyth wrenches ne wyth crok. Amen. §61 Marie, yow quen, yow moder, yow mayden briht, Yow wilt, yow canst, yow art of miht: Yow lyf, yow love, yow hope of blisse, In sinne, in sorwe, in nede, us wisse. §62 Levedie, ic thonke thee Wid herte suithe milde, That gohid that thu havest idon me Wid thine suete childe. Thu ard god and sute and brit, Of alle otheir icorinne; Of thee was that suete wight That was Jesus iboren. Maide milde, biddi thee Wid thine suete childe That thu herdie me To habben Godis milce. Moder, loke one me Wid thine suete eyen; Reste and blisse gef thu me, Mi levedi, then ic deyen. §63 (Egerton MS) Blessed beo thu, lavedi, ful of hovene blisse, Swete flur of parais, moder of mildernisse. Thu praie Jesu Crist thi sone, that he me iwisse Ware alond al swo ihc beo, that he me ne imisse. 2 Of thee, faire lavedi, min oreisun ich wile biginnen, Thi deore swete sunnes love thu lere me to winnen. Wel ofte ich sike and sorwe make, ne mai ich nevere blinnen, Bote thu, thruh thin milde mod, bringe me out of sunne. Ofte ihc seke merci, thin swete name ich calle, Mi flehs is foul, this world is fals; thu loke that ich ne falle. Lavedi freo, thu schild me fram the pine of helle, And send me into that blisse that tunge ne mai tellen. Mine werkes, lavedi, heo makieth me ful won; Wel ofte ich clepie and calle, thu iher me forthan Bote ic chabbe the help of thee, other I ne kan, 3 Hel thu me ful wel thu mist; thu helpest mani a man. Iblessed beo thu, lavedi, so fair and so briht, Al min hope is uppon thee, bi dai and bi nicht. Helpe thruh thin milde mod, for wel thu mist, That ich nevere for feondes sake furgo thin eche liht. 4 Briht and scene quen of hovene, ich bidde thin sunnes hore. The sunnes that ich habbe icun, heo rewweth me ful sore; Wel ofte ich chabbe thee fursaken; wilich never eft more, Lavedi for thine sake, treuwen feondes lore, 5 Iblessed beo thu, lavedi so feir and so hende: Thu praie Jesu Crist thi sone, that he me isende, Whare alond alswo ich beo er ich honne wende That ich mote in parais wonien withuten ende. 6 Bricht and scene quen of storre, so me liht and lere, In this false fikele world so me led and steore, That ich at min ende-dai ne habbe non feond to fere. Jesu, mit ti swete blod thu bohtest me ful deore. 7 Jesu, Seinte Marie sone, thu iher thin moder bone. To thee ne dar I clepien noht; to hire ich make min mone; Thu do that ich, for hire sake, boe imaked so clene That ich noht at dai of dome beo flemed of thin exsene. 8 §64 (MS Harley 2253) Blessed be thou, levedy, ful of heovene blisse, Suete flur of parays, moder of mildenesse, Preyghe Jesu thy sone that he me rede ant wysse So my wey forte gon that he me never misse. Of thee, suete levedy, my song y wile byginne: Thy deore suete sones love thou lere me to wynne; Ofte y syke ant serewe among, may y never blynne Levedi, for thi milde mod, thou shilde me from synne. Myne thohtes, levedy, maketh me ful wan, To thee y crie ant calle, thou here me for thi man Help me, hevene quene, for thyn ever ycham; Wisse me to thi deore sone; the weies y ne can. Levedy, Seinte Marie, for thi milde mod Soffre never that y ben so wilde ne so wod That ich her forleose thee that art so god That Jesu me to bohte with is suete blod. Bryhte ant shene sterre cler, lyht thou me ant lere 9 In this false, fykel world myselve so to bere That y ner at myn endyng have the feond to fere; Jesu, mid thi suete blod thou bohtest me so dere. Levedi, Seinte Marie, so fair ant so briht, Al myn help is on the bi day ant by nyht; Levedi fre, thou shilde me so wel as thou myht, That y never forleose heveriche lyht. Levedy, seinte Marie, so fayr ant so hende, Preye Jesu Crist, thi sone, that he me grace sende So to queme him ant thee er ich henne wende That he me bringe to the blis that is withouten ende. Ofte y crie "Merci": of mylse thou art well; Alle buen false that bueth mad bothe of fleysh ant fell; 10 Levedi suete, thou us shild from the pine of helle, Bring us to the joie that no tonge hit may of telle. Jesu Crist, Godes Sone, Fader ant Holy Gost, Help us at oure nede as thou hit al wel wost; Bring us to thin riche, ther is joie most; Let us never hit misse for non worldes bost. §65 Mary, modur of grace, we cry to thee, Moder of mercy and of pyté, Put us fro the fendes fondying, And help us at oure last endying, And to thi sone oure pes thou make, That he of us no wreke take. To yow I cri wyth mylde steven, All the halowes that are in heven Helpe that Criste my gylth forgyve, And will hym serve will I lyve. |
(see note) Ask; to spare me (see note) (i.e., in heaven) (see note) pray to (see note) Saint Mary, pray for us undefiled wayward be not misled exiled; his [elect]; (see note) Pray for us comfort excelling; pattern; (see note) So that we do not miss the high place noble of high degree see misspent before we go hence (die) (see note) Holy Mary, pray for us triclinium; (see note) Pray for us which (heaven's); miss (see note) darkness; woe spouse Who rested; chaste bower; (see note) from all sorrow From; not exiled virtue renew leave; life (see note) (see note) (see note) Receive, shield; (see note) (see note) bower; (see note) Maiden of maidens, flower of mothers; (see note) Deliver [me from] my sin; reign in my heart; (see note) bliss; God himself; (see note) (see note) Hail sea star (Mary Star); sea Beloved mother of God, blessed are you And ever virgin; beseech Joyful gate of heaven messenger; (see note) greeted; clear (pure) queen who pray to you without deadly sin; (see note) them; (see note) (see note) No one was ever mother and virgin but; alone pure Shield; from sorrow; suffering debt; (see note) live; pure life tears; shed; cross sustenance/Christ feed life my kin shield; hell's pain from villainy wicked cursed shame cursed protect fiend does not harm me night righteousness I pray to you for my friends they might in soul and in living enemies; pray might so do here do not die in wrath; (see note) I [to] you They who live virtuously keep them they who are in deadly sin Do not let them die therein them; fall into hell counsel them they amend their wrongdoing Beseech grant to me Confession; Holy Communion; (see note) might go there Where (see note) without peer own father bore one father; her was never any other (see note) (see note) then fear has; as/for brother; (see note) also ought to prosper; (see note) Tell Who is judge for you who be gentle i.e., God wears man's flesh; (see note) Since; took As I; book (Bible) bound/joined will; know wrote; (see note) ink flowed from; (see note) as witness cross kind mind bought us clothing/garment (the flesh) [time of] need; (see note) know; might full well be dragged into hell appeal beseech that; misery Be; throne sin; exposed you alone intercede for me; (see note) must needs appear Before the judge companion; (see note) him (Jesus the judge) bears As Suffer me; to fear not succeed By hook or by crook (see note) queen You will, you can, you are able You [are] life; you [are] sorrow; guide us (see note) Lady, I thank you With; so very mild [For] that good; done With your beloved You are good; delightful; bright others chosen From you; sweet one Who; born I pray you with shelter; (see note) have God's mercy look upon me beloved (gracious) eyes Give me rest and joy when I die; (see note) (see note) lady; heavenly mildness pray [to]; know orison (prayer) I will dear; son's; teach; enjoy sigh; cease Unless you; sin I seek flesh; watch free (noble); shield; from; pain tongue may not tell deeds; they make me full wan I address; hear; then You may lead me full well by day and by night might (see note) virtuous entreat; send (see note) beautiful; illuminate; teach fickle; lead; guide hear; mother's prayer (see note) lady; heavenly flower; paradise Pray; guide; teach; (see note) lose/desert/leave dear; teach sigh and grieve; stop thoughts; gloomy I am ever yours Guide; ways I do not know countenance Suffer (Permit); I be; wild nor so mad I here forfeit you; good bought; his sweet blood fickle; bear (conduct) never; fiend; fear bought; dearly free (noble); shield forfeit heavenly light noble serve (please); go hence Often I cry; mercy; [the] well; (see note) (see note) tongue all know best kingdom; joy not miss; any wordly boast; (see note) (see note) mother; to you pity Keep us from the fiend's temptation; (see note) peace So that he takes no vengeance on us humble voice; (see note) saints; guilt forgive while; (see note) |