The second tractate. The first chapiter treteth of the forme of a kyng, of his maners, and of his estate.                                                                                                            Capitulo primo.
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121	N   N N T N N N N N N N N T N	The kynge must be thus maad. For he must sytte in a chayer clothyd in purpure, crowned on his heed, in his right hond a ceptre, and in the lift honde an apple of golde, for he is the most grettest and hyest in dygnyté above al other and most worthy. And that is signyfyed by the corone, for the glorie of the peple is the dygnyté of the kyng. And above al other the kyng ought to be replenysshed with vertues and of grace. And this signyfieth the purpure, for in like wyse as the robes of purpure maketh fayr and enbelissheth the body, the same wyse vertues makyth the sowle. He ought alwey thynk on the governement of the royame and who hath the admynystracion of justyce, and this shold be by hymself pryncipally. This signefyeth the appel of golde that he holdeth in his lift honde. And for as moche as it aperteyneth unto hym to punysshe the rebelles, hath he the septre in his right hond. And for as moche as mysericorde and trouth conserve and kepe the kyng in his trone, therfore ought a kyng to be merciful and debonayr. For when a kyng or prynce desireth or wyl be belovyd of his peple, lete hym be governed by debonayrté.    And Valerius saith that deboneyrté percyth the hertes of straungers, and amolissheth and makyth softe the hertes of his enemyes. Wherof he rehercith that Phylostratus, that was duc of Athenes, had a doughter whom a man lovyd so ardantly that, on a tyme as he sawe her with her moder, sodaynly he cam and kyssed her. Wherof the moder was so angry and sorouful that she went and requyred of her lord, the duc, that his heed myght be smyten of. The prynce answerd to her and sayd, “Yf we shold slee them that love us, what shal we do to our enemyes that hate us?" Certeynly, this was the answer of a noble and debonayr prynce, that suffred that vylonye doon to his doughter and to hymself yet more.    This prynce had also a frende that was named Arispe that sayd on a tyme as moche vylonye unto the prynce as ony man myght saye. And that myght not suffyse hym, but he cratchid hym in the vysage. The prynce suffryd hym paciently in suche wyse as though he had doon to hym no vylonye but curtesye. And whan his sones wold have avengyd this vylonye, he comaunded them that they shold not be so hardy so to doo. The next day folowyng, Arispe remembrid of the right grete vylonye that he had doon to his frende and lord without cause. He fyl in dyspayr and wold have slayn hymself. Whan the duc knewe and understood that, he cam to hym and said, “Ne doubte thee no thyng," and swore to hym by hys faith that also wel he was and shold be his frend fro than forthon as ever he had ben tofore, yf he wold. And thus he respited hym of his deth by his debonayrté.    And in lyke wise rede we of the Kyng Pirre to whom was reported that they of Tarente had sayd grete vilonye of hym, for which cause he maad al them to come tofore hym and demaunded of them yf they had so said. Than one of them answerd and said, “Yf the wyn and the candellis had not fayled, thys langage had ben but a jape, in regarde of that we had thought to have doon." Than the kyng began to lawhe, for they had confessyd that suche langage as was said and spoken was by dronkenshyp. And for this cause of debonayrté, the peple of Tarante tooke for a custome that the dronken men shold be punysshid, and the sobre men preysed.    The kyng thenne thus ought to love humylité and hate falsyté after the Holy Scripture, that speketh of every man generally. For the kyng in his royame representeth God, and God is verité, and therfore hym ought to say no thyng but yf hit were verrytable and stable.    Valerius reherceth that Alyxandre, wyth alle his ooste, rood for to destroye a cyté whiche was named Lapsare, whan than a phylosophre, whyche had to name Anaxymenes, whych had ben tofore maistre and governour of Alixandre, herd and understood of his comyng, cam agayn Alixandre to desire and requyre of hym. And whan he sawe Alixandre, he supposid to have axyd his request. Alixandre brake his demaunde tofore and swore to hym, tofore he axid ony thyng, by his goddes that suche thyng as he axyd or requyred of hym, he wold in no wyse doon. Thenne the phylosopher requyred hym to destroye the cyté. Whan Alixandre understood his desyre and the oth that he had maad, he suffrid the cyté to stonde and not to be destroyed, for he had lever not to do his wyll than to be perjured and forsworn, and doo ageynst his oth.    Quyntilian sayth that no grete man ne lord shold not swere but where as is grete nede, and that the symple parole or worde of a prynce ought to be more stable thenne the oth of a marchaunt. Alas, who kepe the prynces their promyses in thyse dayes! Not onely her promyses but their othes, her sealis and wrytynges, and signes of theyr propre handes alle faylleth, God amende hit.    A kyng also ought to hate all cruelté. For we rede that never dyed yet ony pietous persone of evyl deth ne cruel persone of good deth. Therfore recounteth Valerius that there was a man named Therile, a werkman in metalle, that maad a boole of coppre and a lityl wyket on the syde wherby men myght put in them that shold be brent therin. And hit was maad in suche manere that they that shold be put and enclosyd therin shold crye no thynge lyke to the voys of a man but of an oxe. And thys maad he bycause men shold have the lasse pyté of them. Whan he had maad thys boole of copper, he presentyd hit unto a kyng whiche was called Philarde, that was so cruel a tyraunt that he delited in no thynge but in cruelté, and he tolde hym the condicion of the bole. Whan Philerde herde and understood thys, he alowed and praisid moche the werke, and after sayd to hym, “Thou that art more cruel than I am shalt assay and prove first thy presente and gefte." And so maad hym to go into the boole and dye an evyl deth.    Therfore, sayth Ovide, “there is no thyng more resonable thenne that a man dye of suche deth as he purchaseth unto other."    Also, the kyng ought soveraynly kepe justyce. Who maketh or kepeth a royame without justyce, of verry force there must be grete robberye and thefte. Therfore reherceth Saynt Augustyn, in a book whyche is intituled The Cyté of God, that there was a theef of the see named Diomedes, that was a grete rovar and dyd so moche harme that the complayntes cam tofore Alixander, whiche dyd hym to be taken and brought afore hym. And he demaunded hym wherfore he was so noyous and cruel in the see. And he answerd to hym agayn, “For as moche as thou art oon a londe in the worlde, so am I another in the see. But for as moche as the evyl that I doo is in oon galey or tweyn, therfore I am callyd a theef. But for as moche as thou doost in many shyppys and wyth grete puyssaunce and power, therfore arte thou callyd an emperour. But yf fortune were for me in suche wyse, I wold become a good man and better thenne I now am. But thou, the more rycher and fortunat that thou art, the more worse art thou."    Alyxaunder said to hym, “I shal chaunge thy fortune in suche wise as thou ne say that thou shalt do it by poverté, but for evyl and mavaysté." And so he made hym ryche. And this was he that afterward was a good prynce and a good justicier.    The kyng ought to be soveraynly chaste. And this signefyeth a quene that is oonly on his right side. For it is to be belevyd and credyble that whan the kyng is a good man, juste, trewe, and of good maners and condicions, that his children shal folowe gladly the same, for a good sone and a trewe ought not to forsake and goo fro the good condicions of his fader. For certes it is agaynst God and nature in98 partye whan a man taketh other thenne his propre wyf. And that see we by byrdes, of whom the male and female have togyder the charge in kepyng and norisshyng of their yonge fowles and byrdes. For somme maner of fowles kepen them to their females oonly, as hit appereth by storkes, dowves, and turtils. But the fowles that norisshith not their birdes have many wyves and femels, as the cok that nothyng norisshith his chekens. And therfore amonge al the bestes that been, man and woman putteth most their entente, and have most cure and charge, in norisshyng of their chyldren. And therfore don they agaynst nature in partye whan they leve theyr wyves for other women.    Of this chasteté reherceth Valerius an example, and saith that ther was a man of Rome whyche was named Scipio Affrican, for as moche as he had conquerd Affrique, how wel that he was of Rome born. Whan he was of thirty-four yere of age, he conquerd Cartage and toke moche people in ostage, among whom he was presented with a right fayr mayde for his solas and plaisir, which was assured and handfast unto a noble yonge gentilman of Cartage, whiche was named Indivicible. And anon as this gentil Scipio knewe that, not withstondyng that he was a prynce noble and lusty, dyd do calle anon the parents and kynnesmen of them, and delyverd to them their doughter without doyng of ony vylonye to her, and the raunson or gold that they had ordeyned for their doughter, gaf hit every deel in dowaire to her. And the yonge man that was her husbond sawe the fraunchise and gentilnes of hym torned hymself and the hertes of the noble peple unto the love and alliaunce of the Romaynes.    And this suffisith as touchyng the kyng.
	The second chapitre of the second book, and treteth of the forme and maners of the quene.                                                                                                                          Capitulo secundo.
122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303	N N N T N N N N N N T N N N N N	Thus ought the quene be maad. She ought to be a fayr lady sittyng in a chayer and crowned with a corone on her heed and cladde with a cloth of gold and a mantel above furrid wyth ermynes. And she shold sitte on the lift side of the kyng, for the amplexions and enbrasynges of her husbond, like as it is sayd in Scripture in the Canticles: “Her lifte arme shal be under my heed, and her right arme shal beclyppe and enbrace me." In that she is sette on his lifte syde is by grace gevyn to the kynge by nature and of right. For better is to have a kyng by successyon thenne by eleccion. For often tymes the electours and chosers cannot ne wylle not accorde, and so is the eleccion left. And otherwhyle they chese not the beste and most able and convenyent, but hym that they best love, or is for them most proffytable. But whan the kyng is by lignage and by trewe succession, he is taught, enseygned, and norisshyd in hys yougth all good and vertuous tatches and maners of his fader. And also, the prynces of the royame dar not so hardyly meve warre agaynst a kyng havyng a sone for to reigne after hym.    And so a quene ought to be chaste, wyse, of honest lyf, wel manerd, and not curious in norysshyng of her chyldren. Her wysedom ought not onely to appere in fait and werkes, but also in spekyng, that is to wete that she be secrete and telle not suche thynges as ought to be holden secrete. Wherfore it is a comyn proverbe that women can kepe no counceyl.    And accordyng therto, Macrobe reherceth in the Book of the Dremes of Scypyo, that there was a chyld of Rome that was named Papirus that on a tyme went with his fader, whych was a senatour, into the chambre whereas they helde theyr counceyl. And that tyme they spake of suche maters as was comaunded and agreed shold be kepte secret upon payn of theyr hedes, and so departed. And whan he was comen home from the Senatoyre and fro the counceyl wyth his fader, his moder demaunded of hym what was the counceyl and wherof they spake and had taryed so longe there. And the chylde answerd to her and sayd he durst not telle nor saye hit for so moche as hit was defended upon payn of deth. Thenne was the moder more desirous to knowe than she was tofore, and began to flatere hym one tyme, and afterward to menace hym that he shold saye and telle to her what it was. And whan the chylde sawe that he myght have no reste of hys moder in no wyse, he made her first promyse that she shold kepe hit secrete and to telle hit to noon of the world. And that doon, he feyned a lesing, or a lye, and sayde to her that the senatours had in counceyl a grete question and dyfference whiche was thys: whether hit were better and more for the comyn wele of Rome that a man shold have two wyves or a wyf to have two husbondys. And whan she had understonde thys, he defended hyr that she shold telle hit to none other body.    And after thys she went to her gossyb and tolde to her thys counceyll secretely, and she tolde to another, and thus every wyf tolde hit to other in secrete. And thus hit happend anone after that alle the wyves of Rome cam to the Senatoyre where the senatours were assemblyd and cryed with an hygh voys that they had lever, and also hit were better for the comyn wele, that a wyf shold have two husbondys than a man two wyves. The senatours, heeryng this, were gretely abasshyd and wyst not to say, ner what ner how to answere, tyl atte laste that the child, Papire, reherced to them all the caas and fayt how hit was happend. And whan the senatours herd and understood the mater, they were gretely abasshyd and commendyd gretly the ingenye and wytte of the chyld that so wysely contryved the lye rather than he wold discovere their counceyl, and forthwyth made hym a senatour, and establisshed and ordeyned fro than forthon that no chyld in ony wise shold entre into the counceyl hows amonge them with their faders except Papirus, whome they wold that he shold alwey be amonge them.    Also a quene ought to be chaste. For as she is above al other in estate and reverence, so shold she be ensaumple unto al other in her lyvyng honestlye. Wherof Jerome reherceth agaynst Jovynyan that there was a gentyl man of Rome named Duele, and this man was he that first fond the maner to fight on the water and had first the victorye. This Duele had to his wyf one of the best women, and so chaste that every woman myght take ensaumple of her. And at that tyme, the synne of the flesshe was the grettest synne that ony myght doo agaynst nature. And this sayd good woman was named Ylie. And so hit happend that this Duele becam so olde that he stowped and quaked for age. And on a tyme, one of his adversayres reprevyd and reprochyd hym, sayeng that he had a stynkyng breeth. And forthwyth he went home to his wyf al angry and abasshyd, and axed her why and wherfore she had not tolde his defaute to hym that he myght have founden remedye to have ben pourgyd therof. And she answerd that as for as moche as she supposyd that every man had that same faute as wel as he, for she kyst never ony manne’s mouth but her husbonde’s. O moche was this woman to be praysed and have a synguler lawde, wenyng that this defaute had not ben onely in her husbond, wherfore she suffryd hit paciently in suche wise that her husbond knewe his defaute sonner by other thenne by her!    Also, we rede that there was a wedowe named Anna, whiche had a frende that counceylled hyr to marye, for she was yonge, fayr, and ryche, to whom she answerd that she wold not so doo in no wyse: “For yf I shold have an husbond as I have had, and that he were as good as he was, I shold ever ben aferd to lose hym, lyke as I lost that other, and thenne shold I lyve alwey in fere and drede, whiche I wyl not. And yf hit happend me to have a worse, what shold hit proffyte me to have an evyl husbond after a good?" And so she concluded that she wold kepe her chasteté.    Saynt Austyn reherceth in the book De civitate dei that in Rome was a noble lady, gentyl of maners and of hygh kynrede, named Lucrecia. And [she] had an husbond named Colatyne, whiche desired on a tyme the emperour’s sone, named Torquyne the Orguyllous, or the Proude, and he was calle Sixte, for to come dyne and sporte hym in his castel or manoyr. And whan he was entred amonge many noble ladyes, he sawe Lucrecia. And whan thys emperour’s sone had seen and advertysed her deportes, her countenaunce, her manere, and her beaulté, he was alle ravysshed and esprysed wyth her love forthwyth, and espyed a tyme whan her husbond, Collatyn, wente unto the oost of the emperour, and cam into the place where as Lucresse was with her felawshyp, whom she receyved honourably. And whan tyme came to goo to bedde and slepe, she maad redy a bedde rially for hym, as hit apperteyned to the emperour’s sone. And this Sixtus espyed where Lucrecia laye. And whan he supposid and knewe that every body was in his first sleep, he cam unto the bedde of Lucresse, and that one hand sette on her breste, and in that other honde a nakyd swerd, and sayd to her, “Lucresse, holde thy pees and crye not. For I am Sixte, Tarquynus’ sone. For yf thou speke ony word, thou shalt be dede."    And for fere she helde her pees. Thenne he began to praye and promyse many thynges. And after, he menaced and thretened her that she shold enclyne to hym to doo his wylle. And whan he sawe he coude nor myght have his entente, he sayd to her, “Yf thou do not my wylle, I shal slee thee and one of thy servauntis and shal lay hym alle deed by thy syde. And thenne I shal say that I have slayn you for your rybaudrye."    And Lucresse, that than doubted more the shame of the world than the deth, consentyd to hym. And anone after, as the emperour’s sone was departed, the lady sent lettres to her husbond, her fader, her brethern, and to her frendes, and to a man callyd Brute, counceyllour and nevewe to Tarquyn. And sayd to them that: “Yesterday, Syxte, the emperour’s sone, cam into myn hows as an enemye in liknes of a frende and hath oppressyd me. And knowe thou, Colatyn, that he hath dishonouryd thy bedde, and how wel that he hath fowled and dishonoured my body. Yet myn herte is not, wherfore I beseche thee of pardon, foryefnes, and absolucion of the trespas but not of the payne. And he that hath doon thys synne to me, hit shal ben to his myschaunce yf ye doo your devoyr. And bycause no woman take ensaumple of Lucresse and lyve after the trespas, but that she in lyke wyse take ensaumple also of the payne."    And forthwyth with a swerde that she helde under her gowne or robe, she roof herself unto the herte and deyed forthwyth tofore them. And thenne Brute, the counceyller, and her husbond, Collatyn, and alle her other frendes swore by the blood of Lucresse that they wold never reste unto the tyme that they had put out of Rome Tarquyn and al his lygne, and that never after none of them shold come to dygnyté. And al this was doon, for they bare the deed corps thrugh the cyté and mevyd the peple in suche wyse that Tarquyn was put in exyle and Syxte, his sone, was slayn.    A quene ought to be wel manerd, and amonge alle she ought to be tumerous and shamefast. For whan a woman hath lost shamefastnes, she may ner can not weel be chaste.    Wherfore sayth Symachus that they that ben not shamefast have no conscience of luxurye.    And Saynt Ambrose sayth that one of the best parementes and maketh a womman most fayr in her persone is to be shamefast.    Seneque reherceth that there was one named Archezylle, whiche was so shamefast that she put in a pelowe of fethers a certeyn somme of money and put hit under the heed of a poure frende of herys, whiche dissymyled his poverté and wolde not nor durst not be a knowen of his poverté for shame. She durst not gyve it openly but had lever that he shold fynde hyt than that she had gyven hit hym. Wherfore otherwhile men shold gyve and helpe her frendes so secretly that they knowe not whens it come, for whan we kepe it secret and make no boste therof, our dedes and werkes shal please God and them also.    A quene ought to be chosen whan she shal be weddyd of the moste honest kynrede and peple, for often tymes the doughters folowen the tatches and maners of theym that they ben dyscended from. Wherof Valeryus Maximus sayth that there was one that wold marye whiche cam to a philosopher and axyd counceyl what wyf he myght best take. He answerd that he shold “take her that thou knowest certeynly that her moder and her grauntdame have ben chaste and wel condycioned. For suche moder, suche doughter, comunely."    Also, a quene ought to teche her chyldren to ben contynent and kepe chastité entierly, as hit is wryten in Ecclesiastes: “Yf thou have sones, enseigne and teche them. And yf thou have doughters, kepe wel them in chastyté."    For Helemonde reherceth that every kynge and prynce ought to be a clerke for to comaunde to other to studye and rede the lawe of our Lord God, and therfore wrote the emperour to the kyng of Fraunce that he shold do lerne his children sones the seven sciences liberal, and sayd amonge other thynges that a kyng not lettrid resembleth an asse coroned. The Emperour Octovyan maad his sones to be taught and lerne to swymme, to sprynge and lepe, to juste, to playe wyth the axe and swerde, and al maner thyng that apperteyneth to a knyght. And his doughters he made hem to lerne to sewe, to spynne, to labour as wel in wolle as in lynen cloth, and al other werkis langyng to women. And whan his frendes demaunded wherfore he dyd so, he answerd how wel that he was lord and syre of alle the world, yet wyste he not what shold befalle of his children and whether they shold falle or come to poverté or noo: “And therfore yf they conne a good crafte, they may alwey lyve honestly."    The quene ought to kepe her doughters in alle chastyté, for we rede of many maydens that for their virgynyté have ben maad quenes. For Poule the Historiagraph of the Lombardes reherceth that ther was a duchesse named Remonde whiche had thre sones and [two] doughters. And hit happend that the kynge of Hongrye, Cantanus, assayled a castel where she and her chylddren were inne. And on a day, she behelde her enemyes, and amonge alle other, she sawe the kyng that he was a wel faryng and a goodly man. Anone she was esprysed and taken wyth his love, and that so sore that forthwyth she sent to hym that she wold delyver over the castel to hym yf he wold take her to his wyf and wedde her. And he agreed therto and sware that he wold have her to his wyf on that condicion. Whan than the kyng was in the castel, his peple took men and women and alle that they fonde. Her soones fledde from her, of whome one was named Ermoaldus and was yongest, and after was duc of Boneventan, and sithen kyng of the Lumbardis. And the two susters toke chykens and put hem under her armes next the flessh and bytwene her pappes, that of the hete and chauffyng, the flessh of the chikyns stanke. And whan so was that they of Hongrye wold have enforced and defowled, anone they felte the stenche and fledde awey and so lefte hem sayeng, “Fy! How these Lombardes stynke!" And so they kepte theyr virgynyté. Wherfore that one of hem afterward was quene of Fraunce, and that other quene of Almayn.    And hit happend thenne that the Kyng Catanus toke acordyng to his promyse the duchesse and lay wyth her one nyght for to save his ooth. And on the morne, he made her comune unto al the Hungres. And the thyrd day after, he dyd doo put a staf of tree fro the nether parte of her thrugh her body unto her throte or mouthe. For by cause of the luste of her flessh, she betrayed her cyté. And sayd “suche husbond, suche wyf."    And this suffyseth of the quene.
	The thyrd chappytre of the second traytye treteth of the alphyns, her offyces and maners.                                                                                                                            Capitulo tercio.
304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437	N N N N N T N N; T   N N N N N N N N N N N; T N N	The alphyns ought to be maad and formed in manere of juges sittyng in a chayer wyth a book open tofore theyr eyen. And that is by cause that somme causes ben crymynel and somme ben cyvyle, as about possessions and other temporel thynges and trespaces. And therfore ought to be two juges in the royame, one in the black for the first cause and that other in whyt as for the second. Theyr offyce is for to counceylle the kyng and to make by his commaundementis good lawes, and to enforme alle the royame in good and vertuous maners, and to juge and gyve sentence wel and trewly after the caas is had, and to counceyl wel and justely alle them that axe counceyl of hem, wythout havyng of ony eye opene to ony persone, and to estudye diligently in suche wyse, and to ordeigne alle that that ought to be kept, be observyd, be faste and stable, so that they be not founde corupt for yefte, for favour, ne for lignage, ne for envye varriable.    And as touchyng the first poynt, Seneque saith in the Book of Benefets that the pour Diogenes was more strong than Alixandre, for Alixandre coude not gyve so moche as Diogenes wold refuse.    Marcus Cursus, a Romayn of grete renomee, saith thus: that whan he had besieged and assayled them of Samente and Beneventans, which herde that he was poure, they took a grete masse and wedge of gold and sendyd hit to hym, prayeng hym that he wold reseyve hit and leve his assault and siege. And whan they came with the present to hym, they fond hym sittyng on the erthe and ete his mete out of platers and dysshes of tree and of wode, and did than her message. To whom he answerd and said that they shold goo home and saye to them that sente them that “Marcus Cursus loveth better to be lord and wynne richesses than richesse shold wynne hym. For by batayle he shal not be overcome and vaynquysshed, nor by gold, ne silver he shal not be corrupt ne corompid." Oftentymes that thyng taketh an evyll ende that is untrewe for gold and silver, and that a man is subget unto money may not be lord therof.    Helymond reherceth that Demostene demaunded of Aristodone how moche he had wonne for pletyng of a cause for hys client. And he answerd, “A mark of golde." Demostenes answerd to hym agayn that he had wonne as moche for to holde hys pees and speke not. Thus the tunges of advocates and men of lawe ben perilous and dommegeable, yet they must be had yf thou wolt wynne thy cause, for with money and yefte thou shall wynne. And oftentymes they selle as wel theyr scilence as their utteraunce.    Valerius rehercith that the senatours of Rome took counceil togeder of two persones, that one was poure and that other riche and covetous, whiche of hem bothe were most apte for to sende to governe and juge the contré of Spayne. And Scipyon of Affrique said that none of hem bothe were good ne proffytable to be sent theder. For that one hath no thyng, and to that other may no thyng suffyse, and despysed in hys sayeng alle poverté and avarice in a juge. For a covetous man hath nede of an halpeny, for he is servaunt and bonde unto money, and not lorde therof. But poverté of herte and of wylle ought to be gretely alowed in a juge.    Therfore we rede that as longe as the Romayns lovyd poverté, they were lordys of alle the world. For many there were that exposed al theyr goodes for the comyn wele, and for that was most proffitable for the comynalté, that they were so poure that whan they were dede they were buryed and brought to erthe wyth the comyn good. And theyr doughters were maryed by the commaundement of the senatours. But sithen that they despised poverté and begonne to gadre richesses and have made grete bataylles, they have used many synnes. And so the comyn wele perisshed. For ther is no synne but that it reigneth there, where is none that is so blisful as he that hath al the world in despite. For he is in pees that dredith no man, and he is riche that coveiteth no thyng.    Valere reherceth that he is not riche that moche hath, but he is riche that hath lityl and coveyteth no thyng.    Than thus late the juges take hede that they enclyne not for love or for hate in ony jugement. For Theofrast saith that all love is blynde. Where love is, there can not right jugement by gyven, for all love is blynde. And therfore love is none evyn juge. For ofte tymes love jugeth a fowle and lothly woman to be fayr.    And so reherceth Quinte Curse in his first book that the grete Godaches sayth the same to Alyxandre. Men may saye in this caas that nature is evyl, for every man is lasse advysed and worse in his owne feet and cause than in another mannys. And therfore the juges ought to kepe hem wel from ire in jugement.    Tullyus sayth that an angry and yrous persone weneth that for to doo evyl is good counceyl.    And Socrates saith that two thynges ben contrarious to counceyl, and they ben hastynes and wrath.    And Galeren sayth in Alexandrye: “Yf yre or wrath overcome thee whan thou sholdest geve jugement, weye all thyng in the balaunce so that thy jugement be not enclyned by love, ne by yeft ne favor of persone torne not thy corage."    Helemond reherceth that Cambyses, kyng of Perce, whiche was a right wis kyng, had an unrightwis juge, whiche for envye and evyl wyll had dampned a man wrongfully and agaynst right. Wherfore he dyd hym to be flayn al quyk and made the chayer or siege of jugement to be coverid with his skyn, and made his sone juge and to sitte in the chayer on the skyn of his fader, to the ende that the sone shold juge rightwisly and abhorre the jugement and payne of his fader.    Juges ought to punysshe the defaultes egally and fulfille the lawe that they ordeyne. Caton saith: “Accomplisshe and do the lawe in suche wyse as thou hast ordeigned and geven."    Valerius reherceth that Calengius, a consul, had a sone whiche was taken in advoultrye, and therfore, after the lawe at that tyme, he was dampned to lose bothe his eyen. The fader wold that the lawe shold be accomplisshed in his sone wythout favour. But al the cité was mevyd herewyth and wold not suffre hit. But in the ende his fader was vaynquysshed by theyr prayers and ordeyned that his sone shold lese one eye, whyche was put out, and he hymself lost an other eye. And thus was the lawe observyd and kept, and the prayer of the people was accomplisshed.    We rede that there was a counceyllour of Rome that had gyven counceylle to make a statute that whosommeever that entryd into the Senatoyr and a swerde gyrt aboute hym shold be deed. Than hit happend on a tyme that he came from without and entrid into the Senatoir and his swerd gyrt about hym, wherof he toke none hede. And one of the senatours told hym of hit. And whan he knewe hit and remembrid the statute, he drewe out his swerde and slewe hymself tofore them, rather to dye than to breke the lawe, for whos dethe alle the senatours maad grete sorowe.    But alas we fynde not many in thyse dayes that so do. But they do lyke as Anastasyus saith, that the lawes of somme ben like unto the nettis of spyncoppis, that take no grete bestes and fowles but let goo and flee thrugh. But they take flyes and gnattes and suche smale thynges. In like wise, the lawes nowadayes ben not executed but upon the poure peple. The grete and riche breke hit and goo thrugh with al, and for this cause sourden batailles and discordes, and make the grete and riche men to take by force and strengthe lordshippis and seignories upon the smale and poure peple. And this don they specially that ben gentil of lignage and poure of goodes, and causeth them to robbe and reve, and yet constreyne them by force to serve them. And thys is no mervayle, for they that drede not to angre God, ner to breke the lawe and to false hit, falle often tymes by force in moche cursidnes and wickednes. But whan the grete peple do accordyng to the lawe and punysshe the transgressours sharply, the comyn peple absteyne and withdrawe hem fro doyng of evyl and chastiseth hemself by theyr example.    And the juges ought to entende for to studye. For yf the smythes, the carpentiers, the vignours, and other craftymen say that it is not necessarye to studye for the comyn proffit, and glorefye them in their connyng and say that they ben proffitable, than shold the juges studye and contemplaire moche more than they in that that shold be for the comyn wele.    Wherfore saith Seneke: “Beleve me that they seme that they do no thyng, they do more than they that laboure, for they do spirituel and also corporal werkis." And therfore, amonge artificers ther is no plesaunt rest but that reson of the juges hath maad and ordeyned hit.    And therfore Angelius saith in Libro Atticors de Socrate that Socrates was on a tyme so pensif that in an hole naturel day, he helde one estate, that he ne meved mouth, ne eye, ne foot, ne hand, but was as he had ben deed or ravysshed. And whan one demaunded hym wherfore he was so pensif, he answerd, “In al worldly thynges and labours of the same," and helde hym bourgeys and cytézeyn of the world.    And Valerius rehercith that Carnardes, a knyght, was so sage, wyse, and laborous in pensifnes of the comyn wele, that whan he was sette atte table for to ete, he forgate to put his hond unto the mete to fede hymself. And therfore his wyf, that was named Mellyse, whom he had taken more to have her companye and felawshyp than for ony other thynge, fedde hym to the ende that he shold not dye for hongre in his pensifnes.    Didimus sayd to Alixandre: “We be not deynseyns in the world but straungers, nor we ben not born in the world for to dwelle and abyde alwey therein, but for to goo and passe thrugh hit. We have doon noon evyl dede but that it is worthy to be punysshed, and we to suffre payne therfore, and thenne we may goon with open face and good conscience. And so may we goo lightly and appertly the way that we hope and purpose to goo."    Thys suffyseth as for the alphyns.
F	The fourth chappitre of the second book treteth of the ordre of chevalrye and knyghthoode, and of her offyces and maners.                                                                          Capitulo quarto.
438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504 505 506 507 508 509 510 511 512 513 514 515 516 517 518 519 520 521 522 523 524 525 526 527 528 529 530 531 532 533 534 535 536 537 538 539 540 541 542 543 544 545 546 547 548 549 550 551 552 553 554 555 556 557 558 559 560 561 562 563 564 565 566 567 568 569 570 571 571 573 574 575 576 577 578 579 580 581 582 583 584 585 586 587 588 589 590 591 592 593 594 595 596 597 598 599 600 601 602 603 604 605 606 607 608 609 610 611 612 613 614 615 616 617 618 619 620 621 622 623 624 625 626 627 628 629 630 631 632 633 634 635 636 637 638 639 640 641 642 643 644 645 646 647 648 649 650 651 652 653 654 655 656 657 658 659 660 661 662 663 664 665 666 667 668 669 670 671 672 673 674 675 676 677 678 679 680 681 682 683 684 685 686 687 688 689 690 691 692 693 694 695 696 697 698 699 700 701 702 703 704	N N N N N N N N N N N N N N N N N N N N	The knyght ought to be maad al armed upon an hors in suche wise that he have an helme on his heed and a spere in his right hond, and coverid with his shelde, a swerd and a mace on his lyft syde, clad with an hawberk and plates tofore his breste, legge harnoys on his legges, spores on his heelis, on hys handes hys gauntelettes, hys hors wel broken and taught, and apte to bataylle, and coveryd with his armes. Whan the knyghtes ben maad, they ben bayned or bathed. That is the signe that they shold lede a newe lyf and newe maners. Also, they wake alle the nyght in prayers and orisons unto God that He wil geve hem grace that they may gete that thyng that they may not gete by nature. The kyng or prynce gyrdeth aboute them a swerde in signe that they shold abyde and kepen hym of whom they taken their dispences and dignyté. Also, a knyght ought to be wyse, lyberalle, trewe, strong, and ful of mercy and pyté, and kepar of the peple and of the lawe.    And right as chevalrye passeth other in vertue, in dignyté, in honour, and in reverence, right so ought he to surmounte alle other in vertue. For honour is nothyng ellys but to do reverence to another persone for the good and vertuous disposicion that is in hym. A noble knyghte ought to be wyse and provyd tofore he be maad knyght. Hit behoved hym that he had long tyme usid the warre and armes, that he may be expert and wyse for to governe the other. For sithen that a knyght is capitayn of a batayle, the lyf of them that shal be under hym lyeth in his honde. And therfore behoveth hym to be wyse and wel advysed, for somtyme art, craft, and engyne is more worthe than strengthe or hardynes of a man that is not proved in armes. For otherwhile it happeth that whan the prynce of the batayl affyeth and trusteth in his hardynes and strengthe, and wol not use wisedom and engyne for to renne upon his enemyes, he is vaynquysshed and his people slayn.    Therfore saith the philosopher that no man shold chese yong peple to be captayns and governours, for as moche as ther is no certeynté in her wisdom. Alixandre of Macedone vaynquysshed and conquerd Egipte, Judé, Caldee, Affrique, and Assyrie, unto the Marches of Bragmans, more by the counceyl of olde men than by the strengthe of the yong men.    We rede in the Historye of Rome that there was a knyght whiche had to name Malechete, that was so wyse and trewe that whan the Emperour Theodosius was dede, he made mortal warre agenst his broder germayn, which was named Gyldo or Guye, for as moche as this sayd Guye wold be lord of Affrique without leve and wylle of the senatours. And thys sayd Guy had slayn the two sones of his broder Malechete, and dyd moche torment unto the Crysten peple. And afore that he shold come into the felde ayenst his broder Guyon, he went into an Yle of Capayre, and ladde with hym al the Cristen men that had ben sent theder in exyle, and maad hem alle to praye with hym by the space of thre dayes and thre nyghtes, for he had grete affyaunce and truste in the prayers and orisons of good folk, and specially that no man myght counceyl ne helpe but God. And thre dayes tofore he shold fight, Saynt Ambrose, whiche was deed a litil tofore, apperyd to hym and shewed hym by revelaconn the tyme and howre that he shold have victorye. And for so moche as he had ben [three] dayes and thre nyghtes in orysons and prayers, and that he was assuryd for to have victorye, he faught wyth fyve thousand men ayenst his broder that had in his companye four score thousand men. And by Godde’s helpe, he had victorye. And whan the barbaryans that were comen to helpe Guyon sawe the discomfiture, they fledde awey, and Guyon fledde also into Affryque by shyppe. And whan he was there aryved, he was sone after stranglid. These two knyghtes of whom I speke were two brethern germayns, whyche were sent into Affrique for to deffende the comyn wele.    In lyke wyse, Judas Machabeus, Jonathas, and Symon, his brethern, put them self in the mercy and garde of our Lord God and ageyn the enemyes of the lawe of God, with litil people in regarde of the multitude that were agayn them, and had also victorye.    The knyghtes ought to ben trewe to theyr prynces, for he that is not trewe leseth the name of a knyght. Unto a prynce, trouth is the grettest precious stone whan hit is medlid wyth justice.    Paule the Historiagraph of the Lombardes reherceth that there was a knyght named Enulphus, and was of the cyté of Papye, that was so trewe and faythful to his lord and kyng named Pathariche that he put hym in parylle of deth for hym. For hit happend that Grymald, duc of Buneventayns, of whom we have touched tofore in the chapytre of the quene, dyd do slee Godebert, whyche was kyng of the Lombardes by the hande of Goribert, duc of Tarente, whiche was descended of the crowne of Lombardes. And this Grymalde was maad kyng of Lombardye in his place, and after this put and banysshed out of the contraye this Patharich, whiche was broder unto the Kyng Godebert, that for fere and drede fledde into Hongrye. And thenne this knyght Enulphus dyd so moche that he gate the pees agayn of his lord Patharich agaynst the Kyng Grymalde, and that he had licence to come out of Hongrye, where he was alwey in parell. And so he came and cryed hym mercy. And the Kyng Grymalde gaf hym leve to dwelle and to lyve honestly in his contré, alwey forseen that he took not upon hym and named hymself kyng, how wel he was kyng by right.    This doon, a lityl whyle after the kyng, that belevyd evyl tonges, thought in hymself how he myght brynge this Pathariche unto the deth. And al thys knewe wel the knyght Enulphus, whiche came the same nyght wyth his squyer for to vysite his lord, and maad hys squyer to unclothe hym and to lye in the bedde of his lord, and maad his lorde to rise and clothe hym wyth the clothes of his squyer. And in this wyse brought hym out, brawlyng and betyng hym as his servaunt by them that were asigned to kepe the hows of Patharich that he shold not escape, which supposid that hit had been his squyer that he entreted so outragyously, and so he brought hym unto his hows which joyned wyth the walles of the toun. And at mydnyght, when al men were aslepe, he lete adoun his maistre by a corde, whiche took an hors out of the pasture and fledde unto the cyté of Aast, and there cam to the kyng of Fraunce. And whan it cam unto the morne, hit was founden that Enulphus and his squyer had deceyved the kyng and the watchemen, whom the kyng commaunded shold be brought tofore hym and demaunded of them the maner how he was escapyd. And they tolde hym the trouthe.    Thenne the kyng demaunded his counceyl of what deth they had deservyd to dye that had so doon and wrought agayn the wylle of hym. Somme said that they shold ben honged. And somme said they shold be flayn. And other said that they shold be beheded. Than said the kyng, “By that Lord that maad me, they ben not worthy to dye but for to have moche worshyp and honour. For they have ben trewe to theyr lord." Wherfore the kyng gaf hem a grete lawde and honour for theyr feet. And after, it happend that the propre squyer and servaunt of Godeberd slewe the traytre Gorybalde, that by treson had slayn his lorde at a feste of Saynt John in his cyté of Tarente, wherof he was lord and duc.    Thus ought the knyghtes to love togyder, and eche to put his lyf in aventure for other, for so been they the strenger and the more doubted, lyke as were the noble knyghtes Joab and Abysay, that fought ageynst the Syryens and Amonytes, and were so trewe, that one to that other, that they vaynquysshed theyr enemyes, and were so joyned togyder that yf the Siriens were strenger thenne that one of them, that other helpe hym.    We rede that Damon and Phisias were so right parfight frendes togyder that whan Dionysius, whiche was kyng of Zecille, had jugged one to deth for his trespaas in the cyté of Siracusane, whom he wold have executed, he desired grace and leve to goo into his contré for to dispose and ordeyne his testament. And his felawe pledgyd hym and was sewrté for hym upon his heed that he shold come agayn. Wherof they that herde and sawe this helde hym for a fool and blamed hym. And he sayd alwey that he repentyd hym no thyng at all, for he knewe wel the trouth of his felawe. And whan the day cam and the howre that execucion shold be doon, his felowe cam and presented hymself tofore the juge and dischargid his felowe that was pledge for hym, wherof the kyng was gretely abasshyd. And for the grete trouthe that was founden in hym, he pardonyd hym and prayed hem bothe that they wold receyve hym as theyr grete frende and felowe. Lo, here the vertues of love, that a man ought not to doubte the deth for his frende! Lo, what it is to doo for a frende and to lede a lyf debonayr, and to be wythout cruelté, to love and not to hate, whyche causeth to doo good ayenst evyl, and to torne payne into benefete, and to quenche cruelté!    Anthonyus sayth that Julius Cesar lefte not lightly frendshyp and amytye, but whan he had hit, he reteyned hit faste and mayntened hit alwey.    Scipion of Affrique saith that there is no thyng so stronge as for to maynteyne love unto the deth. The love of concupissence and of lecherye is sone dissolvyd and broken. But the verray trewe love of the comyn wele and proffyt nowadayes is selde founden. Where shal thou fynde a man in thyse dayes that wyl expose hymself for the worshyp and honour of his frende or for the comyn wele? Selde or never shal he be founden.    Also, the knyghtes shold be large and liberal. For whan a knyght hath regarde unto his synguler prouffyt by his covetyse, he dyspoyleth his peple. For whan the souldyours se that they put hem in parel, and their mayster wyl not paye hem theyr wages lyberally, but entendeth to his owne propre gayn and proffyt, than whan the enemyes come, they torne sone her backes and flee often tymes. And thus hit happeth by hym that entendeth more to gete money than vyctorye that his avaryce is ofte tymes cause of his confusion. Thenne lete every knyght take hede to be lyberalle in suche wyse that he wene not ne suppose that his scarceté be to hym a grete wynnyng or gayn. And for thys cause, he be the lasse lovyd of his peple, and that his adversarye wythdrawe to hym them by large gevyng. For ofte tyme batayle is avaunced more for getyng of silver than by the force and strengthe of men. For men see alle day that suche thynges as may not be achyevyd by force of nature ben goten and achyevyd by force of money. And for so moche it behoveth to see wel to that whan the tyme of bataille cometh, that he borowe not ne make no tayllage, for no man may be riche that levyth his owne, hopyng to gete and take of other. Than alwey al her gayn and wynnyng ought to be comyn emong [them], exept theyr armes. For in like wyse, as the vyctorye is comune, so shold the dispoyle and botye be comune unto them.    And therfore Davyd, that gentyl knyght in the first Book of Kynges, in the last chappytre made a lawe that he that abode behynde by maladye or sekenes in the tentes shold have as moche parte of the butyn as he that had ben in the batayle. And for the love of this lawe, he was maad afterward kyng of Israel.    Alixandre of Macedone cam on a tyme lyke a symple knyght unto the court of Porus, kyng of Ynde, for to espye the astate of the kyng and of the knyghtes of the court. And the kyng receyvyd hym right worshypfully and demaunded of hym many thynges of Alixander, and of his constance and strengthe, nothyng wenyng that he had ben Alixander but Antygone, one of his knyghtes. And after he had hym to dyner. And whan they had servyd Alixander in vessayl of gold and sylver with dyverse metes, after that he had eten suche as plesid hym, he voyded the mete and toke the vessayl, and helde hit to hymself and put hit in his bosom or slevys, wherof he was accusid unto the kyng. After dyner, thenne, the kyng callyd hym and demaunded hym wherfore he had taken hys vayssayl. And he answerd: “Sir kyng, my lord, I pray thee to understonde and take heed thyself, and also thy knyghtes. I have herd moche of thy grete hyghnes, and that thou art more myghty and puyssaunt in chevalrye and in dispencis than is Alixaunder. And therfore I am come to thee, a poure knyght whiche am named Antygone, for to serve thee. Than hit is the custome in the courte of Alixander that what thyng a knyght is servyd wyth, alle is hys, mete and vaissel and cuppe. And therfore I had supposid that this custome had ben kept in thy court, for thou art richer than he."    Whan the knyghtes herde this, anone they lefte Porus and went to serve Alixaunder. And thus he drewe to hym the hertes of hem by yeftes, whiche afterward slewe Porus that was kyng of Ynde, and they maad Alixandre kyng therof. Therfore, remembre knyght alwey that wyth a closid and shette purse shalt thou never have victorye.    Ovyde saith that he that taketh yeftes, he is glad therwyth, for they wynne wyth yeftes the hertes of the goddes and of men. For yf Jupyter were angrid, with yeftes he wold be plesid.    The knyghtes ought to be stronge not onely of body but also in corage. There ben many stronge and grete of body that ben faynt and feble in the herte. He is stronge that may not be vaynquysshed and overcome, how wel that he suffrith moche otherwhyle. And so we beleve that they that be not overgrete ne over litel ben most corageous and beste in bataylle.    We rede that Cadrus, duc of Athenes, shold have a bataylle agayn them of Polipe. And he was warned and had a revelacion of the goddes that they shold have the vyctorye of whom the prynce shold be slayn in the batayle. And the prynce, whiche was of a grete corage and trewe herte, took other armes of a poure man and put hymself in the fronte of the bataylle to the ende that he myght be slayn, and so he was. For the right trewe prynce had lever dye than his peple shold be overcomen. And so they had the victorye. Certes hit was a noble and fayr thynge to expose hymself to the deth for to deffende his contraye. But no man wold do so but yf he hopyd to have a better thyng therfore. Therfore the lawe sayth that they lyve in her sowles gloriously that ben slayn in the warre for the comyn wele.    A knyght ought also to be merciful and pietous, for there is no thyng that maketh a knyght so renomed as is whan he savyth the lyf of them that he may slee. For to shede and spylle blood is the condicyon of a wylde beste and not the condycion of a good knyght. Therfore we rede that Scilla, that was duc of the Romayns without, had many fair victories agaynst the Romayns. And within, that were contrayre to hym, in so moche that in the Bataylle of Puylle he slewe eighteen thousand men, and in champayne seventy thousand, and after in the cyté he slewe thre thousand men unarmed. And whan one of his knyghtes that was named Quyntus Catulus sawe this cruelté, sayd to hym: “Sesse now and suffre them to lyve and be merciful to them wyth whome we have ben vyctorious and wyth whom we ought to lyve. For it is the most hyest and fair vengeaunce that a man may do as to spare them and gyve hem her lyf whom he may slé."    Therfore Joab ordeyned, whan Absalon was slayn, he sowned a trompette that his peple shold nomore renne and slee theyr adversaries. For there were slayn about twenty thousand of them. And in like wyse dyd he whan he faught ayenst Abner, and Abner was vaynquysshed and fledde. For where that he went in the chaas, he commaunded to spare the people.    The knyghtes ought to kepe the peple. For whan the peple ben in their tentis or castellis, the knyghtes ought to kepe the watche. For this cause, the Romayns callyd them “legyons," and they were made of dyverse provynces and of dyverse nacions to the entente to kepe the peple. And the peple shold entende to theyr werke, for no crafty man may bothe entende to his crafte and to fight. How may a crafty man entende to his werke sewrely in tyme of warre but yf he be kept? And right in suche wyse as the knyghtes shold kepe the peple in tyme of pees, in like wyse the peple ought to purveye for theyr dispencis. How shold a plowman be sewre in the felde but yf the knyghtes made dayly watche to kepe hem. For like as the glorye of a kyng is upon his knyghtes, so it is necessarye to the knyghtes that the marchauntes, crafty men, and comyn peple be defended and kepte. Therfore late the knyghtes kepe the peple in suche wyse that they may enjoye pees, and gete and gadre the costis and expencis of them bothe.    We rede that Athis sayd to Davyd, whiche was a knyght: “I make thee my kepar and defendar alwey." Thus shold the knyghtes have grete zele that the lawe be kept. For the magesté ryal ought not onely to be garnysshed wyth armes but also wyth good lawes. And therfore shold they laboure that they shold be wel kepte.    Turgeus Pompeus rehercith of a noble knyght named Ligurgyus that had made auncient lawes, the whiche the peple wold not kepe ne observe, for they semed hard for them to kepe, and wold constreyne hym to rapelle and sette hem aparte Whan the noble knyght sawe that, he dyd the peple to understonde that he had not made them, but a god that was named Apollo Delphynus had made them and had commaunded hym that he shold do the peple kepe them. Thyse wordes avayled not. They wold in no wyse kepe them. And than he sayd to them that it were good that or the sayd lawes shold be broken that he had gyven to them, that he shold goo and speke wyth the god Appollo, for to gete of hym a dispensacion to breke hem, and that the peple shold kepe and observe them tyl that he retorned agayn. The eple accorded therto and swore that they shold kepe them unto the tyme he retorned. Than the knyght went into Grece in exyle and dwellyd there alle his lyf. And whan he shold dye, he commaunded that hys body shold be cast in the see. For as moche as yf his body shold be borne theder, the peple shold wene to be quyt of theyr othe and shold kepe no lenger his lawes that were so good and resonable that the knyght had lever to forsake his owne contré and to dye so than to repele his lawes.    And his lawes were suche:    The first lawe was that the people shold obeye and serve the prynces, and the prynces shold kepe the peple and doo justyce on the malefactours.    The second lawe that they shold be al sobre, for he wyst wel that the labour of chevalrye is most stronge whan they lyve sobrely.    The thyrd was that no man shold bye ony thyng for money, but they shold chaunge ware for ware, and one marchaundyse for another.    The fourth was that men shold sette nomore by money ner kepe hit more than they wold dunge or filthe.    The fifthe he ordeyned for the comyn wele alle thynge by ordre, that the prynces myght meve and make bataylle by her power. To the maisters’ counceyllours he commysed the jugementis and the annuel rentes. To the senatours, the kepyng of the lawe. And to the comyn peple he gaf power to chese suche juges as they wold have.    The sixte he ordeyned that alle thynge shold be departed egally and al thyng shold be comyn, and none richer than other in patrimony.    The seventh that every man shold eete lyke wel in comyn opynly, that richesse shold not be cause of luxurye whan they ete secretly.    The eighth that the yonge peple shold not have but one gowne or garment in the yere.    The ninth that men shold sette poure children to laboure in the felde to the ende that they shold not enploye theyr yongthe in playes and folye but in laboure.    The tenthe that the maydens shold be maried wythout dowaire, in suche wyse that no man shold take a wyf for money.    The eleventh that men shold rather take a wyf for her good maners and vertues than for her richesses.    The twelfth that men shold worshyp the olde and auncient men for theyr age and more for theyr wysedom than for her riches.    This knyght made none of thyse lawes but he first kepte hem.
	The fyfthe chappytre of the second book, of the forme and maners of the rookes.                                                                                                                          Capitulo quinto.
705 706 707 708 709 710 711 712 713 714 715 716 717 718 719 720 721 722 723 724 725 726 727 728 729 730 731 732 733 734 735 736 737 738 739 740 741 742 743 744 745 746 747 748 749 750 751 752 753 754 755 756 757 758 759 760 761 762 763 764 765 766 767 768 769 770 771 772 773 774 775 776 777 778 779 780 781 782 783 784 785 786 787 788 789 790 791 792 793 794 795 796 797 798 799 800 801 802 803 804 805 806 807 808 809 810 811 812 813 814 815 816 817 818 819 820 821 822 823 824 825 826 827 828 829 830 831 832 833 834 835 836 837 838 839 840 841 842 843 844 845 846 847 848 849 850 851 852 853 854 855 856 857 858 859 860 861 862 863 864 865 866 867 868 869 870 871 872 873 874 875 876 877 878 879 880 881 882 883 884 885 886 887 888 889 890 891 892 893 894 895 896 897 898 899 900 901 902 903 904 905 906 907 908 909 910 911 912 913 914 915 916 917 918 919 920 921 922 923 924 925 926 927 928 929 930 931 932 933 934 935 936 937 938 939 940 941 942 943 944 945 946 947 948 949 950 951 952 953 954 955 956 957 958 959 960 961 962 963 964 965 966 967 968 969 970 971 972 973 974 975 976 977 978 979 980 981 982 983 984 985 986 987 988 989 990 991 992 993 994 995 996 997 998 999 1000   1001 1002 1003 1004 1005 1006 1007 1008 1009 1010 1011 1012 1013	N N N N N N N N N N N N N N N N N N N N N N N N N N N N N N N N N N N N N N N N	The rookes, whiche been vycayrs and legates of the kynge, ought to be maad a knyght upon an hors and a mantel and hood furrid with menevier, holdyng a staf in his hand. And for as moche as a kyng may not be in al places of his royame, therfore the auctorité of hym is gyven to the rookes, whiche represente the kyng. And for as moche as a royame is grete and large, and that rebellyon or noveltees myght sourde and aryse in one partye or other, therfore ther ben two rookes, one on the right syde and that other on the lift syde. They ought to have in hem pyté, justice, humylité, wylful poverté, and lyberalyté.    First justyce, for it is most fayr of the vertues. For hit happeth ofte tyme that the mynystres, by theyr pryde and orgueyl, subverte justyce and doo no right, wherfore the kynges otherwhyle lose theyr royames wythout theyr culpe or gylte. For an untrewe juge or offycer maketh his lord to be named unjuste and evyl. And contrarye wyse, a trewe mynystre of the lawe and rightwys causeth the kyng to be reputed just and trewe. The Romayns therfore maad good lawes and wold that they shold be juste and trewe. And they that establisshid them for to governe the peple wold in no wyse breke them but kepe them for to dye for them. For the auncient and wyse men said comynly that it was not good to make and ordeygne that lawe that is not just.    Wherof Valeryus reherceth that there was a man that was named Themystydes, whiche came to the counceyllours of Athenes and sayd that he knewe a counceyl whiche was right proffytable for them, but he wold telle hit but to one of them whom that they wold. And they assygned to hym a wyse man named Aristydes. And whan he had understonde hym, he cam agayn to the other of the counceyl, and sayd that the counceyl of Themystides was wel proffytable, but “hit was not just, how be hit ye may revolve hit in your mynde." And the counceyl that he sayd was thys: that there were comen two grete shippes fro Lacedome and were arryved in theyr londe, and that hit were good to take them. And whan the counceyl herde hym that sayd that hit was not juste ner right, they left hem al in pees, and wold not have a doo with al.    The vicair or juge of the kyng ought to be so just that he shold enploye al his entente to save the comyn wele, and yf hit were nede to put his lyf and lose hit therfore. We have an ensaumple of Marcus Regulus, wherof Tullyus reherceth in the Book of Offyces, and Saynt Augustyn also [in] De Civitate dei, how he faught agayn them of Cartage by see in shyppes and was vaynquysshed and taken. Than hit happend that they of Cartage sent him in her message to Rome for to have theyr prysoners there for them that were taken, and so to chaunge one for another, and made hym swere and promyse to come ageyn. And so he came to Rome and made proposicion tofore the Senate and demaunded them of Cartage of the senatours to be chaunged as afore is sayd. And than the Senatours demaunded hym what counceyl he gaf. “Certeyn," sayd he, “I counuceyll yow that ye doo hyt not in no wyse, for as moche as the peple of Rome that they of Cartage holde in pryson of youris byn olde men and brusid in the warre as I am myself. But they that ye holde in pryson of theyr peple is alle the floure of alle theyr folke." Whyche couunceyl they took. And than his frendes wold have holden hym and counceilled them to abyde there and not retorne agayn prisoner into Cartage. But he wold never do so, ner abyde, but wold goo agayn and kepe his oth, how wel that he knewe that he went toward his deth, for he had lever dye than to breke his oth.    Valerius rehercith in the sixth book of one Emelie, duc of the Romayns, that in the tyme whan he had assiegid the Phalistes, the scole maistre of the children deceyvyd the children of the gentilmen that he drewe hym a litil and a litil unto the tentis of the Romayns by fayr speche. And sayd to the Duc Emelye that by the moyan of the chyldren that he had brought to hym, he shold have the cyté, for theyr faders were lordes and governours. Whan Emelye had herde hym, he said thus to hym: “Thou that art evyl and cruel, and thou that woldest gyve a gyfte of grete felonye and of mavastye, thou shalt ner hast not founden here duc ne peple that resembleth thee. We have also wel lawes to kepe in batayle and warre, as in our contrees and other places. And we wol observe and kepe them unto every man as they ought to be kept. And we ben armed ayenst our enemyes that wol defende them, and not ayenst them that can not save their lyf whan their contré is taken, as thise litil children. Thou hast vaynquysshed them as moche as is in thee by thy newe deceyvable falsnes and by subtilnes and not by armes. But I that am a Romayn shal vaynquysshe them by craft and strength of armes."    And anone he commaunded to take the sayd scole maister and to bynde his handes behynde hym as a traytour, and lede hym unto the parentis of the chyldren. And whan the faders and parentes sawe the grete curtoysye that he had doon to them, they opened the gates and yelded them unto hym.    We rede that Hanybal had taken a prynce of Rome whyche upon his othe and promyse suffred hym to goo home and to sende hym hys raunson or he shold come agayn within a certeyn tyme. And whan he was at home in his place, he said that he had deceyved hym by a false oth. And whan the Senatours knewe therof, they constrayned hym to retorne agayn unto Hanybal.    Amos Florus tellith that the phisicien of Kyng Pirrus cam on a nyght to Fabrice, his adversarye, and promysed hym yf he wold geve hym for his labour that he wold enpoysone Pirrus, his mayster. Whan Fabricius understood this, he dyd to take hym and bynde hym hand and foot, and sent hym to his maistre, and dyd do say to hym word for word like as the phisicien had said and promysed hym to do. And whan Pirrus understood this, he was gretly admervaylid of the loyalté and trouth of Fabrice, his enemye, and said “certeynly that the sonne myght lightlyer and sonner be enpesshid of his cours thenne Fabrice shold be letted to holde loyalté and trouthe." Yf they than that were not Crysten were so juste and trewe, and lovyd theyr contréy and theyr good renomee, what shold we now doon, than, that been Cristen, and that our lawe is sette al upon love and charité? But now a dayes there is nothynge ellis in the world but barate, treson, deceit, falsenes, and trecherye. Men kepe not their covenauntes, promyses, othes, writynges, ne trouth. The subgettis rebelle agayn their lord. Ther is now no lawe kepte, nor fydelyté, ne othe holden. The people murmure and ryse agayn theyr lord and wol not be subget.    They [the vicars] ought to be pietous in herte, whiche is avaylable to alle thyng. There is pyté in effect by compassyon and in worde by remyssyon, and pardon by almesse for to enclyne hymself unto the poure. For pyté is no thyng ellis but a right grete wylle of a debonayr herte for to helpe alle men.    Valerius rehercith that there was a juge named Sangis whiche dampned a woman that had deservyd the deth for to have her heed smyten of or ellys that she shold dye in pryson. The jayler that had pyté on the woman put not her anon to deth but put her in the pryson. And this woman had a doughter whiche came for to see and comforte her moder. But alwey or she entrid into the prison, the jayler serchyd hyr that she shold bere no mete ne drynke to her moder, but that she shold dye for honger. Than hit happend after thys that he mervayled moche why this woman dyed not, and began to espye the cause why she lyvyd so long and fonde atte laste how her doughter gaf sowke to her moder and fedde her with her mylke. Whan the jayler sawe thys merveyle, he went and tolde the juge. And whan the juge sawe this grete pyté of the doughter to the moder, he pardoned her and made her to be delyverd out of her pryson. What is that that pité ne amolissheth? Moche peple wene that it is agaynst nature and wondre that the doughtre shold gyve the moder to souke. Hit were agaynst nature but the children shold be kynde to fader and moder.    Seneka sayth that the kyng of bees hath no prykke to stynge wyth as other bees have, and that nature hath take hit away from hym by cause he shold have none armes to assayle them. And this is an example unto prynces that they shold be of the same condycion.    Valerius rehercith in his fifthe book of Marchus Martellus that whan he had taken the cyté of Syracusane and was sette in the hyest place of the cyté, he behelde the grete destruccyon of the peple and of the cyté. He wepte and said: “Thou oughtest to be sorowful, for so moche as thou woldest have no pyté of thy self. But enjoye thee, for thou art fallen in the hande of a right debonair prynce."    Also, he recounteth when Pompeeé had conquerd the kyng of Germanye, that often tymes had foughten ayenst the Romayns, and that he was brought tofore hym bounden. He was so pyetous that he wold not suffre hym to be longe on his knees tofore hym, but he receyved hym curtoysly and sette the crowne agayn on his heed, and put hym in the estate that he was tofore. For he had oppynyon that it was as worshypful and fittyng to a kyng to pardone as to punysshe.    Also, he reherceth of a counceyllour that was named Poule, that dyd do brynge tofore hym a man that was prysoner. And or he knelid tofore hym, he toke hym up fro the grounde and made hym to sitte besyde hym for to geve hym good esperaunce and hope, and sayd to the other stondyng by in thys wyse: “Yf hit be grete noblesse that we shewe ourself contrarye to our enemyes, than this fete ought to be alowed, that we shewe ourself debonayr to our caytyfs and prisoners."    Cesar, whan he hard the deth of Cathon, whiche was his adversarye, sayd that he had grete envye of hys glorye and nothyng of his patrymonye. And therfore, he lefte to his chyldren frely al hys patrymonye.    Thus taught Virgyle and enseygneth the glorious prynces to rewle and governe the peple of Rome.    And Saynt Austyn [in] De Civitate dei sayth thus: “Thou emperour, governe the peple pyetously and make pees overall, deporte and forbere thy subgettis, repreve and correcte the prowde, for so enseyne and teche thee the lawes."    And hyt was wryten unto Alixaunder that every prynce ought to be pyetous in punysshyng and redy for to rewarde. Ther is nothyng that causeth a prynce to be so belovyd of his peple as whan he spekyth to hem swetely and concervyth wyth hem symply. And al this cometh of the rote of pyté.    We rede of the Emperour Trajan that his frendes reprevyd hym of that he was to moche pryvé and famulier wyth the comyn peple more than an emperour ought to be. And he answerd that he wold be suche an emperour as every man desyred to have hym.    Also, we rede of Alisaunder that on a tyme he ladde his hoost forth hastely. And in that haste he beheld where satte an olde knyght that was sore acolde, whom he dyd do aryse and sette hym in his owne sete or siege. What wondre was hit though the knyghtes desyred to serve suche a lorde that lovyd better theyr helthe than his dignyté?    The rookes ought also to be humble and meke after the Holy Scripture, whiche sayth: “The gretter or in the hyer astate that thou art, so moche more oughtest thou be meker and more humble."    Valerius reherceth in his seventh book that ther was an emperour named Publius Cesar, that dyd doo bete doun his hows, whyche was in the myddes of the marketplace, for as moche as hit was hyer than other howses. For as moche as he was more gloryous in estate than other, therfore wold he have a lasse hows than other.    And Scipion of Affrique, that was so poure of valuntarye poverté, that whan he was dede, he was buryed at the dyspencis and in costes of the comyn good. They shold be so humble that they shold leve theyr offyces and suffre other to take hem whan her tyme cometh, and doo honour to other. For he governeth wel the royame that may governe hit whan he wyl.    Valerius rehercith in his third book that Fabyan the Grete had ben maystre counceyllour of his fader, his grauntsire, and of his grauntsir’s fader, and of alle his antecessours. And yet dyd he al his payn and labour that his sone shold never have that offyce after hym. But for no thynge that he mystrusted his sone, for he was noble and wyse and more attempered than other. But he wold that the offyce shold not alwey reste in the famylye and hows of the Fabyans.    Also, he reherceth in his seventh book that they wold make the sayd Fabyan emperour, but he excusyd hym, and sayde that he was blynde and myght not see for age. But that excusacion myght not helpe hym. Than sayd he to hem: “Seke ye and gete you another! For yf ye make me your emperour, I may not suffre your maners, nor ye may not suffre myn."    There was a kyng of so subtyl engyne that whan men brought hym the crowne, tofore that he toke hit, he remembrid hym a litil, and sayd, “O thou crowne that art more noble thenne happy! For yf a kyng knewe wel and parfaytly how that thou art ful of parylles of thoughte and of charge, yf thou were on the grounde, he wold never lyfte nor take thee up. Remembre thee that whan thou art most glorious, thenne have somme men moste envye on thee. And whan thou hast most seignorye and lordshyps, than shalt thou have most care, thought, and anguysshes."    Vaspasian was so humble that whan Nero was slayn, alle the peple cryed for to have hym emperour. And many of his frendes came and prayed hym that he wold take hit upon hym. So at the last he was constreyned to take hit upon hym, and sayd to hys frendys, “Hit is better and more to prayse and alowe for a man to take the empyre agaynst his wylle than for to laboure to have hit and to put hymself therin."    Thus ought they to be humble and meke for to receyve worshyp. Therfore saith the Byble that Joab, the sone of Saryne, that was captayne of the warre of the Kyng Davyd, whan he cam to take and wynne a cyté, he sente to Davyd and desyred hym to come to the warre, that the victorye shold be geven to Davyd and not to hymself.    Also, they ought to be ware that they chaunge not ofte tymes her offycers. Josephus rehercith that the frendes of Tyberius mervaylled moche why he helde his officers so longe in theyr offyces wythout chaunchyng. And they demaunded of hym the cause, to whom he answerd, “I wolde chaunge them gladly yf I wyst that hit shold be good for the peple. But I sawe on a tyme a man that was royneous and ful of sores, and many flyes satte upon the sores and souked hys blood, that hit was mervayle to see. Wherfore I smote and chaced them away. And he than sayd to me ‘Why chasest and smytest thou away thyse flyes that been ful of my blood? And now shalt thou lete come other that be hongrye, which shal doon to me double payne more than the other dyd. For the prick of the hongry is more poygnaunt the half thenne of the fulle.’"    “And therfore," sayde he, “I leve the offycers in theyr offyces, for they ben al riche and do not so moche evyll and harme as the newe shold do and were poure yf I shold sette hem in her places."    They ought also to be pacient in heryng of wordes and in suffryng payne on he bodyes. As to the first, one sayd to Alisaunder that he was not worthy to reigne, specially whan he suffred that lecherye and delyte to have seignorye in hym. He suffrid hit paciently and answerd none otherwyse but that he wold correcte hymself, and take better maners and more honeste.    Also, hit is rehercid that Julyus Cesar was ballyd, wherof he had displasir so grete that he kempt hys heeris that laye on the after parte of his heed forward for to hyde the bare tofore. Than sayd a knyght to hym, “Cezar, hit is lightlier and soner to be maad that thou be not ballyd than that I have usid ony cowardyse in the warre of Rome, or here after shal doo ony cowardyse." He suffryd hyt paciently and sayd not one word. Another reprochyd hym by his lignage and called hym “baker." He answerd that “Hit is better that noblesse begynne in me than hit shold faylle in me." Another callyd hym tyraunt. He answerd, “Yf I were one, thou woldest not say so."    A knyght callyd on a tyme Scipyon of Affrique “fowle and olde knyght in armes," and that he knewe lytyl good. And he answerd, “I was borne of my moder a lytyl chylde and feble, and not a man of armes." And yet he was at alle tymes one of the best and most worthyest in armes that lyvyd.    Another sayd to Vaspasion: “And a wolf shold sonner chaunge his skyn and heer than thou sholdest chaunge thy lyf. For the lenger thou lyvest, the more thou coveytest." And he answerd of thyse wordes: “We ought to laughe. But we ought to amende ourself and punysshe the trespaces."    Seneke rehercith that the Kyng Antygonus herde certeyn peple speke and say evyl of hym, and there was betwene hem nomore but a courtyne. And than he sayd, “Make an ende of your evyl langage lest the kyng here you, for the courtyne heeryth yow wel ynough."    Than, as touchyng to the paynes that they ought to suffre paciently, Valerius reherceth that a tyraunt dyd do torment Anamaxymenes and thretenyd hym for to cutte of his tunge, to whom he sayd, “Hit is not in thy power to do so." And forthwith he bote of his owne tongue and chewid hit wyth his tethe, and caste hit in the vysage of the tyraunt.    Hit is a grete vertu in a man that he forgete not to be pacient in correccions of wronges. Hit is better to leve a gylty man unpunysshed than to punysshe hym in a wrath or yre.    Valerius rehercith that Archyta of Tarente, that was mayster to Plato, sawe that his feldes and landes were destroyed and lost by the necligence of his servaunt, to whom he sayd: “Yf I were not angry with thee, I wolde take vengeaunce and turmente thee." Lo, there ye may see that he had lever to leve to punysshe than to punysshe more by yre and wrath than by right.    And therfore sayth Seneque: “Do not thyng that thou oughtest to doo whan thou arte angrye. For whan thou art angry, thou woldest do alle thynges after thy playsir. And yf thou canst not vaynquysshe thyn yre, than must thyn yre overcome thee."    After thys ought they to have wylful poverté, lyke as hit was in the auncient prynces. For they coveyted more to be riche in wytte and good maners thenne in money. And that rehercith Valerius in his eighth book that Scypyon of Affryque was accused unto the Senate that he shold have grete tresour. And he answerd, “Certes, whan I submysed Affrique into your poesté, I helde no thyng to myself that I myght say ‘This is myn’ save onely the surname of Affrique. Ner the Affriquans have not founden in me, ner in my broder, ony avaryce, ner that we were so covetouse that we had, ne had gretter envye to be riche of name than of richesses."    And therfore sayth Seneque that the Kyng Altagone usyd gladly in his hows vessels of erthe. And somme sayd he dyd hit for covetyse. But he sayd that hit was better and more noble thynge to shyne in good maners than in vasseyll. And whan somme men demaunded hym why and for what cause he dyd so, he answerd, “I am now Kyng of Secylle and was sone of a potter. And for as moche as, I doubte fortune. For whan I yssued out of the hows of my fader and moder, I was sodaynly maad riche, wherfore I beholde the natyvyté of me and of my lignage, whyche is humble and meke." And al these thynges cometh of wylful poverté, for he entended more to the comyn proffyt than to his owen.    And of this poverté speketh Saynt Augustyn in the Book of the Cyté of God, that they that entende to the comyn proffyt sorowe more that wylful poverté is lost in Rome than the richesses of Rome, for by the wylful poverté was the renomee of good maners kepte entierly. Thus by this richesse, poverté is not onely corrupt in thyse dayes, ner the cyté, ner the maners, but also the thoughtes of the men ben corrupt by this covetise and by felonye that is worse than ony other enemye.    And of the cruelté of the peple of Rome speketh the good man of noble memorye, John the Monke, late cardynal of Rome, in the Decretal the Sixte, in the chappytre Gens sancta, where he sayth that they ben felons ayenst God, contrarye to holy thynges, trayters one to that other, envyous to her neyghbours, proud unto straungers, rebell and untrewe unto their soverayns, not suffryng to them that been of lower degree than they, and no thyng shamefast to demaunde thynges discovenable, and not to leve tyl they have that they demaunde, and not plesyd but disagreable whan they have receyved the gefte. They have theyr tongues redy for to make grete boost and do lityl. They ben large in promysyng and smale gyvers. Thyy ben right fals deceyvours, and right mordent and bytyng detractours, for whiche thyng hit is a grete sorowe to see the humylité, the pacyence, and the good wysdom that was wonte to be in this cyté of Rome, whiche is chyef of al the world, and is perverted and torned into maleheurte and thyse evylles. And me thynketh that in other parties of Cristenté, they have taken ensaumple of them to do evyl. They may say that this is after the Decretale of Seygnorye and Dysobeysaunce, that sayth that suche thynges that the soverayns do is lightly and sone taken in ensaumple of theyr subgettis.    Also, thyse vycayres shold be large and liberall, in so moche that suche peple as serve them ben duly payd and guerdoned of her labour. For every man doth his labour the better and lightlyer whan he seeth that he shal be wel payed and rewarded. And we rede that Titus, the sone of Vaspasian, was so large and so lyberal that he gaf and promysed sumwhat to every man. And whan his most prevy frendes demaunded of hym why he promysed more thenne he myght gyve, he answerd, “For as moche as it aperteyneth not to a prynce that ony man shold departe sorowful or tryste fro hym." Than hit happend on a day that he gaf ner promysed no thyng to ony man. And whan hit was even and advysed hymself, he sayd to his frendes: “O ye my frendes, thys day have I lost. For this day have I don no good."    And also, we rede of Julius Cesar that he never sayd in alle his lyf to his knyghtes “Goo on," but alwey he sayd “Come, come! For I love alwey to be in your companye." And he knewe wel that hit was lasse payne and travaylle to the knyghtes whan the prynce is in her companye that loveth hem and comforteth hem.    And also, we rede of the same Julyus Cesar in the Book of Truphes of Philosophers that there was an auncient knyght of his that was in parelle of a caas hangyng tofore the juges of Rome. So he callyd Cesar on a tyme and sayd to hym tofore al men that he shold be his advocate. And Cesar delyveryd and assygned to hym a right good advocate. And the knyght sayd to hym, “O Cesar, I put no vycayr in my place when thou were in paryl in the Batayl of Assise, but I faught for thee."    And than he shewyd to hym the places of his woundes that he had receyved in the bataylle. And than cam Cesar in his propre persone for to be his advocate and to plete his cause for hym. He wold not have the name of unkyndenes, but doubted that men shold say that he were proude and that he wold not doo for them that had servyd hym. They that can not do so moche as for to be belovyd of her knyghtes can not love the knyghtes.    And this suffiseth of the rookes.