|
5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150 155 160 165 170 175 180 185 190 195 200 205 210 215 220 225 230 235 240 245 250 255 260 265 270 275 280 285 290 295 300 305 310 315 320 325 330 335 340 345 350 355 360 365 370 375 380 385 390 395 400 405 410 415 420 425 430 435 440 445 450 455 460 465 470 475 480 485 490 495 500 505 510 515 520 525 530 535 540 545 550 555 560 565 570 575 580 585 590 595 600 605 610 615 620 625 630 |
The nobilnes and grit magnificens Of prince and lord, quhai list to magnifie, His ancestré and lineall discens Suld first extoll, and his genolegie, So that his harte he mycht inclyne thairby The moir to vertew and to worthiness, Herand reherss his eldiris gentilness. It is contrair the lawis of nature A gentill man to be degenerat, Noucht following of his progenitour The worthé rewll and the lordly estait; A ryall rynk for to be rusticat Is bot a monsture in comparesoun, Had in dispyt and foule derisioun. I say this be the grit lordis of Grew, Quhilk sett thair hairt and all thair haill curage Thair faderis steppis justly to persew, Eiking the wirschep of thair he lenage; The ancient and sadwyse men of age War tendouris to yung and insolent To mak thame in all vertewis excellent. Lyk as a strand of water or a spring Haldis the sapour of the fontell well, So did in Grece ilk lord and worthy king, Of forebearis thay tuk tarage and smell; Among the quhilk of ane I think to tell, Bot first his gentill generatioun I sall rehers, with youre correctioun. Upone the mont of Eleconé, The most famous of all Arrabea, A goddes dwelt, excellent in bewté, Gentill of blude, callit Memoria, Quhilk Jupiter that goddes to wyfe can ta, And carnaly hir knew, quhilk eftir syne Apone a day bare him fair dochteris nyne. The first in Grew wes callit Euterpé, In our language gude delectatioun; The secound maid clippit Melpomyné, As hony sueit in modelation; Thersycoré is gud instructioun Of every thing, the thrid sister, I wiss, Thus out of Grew in Latyne translait is; Caliopé, that madin mervalouss, The ferd sistir, of all musik maistress, And mother to the king, schir Orpheouss, Quhilk throw his wyfe was efter king of Traiss; Clio, the fyift, that now is a goddess, In Latyne callit meditatioun Of everything that hes creatioun; The sext sister is callit Herato, Quhilk drawis lyk to lyk in every thing; The sevint lady was fair Polimio, Quhilk cowth a thowsand sangis suietly sing; Talia syne, quhilk can our saulis bring To profound wit and grit agilité Till undirstand and haif capacitie; Urania, the nynt and last of all, In Greik langage, quha cowth it rycht expound, Is callit armony celestiall, Rejosing men with melody and sound. Amang thir nyne Calliopé was cround And maid a quene be michty god Phebuss, Off quhome he gat this prince, schir Orpheouss. No wondir wes thocht he wes fair and wyse, 1 Gentill and gud, full of liberalitie, His fader god, and his progenetryse A goddess, finder of all armony. Quhen he was borne scho set him on hir kne And gart him souk of hir twa paupis quhyte The sueit lecour of all musik perfyte. Incressand sone to manheid up he drew, Off statur large and frely fair of face; His noble fame so far it sprang and grew, Till at the last the michty quene of Trace, Excelland fair, haboundand in richess, A message send unto that prince so ying, Requyrand him to wed hir and be king. Euridices this lady had to name; And quhene scho saw this prince so glorius, Hir erand to propone scho thocht no schame; With wordis sueit and blenkis amorouss, Said, "Welcum, lord and lufe, schir Orpheuss: In this provynce ye sal be king and lord!" Thai kissit syne, and thus thay can accord. Betuix Orpheuss and fair Euridices, Fra thai war weddit on fra day to day, The low of lufe cowth kyndill and incres, With mirth and blythnes, solace and with play. Off wardly joy, allace, quhat sall I say? Lyk till a flour that plesandly will spring, Quhilk fadis sone, and endis with murnyng. I say this be Erudices the quene, Quhilk walkit furth in to a May mornyng, Bot with a madyn untill a medow grene, To tak the air and se the flouris spring; Quhair in a schaw, neir by this lady ying, A busteous hird, callit Arresteuss, Kepand his beistis, lay undir a buss. And quhen he saw this lady solitar, Bairfut with schankis quhyter than the snaw, Preckit with lust, he thocht withoutin mair Hir till oppress - and till hir can he drawe. Dreidand for evill, scho fled quhen scho him saw, And as scho ran all bairfute on a buss, Scho trampit on a serpent vennemuss. This crewall venome was so penetrife, As natur is of all mortall pusoun, In peisis small this quenis harte can rife, And scho annone fell on a deidly swoun. Seand this cais, Proserpyne maid hir boun, Quhilk clepit is the goddes infernall, Ontill hir court this gentill quene can call. And quhen scho vaneist was and unwisible, Hir madyn wepit with a wofull cheir, Cryand with mony schowt and voce terrible, Quhill at the last King Orpheus can heir, And of hir cry the causs sone cowth he speir. Scho said, "Allace, Euridicess, your quene, Is with the phary tane befoir my ene!" This noble king, inflammit all in yre, And rampand as a lyoun rewanus, With awfull luke and ene glowand as fyre, Sperid the maner, and the maid said thuss: "Scho strampit on a serpent venemuss And fell on swoun - with that the quene of fary Clawcht hir up sone and furth with hir cowth cary." Quhen scho had said, the king sichit full soir: His hairt neir brist for verry dule and wo, Half out of mynd, he maid no tary moir, Bot tuk his harp and on to wod can go Wrinkand his handis, walkand to and fro, Quhill he mycht stand, syne sat doun on a stone, And till his harp thusgait he maid his mone. "O dulfull herp with mony dully string, Turne all thy mirth and musik in murning, And seiss of all thy sutell songis sweit! Now weip with me, thy lord and cairfull king, Quhilk lossit hes in erd all his lyking, And all thy game thow change in gole and greit! Thy goldin pynnis with mony teiris weit, And all my pane for till report thow preiss, Cryand with me in every steid and streit, `Quhair art thow gone, my luve Ewridicess?"' Him to rejoss, yit playit he a spring, Quhill that the fowlis of the wid can sing, And treis dansit with thair levis grene, Him to devod from his greit womenting; Bot all in vane, that wailyeit him no thing, His hairt wes so upoun his lusty quene; The bludy teiris sprang out of his ene, Thair wes no solace mycht his sobbing sess, Bot cryit ay, with cairis cauld and kene, "Quhair art thow gone, my lufe Euridicess? "Fair weill, my place; fair weill, plesandis and play; And wylcum, woddis wyld and wilsum way, My wicket werd in wildirnes to ware! My rob ryell and all my riche array Changit sal be in rude russet and gray; My dyademe in till a hate of hair; My bed sal be with bever, brok, and bair, In buskis bene, with mony busteouss bess, Withouttin song, sayand with siching sair, `Quhair art thow gone, my luve Euridicess?' "I the beseik, my fair fader Phebuss, Haif pety of thy awin sone Orpheuss; Wait thow nocht weill I am thy sone and chyld? Now heir my plaint, peinfull and peteuss; Direk me fro this deid so doloruss, Quhilk gois thus withouttin gilt begyld; Lat nocht thy face with cluddis to be oursyld; Len me thy lycht and lat me nocht go leiss To find that fair in fame that was nevir fyld, My lady quene and lufe, Euridicess! "O Jupiter, thow god celestiall, And grantschir to my self, on the I call To mend my murning and my drery mone; Thou gif me forss that I nocht fant nor fall Till I hir fynd, forsuth seik hir I sall, And nowthir stint nor stand for stok nor stone! Throw thy godheid, gyde me quhair scho is gone; Gar hir appeir, and put my hairt in pess!" King Orpheuss thus with his harp allone Sore wepit for his wyf Erudices. Quhen endit wer thir songis lamentable, He tuk his harp and on his breist can hing; Syne passit to the hevin, as sayis the fable, To seik his wyfe - bot that welyeid no thing. By Wedlingis Streit he went, but tareing, Syne come doun throw the speir of Saturne ald, Quhilk fader is to all the stormis cald. Quhen scho wes soucht outhrow that cauld regioun, Till Jupiter, his grandschir, can he wend, Quhilk rewit soir his lamentatioun, And gart his spheir be socht fro end to end; Scho was nocht thair; and doun he can descend Till Mars, the god of batell and of stryfe, And socht his spheir; yit gat he nocht his wyfe. Than went he doun till his fadir Phebus, God of the sone, with bemis brycht and cleir; Bot quhen he saw his awin sone Orpheuss In sic a plicht, that changit all his cheir. He gart annone ga seik throw all his spheir, Bot all in vane, his lady come nocht thair. He tuk his leif and to Venus can fair. Quhen he hir saw, he knelit and said thuss: "Wait ye nocht weill I am your awin trew knycht? In luve none leler than schir Orpheuss, And ye of luve goddass, and most of micht, Of my lady help me to get a sicht!" "For suth," quod scho, "ye mone seik nedirmair." Than fra Venus he tuk his leif but mair. Till Mercury but tary is he gone, Quhilk callit is the god of eloquens; Bot of his wyf thair gat he knawlege none. Wyth wofull hairt he passit doun frome thens; On to the mone he maid na residens; Thus from the hevin he went onto the erd, Yit be the way sum melody he lerd. In his passage amang the planeitis all, He hard a hevinly melody and sound, Passing all instrumentis musicall, Causit be rollyn of the speiris round; Quhilk armony, of all this mappamound, Quhilk moving seiss, unyt perpetuall - Quhilk of this warld Plato the saul can call. Thare leirit he tonis proportionat, As duplare, triplare, and epetritus; Enolius, and eik the quadruplait; Epoddeus, rycht hard and curius; Off all thir sex, sueite and delicius, Rycht consonant, fyfe hevinly symphonyss Componyt ar, as clerkis can devyse. First diatesserone, full sueit I wiss; And dyapasone, semple and duplate; And dyapenty, componyt with the dyss; Thir makis fyve, of thre multiplicat. This mirry musik and mellefluat, Compleit and full of nummeris od and evin, Is causit be the moving of the hevin. Off sic musik to wryt I do bot doit, Thairfor of this mater a stray I lay, For in my lyfe I cowth nevir sing a noit; Bot I will tell how Orpheus tuk the way To seik his wyfe attour the gravis gray; Hungry and cauld, our mony wilsum wone, Withouttin gyd, he and his harp allone. He passit furth the space of twenty dayis, Fer and full fer and ferrer than I can tell, And ay he fand streitis and reddy wayis, Till at the last unto the get of hell He come, and thair he fand a porter fell, With thre heidis, was callit Serberus; A hound of hell, a monstour mervellus. Than Orpheus began to be agast Quhen he beheld that ugly hellis hound; He tuk his harp and on it playit fast, Till at the last, throw sueitnes of the sound, The dog slepit and fell doun on the ground, And Orpheus attour his wame in stall, And neddirmair he went, as ye heir sall. Than come he till a rywir wonder depe, Our it a brig, and on it sisteris thre, Quhilk had the entré of the brig to keip: Electo, Mygra, and Thesaphone, Turnit a quheill wes ugly for to se, And on it spred a man hecht Ixione, Rolland about rycht windir wo begone. Than Orpheus playd a joly spring; The thre susteris full fast thay fell on sleip; The ugly quheill seisit of hir quhirling; Thus left wes none the entré for to keip. Thane Ixion out of the quheill gan creip And stall away; and Orpheus annone Without stopping atour the brig is gone. Syne come he till a wonder grisely flude, Drubly and deip, that rythly doun can rin, Quhair Tantelus nakit full thristy stude, And yit the wattir yede aboif his chin; Quhen he gaipit, thair wald no drop cum in; Quhen he dowkit, the watter wald discend; Thus gat he nocht his thrist to slake nor mend. Befoir his face ane apill hang also, Fast at his mouth, upoun a twynid threde; Quhen he gaipit, it rollit to and fro And fled as it refusit him to feid. Quhen Orpheus thus saw him suffir neid, He tuk his harp and fast on it can clink: The wattir stud, and Tantalus gat a drink. Syne ovr a mure with thornis thik and scherp, Wepand allone, a wilsum way he went, And had nocht bene throw suffrage of his harp, With fell pikis he had bene schorne and schent; As he blenkit besyd hym on the bent, He saw lyand speldit a wofull wicht, Nalit full fast, and Titius he hecht. And on his breist thair sat a grisly grip, Quhilk with his bill his belly throw can boir, Both maw, myddret, hart, lever, and trip He ruggit out; his panis was the moir. Quhen Orpheus thus saw him this suffir soir, He tuke his herp and maid sueit melody; The grip is fled, and Titius left his cry. Beyond this mure he fand a feirfull streit, Myrk as the nycht, to pass rycht dengerus - For sliddreness skant mycht he hald his feit - In quhilk thair wes a stynk rycht odiuss That gydit him to hiddouss hellis hous, Quhair Rodomantus and Proserpina Wer king and quene; and Orpheus in can ga. O dully place and grundles deip dungeoun, Furnes of fyre and stink intollerable, Pit of dispair without remissioun; Thy meit wennome, thy drink is pusonable, Thy grit panis to compte unnumerable; Quhat creature cumis to dwell in the Is ay deand, and nevirmoir sall de. Thair fand he mony cairfull king and quene, With croun on heid with brass full birnand, Quhilk in thair lyfe rycht maisterful had bene And conquerouris of gold, richess, and land: Hectore of Troy and Priame thair he fand, And Alexander for his wrang conqueist, Antiochus als for his foull incest, And Julius Cesar for his foull crueltee, And Herod wyth his brudiris wyfe he saw, And Nero for his grit iniquitie, And Pilot for his breking of the law; Syne undir that he lukit and cowth knaw Cresus that king, none mychtiar on mold, For cuvatyse yet full of birnand gold. Thair saw he Pharo, for the oppressioun Of Godis folk, on quhilk the plaigis fell; And Sawll for the grit abusioun Of Justice to the folk of Israell; Thair saw he Acob and quene Jesabell, Quhilk silly Nabot that was a propheit trew, For his wyne yaird withouttin mercy slew. Thair saw he mony paip and cardynall, In haly kirk quhilk did abusioun; And bischopis in thair pontificall Be symonie and wrang intrusioun; Abbottis and all men of religioun, For evill disponyng of thair place and rent, In flame of fyre wer bittirly torment. Syne neddirmair he went quhair Pluto was And Proserpyne, and thiderward he drew, Ay playand on his harp quhair he cowth pass, Till at the last Erudices he knew, Lene and deidlyk, peteouss paill of hew, Rycht warsche and wane and walluid as the weid, Hir lilly lyre was lyk unto the leid. Quod he, "My lady leill and my delyt, Full wo is me to se yow changit thus. Quhair is your rude as ross wyth cheikis quhyte, Your cristell ene with blenkis amorus, Your lippis reid to kiss delicius?" Quod scho, "As now I der nocht tell, perfay, Bot ye sall wit the causs ane uthir day." Quod Pluto, "Schir, thocht scho be lyk ane elf, Scho hes no causs to plenye, and for quhy? Scho fairis alsweill daylie as dois my self, Or king Herod, for all his chevelry. It is langour that putis hir in sic ply; War scho at hame in hir cuntré of Trace, Scho wald rewert full sone in fax and face." Than Orpheus befoir Pluto sat doun, And in his handis quhit his herp can ta, And playit mony sueit proportioun, With baiss tonys in ypodorica, With gemilling in yporlerica; Quhill at the last, for rewth and grit petie, Thay weipit soir that cowth him heir or se. Than Proserpene and Pluto bad him ass His waresoun, and he wald haif rycht nocht, Bot licience wyth his wyfe away to pass To his cuntré, that he so far had socht. Quod Proserpyne, "Sen I hir hiddir brocht, We sall nocht pairte without conditioun." Quod he, "Thairto I mak promissioun." "Eruidices than be the hand thow tak, And pass thi way, bot undirneth this pane: Gife thow turnis, or blenkis behind thy bak, We sall hir haif forewir till hell agane." Thocht this was hard, yit Orpheus was fane, And on thay went, talkand of play and sport, Till thay almost come to the outwart port. Thus Orpheus, with inwart lufe repleit, So blindit was with grit effectioun, Pensyfe apon his wyf and lady sueit. Remembrit nocht his hard conditioun. Quhat will ye moir? In schort conclusioun, He blent bakwart and Pluto come annone, And on to hell with hir agane is gone. Allace, it was grit pety for to heir Of Orpheus the weping and the wo, How his lady, that he had bocht so deir, Bot for a luk so sone wes tane him fro. Flatlingis he fell and micht no fordir go, And lay a quhyle in swoun and extasy; Quhen he ourcome, this out of lufe can cry: "Quhat art thow, luve? How sall I the defyne? Bittir and sueit, crewall and merciable; Plesand to sum, til uthir plent and pyne; Till sum constant, to uthir wariable; Hard is thy law, thy bandis unbrekable; Quho servis the, thocht thay be newir so trew, Perchance sum tyme thay sall haif causs to rew. "Now find I weill this proverb trew," quod he, "Hart on the hurd, and handis on the soir; Quhair luve gois, on fors mone turne the e.' I am expart, and wo is me thairfoir; Bot for a luke my lady is forloir." Thus chydand on with luve, our burne and bent, A wofull wedo hamewart is he went. Moralitas fabule sequitur Lo, wirthy folk, Boece, that senatour, To wryt this fenyeit fable tuk in cure, In his gay buke of consolatioun, For our doctrene and gud instructioun; Quhilk in the self, suppoiss it fenyeid be, And hid under the cloik of poetré, Yit maister Trivat, doctour Nicholass, Quhilk in his tyme a noble theologe wass, Applyis it to gud moralitie, Rycht full of fructe and seriositie. Fair Phebus is the god of sapience; Caliope, his wyfe, is eloquence; Thir twa mareit gat Orpheus belyfe, Quhilk callit is the pairte intellectyfe Off manis saule and undirstanding, fre And separat fra sensualitie. Euridices is our effectioun, Be fantesy oft movit up and doun; Quhile to ressone it castis the delyte, Quhile to the flesche it settis the appetyte. Arestius, this hird that cowth persew Euridices, is nocht bot gud vertew, That bissy is to keip our myndis clene; Bot quhen we fle outthrow the medow grene, Fra vertew till this warldis vane plesans, Myngit with cair and full of variance, The serpentis stang: that is the deidly syn That posownis the saule without and in; And than is deid and eik oppressit doun Till warldly lust and all our affectioun. Thane perfyte wisdome weipis wondir soir, Seand thus gait our appetyte misfair, And passis up to the hevyn belyve, Schawand to us the lyfe contemplatyfe, The perfyte wit, and eik the fervent luve We suld haif allway to the hevin abuve. Bot seildin thair our appetyte is fundin, It is so fast within the body bundin; Thairfoir dounwart we cast our myndis e, Blindit with lust, and may nocht upwartis fle. Sould our desyre be socht up in the spheiris, Quhen it is tedderit in thir warldly breiris, Quhyle on the flesch, quhyle on this warldis wrak, And to the hevin small intent we tak? Schir Orpheus, thou seikis all in vane Thy wyfe so he; thairfoir cum doun agane, And pas unto the monster mervellus With thre heidis, that we call Cerberus, Quhilk feinyeid is to haif so mony heidis For to betakin thre maner of deidis. The first is in the tendir yong bernage, The secound deid is in the middill age, The thrid is in greit eild quhen men ar tane; Thus Cerberus to swelly sparis nane. Bot quhen our mynd is myngit with sapience, And plais upoun the herp of eloquence; That is to say, makis persuasioun To draw our will and our affectioun, In every eild, fra syn and fowll delyte, This dog our sawll na power hes to byte. The secound monstris ar the sistiris thre: Electo, Migera, and Thesaphany Ar nocht ellis, in bukis as we reid, Bot wickit thocht, evill word, and thrawart deid. Electo is the bolling of the harte, Mygera is the wickit word outwert, Thesaphany is operatioun, That makis fynall executioun Of deidly syn; and thir thre turnis ay The ugly quheill, quhilk is nocht ellis to say Bot warldly men sumtyme ar castin he Upone the quheill in gret prosperitie, And with a quhirle, onwarly, or thai wait, Ar thrawin doun to pure and law estait. Of Ixione, that on the quheill wes spreid, I sall yow tell of sum pairte, as I haif red. He was on lyfe brukle and lecherous, And in that craft hardy and curagus, That he wald luve in to no lawar place Bot Juno, quene of nature and goddace. And on a day he went up on the sky And socht Juno, thinkand with hir to ly: Scho saw him cum and knew his foull intent; A rany clud doun fra the firmament Scho gart discend, and kest betuix thame two; And in that clud his nature yeid him fro, Of quhilk was generat the sentowriss, Half man, half hors, upoun a ferly wis. Thane for the inwart craving and offens That Juno tuke for his grit violens, Scho send him doun unto the sistiris thre, Upone a quheill ay turnyt for to be. Bot quhen ressoun and perfyte sapience Playis upone the herp of eloquens, And persuadis our fleschly appetyte To leif the thocht of this warldly delyte, Than seisis of our hert the wicket will, Fra frawart language than the tong is still, Our synfull deidis fallis doun on sleip, Thane Ixione out of the quheill gan creip: That is to say, the greit solicitud, Quhyle up, quhyle doun, to win this warldis gud, Seissis furthwith, and our affectioun Waxis quiet in contemplatioun. This Tantalus, of quhome I spak of aire, Quhill he levit he was a gay ostlaire, And on a nycht come travilland thairby The god of richess, and tuk harbery With Tantalus; and he till his supper Slew his awin sone, that was hym leif and deir, He gart the god eit up his flesche ilk deill In till a sew with spycis soddin weill. For this dispyt, quhen he was deid, annone Was dampnit in the flud of Acherone, Till suffer hungir, thrist, nakit and cawld, Rycht wo begone, as I befoir haif tould. This hungry man and thirsty, Tantalus, Betaknis men gredy and covetouss, The god of riches that ar ay redy For to ressaif and tak in harbery, And till him sieth his sone in pecis small, That is the flesch and blud, with grit travell To full the bag, and nevir fund in thair hairt Upoun thame self to spend, nor tak thair pairte. Allace, in erd quhair is thair mair foly Than for to want, and haif haboundantly - Till haif distress on bed, on bak and burd, And spar till othir men of gold a hurde? And in the nycht sleip soundly thay may nocht, To gaddir geir so gredy is thair thocht. Bot quhen that ressoun and intelligence Smytis upoun the herp of conscience, Schawand to ws quhat perrell on ilk syd That thai incur quhay will trest or confyd Into this warldis vane prosperitie, Quhilk hes thir sory properteis thre, That is to say, gottin with grit labour, Keipit with dreid, and tynt with grit dolour - This grit avariss be grace quha undirstud, I trow suld leif thair grit solicitude, And ithand thouchtis, and thair besynes To gaddir gold and syne leif in distres; Bot he suld drink ineuch quhen ewir hym list, Of covatyse to slaik the birnand thrist. This Titius lay nalit on the bent, And wyth the grip his bowellis revin and rent; Quhill he levit sett his entencion To find the craft of divinatioun, And lyrit it unto the spamen all, To tell befoir sic thingis as wald befall; Quhat lyfe, quhat deth, quhat destany and werd, Provydit ware unto every man on erd. Apollo than, for this abusioun, Quhilk is the god of divinatioun, For he usurpit of his facultie, Put him to hell, and thair remanis he. Ilk man that heiris this conclusioun Suld dreid to serss be constillatioun Thingis to fall undir the firmament, Till ye or na quhilk ar indefferent, 2 Without profixit causis and certane, Quhilk nane in erd may knaw bot God allane. Quhen Orpheus upoun his harp can play That is, our undirstanding, for to say, Cryis, "O man, recleme thi folich harte! Will thow be God and tak on the his parte, To tell thingis to cum that nevir wil be, Quhilk God hes kepit in his prevetie? Thow ma no mair offend to God of micht, Na with thi spaying reif fra him his richt." This perfyte wisdome with his melody Fleyis the spreit of fenyeid profecy, And drawis upwart our affectioun Fra wichcraft, spaying, and sorsery, And superstitioun of astrology - Saif allanerly sic maner of thingis Quhilk upoun trew and certane caussis hingis The quhilk mone cum, to thair causis indure, On verry forss and nocht throw avanture, As is the clippis and the conjunctioun Of sone and mone, be calculatioun, The quhilk ar fundin in trew astronomy, Be moving of the speiris in the sky. All thir to speik it may be tollerable, And none udir, quhilk no caussis stable. This ugly way, this myrk and dully streit, Is nocht ellis bot blinding of the spreit With myrk cluddis and myst of ignorance, Affetterrit in this warldis vane plesance And bissines of temporalité. To kene the self a styme it may nocht se, For stammeris on eftir effectioun, Fra ill to war ale thus to hell gois doun, That is wan howp, throw lang hanting of syn, And fowll dispair, that mony fallis in. Than Orpheus, our ressoun, is full wo And twichis on his harp and biddis ho Till our desyre and fulich appetyte, Bidis leif this warldis full delyte. Than Pluto god, and quene of hellis fyre, Mone grant to ressoun on forss the desyre; Than Orpheus hes wone Euridices, Quhen our desyre with ressoun makis pess, And seikis up to contemplatioun, Of syn detestand the abutioun. Bot ilk man suld be wyse and warly se That he bakwart cast nocht his myndis e, Gifand consent and delectatioun Of fleschly lust and for the affectioun; For thane gois bakwart to the syn agane Our appetyte, as it befoir was slane In warldly lust and vane prosperité, And makis ressoun wedow for to be. Now pray we God, sen our affectioun, Is allway promp and reddy to fall doun, That He wald undirput His haly hand Of mantenans, and gife us forss to stand In perfyte luve, as He is glorius. And thus endis the taill of Orpheus. Finis quod mr. R. H. |
nobility whosoever plans to extoll ancestry; lineal descent genealogy dispose Hearing recited; gentility contrary [to] noble forebearers royal person; boorish Held; scorn Greece whole father's; follow Increasing; high birth solemn; (see note) mentors; (see note) rivulet; (see note) savour; original; (see note) each quality and aroma; (see note) which; one noble parentage (see note) Upon; Helicon; (see note) (see note) (see note) did take; (see note) who thereafter; (see note) daughters Greece; (see note) delight named; (see note) honey sweet (see note) third; indeed Greek maiden marvelous; (see note) fourth Thrace (see note) called (see note) like to like seventh; (see note) sweetly next; (see note) knowledge; skill; (see note) (see note) translate harmony celestial Rejoicing crowned begat (see note) (see note) mother; (see note) harmony had; white breasts liquor; perfect Growing; grew; (see note) nobly (see note) (see note) abounding young Inviting (see note) intention; explain glances then; (see note) From the time; from flame happiness; joy; (see note) worldly Like to; pleasingly fades; sorrow (based on) Only; (see note) enjoy; (see note) thicket; young uncouth shepherd; (see note) bush alone Barefoot; legs; snow Incited; without more ado to ravish; to; did; (see note) Fearing; harm bush stepped; venemous; (see note) venom; penetrating nature; deadly poison; (see note) pieces; break; (see note) soon Seeing; ready; (see note) called (see note) vanished; invisible countenance voice did hear inquire by; spirits taken; eyes inflamed; anger raging; ravenous eyes Asks stepped fairy Caught spoken; sighed sorrow (remained no longer) (see note) Wringing; walking As long as; then thus; complaint; (see note) sorrowful; (see note) mourning cease sorrowful joy pleasure; lament; weeping tuning pins; (see note) attempt; (see note) place love comfort; merry tune birds; wood trees distract; lamenting vain; availed; (see note) so [set]; lovely tears; eyes stop lamentations residence lonely wicked fate; spend robe homespun; (see note) crown; hat; (see note) beaver; badger; bear bushes pleasant; noisy beasts; (see note) saying; heavy sighing beseech pity; own Know; offspring complaint; piteous; (see note) Who; proceeds; vexed clouds; covered over; (see note) Lend; fail defiled grandfather comfort my mourning; moan grant me strength; faint; (see note) Until; truly; (see note) cease; stop; log godhead direct; (see note) Make; peace wept; (see note) of lamentation helped; (see note) Watling Stree, without delay; (see note) sphere (realm); old throughout grandfather; go rued sorely bade; sphere; searched searched; found sun own such; mood bade; (see note) vain leave; went Know; own loyaler sight Truly; lower down; (see note) without delay without tarrying knowledge; (see note) (see note) did not stay learned music of the spheres Surpassing revolution; spheres world Until; cease (see note) learned; musical relationships; (see note) doubletime; tripletime; (see note) Hemiolius; quadruplets; (see note) Epogdous these six harmoniously Composed; describe fourth interval; believe octave; double octave; (see note) fifth; double fifth augmented melodious numbers odd deceive myself I now give this over among; groves over; wild places; (see note) alone Far and very; (see note) gate grim Cerberus quickly over its belly crept in quietly further down wonderously; (see note) Over; bridge; (see note) entrance; guard (see note) wheel called; (see note) Rolling; amazingly grieved happy tune wheel; its whirling entrance creep stole across; bridge wonderously hideous river; (see note) Troubled; swiftly; (see note) thirsty; stood; (see note) ran above opened his mouth lowered his head (see note) apple; (see note) Close; twined; (see note) rocked as if (see note) quickly; did play stood still Then over a moor wild help cruel thorns; cut; hurt; (see note) looked around; field; (see note) spreadeagle; creature; (see note) Bound; was called; (see note) gruesome vulture belly; cut stomach, vitals; liver; entrails tore; pains suffer so badly taken vulture; stopped moor; found Dark slipperiness barely; keep guided; hideous (see note) sorry; bottomless; (see note) Furnace; stench food venom; poisoned too numerous to count perpetually dying; die found; sorrowing shining; (see note) powerful; (see note) wrongful (see note) (see note) brother's (see note) Crassus; mightier; among men; (see note) covetise; shining on whom Saul; abuse; (see note) (see note) Ahab; (see note) innocent vineyard; (see note) pope church; did abuse regalia unjust seizure; (see note) disposing; revenue tormented further down there; (see note) go recognized Lean; deathly frail; withered; weed complexion; lead true woe complexion so rosy; white eyes; glances red dare not; indeed know apparition lament; why; (see note) fares as well chivalry; (see note) grief; plight recover; hair; (see note) white; did take harmonies low notes; Hypodorian; (see note) harmonies; Hyperlerian sympathy hear told him to ask boon permission; to leave sought except give agreement by with this provision glance forever; (see note) willing talking outer heartfelt love filled Thinking; sweet; (see note) Remembered you [know] more glanced; immediately heartache, hear purchased; (see note) Only; taken Prone swoon and trance came to define merciful grief; pain; (see note) bonds [even] though; faithful regret Heart; treasure; wound; (see note) must; eye; (see note) knowledgeable Only; lost chiding; stream; field widower Boethius; (see note) fictional; charge splendid; (see note) learning though; fictional Trivet; (see note) Applies; moral profit; serious intent wisdom spouses begot; soon intellectual (see note) emotions By Sometimes in reason Sometimes (see note) vain pleasures Mixed; change stings also held down perfect; wonderously sore Seeing thusly; desire wander at once(see note) perfect; (see note) seldom; found eye fly spheres caught; briars; (see note) Sometimes; wealth attention high (see note) alleged signify; deaths childhood swallow reinforced; wisdom; (see note) every age (see note) hasty; (see note) swelling (see note) action finally carries out these three turn perpetually; (see note) wheel [of Fortune]; (see note) high; (see note) unaware before they know thrown; poor; low fickle; (see note) not; lower goddess Seeking foul intention; (see note) (see note) placed his semen went created; Centaurs marvellous manner vexation; (see note) wisdom; (see note) (see note) leave ceases hasty asleep wheel solicitude Sometimes; benefits Ceases; (see note) Grows earlier lived; innkeeper lodging beloved; (see note) bade; every bit; (see note) stew; boiled evil deed; at once damned; river; (see note) exposure very sorrowful Signifies; covetous receive; take in as guests; (see note) for; boils labor purse earth need yet have abundance board; (see note) store up for; hoard; (see note) gather wealth (see note) (see note) Showing; each; (see note) who; trust; confide unhappy; attributes lost; misery understands believe; abandon constant; efforts; (see note) gather; (see note) enough; chooses; (see note) burning nailed; field; (see note) vulture; entrails; ripped; torn; (see note) lived; goal; (see note) teach; soothsayers; (see note) predict; occur; (see note) fate Provided abuse; (see note) usurped; special ability; (see note) Every; outcome; (see note) Should; seek to know by astrology come; heavens predetermined certainty; (see note) no one; earth as it were restrain; foolish foretell sole purview may spying take Frees; mendacious (see note) soothsaying Save only such (as long as); (see note) By the nature of things; chance eclipse which orbs Of all these other; are not stable path; dark; sorry; (see note) spirit dark Fettered; pleasure worldly things know; sty; (see note) staggers; desire; (see note) worse; thusly; (see note) hopelessness; practice strums; bids cease Unto; foolish relinquish; foul Must; necessarily; wish (see note) peace aspires detesting the abuse; (see note) each; beware; cautiously; (see note) eye Giving consent and desire (see note) (see note) (see note) (a) widow since anxious support us with his holy hand; (see note) (see note) perfect |