5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150 155 160 165 170 175 180 185 190 195 200 205 210 215 220 225 230 235 240 245 250 255 260 265 270 275 280 285 290 295 300 305 310 315 320 325 330 335 340 345 350 355 360 365 370 375 380 385 390 395 400 405 410 415 420 425 430 435 440 445 450 455 460 465 470 475 480 485 490 495 500 505 510 515 520 525 530 535 540 545 550 555 560 565 570 575 580 585 590 595 600 605

This lusty Maii, the quhich all tender flouris By nature nurisith with hir hote schouris, The felde oureclad hath with the tender grene, Quhich all depaynt with diverse hewis bene, And everything makith to convert Agayn the stroke of winter, cold and smert. The samyn moneth and the sevynt ide, The sonne, the quhich that likith not to hyde His course, ascending in the orient From his first gree, and forth his bemys sent, Throu quhich he makith every lusty hert Out of thair sleuth to walkyn and astert And unto Maii to done thair observance. Tho fell it me into remembrance A thing the quhich that noyith me full sore, That for to rest availith me no more; Bot walking furth upoun the new grene, Tho was the ayer sobir and amene, And solitare, allone without my fere, Unto a bonk, quhare as a small ryvere Makith his course doun by a woddis side, Quhois levis fair did all the bewis hyde, I past me furth remembring to and fro, All on this warldis changeing and his wo, And namely on the suffrance and the peyne Quhich most hath do my carefull hert constreyne,1 The quhich as now me nedith not report. For thare is non that likith to support, Nor power has; quharefor I will sustene, And to no wicht I will compleyne nor mene, Bot suffering furth, as I have done tofore,2 Myn hevynes and wo: quhat is thare more? Wele long I walkit there, till at the last Myn eye estward agayne the sonne I cast, Quhare as I saugh among the levis grene A lady, quhich that was rycht wele besene, And als fresch in hir beautee and array As the bricht sonne at rising of the day. Of coloure was sche lik unto the rose, Boith quhite and red ymeynt; and I suppose One gudliar that Nature nevir wrocht; Of lustyhede ne lakkit sche rycht nocht.3 My spirit coud nocht resemble hir, nor gesse, Bot unto Dyane or sum hie goddesse. And prevely I hid me of entent Among the levis to here quhat sche ment. And forth a passe sche walkit sobirly There as I was and passing cam so ny That I persavit have upoun hir chere The cristall teris falling from hir eyne clere. It semyt wele that wo hir hert constreynit, Sche sorowit, sche sikit, sche sore compleynit; So sobirly sche spak that I no mycht Not here one word quhat that sche said arycht. Bot wele I herd, sche cursit prevaly The cruell vice of causeles Jelousye. Sche wepit so a quhile, till at the last With that hir voce and eyne to hevin sche cast And said, "Goddesse Imeneus, thou rewe Of me, into thy dangerouse bound of newe Ycome. Allace! Quhich be the cause that I Am turment thus, withoutyn cause or quhy, So sudaynly under youre strong lowe, For it the quhich is unto me unknowe? As als sekirly here in thy presence, Geve evirmore I did in suich offence, The scharp deth mote perce me throuch the hert4 So that on fute from hens I nevir astert. Nor nevirmore it was in myn entent; Thareof I am both hole and innocent. And, gif I say false, Pluto that is king, Quhich the derk regioun hath in his governyng, Mote me into his fyry cart do ta, As quhilom did he to Proserpina, And thare my body and my soule also With him ay duell in torment and in wo. O Dyane! Goddesse of fredome and of ese, Under quhom I have bot thraldome and disese, Litill of treuth, of gladnese, or plesance, So helpith me agayn this waryit chance, For of this gilt thou knowis wele my part; And Jupiter, that knowith every hart, Wote that I am sakelese - me defende! Ne for no want, nor for to have commend, Not say I this, for here nys non bot ye, Of thilk hid thing, that knowith the veritee;5 And sen thou wote that my complaynt is treuth, Of pitee, than, compassioun have and reuth; My life to gone mak on ane othir dance,6 Or me delyvir of this warldis chance; Quhich is to say that efter as I deserve That I may lyve or sodaynly to sterve." And thus apoun the goddis can sche crye, And evir among sche cursit Jelousye; With that sche sichit with a rycht pitouse chere; Allace, gret reuth hir pleynyng was to here. Hir coloure, quhich that was so fair to sene, It changit oft, and wexit pale and grene. Hir to behold, thare was no gentill hert Than ne schuld have compassioun of hir smert,7 To sene from hir lusty eyne availle Tho glettering teris, als thik as ony haile As thai descendet from the ayr abone Upoun the lusty colourit rose in June, Quhen thai ar fairest on thair stalkis newe; So was the teris upoun hir fresch hewe. Allace, hir chere! Allace, hir countenance! For to behald it was a grete pennance. And, as I was uprising for to go To confort hir and counsele of hir wo, So come one othir lady, hir allone, The nerrest way unto hir is sche gone; And one thai tuo ysamyn gan to fare, Bot quhens thai past I can nocht you declare. Bot quhen that thai out of my sicht were gone, And I in wod belevit me allone, My goste hath take in sad remembering This ladies chere and wofull compleynyng,8 Quhich to my hert sat full very nere; And to myselfe I thocht in this manere: Quhat may this mene? Quhat may this signifye? I can nocht wit quhat is the cause or quhy This lady suffrit this strong adversitee; For, as me think, in erde suld nothing be Possible to ony wicht of wele-willing, As ony richesse or hertis cherising, And everything according to plesance, Than sche thareof suld have full suffisance9 To gladin hir and plesyn with thair chere, Bot deth of lufe or deth of frendis dere, Quhich is inpossible for to bring ageyn. For thing possible, me think, sche suld nocht pleyne;10 For sche, for fairhede and for suete-having, Mycht wele accorde for ony wicht lyving. Bot tho it fell into my fantasy How sche so oftsyse cursit Jelousy. Than thoucht I thus: gife lyvis ony wicht Quhich fynd into his cherlisch hert mycht Thus for to turment suich one creature, To done hir wo, to done hir payne endure, Now wele I wote - it is no questioun - Thare lyveth none into this erth adoun, Bot he be cummyn of sum cherlisch kynd, For othir wayis, forsuth, I can nocht fynd, He suich one lady wold in ony way displese, Or harme do to hir honour or hir ese. Be as be may, yit my consate me gevith This Jelousye, the quhich that sche reprevith, Annoyith hir, and so it may wele be Ofe evill condicioun evirmore is he, As the Devill, ay birnyng into hate, Full of discorde and full of frese consate. Howevir it stonde, yit for this ladies sak Sa mekle occupacioun schall I tak Furthwith for to syttyn doun and writt Of jelouse folk sumthing into dispitt; And quho be wroth, or quho be blith, here I Am, he the quhich that sett nothing thareby. For ladyes schall no cause have, gif I may, Thame to displese for nothing schall I say, And gif I do, it is of negligence And lak of connyng and of eloquence, For it is nothing into myn entent To say the thing schall mak thame discontent; Nor yit no faithfull lover to displese, Nor schewe nothing in contrare of thair ese, Nor of no wicht of gude condycioun, Bot of this wickit ymaginacioun, Quhich by his name is clepit Jelousye, That every lovere hatith of invy. And thouch all suich were wode in thair entent As Herculese, quhen he himselven brent, Or cursit Nero, quhen he his perile sawe, Of his own hond ymurderit and yslawe, Ne rek I not, nor geve I of thame charge - 11 Lat thame go saile all in the Devillis barge! And quhethir thay flete or into hell synk, Yit schall I writen efter as I think. And ye loveris that stondith furth in treuth, Menyt eke, compassioun have and reuth How ladies evill demanit ar oftsyse12 By this foule wrech. Go! Helpith him dispise, And to compleyne thair treuth and innocence, That mekle suffrith throuch thair owin pacience. And of my termes and my rude endite Excusith me sett thai be inperfyte, Beseking you at Lovis hie reverence, Takith gude will instede of eloquence. For as I can, non othir wyse I may. Thus I begyn, and on this wise I say: O tendir youth, that stant in innocence, Grundid on treuth, sadnes, and pacience (Wommen I mene), all vicis contempnyng, That void ibene of every violens, And full of pitee and benevolence, Humble and wise, rycht sobir and benig, And full of merci unto everything In suffrance, scant of mony grete offense, Full paciently into this erth lyving Under thraldome and mannis subjectioun, And mekly suffrith thair correctioun. Allace, the wo! Allace, the sad grevance! Ye, suffering men of evill condicioun, Quhich hath no pitee and lakkith discrecioun, And bene ysett under thair govirnance, Youre suffering thare is mony one hard mischance, Youre fairhede goth, your youth is brocht adoun With weping teris ay full of strong penance. Loveris compleyne, and every gentill wicht Help for to mene, help for to waill arycht; Compassioun have and reuth upoun the nede, In helping and supporting at your mycht Thame quhich that of youre gladnese is the licht, That is to say, all lusty womanhede, Quhich you in lufe and chevalry doth fede, But quhom this warldis gladnese from his hicht Schold sone avale and fallyn out of drede Into this erth; quhat is oure gladnese here, Iff that we lak the presence and the chere Of thame that bene this worldis hole plesance? Quhat ar we worth, gif that thair help ne were? All vertuouse womman Salamon holdith dere, And mekle worth of thair govirnance. Thai ar oure ese; thai ar oure suffisance. From viciouse women passith my matere,13 Thai most all gone apoun one othir dance. Allace, the wo - quho can it specify?- That wommen suffren ay withoutyn quhy Into this erth in dangere and in vere. And to recist agaynis tyranny Is no defense; thai have to pas thareby Bot weping with the teris of thair chere, With syking, wailling, pleynyng, and prayere; And evirich thing sustene thai paciently: Thus livith ay thir sely women here. This mene I: all be wickit men oftsyse That giltles dooth thir ladies to supprise14 Withoutyn cause of ony maner thing, And namely, by thair varyit tyrannyis, The cruelteis, the wikkitnes that lyis In Jelousy and false ymagynyng, Quhich harmyth all this world by his demyng, Of quhom I think sumthing to devise And schewe to you here, eftir my connyng. Quho schall me help, allace, for to endite, For to bewaill, to compleyne, and to write This vice that now so large is, and common? Quhat sall I say? Quhom sall I awite? For hie nor low is non estate to quyte, Now all hath fele of thilke poysoun. Allace, this false and wickit condicioun The lustyhede and every glade delyte Hath of this world full nere ybrocht adoun. For in the tyme was of oure elderis old, Quhen Jelousy abhominable was hold, Quhareofe eschamith every noble wy, Than was thir ladies ever in honour hold, Thair lustyhede, quhich causith monyfold Fredome, gentrise, disport, and chevalry; Thai syng, thai dance, and makith company. Thame to defame was non that durst nor wold, As now thai do withoutyn cause or quhy. And yit I wote thir ladies bene echone Als trew and sad as ony tyme aygone, And ar to blame als litill or repreve; Bot now thai mon thame uttirly dispone To duell as doth the anker in the stone, Yf that thai think undemyt for to leve; So fast encressyn can this false beleve That in this world fewe ladyis ar, or none, Quhich schall unsclanderit from his tong escheve. For ife sche makith chere or company, As they were wount, he raisith up his cry; And yfe sche loke, he jugith of hir thocht; And sett sche loke or speke unto no wy, Yit evill he demith in his fantasy; And be sche glad or wele besene in oucht, This tyrane saith it is nat do for nocht. Allace! By him the harm withoutyn ony quhy Is every day into this world ywrocht. And ife a spouse stant with this vice, iwys, All thing is said, all thing is wrocht amys In his consate; and gif that ony way Fro home he goth, his spy he schall nocht mys, That feynith tailis - nothing as it is - To plesyn him, for sumthing mon he say. Than goth all rest, than goth all pes away; Farewele of lufe the gladnese and the blis, Fro he cum home als ferfuth as he may. And yit to hir is double wo and grame, For thouch that he be gilty in the same Full mony a lady nothing dare sche say; And yit thir ladies in Jelousy to blame Ar nocht as men, for men haith now no schame To be in love as double as thai may - Thir ladies thus full mony a cause have thay. And thouch he speke, it hynderit nocht his name;15 And ife sche loke, it harmith hir allway. This may be clept a wrech intill his mynd, For, as we may in old bukis fynd, In lak of hert ay stant this maladeye To him the quhich supposith aye behynd And verreis to stond in lufis kynd. For Salamoun saith, "Ane noble hert nor eye Haith to enquere of ladis, nor espye, Nor thame misdeme into thair treuth unkinde," As doth this wrech, that hot is Jelusye; Of quhom into contempnyng and dispite My will is gude for to declare and write. Suppose of wit I empty be and bare, Thou Ecco, quhich of chiding is perfyte, I thee beseke thou helpith me to flyte, And Thesiphone, thou lord of wo and care, So helpith me this mater to declare On Jelousy his malice to acquyte With the supplee of every trewe lufare. Here efter folowis the trety in the reprefe of Jelousye. The passing clerk, the grete philosophoure Sydrake, enspirit of hevinly influence, Quhich holdyn was into his tyme the floure Of clergy, wisedome, and intelligence, Into his bukis declarith this sentence To Bokas King, amang his doctrinis sere, Of Jelousy, and saith in this manere: He clepith it foly of one ignorant, The quhich evill humoris makith to procede, As hert corrupt, or quho it list to hant;16 Malancholy it raisith up but drede, That lust of slepe, of mete or drink, of ded; And wit of man confusith it all plane With this hote fevir that is cotidiane. And suth it is by resoun, as we fynd, That this suspicioun and this Jelousye Is and cummith of the veray kynd Of Herubus, the quhich that of Invye The fader is, and be this resoun quhy For evirmore in rancoure and in ire, As Ethena, he birnyth in the fyre. Thus with the cheyne of sorow is he bound Furth in this world full of adversitee, His frendschip to no wicht it schall be found. Quhy in himself ay at debate is he? Withoutyn lufe, withoutyn cheritee, In his consate and his ymagynyng Ay to the worst he demith everything, That in this erth lyveth thare no wicht Of no condicioun nor of no degree, In his presence that wisedome has, nor micht, To reule himself in ony wyse than he Schall deme thareof amys, ysett he be Als chaste, als trew, and reule himself als wele As evir hath do the prophete Daniele. For every thocht and luke and countenance Suspect he holdith into his demyng, And turnyth all to harm and to mischance. This tygir with his false ymagynyng Lith as a devill into this erth lyving, Contenyng aye in anger and in hate - Both with himself and otheris at debate. But cheritee thus evirmore he levith, Quhich Crist of wedding clepith the habyte, But quhilk of hevin every wicht belevyth, But of the blisse and of the fest is quyte.17 And Paule thus to the Corinthies doth writ Of faith, of hope, and eke of cheritee; The last the most he clepith of the thre. And he declarith in the samyn chapture That thouch men be as angelis eloquent, Or all thair gudis gyvith to the pure, Or yit for Crist ysuffering suich turment To be yslawe, ymarterit, or brent, Or doth all gude the quhich that may be wrocht, And lakkith cheritee, all it availit nocht. And every wicht that hath discrecioun wote That quho thus lyvith into Jelousye, In ire and malice birnyth ay full hote, From worldis joy and hevinly companye Excludit ar thus throu thair false invye; And oft thareof cummith mischance, As strife, debate, slauchter, and vengeance; Quhareof I coud ane hundreth samplis tell Of stories olde the quhich I lat ourego; And als that in this tyme present befell, Amongis quhilk we fynd how one of tho His lady sleuch and syne himselfe also In this ilk lond withoutyn ony quhy But onely for his wickit gelousy. Of quhich full mony ensample may we fynde Of olde ygone and new experiment, That quho this gilt hauntith in his mynd, It hath bene cause quhy mony one were schent;18 Sum sleuch himself, and sum of evill entent From innocentis bereving oft the lyfe; Sum sleuch his lady, and othir sum his wife. And Jelousye hath evir suich a tong That from the malice of his hert procedith, By quhich that sclander wyde quhare is rong, And Crist he saith, "That quhom of sclander dredith, Wo be to him!" and, more, unto him bedith Away the sclanderouse member for to kerve,19 Quhich dampnyth you eternaly to sterve. And the first verteu, as poetis can declare, Is tong with wysedome to refreyne and stere, Quhich unto God is nerest evirmare; And Salamoun saith, "Fer better that it were Allone to duell with lyouns than be nere A sclanderouse tong of chiding and of hate," So odiouse he holdith suche debate. A poete saith that nevirmore is pes, Quhare suich a tong hath dominacioun, Nor yit the tong the quhich that can nocht ces, Ay schewing his evill ymaginacioun, And hath of langage no more discrecioun Than he the quhich that talkith in his slepe; Nor unto him aucht no wicht takyn kepe. Approvit is by resoun and scripture Of Crist and His apostlis evirilkone, By prophetis, doctouris, poetis, and Nature, Of quhom this vice, of quhom this gilt is tone, And quhens he cummith, and quhider he schall gone; Quhich is to say that Jelousy, at schort, Commyth of the devill, and thedir schall resort. As onys of one emperoure we rede, One haly man, and clepit was Henry, In prayer, fasting, and in almouse dede; And for no cause bot for his Jelousye, The quhich he caucht, and for non othir quhy, Upoun his lufe trew and innocent, Efter his deth he come to jugement. And thare, as into revelacioun Till one of oure faderis old was sene, He had ressavit his owin dampnacioun For the ilk gilt of Jelusy I mene, Had nocht Laurence the blisfull marter bene By merci of oure blisfull Salvioure: Suich is the fyne of all this false erroure. And quhareof long it hath bene said or this "That of hote lufe ay cummith Jelousye," That sentence is interpret to amys, And, schortly said, nocht understand the quhy. For it is nocht for to presume thareby That Jelousye, quhich is of vice the ground, Is into lufe or in a lufar found. For jelousy, the quhich of lufe that risith, Is clept nothing bot of a simple drede, As quhen thir lufaris remembreth and avisith, Sum of thair wo and sum apoun thair nede, And sum of gladnese, that doth of lufe procede, Throuch quhich thair hertis brynt ar in the fyre, Sum of grete raddoure, and sum of hote desire. Than everything thai dout that may thame make Of lufe the grettest plesance to forgo, Throuch quhich sum lufaris hath suich drede ytake That it to thame is hevynes and wo; Bot, natwithstonding, ay thai reule thame so Thair drede it is to every wicht unknowe - Thame likith not to sclander nor to schowe. Thir jelousyis full diverse ar of kynd. The tone, it harmith to no creature, Bot secrete ded and symple, as we fynd, That lufaris into lufing most endure; That othir bereth all one othir cure: He sclanderith, feynyth, defamith, and furth criyth, And lufe and every lufar he invyith. O wofull wrech and wickit, evill consate! O false suspicioun nurist full of hate, In hevyn and erth thi harm is boith ywritte! O cruell serpent aye lying in awayte! O sclanderouse tong, fy on thy dissayte! Quhare that thou lovith thou feynyth, that ypocrite; That thou art jelouse, lufe thou gevith the wyte - Thou leis thareof, as that I schall declare To understand to every trewe lufare. For every wicht that is with lufe ybound, And sad and trewe in every faith yground, Syne likith nocht to varye nor eschewe; Rather suffer schall he the dethis wound Than into him schall onything be found That to this lady may displese or greve, Or do to hir or to hir fame reprefe, For his desire is althir most to se Hir stand in honoure and in prosperitee. And contrair this thy cursit violence Staunt ay for quhy; thi sclanderouse offense Harmith thy lady most of ony wy, Quhich stryvith evir agayn hir innocence, That hath no suerd bot suffrance and pacience For to resist agaynis hir inymy, The quhich thou art; and be this resoun quhy: Thou uirkith that quhich may hir most annoye, That is to say, hir worschip to distroye. For every lady of honour and of fame Lesse settith of hir deth than hir gud name; Oft be experiment previth it is so Of mony o lady quhich done the same, Rather chesyn can thair deth than blame, So lovyn thai thair honoure evirmo. Fy on thee, wrech! Fy on thee, lufis fo! That for to sclander hath no schame nor drede The innocence and fame of womanhede. Quhat helpith thee be clepit hir lovare, Syne doith all thing that most is hir contrare? Quhat servyth it? Quhat vaillith it of ocht? Forgo thy lady schall thou nevirmare, And set hir corse be thine, yit I declare Hir hert is gone, it servyth thee of nocht, Thare is no lufe quhare that such thing is wrocht; And thouch sche wold, it is, as thou may fynd, Contrair to lufe, to resoun, and to kynd. Thus of thi lady makis thou thy fo, Quhois hert, of resoun, most thou nede forgo Be thyne owin gilt, may nothing it appese; And every othir lady schall also Ensample tak to adventure evirmo Under thine hond thair honour or thair ese; And yfe thai do suppose thai have disese, Quho schall thame mene of weping, eve and morowe, Quhich seith tofore, syn rynnyth on thair sorowe?20 To every lady schortly I declare That thare thou art beith thare nevirmare Rest nor quyete, treuly to conclud, Nor grace, nor ese, nor lyving in welfare, Bot everything of gladnese in his contrare. For barane ay thou art and destitud Of everything that soundith unto gude; A lady rather schuld hir deth ytak Than suich a wrech till have onto hir mak. Quhare is thi wit or thy discrecioun, Quhich be thine evill ymaginacioun In sewing thingis the quhich that bene unknewe? Quhat helpith thee thy false suspicioun? Or quhat availith thy wickit condicioun To sayne or done that thou most efter rewe?21 O nyce foole, thine owin harm for to schewe! Drink nat the poysoun sene tofore thine eye, Lest thou corrupt and venymyt be thareby. For yf thee lestith as thou hath begonne Of Jelusy to drinkyn of the tonne, Thare thy confusioun sene is thee before, Thou wo yneuch unto thyself hath wonne. Farewele of lufe, thy fortune is yronne; Thy ladyis dangere hath thou evirmore, For thy condicioun greveth hir so sore, And all thi lufe furth drivyth in pennance With hevynes and suffering grete mischance. For it hath bene and aye schall be also, Thou Jelousy in angir and in wo Enduryn schall thy wrechit, cursit life, Yfret rycht by the suerd of cruell syte a two, Thy stormy thocht ay walking to and fro As doth the schip among the wawis dryve, And not to pas and note quhare to arryve,22 Bot ay in drede furth sailith eve and morowe, So passith thou thy worldis course in sorowe. For scharp wo doth so thi dredfull goste bete That, as the tree is by the wormis frete, So art thou here ay wastit and ybrent And birnyng as the tigir ay in hete. Quho lyvth nowe that can thi wo repete? Bot in thiselfe thou sufferith such torment, Leving to deth ay in thin owen entent; Thyne owin harm consumith thee, and annoyith, And both thi body and thi soule distroyith. Bot sith it is thou failith not one of two:23 That is to say, into this erth in wo Ay to endure, or efter to be schent Eternaly withoutyn ony ho, And wele accordith it for to be so. Quho is thi lord? The fader of haterent, And quhens that cummith every evill entent, Quhois love thou ay full besyly conservith, For thi desert rewardith thee and servith. Thus may thou fynd that proffit is thare non In Jelousy. Tharefore thou thee dispone, My counsele is, playnly and forsee This fantasy to leve quhich thou hath tone24 And furth among gud falouschip thou gone, Lyving in ese and in prosperitee And love, and eke with ladies lovit be; Gif so thee likith not, I can no more. Thus I conclude schortly, as for me, Quho hath the worst I schrew him evirmore. You loveris all rycht hertly I exhort This litill write helpith to support; Excusith it, and tak no maner hede To the endyte, for it most bene of ned. Ay simpill wit furth schewith sympilnese, And of unconnyng cummith aye rudnese. Bot sen here ar no termes eloquent, Belevith the dyté and takith the entent, Quhich menyth all in contrair lufis fo, And how thir ladies turment bene in wo And suffrith payne and eke gret violence Into thair treuth and in thair innocence, As daily be experience may be sene; The quhich, allace, grete harm is to sustene. Thus I conclude with pitouse hert, and meke: To every god that regnyth, I beseke, Above the erth, the watir, or the aire, Or on the fire, or yit in wo and care, Or yit in turment, slauchter, or mischance, Or mycht or power hath to done vengeance Into this erth, or wickitnese distroye, That quho thir ladyis likith to annoye, Or yit thare fame or yit thaire ese engrewe, Mote suffryn here and fallyn grete mischewe Into this erth - syne with the falouschip of hell In body and soule eternaly mot duell. Explicit quod au

invigorating (life-giving); which; flowers; (see note) nourishes; her warm showers field has covered over; green; (see note) emblazoned; colors is makes everything turn Away from (Against); harsh; (see note) [In] this same month; seventh ides; (see note) sun, which does not like to hide; (see note) east degree; sent his beams forth Through; joyful heart sluggishness; awaken; leap up May; do; (see note) Then which troubles; very keenly [So] that forth Then; air calm (mild); pleasant; (see note) alone; companion; (see note) bank; where wood's Whose leaves; boughs hide went on reflecting; (see note) world's inconstancy; its misery; (see note) suffering; grief I need not (it is not needful for me to) report there; none who wants to assist [me] wherefore; be strong person; complain; lament My sorrow (misfortune); anguish; what Very; walked eastward towards Where; saw; green very well-dressed (good-looking) as youthful (fresh); appearance bright she like; (see note) Both white; mingled; think better [than]; never made could not; compare; consider Except to Diana; some exalted; (see note) secretly; myself on purpose hear; said while; walked quietly; (see note) Where; near perceived; face crystal (shining) tears; eyes bright; (see note) seemed very much; heart distressed lamented; sighed; complained spoke; might hear; clearly (aright) cursed in private; (see note) cruel; causeless (i.e., unfounded) wept; while voice; eyes; (t-note) Hymen; take pity; (see note) On me; domineering bond recently Come. Alas! What is the reason tormented; without; reason suddenly; law For something that is unknown to me also surely If at any time; such foot; here; never escape Of that [offense]; free from blame if; (see note) dark region (Hades); under his rule May; fiery cart; take; (see note) once there always live (stay) Diana; freedom; tranquility; (see note) whom; only servitude; suffering Little; joy (pleasure) beleaguered circumstance accusation (offense); know who; heart; (see note) Know; blameless; defend me since; (see note) (see note) Or [else] deliver me from; world's fortune according to what I suddenly; die upon; gods did she cry continually sighed; piteous expression; (see note) [a] great pity; complaining; hear see changed often; turned (waxed); green (t-note) bright eyes drop Those; thick; any; (see note) air above Upon; brightly colored they (i.e., roses) are; new stems (stalks) were; complexion Alas; expression (face); (see note) hardship (penance) getting up comfort another; alone (i.e., by herself) quickest (nearest) one [direction] they two together began to take But where; went; tell sight wood left by myself alone; (t-note) near (close) thought mean; (see note) understand; reason suffered as it seems to me, on earth should benevolence [Such] as; wealth; heart's affection conforming; desire (pleasure) gladden; please; mirth Except death of loved [one]; dear friends impossible; back (t-note) because of beauty; pleasant demeanor be compatible with then; imagination; (see note) often Then; if any person lives; (t-note) Who finds in his churlish heart [the] Thus to torment such a do her injury; make her endure suffering none [such] down on this earth Unless; is a descendent; some churlish race; (t-note) ways, in truth (forsooth) a; would pleasure; (t-note) yet my mind tells me blames (condemns) Troubles (Harasses) Of wicked character Devil, forever burning in cruel judgment stands; lady's sake I will take very great pains Right away; sit; write jealous people; in contempt whoever; angry; happy (blithe) he who takes no account of that if To be displeased by anything I will say; (see note) [because] of lack of skill (knowledge) in my [that] shall make them show; contrary to character Except; wicked imagination (inventiveness); (see note) called That hates every lover [because] of enmity though; mad; purpose when he burnt himself; (see note) peril saw; (see note) hand murdered; slain (i.e., suicide) Devil's; (see note) whether; float; sink; (see note) write according to what continue to be steadfast in devotion Lamented also wretch (Jealousy); [to] despise him proclaim; integrity suffer greatly; own phrases; unlearned verses; (see note) although; imperfect Beseeching; by Love's high; (see note) good other way begin; in this way tender; stands; (see note) Established vices spurning empty are; all violence; (t-note) pity gracious; (t-note) tolerance, free on servitude; man's subjection; (see note) meekly endure; punishment (see note) You, putting up with; bad character; (see note) Who have; pity; lack are placed many a; misfortune beauty goes; brought gentle (i.e., noble); (see note) complain (moan); lament well when necessary by Those whom; light delightful (beautiful) womankind Whom; love; chivalry do sustain Without; world's; its height Should soon drop; fear kindness those who (i.e., women); whole; (t-note) if their help (favor) did not exist virtuous women Solomon holds dear; (see note) much delight; satisfaction must; go upon a different (see note) suffer always without reason In; fear resist against [Offers] no defense; pass Only; faces sighing, wailing, complaining every; bear these innocent Without various tyrannies; (see note) cruelties; wickedness; lies; (see note) treacherous (untrustworthy) imagination harms; its judgment plan something according to my knowledge (ability) compose; (see note) is now so widespread What shall; accuse rank to be acquitted [the] feeling of this poison joyfulness; glad delight very nearly brought time; elders When; held (considered) Of which was ashamed; person Then were these ladies; held joyfulness; abundant generosity, courtesy, entertainment none; dared; would each one faithful and sober as [at]; past culpable must wholly incline themselves live; recluse; stone [cell]; (see note) If; uncondemned; live expanded has; belief [there] are unslandered; tongue escape entertains wont looks Even though; speaks; person Yet; assumes; fancy (deluded imagination); (see note) dressed at all tyrant; not done for no reason reason in; done if; sides with; indeed done amiss if any From; goes; miss Who makes up tales (i.e., the spy) please him (i.e., the spouse); must goes; peace Farewell the gladness and the bliss of love When; quickly grief guilty have; shame duplicitously (see note) Yet; forever called; in his mind books find This malady ever consists of lack of courage who believes [himself] always behind hesitates to be steadfast in love's nature; (see note) A noble heart; (see note) Has [neither] to investigate ladies; spy misjudge in; faithfulness impiously is called in scorn; contempt (defiance) desire; good (strong) who; perfect; (see note) beseech; attack/rail Tisiphone (one of the three Furies); (see note) repay assistance; true (faithful) lover treatise condemnation surpassing (preeminent); (see note) Sidrak, inspired by heavenly Who was held in; flower Of knowledge (doctrine) In; books declares this wisdom King Boctus, among his various doctrines; (see note) calls; [the] folly of an ignorant person; (see note) It (Jealousy) raises up melancholy without fear desire for; food or drink; death it (Jealousy) confuses fully hot (intense) fever; recurring; (see note) truly arises from; true nature Envy; (see note) father; [the] reason why rancor Like Etna; burns; (see note) chain charity judges (believes) [Such] that; there lives rank might conduct; way but that he (i.e., Jealousy) judge (think); wrong, even if (although) (t-note) ever did; (see note) look in; judgment tiger; (see note) Lurks as a devil living on this earth Persisting at odds (see note) Corinthians; (see note) charity greatest; calls same chapter [as] eloquent as angels goods give; poor slain, martyred good which; done (wrought) lacks; helps not at all (does no good) who has moral judgment lives in burns; very intensely (hotly) world's; heavenly hatred (malice) comes trouble [Such] as; murder (destruction) Whereof I could a hundred examples let pass by also [stories]; present time happened; (see note) Amongst which; find; those killed; afterwards same land; reason only because of; jealousy many example[s] observation sin practices (dwells on); mind Often took the life of innocents always; (see note) arises from the malice of his heart slander widely there; rung (sounded) fears; (see note) bids; (t-note) damns; eternally; die virtue; poets know how to declare [the] tongue; restrain; command (steer) nearest Far; (see note) Alone; dwell; lions; near he (Solomon) peace; (t-note) dominion which cannot cease making known Than he who; (t-note) ought; heed It is proved apostles every one sin; derived (conceived) whence; whither Which; in short Comes; thither; return once; an; read; (see note) A holy; called works of charity except conceived (caught); no; reason Upon; (see note) After; came there (i.e., at judgment); in divine communication To; fathers; seen would have received; own damnation very sin blissful martyr; (see note) mercy; Savior (i.e., Christ) conclusion has been; before hot; comes; (see note) proverb is greatly misinterpreted the reason not understood not [appropriate]; thereby foundation; (t-note) in which rises from called; blameless fear lovers reflect; deliberate need; (t-note) Through; hearts are burned terror Then; fear Forego the greatest pleasure of love some lovers; taken control themselves so [that] It pleases them neither; reveal jealousies; different; in nature; (see note) The one secret deeds and blameless [ones] lovers in loving must other (i.e., Jealousy) has; another concern cries out lover; feels ill-will toward deplorable wretch nourished heaven; your; written ambush; (see note); (t-note) fie; deceit; (see note) love; feign, who [are a] hypocrite; (see note) give the responsibility; (t-note) lie about that Both sober Afterwards does not like to change; flee; (t-note) death's; (t-note) anything; (t-note) grieve; (t-note) reputation disgrace; (t-note) most of all to see; (t-note) (t-note) against; (t-note) Stands; for this reason; your anyone; (t-note) struggles/fights always against sword except endurance; (see note) enemy for this reason do (work) honor; (t-note) Sets less store by; good; (see note) by observation demonstrates many a; who did did choose (chose) So do they forever love their honor Fie; love's foe reluctance (hesitation); fear What [does it] help you [to] be called Since [you] do; against her What good does it do You shall never give up your lady But even though her body heart where; done (wrought); (t-note) would like [to give it] Contrary; nature your lady you make your enemy Whose heart; you must needs forfeit By your own sin (see note) Be warned against risking ever again hand think; suffering (see note); (t-note) (t-note) wherever you are [there will] be nevermore; (t-note) quiet, truly comfort; living in security (t-note) barren; destitute; (t-note) has a tendency towards take; (see note) to have as; mate; (t-note) pursuing bizarre things What does your false suspicion do to help you what use is (t-note) ignorant; own ruin poison; before contaminated; poisoned it pleases you; begun drink; cask There enough; won luck has run out lady's resistance (disdain); (see note) oppresses pursues (t-note) been (t-note) Shall endure; wretched Pierced; sword; anguish in; (see note); (t-note) (see note) ship; waves drive in fear keeps sailing will you spend; world's fearful spirit scourge (beat); (t-note) worms devoured; (t-note) wasted (laid waste); (t-note) burning; tiger; heat; (t-note) Who lives now; repeat; (t-note) (t-note) Living; own mind (thought); (t-note) consumes; (t-note) (t-note) (t-note) on; (t-note) afterwards; destroyed; (t-note) pause; (t-note) is it very just; (t-note) father of hatred; (t-note) whence; comes; (t-note) Whose; diligently maintain; (t-note) (t-note) profit; none; (t-note) therefore make yourself ready; (t-note) and fully prepare (see note) good fellowship; go loved If curse lovers; earnestly; (see note) composition take no kind of heed; (see note) poetic form; must be of necessity lack of sophistication ignorance; lack of skill since; phrases Turn away from; poem; thought (intent) declares all against love's foe are tormented suffer pain In by endure compassionate heart; meek reigns; beseech (see note) whether torment, strife (destruction) Has either might or power to do On; wickedness whoever likes to oppress these ladies injure; (t-note) May suffer; come [to]; misfortune; (t-note) On; afterwards; fellowship may [they] dwell eternally (t-note)