|
5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150 155 160 165 170 175 180 185 190 195 200 205 210 215 220 225 230 235 240 245 250 255 260 265 270 275 280 285 290 295 300 305 310 315 320 325 330 335 340 345 350 355 360 365 370 375 380 385 390 395 400 405 410 415 420 425 430 435 440 445 450 455 460 465 470 475 480 485 490 495 500 505 510 515 520 525 530 535 540 545 550 555 560 565 570 575 580 585 590 595 600 605 610 615 |
Ane doolie sessoun to ane cairfull dyte Suld correspond and be equivalent: Richt sa it wes quhen I began to wryte This tragedie; the wedder richt fervent, Quhen Aries, in middis of the Lent, Schouris of haill gart fra the north discend, That scantlie fra the cauld I micht defend. Yit nevertheles within myne oratur I stude, quhen Titan had his bemis bricht Withdrawin doun and sylit under cure, And fair Venus, the bewtie of the nicht, Uprais and set unto the west full richt Hir goldin face, in oppositioun Of God Phebus, direct discending doun. Throwout the glas hir bemis brast sa fair That I micht se on everie syde me by; The northin wind had purifyit the air And sched the mistie cloudis fra the sky; The froist freisit, the blastis bitterly Fra Pole Artick come quhisling loud and schill, And causit me remufe aganis my will. For I traistit that Venus, luifis quene, To quhome sum tyme I hecht obedience, My faidit hart of lufe scho wald mak grene, And therupon with humbill reverence I thocht to pray hir hie magnificence; Bot for greit cald as than I lattit was And in my chalmer to the fyre can pas. Thocht lufe be hait, yit in ane man of age It kendillis nocht sa sone as in youtheid, Of quhome the blude is flowing in ane rage; And in the auld the curage doif and deid Of quhilk the fyre outward is best remeid: To help be phisike quhair that nature faillit I am expert, for baith I have assaillit. I mend the fyre and beikit me about, Than tuik ane drink, my spreitis to comfort, And armit me weill fra the cauld thairout. To cut the winter nicht and mak it schort I tuik ane quair - and left all uther sport - Writtin be worthie Chaucer glorious Of fair Creisseid and worthie Troylus. And thair I fand, efter that Diomeid Ressavit had that lady bricht of hew, How Troilus neir out of wit abraid And weipit soir with visage paill of hew; For quhilk wanhope his teiris can renew, Quhill esperance rejoisit him agane: Thus quhyle in joy he levit, quhyle in pane. Of hir behest he had greit comforting, Traisting to Troy that scho suld mak retour, Quhilk he desyrit maist of eirdly thing, For quhy scho was his only paramour. Bot quhen he saw passit baith day and hour Of hir ganecome, than sorrow can oppres His wofull hart in cair and hevines. Of his distres me neidis nocht reheirs, For worthie Chauceir in the samin buik, In gudelie termis and in joly veirs, Compylit hes his cairis, quha will luik. To brek my sleip ane uther quair I tuik, In quhilk I fand the fatall destenie Of fair Cresseid, that endit wretchitlie. Quha wait gif all that Chauceir wrait was trew? Nor I wait nocht gif this narratioun Be authoreist, or fenyeit of the new Be sum poeit, throw his inventioun Maid to report the lamentatioun And wofull end of this lustie Creisseid, And quhat distres scho thoillit, and quhat deid. Quhen Diomeid had all his appetyte, And mair, fulfillit of this fair ladie, Upon ane uther he set his haill delyte, And send to hir ane lybell of repudie And hir excludit fra his companie. Than desolait scho walkit up and doun, And sum men sayis into the court commoun. O fair Creisseid, the flour and A per se Of Troy and Grece, how was thow fortunait To change in filth all thy feminitie, And be with fleschelie lust sa maculait, And go amang the Greikis air and lait, Sa giglotlike takand thy foull plesance! I have pietie thow suld fall sic mischance! 1 Yit nevertheles, quhat ever men deme or say In scornefull langage of thy brukkilnes, I sall excuse als far furth as I may Thy womanheid, thy wisdome and fairnes, The quhilk fortoun hes put to sic distres As hir pleisit, and nathing throw the gilt Of the - throw wickit langage to be spilt! This fair lady, in this wyse destitute Of all comfort and consolatioun, Richt privelie, but fellowschip on fute, Disagysit passit far out of the toun Ane myle or twa, unto ane mansioun Beildit full gay, quhair hir father Calchas Quhilk than amang the Greikis dwelland was. Quhen he hir saw, the caus he can inquyre Of hir cumming: scho said, siching full soir, "Fra Diomeid had gottin his desyre He wox werie and wald of me no moir." Quod Calchas, "Douchter, weip thow not thairfoir; Peraventure all cummis for the best. Welcum to me; thow art full deir ane gest!" This auld Calchas, efter the law was tho, Wes keiper of the tempill as ane preist In quhilk Venus and hir sone Cupido War honourit, and his chalmer was neist; To quhilk Cresseid, with baill aneuch in breist, Usit to pas, hir prayeris for to say, Quhill at the last, upon ane solempne day, As custome was, the pepill far and neir Befoir the none unto the tempill went With sacrifice, devoit in thair maneir. Bot still Cresseid, hevie in hir intent, Into the kirk wald not hir self present, For giving of the pepill ony deming Of hir expuls fra Diomeid the king, Bot past into ane secreit orature, Quhair scho micht weip hir wofull desteny. Behind hir bak scho cloisit fast the dure And on hir kneis bair fell doun in hy; Upon Venus and Cupide angerly Scho cryit out, and said on this same wyse, "Allace, that ever I maid yow sacrifice! "Ye gave me anis ane devine responsaill That I suld be the flour of luif in Troy; Now am I maid ane unworthie outwaill, And all in cair translatit is my joy. Quha sall me gyde? Quha sall me now convoy, Sen I fra Diomeid and nobill Troylus Am clene excludit, as abject odious? "O fals Cupide, is nane to wyte bot thow And thy mother, of lufe the blind goddes! Ye causit me alwayis understand and trow The seid of lufe was sawin in my face, And ay grew grene throw your supplie and grace. Bot now, allace, that seid with froist is slane, And I fra luifferis left, and all forlane." Quhen this was said, doun in ane extasie, Ravischit in spreit, intill ane dreame scho fell, And be apperance hard, quhair scho did ly, Cupide the king ringand ane silver bell, Quhilk men micht heir fra hevin unto hell; At quhais sound befoir Cupide appeiris The sevin planetis, discending fra thair spheiris; Quhilk hes power of all thing generabill, To reull and steir be thair greit influence Wedder and wind, and coursis variabill: And first of all Saturne gave his sentence, Quhilk gave to Cupide litill reverence, Bot as ane busteous churle on his maneir Come crabitlie with auster luik and cheir. His face fronsit, his lyre was lyke the leid, His teith chatterit and cheverit with the chin, His ene drowpit, how sonkin in his heid, Out of his nois the meldrop fast can rin, With lippis bla and cheikis leine and thin; The ice schoklis that fra his hair doun hang Was wonder greit, and as ane speir als lang: Atouir his belt his lyart lokkis lay Felterit unfair, ovirfret with froistis hoir, His garmound and his gyis full of gray, His widderit weid fra him the wind out woir, Ane busteous bow within his hand he boir, Under his girdill ane flasche of felloun flanis Fedderit with ice and heidit with hailstanis. Than Juppiter, richt fair and amiabill, God of the starnis in the firmament And nureis to all thing generabill; Fra his father Saturne far different, With burelie face and browis bricht and brent, Upon his heid ane garland wonder gay Of flouris fair, as it had bene in May. His voice was cleir, as cristall wer his ene, As goldin wyre sa glitterand was his hair, His garmound and his gyis full of grene With goldin listis gilt on everie gair; Ane burelie brand about his middill bair, In his richt hand he had ane groundin speir, Of his father the wraith fra us to weir. Nixt efter him come Mars the god of ire, Of strife, debait, and all dissensioun, To chide and fecht, als feirs as ony fyre, In hard harnes, hewmound, and habirgeoun, And on his hanche ane roustie fell fachioun, And in his hand he had ane roustie sword, Wrything his face with mony angrie word. Schaikand his sword, befoir Cupide he come, With reid visage and grislie glowrand ene, And at his mouth ane bullar stude of fome, Lyke to ane bair quhetting his tuskis kene; Richt tuilyeour lyke, but temperance in tene, Ane horne he blew with mony bosteous brag, Quhilk all this warld with weir hes maid to wag. Than fair Phebus, lanterne and lamp of licht, Of man and beist, baith frute and flourisching, Tender nureis, and banischer of nicht; And of the warld causing, be his moving And influence, lyfe in all eirdlie thing, Without comfort of quhome, of force to nocht Must all ga die that in this warld is wrocht. As king royall he raid upon his chair, The quhilk Phaeton gydit sum tyme unricht; The brichtnes of his face quhen it was bair Nane micht behald for peirsing of his sicht; This goldin cart with fyrie bemis bricht Four yokkit steidis full different of hew But bait or tyring throw the spheiris drew. The first was soyr, with mane als reid as rois, Callit Eoye, into the orient; The secund steid to name hecht Ethios, Quhitlie and paill, and sum deill ascendent; The thrid Peros, richt hait and richt fervent; The feird was blak, callit Philogié, Quhilk rollis Phebus doun into the sey. Venus was thair present, that goddes gay, Hir sonnis querrell for to defend, and mak Hir awin complaint, cled in ane nyce array, The ane half grene, the uther half sabill blak, With hair as gold kemmit and sched abak; Bot in hir face semit greit variance, Quhyles perfyte treuth and quhyles inconstance. Under smyling scho was dissimulait, Provocative with blenkis amorous, And suddanely changit and alterait, Angrie as ony serpent vennemous, Richt pungitive with wordis odious; Thus variant scho was, quha list tak keip: With ane eye lauch, and with the uther weip, In taikning that all fleschelie paramour, Quhilk Venus hes in reull and governance, Is sum tyme sweit, sum tyme bitter and sour, Richt unstabill and full of variance, Mingit with cairfull joy and fals plesance, Now hait, now cauld, now blyith, now full of wo, Now grene as leif, now widderit and ago. With buik in hand than come Mercurius, Richt eloquent and full of rethorie, With polite termis and delicious, With pen and ink to report all reddie, Setting sangis and singand merilie; His hude was reid, heklit atovir his croun, Lyke to ane poeit of the auld fassoun. Boxis he bair with fyne electuairis, And sugerit syropis for digestioun, Spycis belangand to the pothecairis, With mony hailsum sweit confectioun; Doctour in phisick, cled in ane skarlot goun, And furrit weill, as sic ane aucht to be; Honest and gude, and not ane word culd lie. Nixt efter him come lady Cynthia, The last of all and swiftest in hir spheir; Of colour blak, buskit with hornis twa, And in the nicht scho listis best appeir; Haw as the leid, of colour nathing cleir, For all hir licht scho borrowis at hir brother Titan, for of hir self scho hes nane uther. Hir gyse was gray and full of spottis blak, And on hir breist ane churle paintit full evin Beirand ane bunche of thornis on his bak, Quhilk for his thift micht clim na nar the hevin. Thus quhen thay gadderit war thir goddes sevin, Mercurius thay cheisit with ane assent To be foirspeikar in the parliament. Quha had bene thair and liken for to heir His facound toung and termis exquisite, Of rethorick the prettick he micht leir, In breif sermone ane pregnant sentence wryte. Befoir Cupide veiling his cap alyte, Speiris the caus of that vocatioun, And he anone schew his intentioun. "Lo," quod Cupide, "quha will blaspheme the name Of his awin god, outher in word or deid, To all goddis he dois baith lak and schame, And suld have bitter panis to his meid. I say this by yone wretchit Cresseid, The quhilk throw me was sum tyme flour of lufe, Me and my mother starklie can reprufe, "Saying of hir greit infelicitie I was the caus, and my mother Venus, Ane blind goddes hir cald that micht not se, With sclander and defame injurious. Thus hir leving unclene and lecherous Scho wald returne in me and my mother, To quhome I schew my grace abone all uther. "And sen ye ar all sevin deificait, Participant of devyne sapience, This greit injure done to our hie estait Me think with pane we suld mak recompence; Was never to goddes done sic violence: As weill for yow as for my self I say, Thairfoir ga help to revenge, I yow pray!" Mercurius to Cupide gave answeir And said, "Schir King, my counsall is that ye Refer yow to the hiest planeit heir And tak to him the lawest of degré, The pane of Cresseid for to modifie: As God Saturne, with him tak Cynthia." "I am content," quod he, "to tak thay twa." Than thus proceidit Saturne and the Mone Quhen thay the mater rypelie had degest: For the dispyte to Cupide scho had done And to Venus, oppin and manifest, In all hir lyfe with pane to be opprest, And torment sair with seiknes incurabill, And to all lovers be abhominabill. This duleful sentence Saturne tuik on hand, And passit doun quhair cairfull Cresseid lay, And on hir heid he laid ane frostie wand; Than lawfullie on this wyse can he say, "Thy greit fairnes and all thy bewtie gay, Thy wantoun blude, and eik thy goldin hair, Heir I exclude fra the for evermair. "I change thy mirth into melancholy, Quhilk is the mother of all pensivenes; Thy moisture and thy heit in cald and dry; Thyne insolence, thy play and wantones, To greit diseis; thy pomp and thy riches In mortall neid; and greit penuritie Thow suffer sall, and as ane beggar die." O cruell Saturne, fraward and angrie, Hard is thy dome and to malitious! On fair Cresseid quhy hes thow na mercie, Quhilk was sa sweit, gentill and amorous? Withdraw thy sentence and be gracious - As thow was never; sa schawis through thy deid, Ane wraikfull sentence gevin on fair Cresseid. Than Cynthia, quhen Saturne past away, Out of hir sait discendit doun belyve, And red ane bill on Cresseid quhair scho lay, Contening this sentence diffinityve: "Fra heit of bodie I the now depryve, And to thy seiknes sall be na recure Bot in dolour thy dayis to indure. "Thy cristall ene mingit with blude I mak, Thy voice sa cleir unplesand, hoir, and hace, Thy lustie lyre ovirspred with spottis blak, And lumpis haw appeirand in thy face: Quhair thow cummis, ilk man sall fle the place. This sall thow go begging fra hous to hous With cop and clapper lyke ane lazarous." This doolie dreame, this uglye visioun Brocht to ane end, Cresseid fra it awoik, And all that court and convocatioun Vanischit away: than rais scho up and tuik Ane poleist glas, and hir schaddow culd luik; And quhen scho saw hir face sa deformait, Gif scho in hart was wa aneuch, God wait! Weiping full sair, "Lo, quhat it is," quod sche, "With fraward langage for to mufe and steir Our craibit goddis; and sa is sene on me! My blaspheming now have I bocht full deir; All eirdlie joy and mirth I set areir. Allace, this day; allace, this wofull tyde Quhen I began with my goddis for to chyde!" Be this was said, ane chyld come fra the hall To warne Cresseid the supper was reddy; First knokkit at the dure, and syne culd call, "Madame, your father biddis yow cum in hy: He hes merwell sa lang on grouf ye ly, And sayis your beedes bene to lang sum deill; The goddis wait all your intent full weill." Quod scho, "Fair chyld, ga to my father deir And pray him cum to speik with me anone." And sa he did, and said, "Douchter, quhat cheir?" "Allace!" quod scho, "Father, my mirth is gone!" "How sa?" quod he, and scho can all expone, As I have tauld, the vengeance and the wraik For hir trespas Cupide on hir culd tak. He luikit on hir uglye lipper face, The quhylk befor was quhite as lillie flour; Wringand his handis, oftymes he said allace That he had levit to se that wofull hour; For he knew weill that thair was na succour To hir seiknes, and that dowblit his pane; Thus was thair cair aneuch betuix thame twane. Quhen thay togidder murnit had full lang, Quod Cresseid, "Father, I wald not be kend; Thairfoir in secreit wyse ye let me gang To yone hospitall at the tounis end, And thidder sum meit for cheritie me send To leif upon, for all mirth in this eird Is fra me gane; sic is my wickit weird!" Than in ane mantill and ane bawer hat, With cop and clapper, wonder prively, He opnit ane secreit get and out thair at Convoyit hir, that na man suld espy, Unto ane village half ane myle thairby; Delyverit hir in at the spittaill hous, And daylie sent hir part of his almous. Sum knew hir weill, and sum had na knawledge Of hir becaus scho was sa deformait, With bylis blak ovirspred in hir visage, And hir fair colour faidit and alterait. Yit thay presumit, for hir hie regrait And still murning, scho was of nobill kin; With better will thairfoir they tuik hir in. The day passit and Phebus went to rest, The cloudis blak ouerheled all the sky. God wait gif Cresseid was ane sorrowfull gest, Seing that uncouth fair and harbery! But meit or drink scho dressit hir to ly In ane dark corner of the hous allone, And on this wyse, weiping, scho maid hir mone. The Complaint of Cresseid "O sop of sorrow, sonkin into cair, O cative Creisseid, for now and ever mair Gane is thy joy and all thy mirth in eird; Of all blyithnes now art thou blaiknit bair; Thair is na salve may saif the of thy sair! Fell is thy fortoun, wickit is thy weird, Thy blys is baneist, and thy ball on breird! Under the eirth, God gif I gravin wer, Quhair nane of Grece nor yit of Troy micht heird! "Quhair is thy chalmer wantounlie besene, With burely bed and bankouris browderit bene; Spycis and wyne to thy collatioun, The cowpis all of gold and silver schene, Thy sweit meitis servit in plaittis clene With saipheron sals of ane gude sessoun; Thy gay garmentis with mony gudely goun, Thy plesand lawn pinnit with goldin prene All is areir, thy greit royall renoun! "Quhair is thy garding with thir greissis gay And fresche flowris, quhilk the quene Floray Had paintit plesandly in everie pane, Quhair thou was wont full merilye in May To walk and tak the dew be it was day, And heir the merle and mawis mony ane, With ladyis fair in carrolling to gane And se the royall rinkis in thair array, In garmentis gay garnischit on everie grane? "Thy greit triumphand fame and hie honour, Quhair thou was callit of eirdlye wichtis flour, All is decayit, thy weird is welterit so; Thy hie estait is turnit in darknes dour; This lipper ludge tak for thy burelie bour, And for thy bed tak now ane bunche of stro, For waillit wyne and meitis thou had tho Tak mowlit breid, peirrie and ceder sour; Bot cop and clapper now is all ago. "My cleir voice and courtlie carrolling, Quhair I was wont with ladyis for to sing, Is rawk as ruik, full hiddeous, hoir and hace; My plesand port, all utheris precelling, Of lustines I was hald maist conding - Now is deformit the figour of my face; To luik on it na leid now lyking hes. Sowpit in syte, I say with sair siching, Ludgeit amang the lipper leid, `Allace!' "O ladyis fair of Troy and Grece, attend My miserie, quhilk nane may comprehend, My frivoll fortoun, my infelicitie, My greit mischeif, quhilk na man can amend. Be war in tyme, approchis neir the end, And in your mynd ane mirrour mak of me: As I am now, peradventure that ye For all your micht may cum to that same end, Or ellis war, gif ony war may be. "Nocht is your fairnes bot ane faiding flour, Nocht is your famous laud and hie honour Bot wind inflat in uther mennis eiris, Your roising reid to rotting sall retour; Exempill mak of me in your memour Quhilk of sic thingis wofull witnes beiris. All welth in eird, away as wind it weiris; Be war thairfoir, approchis neir your hour; Fortoun is fikkill quhen scho beginnis and steiris." Thus chydand with hir drerie destenye, Weiping scho woik the nicht fra end to end; Bot all in vane; hir dule, hir cairfull cry, Micht not remeid, nor yit hir murning mend. Ane lipper lady rais and till hir wend, And said, "Quhy spurnis thow aganis the wall To sla thy self and mend nathing at all? "Sen thy weiping dowbillis bot thy wo, I counsall the mak vertew of ane neid; Go leir to clap thy clapper to and fro, And leif efter the law of lipper leid." Thair was na buit, bot furth with thame scho yeid Fra place to place, quhill cauld and hounger sair Compellit hir to be ane rank beggair. That samin tyme, of Troy the garnisoun, Quhilk had to chiftane worthie Troylus, Throw jeopardie of weir had strikken doun Knichtis of Grece in number mervellous; With greit tryumphe and laude victorious Agane to Troy richt royallie thay raid The way quhair Cresseid with the lipper baid. Seing that companie, all with ane stevin Thay gaif ane cry, and schuik coppis gude speid, "Worthie lordis, for Goddis lufe of hevin, To us lipper part of your almous deid!" Than to thair cry nobill Troylus tuik heid, Having pietie, neir by the place can pas Quhair Cresseid sat, not witting quhat scho was. Than upon him scho kest up baith hir ene, And with ane blenk it come into his thocht That he sumtime hir face befoir had sene, Bot scho was in sic plye he knew hir nocht; Yit than hir luik into his mynd it brocht The sweit visage and amorous blenking Of fair Cresseid, sumtyme his awin darling. Na wonder was, suppois in mynd that he Tuik hir figure sa sone, and lo, now quhy: The idole of ane thing in cace may be Sa deip imprentit in the fantasy That it deludis the wittis outwardly, And sa appeiris in forme and lyke estait Within the mynd as it was figurait. Ane spark of lufe than till his hart culd spring And kendlit all his bodie in ane fyre; With hait fewir, ane sweit and trimbling Him tuik, quhill he was reddie to expyre; To beir his scheild his breist began to tyre; Within ane quhyle he changit mony hew; And nevertheles not ane ane uther knew. For knichtlie pietie and memoriall Of fair Cresseid, ane gyrdill can he tak, Ane purs of gold, and mony gay jowall, And in the skirt of Cresseid doun can swak; Than raid away and not ane word he spak, Pensiwe in hart, quhill he come to the toun, And for greit cair oft syis almaist fell doun. The lipper folk to Cresseid than can draw To se the equall distributioun Of the almous, bot quhen the gold thay saw, Ilk ane to uther prewelie can roun, And said, "yone lord hes mair affectioun, How ever it be, unto yone lazarous Than to us all; we knaw be his almous." "Quhat lord is yone," quod scho, "have ye na feill, Hes done to us so greit humanitie?" "Yes," quod a lipper man, "I knaw him weill; Schir Troylus it is, gentill and fre." Quhen Cresseid understude that it was he, Stiffer than steill thair stert ane bitter stound Throwout hir hart, and fell doun to the ground. Quhen scho ouircome, with siching sair and sad, With mony cairfull cry and cald ochane: "Now is my breist with stormie stoundis stad, Wrappit in wo, ane wretch full will of wane!" Than fel in swoun full oft or ever scho fane, And ever in hir swouning cryit scho thus, "O fals Cresseid and trew knicht Troylus! "Thy lufe, thy lawtie, and thy gentilnes I countit small in my prosperitie, Sa efflated I was in wantones, And clam upon the fickill quheill sa hie. All faith and lufe I promissit to the Was in the self fickill and frivolous: O fals Cresseid and trew knicht Troilus! "For lufe of me thow keipt continence, Honest and chaist in conversatioun; Of all wemen protectour and defence Thou was, and helpit thair opinioun; My mynd in fleschelie foull affectioun Was inclynit to lustis lecherous: Fy, fals Cresseid; O trew knicht Troylus! "Lovers be war and tak gude heid about Quhome that ye lufe, for quhome ye suffer paine. I lat yow wit, thair is richt few thairout Quhome ye may traist to have trew lufe agane; Preif quhen ye will, your labour is in vaine. Thairfoir I reid ye tak thame as ye find, For thay ar sad as widdercok in wind. "Becaus I knaw the greit unstabilnes, Brukkill as glas, into my self, I say - Traisting in uther als greit unfaithfulnes, Als unconstant, and als untrew of fay - Thocht sum be trew, I wait richt few ar thay; Quha findis treuth, lat him his lady ruse; Nane but my self as now I will accuse." Quhen this was said, with paper scho sat doun, And on this maneir maid hir testament: "Heir I beteiche my corps and carioun With wormis and with taidis to be rent; My cop and clapper, and myne ornament, And all my gold the lipper folk sall have, Quhen I am deid, to burie me in grave. "This royall ring, set with this rubie reid, Quhilk Troylus in drowrie to me send, To him agane I leif it quhen I am deid, To mak my cairfull deid unto him kend. Thus I conclude schortlie and mak ane end: My spreit I leif to Diane, quhair scho dwellis, To walk with hir in waist woddis and wellis. "O Diomeid, thou hes baith broche and belt Quhilk Troylus gave me in takning Of his trew lufe," and with that word scho swelt. And sone ane lipper man tuik of the ring, Syne buryit hir withouttin tarying; To Troylus furthwith the ring he bair, And of Cresseid the deith he can declair. Quhen he had hard hir greit infirmitie, Hir legacie and lamentatioun, And how scho endit in sic povertie, He swelt for wo and fell doun in ane swoun; For greit sorrow his hart to brist was boun; Siching full sadlie, said, "I can no moir; Scho was untrew and wo is me thairfoir." Sum said he maid ane tomb of merbell gray, And wrait hir name and superscriptioun, And laid it on hir grave quhair that scho lay, In goldin letteris, conteining this ressoun: "Lo, fair ladyis, Cresseid of Troy the toun, Sumtyme countit the flour of womanheid, Under this stane, lait lipper, lyis deid." Now, worthie wemen, in this ballet schort, Maid for your worschip and instructioun, Of cheritie, I monische and exhort, Ming not your lufe with fals deceptioun: Beir in your mynd this schort conclusioun Of fair Cresseid, as I have said befoir. Sen scho is deid I speik of hir no moir. |
dismal season; woeful poem; (see note) Should; equitable when weather; bitter(see note) (see note) Showers of hail did from; (see note) barely; cold study; (see note) stood; beams bright concealed; cover; (see note) beauty Rose up To window; burst; (see note) purified dissipated; (see note) extreme cold became icy whistling; shrill; (see note) withdraw [from the window] trusted; love's whom; vowed faded high great cold; hindered chamber; (see note) Though love be hot kindles; youth blood old; sexual desire; dull; dead; (see note) which; remedy by; failed tried warmed myself; (see note) spirits outside took a book; (see note) by (see note) found after Received; bright of complexion nearly out of [his] mind went face pale of hue despair Until hope gladdened; (see note) sometimes; lived; pain(see note) promise; comfort Trusting; return earthly; (see note) Because; lover return; (see note) sadness I need not retell same book pleasing verse Compiled; for whoever wishes to read a second book; (see note) (see note) knows if know; narrative authoritative; newly composed; (see note) beautiful suffered; death; (see note) another; whole delight bill of divorce; (see note) excluded desolate (see note) flower; paragon; (see note) destined into so defiled early; late; (see note) whorishly taking; pleasure (see note) judge fickleness; (see note) pleased; guilt you; destroyed comfort without; (see note) Disguised; (see note) mansion; (see note) Built splendidly sighing pitifully Once became; wanted Said; (see note) Perhaps guest then dwelling was beside [the temple]; (see note) anguish enough in heart; (see note) Until; solemn people; (see note) noon devout sad church; (see note) To avoid; knowledge expulsion; (see note) chapel bewail closed; door bare knees; haste manner once; promise flower of love outcast into wretchedness transformed guide; take care of me Since; (see note) completely; outcast blame (see note) believe; (see note) seed of love; sown support; (see note) seed; slain lovers abandoned; utterly lost swoon; (see note) Ravished in spirit into And seemed to hear ringing; (see note) hear which; appear over all created things guide variable (see note) blustering crabbily; stern; countenance wrinkled; complexion; lead; (see note) teeth chattered; shivered; (see note) eyes drooped; sunken; (see note) nose; snot livid (blue); lean icicles; (see note) Around; hoary locks In ugly mats overlaid; hoarfrost garments; attire; (see note) withered clothes; blew out A powerful; bore; (see note) quiver; cruel arrows Feathered; headed (see note) stars; (see note) nurture; growing handsome; bright; radiant; (see note) as (if) eyes golden wire so glittering garment; attire; (see note) trim; edge broad belt; (see note) sharpened ward off wrath fight, as fierce; fire war gear, helmet; mail hip; bloody cruel falchion; (see note) bloody sword Contorting Shaking; (see note) red face; glowering eyes glob of froth drivelled; (see note) boar whetting; sharp aggressive; without; anger rough boasts war caused to erupt bloom nourisher; night by earthly of necessity be dead; created; (see note) rode; chariot somewhat amiss bare piercing fiery beams bright yoked; color Without pause sorrel; red as rose east steed; is called White; somewhat hot fourth; (see note) sea (see note) complaint clad; lovely garment combed and gathered; (see note) appeared great Sometimes; (see note) false Flirtatious; glances stinging; (see note) for whoever would notice laughing; weeping Symbolizing Mixed; sorrowful; pleasure hot; happy leaf; withered and past (see note) rhetoric polished; delightful Writing songs; singing hood; red fringed above; head old fashion Boxes; carried; remedies sugared syrups belonging wholesome clad; scarlet such a one ought (see note) (see note) adorned; two; (see note) likes; (see note) Wan; lead takes from her no other attire peasant painted; (see note) Bearing theft; climb; no nearer these chose advocate; (see note) Whoever; likely eloquent tongue skill; learn discourse; meaningful doffing; a little Asks; gathering soon showed whosoever either dishonor; (see note) pains; reward flower of love strongly; reprove; (see note) misfortune she called her slander; defamation injurious living blame on; (see note) above since; deified Partaking; wisdom injury; high such give (see note) punishment; decree thoroughly; discussed dishonor; (see note) pain illness incurable abominable dismal anxious legalistically; fashion; (see note) also from you gloom; (see note) thoughtfulness disease poverty aggressive judgment; too so shows vicious seat; quickly read a verdict definitive (see note) illness; cure pain eyes mingled unpleasing, rough; hoarse fair complexion wan appearing each Thus cup; leper sad awoke convocation mirror; reflection; (see note) (see note) If; woeful enough; knows; (see note) sorely intemperate; move; arouse ill-natured behind circumstance As knocked; then called; (see note) haste grief prayers; somewhat; (see note) know right away what cheer explain wrath looked; leper Wringing lived help illness; doubled sorrow enough lamented recognized manner; go food; charity live; world fate; (see note) beaver; (see note) cup; in complete secret gate Conveyed (see note) leper house alms deformed boils altered great anguish continual covered; (see note) knows wretched food; lodging Without; turned herself complaint sunken; (see note) wretched on earth happiness; deprived completely no medicine; sorrow; (see note) Cruel; evil; fate joy is banished; woe growing if I buried were hear of it; (see note) chamber gaily furnished; (see note) broad; tapestries embroidered light meal cups; shining sweet meats saffron sauce; (see note) lovely lovely linens; broach lost; fame garden; plants (herbs) (see note) flower bed when; (see note) hear; blackbird; thrush go court decorated; particular; (see note) earthly creatures ruined; fate; skewed leper lodge; lovely chamber; (see note) straw choice; food; then moldy; pear juice; cider; (see note) Except for; gone raw as a rook's; rough and hoarse bearing; excelling; (see note) loveliness; worthy (see note) person now desires; (see note) Immersed in; sorrow lodged; folk fickle fortune mirror (example) worse; (see note) praise ears rosy complexion; return passes stirs; (see note) struggling lay awake sorrow; unhappy be remedied; abate leper; rose; went kick only doubles; (see note) (see note) learn; (see note) live; folk; (see note) option; went until cold; extreme utter (loathsome) as chieftain war praise rode; (see note) lepers dwelt one voice; (see note) shook [their] cups vigorously (see note) alms give did pass knowing eyes; (see note) glance plight; (see note) visage glances own Had an image of image; in certain cases impressed similar state remembered kindled hot fever; sweat collapse became too weak moment neither knew the other in memory belt jewel; (see note) fling; (see note) rode; (see note) until sorrow often times alms Each; secretly whispered yonder; knowledge an act of charity; (see note) (see note) steel; pain recovered; sighing sore alas; (see note) pains beset deprived of hope before; stopped; (see note) loyalty; gentility enmeshed; (see note) climbed; wheel so high; (see note) myself; (see note) (see note) gained their good opinion let; know; out there Test advise a weathercock instability Brittle; (see note) as; (see note) As; faith know praise (see note) bequeath; (see note) toads; torn jewelry as a love token sorrowful death; known soul wild; marshes broach as tokens fell over sickness fell over break; ready can [do or say] wrote her; epitaph statement (see note) formerly a leper virtue admonish Mix; (see note) (see note) Since; (see note) |