|
5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150 155 160 165 170 175 180 185 190 195 200 205 210 215 220 225 230 235 240 245 250 255 260 265 270 275 280 285 290 295 300 305 310 315 320 325 330 335 340 345 350 355 360 365 370 375 380 385 390 |
An answere to this tretis that a frere hath forgid - 1 He callith hymself Daw Topias - ayens me Jak Uplonde. He groundith hym upon seven thynges, as his ordre askith: Lesynges with losengery, cursynges and false glose, Chidyng with blasfemie, on chyteryng as chowghes. 2 Thou saist thi name is Dawe, it may right wel be so, For thou hast condiciones of a tame chowghe. He chiterith and he bribith alle that he may gete; This he doth in dede assay of hem that knowith. Dawe, thou blaberest blasfemies and reson hast thou non, Thou leggist oft Goddis lawe bot to a false entent - Yee, falselier than the fende whan he saide to Crist, Quia angelis suis mandavit de te. Daw, thou fablest of foxes and appliest hem to a puple Of whom nether thou knowyst kunnyng, ne her conversacion, 3 Bot iche man that witte hath, and happe of discrecion, 4 May knowe thee and thin ordre, as Crist saith, bi the werkes. Take propirte of twey foxes and werkes of twye freres, And than thou fyndest hem in eche acorde, bot freres ben the werse. If thou saist this is not so, bot groundid with-out skil, Loke how Sampson bonde the foxes two and two to-gedir, Til that thai destried the corne alle about hem, And this was, as a doctour saith, the figur of freres. Dawe, thou saist proudely I lie, for I telle the trouthe; For that ye ben not lege, men knowlechen wise, 5 For whan ye ben trespassoures, in theft or other vices, Your priour may at his wille fette you home to hym, With-out kynges commission, bot gret ayen reson. For oft ye leden a-waye mennes wifes and ben sette in stokkes, Bot your captaynes chalengen you and asken not leve of kynges. 6 Me mervelith of thi lewdnes, Dawe - or of wilful lesynges - For Poule laborid with his hondes, and other postilles also: - Yee, oure gentil Jesu, as it is opunly knowe. And thes were the best prestes that ever rose on grounde, And the best messes song, not lettyng hem her labour, 7 Bot suche bolde beggyng hatid thai in worde and werke. Dawe, thou spekist proudely apechyng our prestes; Bot of oon thyng am I certen: thai ben lasse evel than ye. For alle if thai synne oft, as it is wel knowen, 8 Yit the grounde that thai have is playnly Cristis religion; And thowgh thai straye oft therfro yit mowe thai com to grace. Bot ye han left that grounde and your patron bothe, For as the prophetes of Achab wer multiplied in many And by oon holy prophet were thai alle destried, So the Chirche is cropun now to multitude of cursid men, Whiche of sadde bileve most nede be destried. 9 Bot I prayse nother preestes ne thee for your assent in symonye. Daw, I have askid questiones of thee and of thi freres, Bot that I lied oones on you, knowe I me not gilty. 10 For Goddis lawe forbedith this in many place, I wene, And thowgh I be Jak Uplonde, yit drede I Goddis lawe. Bot I suppose thi secte tristith so meche in her habites, 11 That thai kun lye of custom, as Peter prophecith of hem: Fuerunt pseudoprophete in populo, magistri mendaces etc. Bot to lie thus playnly and opunly on men, Ye count it not synne, as your wordes shewen. Your freres ben taken alle day with wymmen and wifes, Bot of your privey sodomye speke I not here. Bot lat see, Dawe, if thou or any lyer of thin ordre Can preve this on oon of hem that clepist my secte, And sicurly shalt thou have of me an hundrith pounde. Daw, thou leggist Salomon for your hie houses, 12 Bot olde holy doctoures ben ayen thee here, And specialy Jerom, that saith in the lawe: Who wil allege the temple for glorie of our Chirche, Forsake he to be Cristen, and be he newe a Jewe. 12a q 2a Gloria episcopi. For sith the pore Lorde, he saith, halowed his pore Chirche, Take we Cristis Crosse, he saith, and counte we delices claye. 13 Daw, blaberere and blynde leder, thowgh thou bigile symple hertes, With thi gildyn glose and with thi costly houses, Thou bigilest not Jak with your thevishe logges. Unde in Evangelio, vos autem fecistis eam speluncam latronum. Topias, thou writest me to be a lewed man, 14 Bot lewed men prechen not, as thou canst saye bot if the list lye; 15 Bot I wot thou saist thus by vertuouse prestes, Bot thai ben ful bisie to edifie the Chirche That the multitude of you han allemost destried. For the Gospel saith, Surgent multi pseudoprophete. Bot of hem ben fewe and gretly dispiside, And of you ful many, and ever the mo the werse. Me mervelith, Daw, thou darst thus lie on suche a gret clerke, 16 And in hys tyme knowen wel a vertuouse man, Of riche and pore that hym tho knewe. Bot thou as blynde Bayarde berkest at the mone, As an olde mylne dog when he bygynnith to dote. Bot wel I wot thi baffyng, lye thou never so lowde, May not menuse this seint, that lyved and taught so truly. Quia dignus est operarius mercede sua. I drede me, Dawe, the sentence of whiche the prophet spekith, Shal falle hevy on thin hede, and many of thi brether: Ve vobis qui dicitis bonum malum, et malum bonum. For alle trwe sentence that we taken here, Thou turnest in to falsenes, that woo shal the bitide, For to our secte that is Cristis, we drawen bot fewe puple, For thou and other pseudo han marrid hem in the way, That bot if God of His grace sende His honde of help, The Chirche that shuld folowe Crist is lykly to synke. Qui mihi ministrat, me sequatur. Attendite a fermento Phariseorum, quod est ypocrisis. Homo apostata, vir inutilis, graditur ore perverso. Dawe, thou hast light conscience thus fynaly to deme, For here thou damnest men to helle with-out any condicion. Whe have leve of Scripture to deme after mennes werkes, Bot for to deme as thou dost is to robbe God of His power; For the apostil saith, Noli ante tempus judicare, quoad usque veniat Dominus. Litil wondir thowgh lordis mysse tyme that han suche confusoures! Quia si cecus cecum ducat, ambo in foveam cadunt. Thou saist thou knowist no lettre here, as if thou wer noo clerke. To take a clerke as it shuld be, aftir his undirstondyng, 17 Than sayst thou here more trwly than in any other place. Clerk is als meche to mene as of the sort of God, 18 And so thou previst thi-self non suche if thou loke right, Bot a liere apostata with alle his other pointes. Daw dirt, thou claterist meche of ordires of aungeles in heven, 19 Bot lykkyn not thes to thin ordre, ne thin ordre to hem; For thai ben ordenid of God there with-outen synne, And thin is ordened of man, with many rotun rites. And so as the prestes of Bel stale undir the awter, To bigile the kyng to thefly cache here lyflode, So ye forge your falshed, undir ydil ypocrisie, To bigile the puple, bothe pore and riche, And as the prestes fayned that Bel ete the kynges sacrifise, So your wikkid wynnyng, ye saye, wirchipith God. Yit Daw, in this mater thou broylist up many lesynges, For grounde of thin ordre not groundid in the Gospel. For see thes thre vertues, whiche thou here rehersist, Faylen in thin ordre welny in every persone. For in obedience, and chastite, and poverte also, Ye folowen more Anticrist than Jesu Crist our Lorde. Ye ben more obedient to your owne reules Than to the reules of Crist groundid in lawe. And as to chastite of body, ye breken it ful oft; Bot chastite of soule, forsakyng Crist our spouse, For ye ben apostatas gon bak fro Holichirche. Initium omnis peccati apostatare a Deo. As to verrei poverte, who that wil right loke, Ye ben the most covetouse of alle men in erthe, For with symonye, and begrye, and sellyng of shrift Ye pillen bothe gret and smal, and prive hem of bileve. Avaricia, quod est ydolorum servitus. Dawe, thou ratelist many thynges, bot grounde hast thou non, For where groundist thou in Goddis lawe to close men in stones Bot if it were wode men or giloures of the puple, Sith alle that is not groundid smacchith grete synne, Bot if ye taken - as ye usen - arseworde this Gospel: 20 Non potest civitas abscondi super montem posita. Or ellis, Neque accendunt lucernam et ponunt eam sub modio. Or wher fyndist thou, Dawkyn, that men shulden kille her brether, Sith Crist our aller duke brought us verrei pees, Bot if thou be of the ranes that ran fro Anticristis nose - Pacem relinquo vobis, pacem meam do vobis. Touchyng this pagyn, Dawe, thi lesynges ben ful rif, For her thou spekist of twey lyves and ye don nother wel: For Martha groundid hir labour fully in Goddis lawe, So may not ye your beggyng, ne your castelles nouther. Bot of contemplacion ye usen not bot as foxes, So in this ye leven Crist, Martha and Marie both. As touchyng yiftes to pore men, ye pike that thai shulde have, Bothe of godes and faithe of soule, I, Jak, can see non other. Panis egentium vita pauperis est; qui defraudat eum homo sanguinis est. We can not make mariage, Dawe, ne pursue no divorse, We wynne not meche money with thes, as thi secte doth ful oft. Quod Deus conjunxit, homo non separet. I praise not, Dawe, the stremerse that thou herof spekest, Bot of suche wide clothing, tateris and tagges, It hirtith myn hert hevyly, I wil that thou it wite. Bot your ypocrites habit, to whiche ye ben harde weddid, Doth more harme than thes, bi thes two skilles: Oon for the coloure that signifieth sadnes, Whan ye ben most unstedfast of any folk in erthe; An other for your disformed shap that signifieth your holines. So if it be soth that ye therof saye, It wold with litil help make an ape a seint! The tipet is a comyn reule if it be not superflue, And so it doth gode to bynde a mannes hede; Bot your misse-shapen shelde, bihynde at your shulderes, Blowith your ypocrisie and blyndith many foles. Genimina viperarum, quis demonstravit vobis fugere a ventura ira? Yit, Dawe, me thynkith thou usist thi customale condicion: 21 Thou hast so lerned to lye, thou canst not leve werk. Bot yit I am gladde thou groundist thee on the Gospel - Diabolus est mendax, et pater eius. The secte that thou seggist of - I wot is Jesu Cristis - Tellen litil by clothing, bot now oon, now other. Thowgh thou accuse the Menours have I not to do, 22 Bot wel I wot ye ben alle drawen in oo maner draggee. Lewde Dawe, whi laist thou forthe so many blunt resones, For Salomon spekith not of silence propirde to an house, Bot of silence in iche place, in tyme and in reson. Bot the cursid ypocrisie of etyng of your fleshe, Shuld iche man despise for your rotun rewle. And so thes similitudes, with thes soluciones, Ben not worthe the devellis dirt, Dawe. Daw, thi wordes ben many and ever medled with venym; For ayenes gode men strecche I no malice, Ne non of thilk Cristis secte that myn callist, 23 Bot ayenes heritikes, bosteres, and lieres, Whiche han chosen hem a reule with blabereres of Baal; And yit shal tyde the tyme when Josie shal regne, And make an ende of suche fendes, and Cristis reule shal renue. Yee, Jamnes and Mambres japid not so the kyng, As thou with thi cursid secte the kyng and the puple. Attendite a falsis prophetis, qui veniunt ad vos in vestimentis ovium. I til thee, Daw, with-out dout thes wordes ben said of you, With other pregnant prophecies of Peter and of Poule. Daw, thou laborist fast to lede thi-self to helle, And blyndest many lewde foles with thi stynkyng brethe. For bi this apis argument that thou here now ratelist, He that drynkith a quart wyne most nedis drynk a galon. Bot ayen house in mesure, Dawe, grucche I right nought, 24 And thowgh thou saye ascorne a shepe house I have, That hath more grounde in Goddis lawe than alle your Caymes castelles. 25 I thank God I beldid it with trwe-bygeten gode, Bot ye youres with beggery, bargenyng, and robberye; For grounde have thai non bot if it be here. 26 Non habemus hic manentem civitatem. Et idem, Ve qui edificatis civitatem in sanguinibus, Et ve qui conjungitis domum ad domum. Yit, Dawe, thowgh thou accusest pardoneres that ben fals, Thou lovest lesse a trwe prest than thou dost hem alle, For thai gon neere you apostatas in gilyng of the puple. 27 Bot that ye ferme to limitoures it may not be denyed, 28 Lye thou never so lowde and therto sette a sele, Bot thus with many fals meenes oppresse the cuntrees. Bot as to paiyng of tribut as Crist Hym-self did, Thou lyknest you to Pharoes, and so ye ben, and werse, Ayenes Cristis paiyng and alle other mekenes. Thou autorisest your pride ayenes His holi werkes. Qui non est mecum, contra me est: et qui non colligit mecum, dispergit. Dawe, I saide first to thee oon of thi groundes was cursyng. Whare autorisist thou this lewde saw - answere nowe! Thi resones ben a staf of rede that lightly persen the honde. I mervel that thou, a clerk, blaberst thus blyndely. Thou takest comynly no grounde of Crist ne of His lawe, Bot ether of the Pope, as if he were thi God, Or of other fantasies that han no grounde hem-self. For whi shuld not alle prestes be meke after Crist In payng of tribut and alle other werkes? Daw, lat be thi false glose: it drivith thee to the devel! Benedicite, et nolite maledicere. Lo, Daw, with thi draffe thou liest on the Gospel, For Crist said it Hym-self: the vertu passid fro me. And here thou maist see I knowe a b from a bole fote, For I cacche thee in lesynges that thou laist on the Gospel. Bot thus to stele a childe is a gretter theft Than to stele an oxe, for the theft is more. Dawe, for thou saist ye robbe hym fro the worlde, Ye maken hym more worldly than ever his fadir - Yee, thowgh he were a plowman lyvyng trwe lyf, Ye robbe hym fro the trwe reule and maken hym apostata, A begger and a sodomit, for suche thai ben many. Ve vobis qui facitis unum proselitum. Suple, filium gehenne duplo quam vos. Daw, I do thee wel to wite, frentike am I not, Bot it semith thi sotil witte marrith many man. Bot how stondith this to-gedir: ye sle men in your prison; Ye have your conspiracies when ye gode likith; Ye damne the trwe, ye hyen the false; deme, Dawe, wher this be gode! And the kyng, by his juges trwe, execute his lawe, As he did now late whan he hangid you traytoures. Wilt thou Dawe, allegates, compere you to the kyng, Or to other lordes that han her grounde in God? Lefe, fole, thi losengerie, and studie Cristis lyf. Que conventio Christi ad Belial? Quid communicabit cacabus ad ollam? Daw, how maist thou saye - for shame! - that Crist stale thus childre, And Poule beggid as ye don, ye lyven bi the Gospel? Yee, Dawe! Ye selle derrere lesynges and poyson Than ever did Poule alle his holy writyng. Ever thou likynest you to Crist whan ye ben verrei Anticrist; And if bisshopes byside wel to knowe alle your dedes, Thai fonde you werse than harlotes or joguloures ether; For ye begge or ye preche, many tymes and oft, Somen men and threten hem, bot if thai yif you gode. Bot the harlot wil drawe the blode of his arse Or he ask any gode or any rewarde. And Daw, truly your dedes contrarie Crist. Mordent dentibus et predicant pacem; et si quis non dederit in ore eorum quippiam, sanctificant super eum proelium. Daw, here thou blaberist to-gedir falsenes and trouthe, For a bastarde is he that holdith ayenes the sothe. (God and trwe men discusse wher that be ye or I!) For if thou callist Holichirche the techyng of Crist, The reules of apostles, the lyf of hem alle, I summitte me to hem, and wil while I lyve. If thou callist, Dawe, your Dominikis reules, With determinacion of many false prestes, Holichirche - as I wene as oft thou hast done - I forsake the for ever, with this cursid Chirche. Odivi ecclesiam malignantium. If thou purposist to pursuwe and drawe men to dethe, I mervel not meche, for it is thin office; The fadires of freres, whiche were the Pharisees, Pursuwed Crist to the paynful dethe - Ye, callid Hym a blasfeme as ye clepen hem heritikes That holde ayenes your falsehede, alle if thai men truthe. Et vos implete mensuram patrum vestrorum. Daw, thou hast lerned so long to lye, thou wenest thou saist soth Whan thou liest most lowde and sclaunderist the truthe. Thou saidist thou were no lettred man; thou prevest thi-self fals, For thou spekist of jerarchies, of herisies also. Thou art gilty in alle thes poyntes, and thi brether bothe; That I wolde preve apertly if that the tyme suffrid. Lok your lyvyng, your prechyng, with other opun dedes, And laye it by the apostles lyf, and se how thai acorde; And, as I wene, the Holigost appreveth nether nouther. 29 Me thinkith ye ben tapsteres in alle that ye don. Ye tappe your absoluciones that ye bye at Rome: Your prechyng, your praying, and also your berying. Bot thou accusist other men that han bot the mote In the comparison of alle your gret synnes. Ypocrita, eice primo trabem de oculo tuo. Dawe, ye folowen Crist as greyhounde doth the hare; For as God yaf Kyng Saule in his wodenes, So ye ben clekkid out to pursuwe Holichirche. Periculum in falsis fratribus. Yit, Dawe, thou drawist in many fals prompynges, For to hirt symple men, bot me never a del; For Crist in His membres beggid ful oft For synne of the puple whan thai were at mischef; 30 Bot as suche bolde beggeres in bodily hele, Begged never Crist ne non of His membres. For Crist, that is truthe, may in no wise Contrarie Him-self, ne God that is His Fadir, For in many places thai damnen suche sturdy beggyng. And so, Dawe, thou dotest, allegyng the water, The asse, or the herberowe, for He was Lorde of alle. And so thou mysse-takist Jerom and lyest on Bernarde, For Alrede his clerke wrote this reson That thou mysse-layst and dokkist it as the likith. Herfor a clerke saith, that "evel mote he spede That beggith of the puple more than is nede." Mendax mendicus non est veritatis amicus. Nutantes transferantur filii eius et mendicent. God gif the grace to knowe how thou art Judas childe, Whiche psalme thou leggist to me as to an evel entent. Yit, Dawe, thou hewist hye and puttist thi mouthe in heven; 31 Thy tong likkith the chesefat and the garner also, And the pore wedowes porse, thowgh she have bot a peny, And yit, Dawe Dotypolle, thou justifiest this harlotrie. Why lykkennest thou writyng of names, which thou dost for money, 32 To the Holi Scripture that is our bileve? For God ne any godeman appreved never this symonye. Thou approvest your capped maisters with a glasen glose, Whiche galpen after grace, bi Symonye your sister, And after sitten on hie dece and glosen lordes and ladies; And this is no liknes bitwix my knave and hem, For of thes and suche it ben that Crist spekith in His Gospel: Amant enim primos recubitus in cenis, et primas cathedras in synagogis, et vocari ab hominibus Rabbi. Daw, thou herdist me not grucche that ye went two to-gedir, For other while ye gon three, a womman is that oon; Bot whether ye go two or oon, if ye wol do wele, It were a gret joye to me, God wot the sothe. Bot wel I wote that charite may not duelle there, Where covetise crepith in and lecherie is loggid; Therfor, Dawe, allegge thou no figur for thin ordre Bot if it be Zambre with Corby his lotby, Or Jamnes and Mambres, Pharaouse freres. Hii sunt qui penetrant domos, et ducunt mulierculas oneratas peccatis. Oft, Dawe, in thi writtyng thou wryngist out contradiction, Bot yit thou puttist defaut to prestes, as erst thou didist to curates. I wot thai ben defectif, bot yit stondith Cristis religion, Of whose defaut I dout not, Dawe, ye ben the chef cause. Bi this it suwith not God bot Sathanas brought you in. 33 Thou saist, Dawe, as thou felist, that there is Cristis body; Bot I afferme faithfully that that is Cristis body. Daw, aske thi capped maisters as if thai were heritikes, What is the sacred host, and grounde hem in Scripture - To whiche we knele and doffe our hodes and don alle this wirchip: And I bileve that sacred, whiche is bothe whit and rounde, Is verrei Cristis body, as men shuld bileve, And did to the tyme that Sathanas was unbounde. The wittnesse of this reson is Crist and His apostles, With many holi doctoures of the thousande yere; Bot this ye falsely forsake, with alle your secte (or many), And blynden the puple with heresie, and leven Goddis lawe, For ye sayen ther is Cristis body and nought that sacred host. Commutaverunt veritatem Dei in mendacium. |
against order requires Lies and falsehood are like; (see note) chatters; begs does; overt trial none allege; but for more falsely (see note) people your works property; two; works worst proper argument Observe; (see note) destroyed; them (see note) prior; recover powerful beyond reason wives (see note) apostles; (see note) (see note) But; they hated accusing; (see note) less evil foundation yet may But; founder (see note) i.e., Elijah; destroyed has come to include (see note) your friar; (see note)s forbids; believe yet fear (see note) lie habitually (see note) manifestly; to don't count it as caught all the time secret; (see note) liar [you] call truly; hundred (see note) against cite; Solomon's temple again (see note) poor; sanctified leader; (see note) gilt gloss ill-begotten convents (see note) (see note) know; because of have almost destroyed (see note) there are few; despised (see note) (see note) then bark; moon; (see note) mill; to get old barking; outrageously diminish (see note) fear; (see note) head; brethren (see note) true meaning woe shall befall you attract; people fales men; spoiled unless likely (see note) (see note) judge unconditionally We; leave; judge; (see note) judge; do (see note) Little; (see note) (see note) (see note) prove; see it apostate liar; traits; (see note) (see note) don't compare have been ordained ordained; corrupt thievishly steal; altar; (see note) by theft; livelihood untruths; vain people gains; honors stir up; lies; (see note) basis; anchored rehearse nearly (well nigh) own rules rules disobey it very often apostates from Holy Church (see note) true; properly enquire on earth begging; confessions pillage; rob them of faith (see note) prate about; (see note) Unless; madmen; beguilers Since; smacks of (see note) else (see note) little Daw leader of us all; true peace frogs; (see note) (see note) specious argument; rife here; two; neither; (see note) her nor; either abandon steal what they; (see note) goods (see note) nor; (see note) gain; much; does (see note) cloth strips; (see note) torn clothing; (see note) hurts; want you to know fast committed Does; for; reasons One; seriousness (black); (see note) Since; fickle; on earth true; say about it would take very little rule; superfluous does good; man's head misshapen hood; (see note) Proclaims; hypocrisy; fools (see note) (see note) prevaricate; stop doing it (see note) speak about; know Little values; one [thing] from the same draft set forth; arguments; (see note) as appropriate for; (see note) each; in [its] time (season) eating; meat; (see note) Each man should; corrupt rule appearances; measures devil's dung; (see note) mingled; venom; (see note) against good; extend against; boasters; liars blabberers come; Josiah; (see note) fiends; renew tricked not the king as much; (see note) (see note) tell; doubt significant; Paul i.e., work hard; lead; (see note) fools; breath (words) ape's; rattle off; (see note) gallon scornfully; sheep-house (see note) built; truly-begotten goodness bargaining (see note) (see note) true priest outrageously; affix a seal ways; countries paying; tribute; (see note) compare yourself; worse (form of) payment; meekness license; works (see note) (see note) did you authorize; decree reed; pierces; (see note) marvel; blabber on But either themselves priests; following (see note) chaff; lie about; (see note) power; (see note) bull's foot attribute to steal; (see note) more reprehensible Yea; virtuous life true rule; apostate (see note) (see note) subtle wit; harms see fit; (see note) support Even if; judges; (see note) recently nevertheless, compare yourself who have their grounding Desist; deceits (see note) stole; (see note) St. Paul; according to at greater expense lies deeds jugglers either preach Summon; unless wretch; (see note) Before (see note) (see note) argues against whether (see note) submit myself believe you have done very often (see note) intend to persecute don't wonder much Yea; blasphemer; (see note) argue against; mean (see note) think; (see note) outrageously prove yourself hierarchies brethren also move openly; allowed Examine; plain deeds compare; agree bartenders ("tappers") siphon off; buy burials who have only the speck (see note) gave [to]; madness; (see note) marked out (see note) instigations; (see note) injure; not at all i.e., Christ's disciples health; (see note) disciples in no manner Contradict; Father begging by sturdy folk behave foolishly, denying; (see note) misinterpret; (see note) Ailred; argument misplace; mutilate; (see note) may he ill prosper; (see note) required (see note) (see note) give you (see note) (see note) tongue licks; storeroom; (see note) widow's purse; (see note) Dumbhead; wickedness; (see note) (see note) never authorized (see note) gape (gulp); (see note) high dais; flatter servant (see note) complain; (see note) i.e., the third or alone; behave well dwell creeps; lodged cite no emblem Unless it should be; concubine; (see note) (see note) bring forth; (see note) blame; before imperfect (see note) i.e., the wafer [academic] masters hoods; do host (wafer) truly did [believe]; (see note) company abandon (see note |